| تحيا مصر بالبلطجة والسرقه | |
|
|
كاتب الموضوع | رسالة |
---|
ياسمينا عروسة المنتدى
عدد المساهمات : 9052 العمر : 33 الاوسمة: : النشاط : 9081 التقييم : 829
| موضوع: تحيا مصر بالبلطجة والسرقه الأربعاء سبتمبر 14, 2011 10:36 pm | |
| السلام عليكم الجمعه الجاية جمعه لا للطوارئ احنا بقينا شاطرين جدا فالمسميات كل جمعه نألف له اسم جميل يكون ع هوي حد مننا يختاره وكلنا نقول اميييييييييييين ونستجيب جدا وننزل نصححوا المسار نلغوا الطوارئ اطلب انت بس واحنا ننفذ _ الدكاترة عاملين اضراب عشان حقوقهم المهضومة في المقابل بتلاقي ناس بتصرخ من الالم ومافيش دكتور معلشي اصل الدكتور نزل فالاضراب ومش راجع الاستاذة والدكاترة عاملين اضراب عشان نفسهم الادارات اللي عندهم تتغير بالانتخاب في المقابل هتلاقي الطالب اللي نفسه يتعلم صح بيتعامل بالجزمة والاهانه ماهو الجانب الضعيف اللي الدكتور او الاستاذ هيطلع فيه همه وكل فئه لذيذه لطيفه نزلت عملت اضراب واعتصام ومظاهرات وكلهم واقفين عارفين مين اللي ماااااااااااشي البلطجي والحرامي شغالين الله اكبر عشان احنا اللي سمحنلهم بكدا خالي اتسرق من المخزن بتاعه كابلات ب10 الالاف واللي سرق طلع من السجن عشان دفع كفاله نفس الحرامي خرج وسرق عربيه في نفس المنطقه القضاء عادل عادل عادل ونفسي اسمع سلام تحيا مصر بالبلطجة والسرقه سؤالي اللطيف الظريف مصر هتتحرك ازاااااااااااااااااااي؟؟ هننزل كل جمعه ونسميها ؟؟؟ شوية العسوله وشوية الامور لحد مانخربوها | |
|
| |
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: تحيا مصر بالبلطجة والسرقه الأربعاء سبتمبر 14, 2011 11:43 pm | |
| والله يا بنتى مش عارفة ارد عليكى ولا اقولك ايه
انتى قولتى تقريبا معظم اللى جوايا
بلدنا على حافة الهاوية
والناس اللى نازلة تقولك جمعة المسار وجمعة اخر النهار دول فعلا
مش اتأذوا من البلطجية
البطجية اللى الحكومة والشرطة سايبينهم علينا عشان نخاف
ونقول ولا يوم من ايامك يا شرطة
انا بقيت خايفة فى بلدى .. تخيلى احساس الخوف اللى عمرنا ما شفاه فى بلد صغيرة زى ادكو
انا بجد حاسة بيه دلوقتى .. تعرفى انى بخاف اخرج لوحدى ولو حصلت مش بتأخر
اى حد بيكون ماشى جنبى بخاف منه
هما عاوزين منا ايـــــــــه؟
وهما ميـــــن اساســـــا ؟؟ | |
|
| |
سواااح صديق لامع
عدد المساهمات : 813 العمر : 42 الاوسمة: : النشاط : 1035 التقييم : 306
| موضوع: رد: تحيا مصر بالبلطجة والسرقه الخميس سبتمبر 15, 2011 1:15 am | |
| والله انا عاوز اقول كلمتين وان شاء الله مش هتقل
طب انتو بتقولو بلاش مظاهره تاني
ازاي بعد اللي حصل من المجلس العسكري
انا مش مع التظاهر اصلا
انا بس شايف ان ولا اي حاجه بتتغير الا بعد مظاهره
والمطلوب اننا نتمني رجوع الوضع السابق
ده الهدف وكمان كل الدول بتشوف مصلحتها فين وجواسيس وبلاوي
تدخلات خفيه ولازم نوقن بكده
حد بقي يقدر ينكر ان المجلس العسكري بيتحرك بنفس طريقه النظام القديم
انا هقولكم ازاي
افتعال مشكله يطلع قرار زي قرار الطوارئ
تحديد مسار نلغبطها ببلطجه ومش بقول ان اللي عمل كده في السفاره بلطجيه
لكن اتضحك عليهم والحماسه غلبت العقل ومفتعل الليله كلها هوا اللي ليه مصلحه
ايه اللي حصل لضباط الشرطه اللي كانو بيهينو الكبير والصغير
فين ضباط امن الدوله اه بقصد اللي اتغير اسمهم وبقو الامن الوطني
الثوره ما هي الا ان حسني وبعض الرموز القليله السابقه بس ولا اكتر ولا اقل
والله كفايه خطه التخوين
انا طولت قوي بعتزر
تبعا لما يتوافق مع المجلس العسكر ده اللي انا شايفه بيحصل
دول خلاص شافو انهم حماه الوطن وحراس البلد
وانا شايف انهم واخدينا علي المنعطف ده
يا رب ميحصلش
لانه ساعتها نبقي مشينا حسني وجبنا شارون | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: تحيا مصر بالبلطجة والسرقه الخميس سبتمبر 15, 2011 3:14 am | |
| بعد اذن الناس انا هتكلم كتير استحملونى
ومن غير ما حد يزعل منى ..... وهناخدها واحدة واحدة
احنا عملنا ثورة ولا لا ... اكيد اه عملنا ثورة اسقطنا بيها
حسنى ونظامه ... حل الحزب الوطني
الغاء أمن الدولة .... تطهير الشرطة ومؤسسات الدولة
محاكمة الجناة والفاسدين ... تحديد موعد للانتخابات
ــــــــــــــــ
فاصل صغير كدا عشان نقول مفيش اي حاجة من دي حصلت
الا لما طلعت مليونية وضغتت على المجلس العسكرى
ومحدش يقولى عجلة الانتاج عشان المليونية بتبقا الجمعة
دي اول نقطة لازم نقتنع بيها
ثانياً بغض النظر عن موافقتي أو رفضى لمليونية لا للطوارئ
رجاء لكل الناس قبل ما نحكم قلوبنا ومشاعرنا
ونردد كلام الاعلام ومحدش يقنعنى انو اتطهر
لان لو في تطهير بجد مكنوش يقفلوا الجزيرة
ال ايه مش معاها تصريح بالبث ... طيب ماهم بقالهم 4 شهور
بيجروا على ورق البث وانتو اللى مش راضيين
حتى لو مش عملوا مش في تحذيرات وخطابات
ولا هي لبس في الحيط على طول
تالت حاجة
نشوف الاول احنا معانا الشرعية الثورية ولا لا
نشوف كمان احنا مؤمنين بالثورة
ولا فرحنا بيها وبس لما سقط حسنى
انا عايز كل واحد قبل ما يقرر ويقول رأيو
يبص الاول ويحسبها في عقلوا الثورة من الاساس صح طبعا
يبقا انا هكمل كلامي ... لكن لو لا ... يبقا مالوش لازمة الكلام
اكيد كلنا اعترفنا بانها شئ عظيم
مطلوب ابني واتعلم ونتطور بجد .... كلام جميل جداااااااااااا
كنت مقتنع بيه اوي لحد كام شهر
امال ايه اللى حصل .... هنستشهد الأول طبعا بكلام الشيخ الشعراوي
الثائر الحق ... هو الذي يثور ليهدم الظلم ... ثم يهدأ ليبني الامجاد
كلنا افتكرنا اننا هدمنا الظلم .... بس اللى ظهر بعد كدا انو لسه مستمر
وموجود بنفس الفاعلية والدليل على كدا بسيط اوى
لو عايزين تعرفو الدليل .... اقرو الموضوع دا تانى بس هتقروه بفكر مختلف
البلطجية في كل مكان .... الانشقاقات الداخلية كترت اوى
مفيش اي عملية لتطوير البلد .... مفيش خطوات ثابتة لنقل السلطة
وبالاعلان الدستورى نفسو اللى حطوا المجلس العسكرى
بعد ما ضحك على كل اللى قال نعم واللى قال لا
المادة 59 بتقول يحق لرئيس الجمهورية تفعيل قانون الطوارئ لمدة 6 اشهر
ولا يتم تجديدها الا بموافقة مجلس الشعب واذا لم يكن هناك مجلس الشعب
يتم عمل استفتاء للشعب للموافقة او الرفض ....
اللواء ممدوح شاهين قال ان الطوارئ لحد شهر 6 /2012
هما بنفسهم بيخالفوا الاعلان الدستورى اللى هما حاطينو بنفسهم
ومش عايزين الناس تخرج تقول لا ........ يبقا احنا كدا بنسلم رقبة البلد ليهم
نفس خطة مبااااااااااااارك بالظبط
اشغل الناس بلقمة العيش .... وخوفهم من الشرطة ( دلوقتى البديل اللى هما البلطجية )
افتعل المشاكل والفتن ... زي احداث 9/9 اللى كلنا عارفينا
واللى كلنا شوفنا بعنينا ن مكنش لا في شرطة ولا جيش
مع ان المجلس قبلها بيوم مطلع بيان وبيقول هيحصل اعمال شغب
وهنتعامل بكل قوة مع مثيريها ....... حد يقدر يقولى اتعامل امتا ؟
قبل ما تفكروا المليونيات والثورة مستمرة ولا خلصت
لازم الاول تسألو نفسكم انتو مستعدين للموت عشان البلد دي ولا لا
انا مش بخون في اي حد وربنا ..... انا بس تعبت من اللى بيعملوا المجلس
ضيع الثورة واحلامها .... شرف اللى من قلب الميدان كسروا عينو
بقا زي خيال المأتة ولا ليه لازمة ..... امن الدولة بقا امن وطنى
بنفس التيم هو هو محجاش اتغيرت ...... الاسعار بتغلى
افتعل مشكلة البنزين .... بيأمن خطوط توصيل الغاز لاسرائيل
بيسكت على جنودنا اللى ماتو على الحدود .... بيثير الفتنة
ببياناتو زي بيان تخوين حركة 6 ابريل من غير دليل
بيشوة صورة الثورة في الاعلام .... الاول كان بيسمينا شباب الثورة
بعدها بقينا اجندات ( زي 6 ابريل ) وبعدها بقينا مثيري الشغب
وبعدها بقينا بلطجية ....... ولسه وربنا لو سكتنا هنفضل 60 سنة كمان
انا بقولها وهقولها والايام هتثبت كلامي .... الثورة مستمرة
لحد ما المجلس يسلم السلطة بانتخابات حرة ونزيهة
ولو محصلش انا اول واحد هطلع وانادى بسقوط المجلس العسكرى
عارفين ليه .... عشان يوم ما الناس خرجت في 25 يناير
من اليوم دا معادش في ظلم ... ولا احتكار للسلطة
ومش هنقبل يضحك علينا تانى ... ومش هنسمح لحد يسرق ثورتنا
بالنسبة لاضراب الاطباء وهيئات التدريس بالجامعات
ياريت نسمع الناس الاول قبل ما نحكم ليه عملوا اضراب | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: تحيا مصر بالبلطجة والسرقه الخميس سبتمبر 15, 2011 3:16 am | |
| اه على فكرة انا مش موافق على الجمعة الجاية
بس بردو ... مش هعارضها .... عشان انا ليه حرية
النزول او لا ... وبقيت الناس ليها نفس الحرية | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: تحيا مصر بالبلطجة والسرقه الخميس سبتمبر 15, 2011 3:21 am | |
| اه ياريت نسأل نفسنا كمان
مين عمل 100000 الف بلطجى في مصر
ـــــــــــــ
وسؤال كمان
هو عشان الداخلية سايبة البلطجية علينا
هنقعد في البيت ونقول خلاص دا في بلطجية | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: تحيا مصر بالبلطجة والسرقه الخميس سبتمبر 15, 2011 3:23 am | |
| - اقتباس :
- هننزل كل جمعه ونسميها ؟؟؟
شوية العسوله وشوية الامور لحد مانخربوها على فكرة الجمعة دا العطلة الرسمية يعنى لا شغلة ولا مشغلة مش بنوقف عجلة حد ايه دخل الخراب بالمليونيات ويا ترا موافقين على قانون الطوارئ ؟؟؟؟؟؟؟؟؟ خلو بالكو قانون الطوارئ دا اصلا اصلا اصلا اصلا اللى خرجت عشانو مظاهرات 25 يناير فلما يرجع تانى ............... | |
|
| |
ياسمينا عروسة المنتدى
عدد المساهمات : 9052 العمر : 33 الاوسمة: : النشاط : 9081 التقييم : 829
| موضوع: رد: تحيا مصر بالبلطجة والسرقه الخميس سبتمبر 15, 2011 4:24 pm | |
| يا جماعه انا معترضة ع الاضرابات والاعتصامات
يارتها يا رحال بتيجي فالاجازات بس
انا شوفت امبارح مرضي في مستشفي بيصرخوا
مافيش ولا دكتور فالمستشفي والامن مش راضي
يدخل الناس من الباب حتي
ده يرضي حد ؟؟؟؟؟؟
_
انا متفقه معاكم جدا ان المليونية والثورة جابوا اسقاط
النظام وحلوا الحزب الوطني تمام وكل حاجة
بس هنفضل في مليونيات كتيرة جدا وسايبين البلد
واقف حالها والبلطجية دايرين فالبلد بالسلاح والسرقة
_
ماشي متفقه معاكم ان كل فئه وقع عليها ظلم
خلاص نفسها الظلم ده يترفع عنها بس ماينفعشي
بقي تعطل مصالح الناس التانية عشان تحس بحريتها
_
سواح
بس بردو ماتقدرشي تنكر اننا محتاجين للشرطة فالوقت ده
انا عاوزة انزل اروح ااقدم للدبلومة ماما مش راضيه
احنا حاسين ان مافيش امان زي الاول
بس كمان مش عاوزين ولا طوارئ ولا شرطة متسلطة زي زمان | |
|
| |
سواااح صديق لامع
عدد المساهمات : 813 العمر : 42 الاوسمة: : النشاط : 1035 التقييم : 306
| موضوع: رد: تحيا مصر بالبلطجة والسرقه الخميس سبتمبر 15, 2011 7:01 pm | |
| لالالالالالالا
كده رحال فسرها تمام
لازم نفهم الاول ان لما تتحقق الثوره
نرجع للصفوف
انما كده بيتنصب علينا فعلا
من كل الجهات
علي فكره اكتر ايام الامان كانت وقت اللجان الشعبيه
احنا كمان اللي وكلناهم امرنا
ولله الامر من قبل ومن بعد
ونرجع في الاخر اننا محتاجين نغير نظام مش اشخاص
وده ياخدنا اننا محتاجين نصلح
اخلاق
مفهوم
نصيغ مبادئ | |
|
| |
بسملة نسمة حب
عدد المساهمات : 9346 العمر : 36 الاوسمة: : النشاط : 7160 التقييم : 440
| موضوع: رد: تحيا مصر بالبلطجة والسرقه الخميس سبتمبر 15, 2011 8:35 pm | |
| يا جماعة صدقونى احنا اللى هنغير مصر متسمعش لاعلام مدفوع له وهما اول ناس بوظوا مصر دلوقتى بقوا ضد النظام ؟
احنا نزلنا مرة واتنين والف مرة ولسه هننزل علشان نغير مش اكتر وزى ما قال رحال احنا مش بنوقف عجلة حد
بس رحال نسى يقول ان العجلة بتاعتنا فارغة من البداية فين الشغل اللى هنكمل فيه هو فى حد دلوقتى من الشباب بيشتغل احنا كنا رافعين شعار البطالة يعنى مركبناش عجلة اصلا
اللى شاف ان النزول فى الشارع همج هنقوله حاجة واحدة بس احنا بدل ما نقعد فى البيت نتفرج على اعلام الحكومة بننزل ندور على الحقيقة فى الشارع صدقونى مالوا عقولنا بالكلام الفاسد والضمير الميت بس خلاص فاض بينا ومش منتحمل تانى .
روحنا من التحرير بس فين اللى اتغير فين المحاكمات اللى خلصت سمعتوا عن حد اتحكم عليه وتسجن والا اتعدم ولا حصلوه حاجة بنسمع الخسارة بس والبلطجة صدقونى البلطجة دى هى الحكومة ولو عاوزة تقضى عليها من الصبح الحراميه هتكون فى السجون بس مش هيلاقوا حد يوقفوهم قدامنا . | |
|
| |
بسملة نسمة حب
عدد المساهمات : 9346 العمر : 36 الاوسمة: : النشاط : 7160 التقييم : 440
| موضوع: رد: تحيا مصر بالبلطجة والسرقه الخميس سبتمبر 15, 2011 8:40 pm | |
| ياريت اى جمعة من اللى نزلناها واللى هننزلها تغير حاجة عارفين مفيش اى حاجة اتغيرت غير ان اللعب نكون على المكشوف يعنى بقينا نشوف اللى بيحصل ونسمع عنه بدل ما كان مستخبى ياريت نغير دمغنا اللى خدت على اعلام مصر المتخلف اللى بيعمى الحقيقة ويزورها ربنا يرحمنا يارب برحمته من الظلمة الفاسدين .
ياريت قبل ما تتكلموا عن اى مظاهرة تعرفوا نزلوا ليه الاول عارفين ليه
علشان فى ناس كتير اوى ليها حق ومظلومة واول اللى خايف ينزل مظاهرة واللى قاعد قدام التليفزيون والاعلام المصرى اللى ميعرفش الدنيا بيحصل فيها ايه .
انا اسفه انى طولت عليكم بس كلامكم جه على الوتر الحساس
وعلى فكرة انا مع كل جمعة تنزل تغير فى بلدى وترفع شعار المعارضة ضد الفاسد ودايما بنزل وبكون معاهم
| |
|
| |
الريح77 صديق لامع
عدد المساهمات : 700 العمر : 57 الاوسمة: : النشاط : 1102 التقييم : 154
| موضوع: رد: تحيا مصر بالبلطجة والسرقه الجمعة سبتمبر 16, 2011 12:56 pm | |
| السلام عليكم ورحمة الله وبركاته
لي تعليق بسيط
اولا اتمنى من كل قلبي ان تكون مصر هي الام والحاضنة لكل شعوب المنطقة بابطالها الاشاوس ثوار العصر الحديث
ان يتمسكوا باستمرارية العمل من اجل القضاء على كل فاسد في المجتمع المصري
ثانيا
انتم تخرجون الى الشارع كل جمعة لتعبروا عن مطالبكم العادلة ومن اجل التغير انا معكم وكل انسان حر يشد
على اياديكم
ولكن وبصراحه
تطلبون من من التغير ؟
تهتفون وتصرخون كل جمعة وكما قالت الاخت ياسمينا كثرت البلطجية في شوارعكم بين ازقتكم وحاراتكم
بالله عليكم من سيغير ذلك الامر ؟؟؟
نحن في فلسطين نردد شعار ندين ونستنكر ونطالب ونشجب
اي مصطلح انتم تستخدمون ؟؟
وللحديث بقية
اخوكم الريح77 | |
|
| |
بسملة نسمة حب
عدد المساهمات : 9346 العمر : 36 الاوسمة: : النشاط : 7160 التقييم : 440
| موضوع: رد: تحيا مصر بالبلطجة والسرقه الجمعة سبتمبر 16, 2011 2:07 pm | |
| اسمحلى ارد عليك احنا بنطلب مطالبنا من اللى حكمين بلدنا دى ثورة وخسرنا فيها كتير خلاص هانت وتخلص ونحقق احلمنا .
احنا بنطلب كل المطالب العادلة اللى تحقق لينا حرية لو سكتنا يبقى الشهداء دمهم راح هدر دول ماتوا علشان صوتنا يفضل عالى لحد ما نرفع مصر لفوق ان شاء الله . | |
|
| |
[ عُرُوبَة ] صديق ماسي
عدد المساهمات : 94 العمر : 31 النشاط : 111 التقييم : 2
| موضوع: رد: تحيا مصر بالبلطجة والسرقه الثلاثاء سبتمبر 20, 2011 7:51 pm | |
| الحق علالحكومة ليه طلعتهم ؟!!
الله يعينكم يا رب | |
|
| |
بسملة نسمة حب
عدد المساهمات : 9346 العمر : 36 الاوسمة: : النشاط : 7160 التقييم : 440
| موضوع: رد: تحيا مصر بالبلطجة والسرقه الإثنين سبتمبر 26, 2011 7:52 pm | |
| طلعتهم ازاى احنا اللى طلعنا لوحدنا لما الكيل فاض بينا
ادعى وقولى يارب حال مصر يتعدل علشان مش هنسكت تانى على حقنا
وعلى فكرة المظاهرات قائم حتى تتحقق مطالبنا . | |
|
| |
| تحيا مصر بالبلطجة والسرقه | |
|