ماذا لو ارتبطت بفتاة لاتنجب !؟

الموضوع حساس شوية فعلا

سؤالٌ عام /أطرحه للجميع بلا استثناء ..!!



وأخصصه للشباب ولا مانع من رأيكم أنتن الفتيات ...



..!!..



ماذا لو وجــدت فتاة أحلامك .. وقررت الارتباط بها شرعاً ..



ولكنّ مشيئة الباري سبحانه

لا تعطيها نعمة الانجاب ماذا يكون رد فعلك ؟

اجوا الرد بصراحة

موضوع قوي جدا ورائع في نفس الوقت

الانجاب نعمة من نعم الله سبحانه وتعالى على بني البشر وفي حياتنا الكثير من النعم

ونحن ندرك تماما قيمتها في حياتنا ولكن قبل الاجابة على سؤالك سنقلب السؤال ونقول لوكان الرجل

هو من لا ينجب فماذا نقول كمجتمع يجب على الزوجة الاستمرار مع زوجها دون اختيار لها

اما الاجابة عن سؤالك وبصراحة تامة

ان الريح 77 متزوج وزوجته لا تنجب وقررت ان لا اتزوج وسأستمر مع زوجتي برغم انها لم تنجب

لان الحياة في نظري ليست اولاد ومال وانما الاعمال هي حياتي وما دام ان زوجتي تعطيني الحياة السعيدة

الكافية فاعتبر ان زوجتي هي كل حياتي وسأعيش معها الى ينتهي اجلى وللعلم خيتي متزوج لي 21 سنة بدون انجاب

الحمد لله على السعادة التي اعيش بها

موضوعك رائع جدا

كل الاحترام والتقدير خيتي

ماشاء الله ربنا يديم عليك السعادة فى كل حياتك

وان شاء الله ربنا ينعم عليك بنعمة الاولاد

واول مرة الاقى حد عنده حق فى الموضوع ده

عامة لو الراجل اللى مش بينجب او الست انا شايفه ان الحياة لما تبدأ بين اتنين مش هى اولاد وخلاص بس عارف الموضوع ده حوليا بقى يقلقنى جدا اتنين بيحبوا بعض بس مخلفوش يسيبها لمجرد انها مش بتخلف .


ساعات بخاف ليكون مصير زيها ممكن بجد الواحد اللى يتحمل كل عيوب لدرجة دى ياريت يا ( الريح77) كل الناس تتفهم الموضوع ده زيك .


تسلملى على الرد

لكل انسان وجهة نظر في تقييم الحياة التي يعيشها

منا من يحب ان يكون له اولاد ومال وغيره من امور الدنيا ولكن يغفل الانسان عن امور حياتية حقيقية

مثل سعادة النفس والرضا بالقدر والمكتوب

الانسان في هذا الزمن يريد كل شيئ وفي نفس الوقت يضحي بكل شيئ

هناك الكثير الكثير من حالات الطلاق المتفشية في مجتمعنا ونادرا من يتمسك بحبه لزوجته ويرضى

بما قسمه الله عليه

للاسف هذا مجتمعنا

اهلي وجيراني واصدقائي اقترحوا عليا الزاوج وحتى زوجتي طلبت مني الزواج

ولكني رفضت وبشدة وكما قلت لو كنت انا من لا ينجب فكيف يحكم المجتمع للزوجة

اكيد سيكون الاستمرار مع الزوج افضل من الفراق

موضوع جميل جدا بسملة
يمكن هو مش موجه ليا
لكن انا هسرد موقف معين حصل
لما ماما كانت في المستشفي بتعمل عملية
كان كل الستات اللي معاها تقريبا من نفس العمر
او اقل من سن والدتي شوية وواضح قوي انهم متزوجات
لفت نظري في الحضور
شاب وبنت صغيرين في السن قاعدين مع بعض ومبسوطين قوي
ولابسين لبس شبه بعض
ولابسين الدبلة في اليمين
والمفروض ان كل اللي قاعدين هناك في انتظار عمليات
فأنا بحسبهم جايين مع حد بيعمل عملية
فجاة لقينا الدكتور بيناديها علشان تستعد للأشعة النهائية قبل العملية
الموضوع شغلني جدا وبقت دماغي تودي وتجيب
ومستغربة قوي لأننا في قسم جراحات اورام
ولما سالت
عرفت انهم مخطوبين وان البنت جالها ورم حميد بس لازم تشيل الرحم
وبالتالي لا يمكن تخلف بعد كدة
وخطيبها معاها وعارف وعادي جدا ومتقبل الوضع
بصراحة انا انبهرت بحاجة زي كدة
ومع ذلك ربنا قال المال والبنون زينة الحياة الدنيا
فانا بصراحة لا الوم علي انسان يتزوج من اجل الانجاب
طالما عارف انه قادر يعدل بين زوجاته
زيادة عليه انا اشترط في الحالة دي انه لما يتزوج في المرة التانية
ما ينقيش اي واحدة والسلام
لا لازم ينقي انسانة يحبها زي ما بيحب زوجته الاولي
او يعني قريب منها
علشان ما يظلمهاش هي كمان ويحسسها انها لها وظيفة واحدة في الحياة
انها تجيبله عيال
الانسان اللي يقدر يعمل كدة ما فيش مشكلة من وجهة نظري
كمان الاهل يعني في ناس بتبقي مجوزة عيالها وبتحلم بطفل يملالهم البيت سعادة
فلما ما ينجبش بتبقي حاجة صعب عليهم احتمالها
وطالما في حدود الشرع وبدون ظلم ما فيش مشكلة
اللي يقدر يتحمل زي اخونا الريح بقي دة يبقي انسان مخلص ووفي وحنون
دة غير ان ربنا سبحانه وتعالي اكيد هيجازيه خير ويرزقة بالولد في جنة الخلد ان شاء الله
بس في ناس ايمانها قوي وصبورة وتقدر تنتظر الثواب الالهي في الآخرة وفي ناس تانية بتبقي مستعجلة ومحبة للدنيا
عايزة اقول كمان اني مؤخرا عرفت ان واحدة اتطلقت فلما سألت عن السبب اكتشفت ان زوجها لا ينجب ولا امل في الانجاب
فالموضوع نسبي من بيئة لأخري ومن نفسية لأخري وما حدش يقدر يتخيل الموقف غير اذا وضع فيه

كلامكم أكثر من رائع موضوع قوي بسملة وآراء فوق المتميزة
هو فعلا الموضوع يختلف من شخص لآخر حسب قدرته على التحمل والصبر والضغوط اللي ستمارس عليه من الأهل والأقارب وكذلك إرتباطه بشريكة عمره

ربنا يرزقك بالذرية الصالحة أخي الريح فالله قادر على ذلك
وفعلا آية حاجة رائعة ما ذكرتيه

الموضوع صعب اوي

دانا بنام واصحي اقول يارب يكون عندي طفل مني

يمكن نفسي يكون عندي طفل اكتر ما كان نفسي اتخطب واخلف بمراحل

ربنا ما يحرم حد من الاحساس ده بجد احلي احساس فالدنيا ..دانا بنت اختي لما تحضني

ووتروحلي ومترضاش انها تروح لحد تاني ببقي هطير م السعادة ..انا هموت واحس الاحساس ده

فطفل جزء مني .....بس لو عرفت ده بعد الجواز طبعا هكمل مع جوزي وهو كمان هيكمل معايا

حتي لو انا اللي مش بخلف بعد الشر طبعا واللهم احفظنا (احنا اتكلمنا فالحوار ده قبل كدا )

بسبب موقثف هحكيه ليكم

_

هحكيلكم بقي ع موقف

ابن عم بد اتجوز من فترة فبسال بدر الفرح كان فين والعروسة حلوة ولا لا

قالي العروسة شكلها تعبان اوي قولتله عادي تلاقيها يعني عندي رهبه وخوف العادي

قولي لا دي عندها مشاكل فالقلب وتقريبا مغيرة 3 صممات او حاجة كدا فانا اول حاجةة قولتلها

يعني مش هتخلف !!!!!!!!! قالي الله اعلم بس غالبا كدا قولتله واحمد عارف قالي طبعا وموافق

بيحبها من سنين هيفرط فيها في لحظة ؟؟؟؟؟؟؟؟؟؟

_

بس ع فكرا كل حاجة في علم الغيب

لان في ناس بتقد سنين مش بتخلف وسبحان الله ربنا بيكرمها ع صبرها

ام بدر فضلت 7 سنين مش بتخلف وبعد كدا ربنا كرمها 6 ولاد 3بنات

وواحدة معرفة يعني قعدت 4 سنين وبعدها ربنا كرمها 4 توأم 3 ولاد وبنت

اتبسط بتفاعلكم مع الموضوع جدا

كل واحد عبر بجد عن رايه بصراحة كبيرة

رغم انه صعبا .

ويارب ربنا يرزقنا كلنا بالزرية الصالحة .

كل يوم بدعى علشان لو اتحطيت فى الموقف ده وبقيت لوحدى هخسر الدنيا كلها

ربنا يلطف بينا ويعطى كل انسان على قد نيته .

بجد الف مليون شكر على التفاعل

لا شكر على واجب يا بيبو تسلم

طبعا بعد كلامكم مفيش كلام يتقال

انتى قلتى البنات كمان تقول رايها

انا بقى باختصار لو عرفت الموضوع دة قبل الارتباط نقزل قبل الخطوبة مثلا مش هوافق

لان زى ما ياسمينا قالت

احساس جميل جداااا احساس الامومة دة

لكن لو بعد الزواج واكتشفت دة هرضى بحالى وهعرف ان دة نصيبى اللى ربنا اختاره ليا

ولو زوجى حب يتزوج واحدة تانية من اجل الاولاد .. مش هيكون عندى مانع بس اكون ضامنه انه هيعدل بينا بجد

مشكوووووورة بسملة ع موضوعككك

شكرا يا قمر


ماشاء الله انتى رحيمه اوى انا الصراحة مقدرش اوافق اكون معاه لو هيتجوز واحدة تانية حتى لو مش بخلف لو هيتجوز يطلقنى انا .


شكرا على مناقشتك ياقمر

انا بجد بتعجبنى ارائك جدا تسلم لينا كلماتك

وشكرا على التقدير .

موضوع جميل ومناقشة اكتر من رائعة والله
انا احترم راي الاخ الريح بشدة والله وانا احترمه شخصيا والله
والله بجد ما فيش كلام بعد كلامك ينقااااااااال
وربنا يزرق الجميع بالذرية الصالحة ومايحرم حدا
ويارب يزرق الاخ الريح 77 بالذرية الصالحة ويبارك له في زوجته ان شاءالله
انا احترم ارائكم جميعا والله
تسلمي يا بسملة علي هالموضوووووع
مناقشة كانت جامدة جدا والله

شكرا ياقمر ويارب اكون قدرت اوفق بينكم فى المناقشة

كل واحد فينا له راي وانا احترمت اراء الجميع

هذا الموضوع ربما يكون صعب على بعض الناس والبعض الاخر لا بالنسبه لي ساتزوج لاني احب الاولاد وهو حق لماذا احرم نفسي لطالما احببتهم مع العلم اني لن اطلق الاولى او اظلمها وما كان بيني وبينها من حب فسبقى وربما يزيد مع العلم اني متزوج وعندي اولاد والحمد لله كما واحترم راي الاخرين من يريد ان يتزوج ومن لا يريد فهذا راجع له مع اني افضل ان يتزوج حتى لا يحرم نفسه من هذه النعمه قال تعالى ( المال والبنون زينه الحياه الدنيا ) كما واتمنى ان لا ينزعج احد من ما كتبت واشكر الجميع والسلام عليكم

شكرا على تفاعلك عندك حق المال والبنون زينة الحياة بس اللى ربنا بياخد منه حاجة بيديله اللى اكتر من كده ربنا يرزقنا جميعا

شكرا على مرورك وشكرا على رايك

الابتلاء نعمة لو ادركها الانسان وعرف قيمتها لترك الدنيا بما فيها

الحمد لله على هذه النعمة واشكر الله عليها

ابو احمد

موضوعك اكتر من رائع وفعلا انا سالت نفسي السؤال ده قبل كده ولو الزوج حب يتجوز عليا انا مش همانع لان مش من حقي اني احرمه من حاجه زي دي بس لازم يعدل ولو هو الي رفض مع اني عارفه ان نادر النوع ده من الرجال دلوقتي فهتبقى حاجه جميله اوي صح الحياه ممكن تبقى صعبه بس هعرف انوا فعلا بيحبني ومش ممكن يتخلى عني