مشكله وعايز مساعده من أحلى اصحاب

السلام عليكم ورحمة الله وبركاته
ازايكم يا أحلى اصحاب اخباركم ايه ؟
المهم المشكله هي كالتالي :
في عندي ابن صف هو مش بيكلمني وانا مش بكلمه علشان انا حذفته من الفيسبوك عندي ( أعمل ايه يعني هو بيتكابر عليا بده وكل مكلمه بيطنشني فقلت امحيه )
لهيك انا مش بكلمه وهو برضو مش بيكلمني
لاكن احيانا انا بشعر بخطأ
وانا عارف ان الي بيبدأ بالسلام هو بيكون الأفضل
بس حاسس برضو اذا انا برجع اكلمه ببقى عبيط لأنه مش بيستاهل
رأيكم اعمل ايه بقى ؟
ولو انتوا مكاني كنتوا بتعملوا ايه ؟
شكرا للمساعدين بيكم

واضح انك طيب يا ابراهيم وقلبك كبير

علشان كدة انا شايفة انه لو انت شايف انه صديق محترم وكويس واخلاقه كويسة

يبقي فعلا زي ما انت قلت تبدا بالسلام

لو شايف ان اخلاقه بقي سيئة جدا وصحبته هتضرك يبقي ابعد عنه

لكن لو علي حد الخلافات البسيطة دي مش مهمة خالص

وكدة كدة هتعدي لان كل انسان فينا فيه عيوب ولازم نستحمل بعض لاقصي حد

وبعيدن الله اعلم يمكن وانت بتكلمه كان مشغول او عنده مشكلة في النت او كدة

وانت اللي بدات لما مسحته

يبقي انت اللي تصالحه

وكل ما تكبر اكتر هتحس ان الواحد لما يزعل من صديقه دي حاجة صعبة قوي

وعتقدر قيمة ان الواحد يبقي عنده صاحب يسال عليه

انا من فترة صغيرة جدا واحدة صاحبتي زعلتني جامد جدا وغلطت فيا

وحسيت انها ندمت علي دة

واتصلبت علي كلمة قلتها

وعملت انها هي اللي زعلانة

وعلي الرغم من غلطها في حقي رحتلها لحد البيت

بحجة اني اديلها شيكولاته من كتب كتاب اخويا وصالحتها

لاني عارفة اني كدة كدة هصالهحا

طيب ليه اضيع كام يوم من عمري في خصامها وممكن ربنا ما يبقاش راضي عننا لكدة

وما تتخيلش هي قدرت دة ازاي وكانت مبسوطة ازاي

وما حسستنيش ولا انا حسيت اني اتنازلت عن حقي او اهنت نفسي

ربنا يصلح احوالك اخي ابراهيم

مممممممممممم بخصوص ان هو مشغول أو غير كده فلأ هو مش كده
انا حذفته علشان انا مش شايف ليه فايده عندي بالفيسبوك
وبقدر اكلمه بالتلفون والمدرسه برضو
بس هو زعل من ده !
هو ولد كويس بس برضو متكابر جدا وانا مش بحب الصفه ديه بايي حد
--------------------------------------------
انا عارف ان الي بيبدأ بالسلام بيبقى هو الكويس وانا عايز أعمل ده
بس في شيء بيمنعني عن ده مش عارف ليه بقى
-----------------
هو ولد كويس بس مش عارف على فكره !

المبرر اللي انت قلته علشان تمسحه مش مبرر خالص يا ابراهيم

صحيح هو موضوع يعتبر تافه بس بيبقي ليه اثر سيء جدا في النفس

معلش تعالي علي نفسك شوية

طيب هو ليه اللي بيبدا بالصلح بياخد ثواب اكتر
؟؟؟

علشان البدء بالصلح مش حاجة سهلة

يعني انت عايز تاخد ثواب كدة ببلاش

التكبر فعلا صفة وحشة جدا

بس انت لو صاحبه قوي ويستحمل منك كلام ممكن تكلمه في الموضوع دة باسلوب كويس

يعني تقوله انك بتحبه وان فيه صفات فيه كتيرة بتحبها زي كذا وكذا وكذا

بس انك مش بتحب فيه التكبر شوية

ومين عارف لعل وعسي ربنا يهديه بيك

الله المستعان

أها صحيح
تمام يا ايه شكرا لمساعدتك أختي :) :) :)

كلام اية صح مية بالمية

ربي يقدرك يا اية علي فعل الخير يااااااارب

طمني يا ابراهيم شو صار بديت بالسلام ولالا

عملت السلام بقى ههههههههههه والحمدلله
شكرا جدا ايه
وشكرا ليكي سوسو

طيب الحمدلله يارب

ربي يديم صحبتك يارب

اللهم امين وبارك الله فيكي على اهتمامك