مش رجـــولة

مش رجوله منك انك تروح الاستاد قبل الماتش 8 ساعات بدري في حين انك بتنزل صلاه الجمعه في الركعه التانيه

-مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو) ......

-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو... حتى تكلمهم !!!!!

-مش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!

-مش رجوله منك انك تفضل ماسك السجاره طول اليوم وانت لسه بتاخد مصروف من ابوك

-مش رجوله لما تبقي عارف انك غلطان وبتكابر لمجرد انك مش عايز تقول اني غلطان

-مش رجوله انك تكدب علي حد لمجرد انك تضحك

- مش رجوله لما تقف ساعتين تتخانق مع واحد صاحبك

عشان هو اهلاوي وانت زملكاوي ..في حين انك مش هتقف خمس دقايق تكلم في مساله دينيه


- مش رجوله منك لما تقف تتجادل مع واحد اذا كان عمرو دياب احسن ولا تامر (كتك ستين نيله)

- مش رجوله لما تضرب واحد اصغر منك في الجسم مع انك هتبقي كتكوت لو هو اكبر منك حبتين مع انه نفس

الموقف.

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش..

-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من

جنبها وتخبط فيها وانتا قاعد زى التلجة

ارق تحياتي

حاسه ان انتى اللى كاتباهم وكل كلمه طالعه من قلبك اوووووووووووى


وانا معاااااااكى جدااااا ..
ولو قلتى لحد كده بمنتهى اللامبالاه يرد ويقولك
عااااااادى .. ماهو دا العادى

على راي جدتى .. الدنيا اتشالب حالها

الصح بقى ملهووش لازمه والغلط بقى منتهى العااااااااادى



ربنا يعافينا ويهدينا وياخد بادينا يااااااااااااااااااااااااارب

يسلملنا توووووووووواجدك بينا بسمله
وتسلملنا مواااااضيعك

عاشقة الجنة تسلميلى يارب بس مش انا اللى كتباه بس حساه اوىىىىىىىىىىى الناس بقى ده على رايك العادى

ــــــــــــــــــــــ

حبيبى رسول الله _ نورت موضوعى وضفت لى الكثير