حسيت انه مأقتنعش !!

بسم الله الرحمن الرحيم



كيفكم احلى اصحاب .. اليوم حصلى موقف قلت لازم احكيهولكم واناقشكم فيه ..

نقول الموقف الاول..

ركبت تاكسى ورحت لاختى .. فسواق التاكسى دة شاب جارنا ومعرفه يعنى..

فالمهم قام سألنى .. صحيح يا استاذة انا كنت عاوز استفسر على حاجة ..

قلت خيررر يارررب ..

يارب يكون سؤال سهل عشان ميحرجنيش ..

وبعدين انا بقى فى الشارع الابلة راحت الابلة جت

المهم راح قالى هوا ايه الفرق بين السلفيين والاخوان اللى طالعين الايام دى ؟؟

وكان السؤال بنفس الصيغة ..

فانا ضحكت فى سرى على حكاية طالعين الايام دى ..

فقلتله اولا هما مش طالعين الايام دى ..

هما موجودين من زمان .. بس النظام السابق مكنش بيديهم فرصة انهم يظهروا زى دلوقتى

قالى طب ايه الفرق ..

حسيت بجد انى اتزنقت جاااامد ..

لانى بصراحة معنديش المعلومات الكافية عن المنهجين او المذهبين عشان افتى يعنى ..

وخفت اقول لا اعلم ..

لان السواق اللى على قد حالة وقد تعليمه دة ميعرفش ان من قال لا اعلم فقد افتى ...

فقلتله ((........))

المهم حسيت انه مأقتنعش

**

فانا دلوقتى هسألكم انتو بقى ايه الفرق ما بينهم فعلا ؟؟

وياريت تكون الاجابة شافية وواضحة ومختصرة ..

لان الموضوع فعلا شغلنى وجيت دورت ع النت بس حسيت انى مفهمتش ..

والغريب انى سألت كذا حد حواليا كان ردهم بردو مش مقنع ومش زى ما انا قريت ..

فيا ياريت حد يعرفنى ايه الفرق مابينهم ..

وانا هبقى اقولكم انا قولتله ايييييه

اطالة ايه بس.. دة كلامك دة اعتقد يعنى انه ميه ميه

وهنتسنى حد تانى يجى يقول هوا الكلام كدة صح ولا لا

الحقيقة انا قلت حااجات شبهه كدة يعنى .. بس يمكن طريقتى فى توصيلها للسواق مكنتش موفقة

مشكووور سواح على معلومتك .. ومستنيين حد تانى يجى ويقول

لك كل تقييمــــــى

كل تقيمى يا قمر

وفعلا سواح اوفى بالرد

وفعلا بعد كلام سواح الله يجزيه كل خيييير
مافي اي كلام تقال والله
واضافة بيبوووو جميلة جدا والله
بارك الله فيكم جميعااااااااااا
واتمني انو يا نيرووو تكون وضحت الصورة عندك
يلااااااا بقي قولينا شوو رديتي علي السواااااااااااق

كلااااام جميييل جداااااا .. وعلى كدة بقى انا طلعت عارفة شوية فى الموضوع دة


لانى باختصار قولتله هما الاتنيين بيتمسكوا بتعاليم الدين وبيشتركوا فى شكل الملبس وكدة


لكن الاختلاف بقى ان لما السلفيين دخلوا الانتخابات والسياسة فهما عاوزين يخلونا نمشى زى عهد رسول الله صلى الله عليه وسلم واصحابه .. لان السلف الصالح هم اصحاب صحابه الرسول عليه افضل الصلاة والسلام
يعنى اللى يسرق تنقطع ايده .. واللى يزنى ينجلد .. ومش هنشوف بنت ماشية فى الشارع بزى مخل .. ولا شاب ببنطلون ساقط
فالراجل حسيت انه عجبه الفكرة وفرح بيها..
قالى طاب والاخوان .. قلتله دول كل هدفهم انهم يوصلوا للحكم عشان يحققوا مصالحهم الشخصية .. قالى ازاى؟
قولت اجيبله مثال سهل .. قولتله يعنى لو واحد من الاخوان كسب وبقى عضو فى مجلس الشعب .. هيجيب وظايف وشقق لكل الشباب اللى معاه فى جماعته وهدفهم انهم يخلوا مثلا فى كل المصالح الحكومية ناس منهم عشان يخلصولهم اوراقهم وحاجاتهم بسهولة


راح باصلى كدة بس حسيت ان مأقتنعش بطريقة طرحى انا .. مش بالفكرة نفسها


بس انا بقى عندى سؤال دلوقتى ؟؟


يعنى الاخوان دول وحشين؟؟

سأرد في كلمتين

للاسف كل شيئ لعناصره والباقي يتولاه الله

مش عارف ليه حسيت ان العنوان

ادبى جدااااااااااااااا يعنى كانى هقرأ رواية ادبية بجد

او بتفكرنى بالمقولة الشهيرة

بس يا سيدي وقامت معيطة

ـــــــــــــ

عندى اعتراض

اخى سواح وصديقي الغالى بيبو

انتم تنتمون وتحبون ومتحزبين للسلف

وهذا شئ جميل لاقتناعكم بالمنهج والفكر والبرامج

اما نقطة الاعتراض

اننى سمعت منكم لا عنكم

فدعونا نسمع من الاخوان لا عنهم

طريقتكم في توضيح من هم الاخوان غير صحيحة

فلا يصح ابدا ان تعرف هذا التيار بأنة يتبع اسلوب تمييع الدين

ولا انى اقول انهم عايزين يوصلوا للحكم باى شكل (على لسان نيرة)

مستحيييييييييييييييل

لانها ان كانت وجهة نظرك فأنت حر بها ولكنها ليس افكار الاخوان في الاساس

هناك فارق كبير بين وجهة نظرك وازاي تعرفهم

في النهاية

احب اقول انى لا انتمى

الى التيار السلفى

ولا الاخوان المسلمين

ومرة تانية بشكرك سواح على اهتمامك بالرد والمتابعة


انا فعلا لما قريت عن منهج الاخوان قريت فكرة تمييع الدين .. وحاجات بيحرموها شوية ويحللوها شوية


زى اللحية والنقاب والمعازف والاختلاط
وانا فاهمة فكرة الاحزاب دى . وان لكل واحد الحرية انه يختار الحزب اللى يمثله ويوصل صوته ومطالبه للدولة .. سواء كان حزب اخوان او سلفى او حتى اى حزب من اللى بنسمع عنهم دلوقتى .. المهم نختار الاصلح للبلد


مع ان المشكلة دلوقتى .. ان نازل مرشحين كتير مجلش شعب .. احنا منعرفهمش ولا نعرف اذا كان الناس دى ثقة فعلا ولا لا .. الحاجة الوحيدة اللى نعرفها الحزب المنتمى اليه .. على الرغم انى سمعت اسماء كتيرة نازلة مستقله
****
رحاااااااال


(( بس يا سيدي وقامت معيطة ))
ههههههه بس يا سيدى وقام مصلى ركعتيييين
***
رحال انت قصدك اننا محتاجين حد من داخل الجماعة نفسها يتكلم عنها؟؟
طب نجيب الحد دة منيين لو دة قصدك؟


((( في النهاية

احب اقول انى لا انتمى

الى التيار السلفى
((((ولا الاخوان المسلمين
هههههه متخافش مش هنبلغ عنـــــك

جميل جدا الموضوع
والاجمل اراء الاصحاب

اولا انا بعتبر نفسي سلفي او وهابي على راي المصريين
اما بالنسبة لارايي في الموضوع
مايميز الاخوان في الفترة الماضية انهم كانوا قوة سياسية
لها منهج منظم
اه قد يكون هناك لهم بعض التنازلات لاغراض سياسية
ولكن هذا لانهم يمتلكون بعد رؤية في نظري
يميزهم ايضا تكاتفهم واجتمعاتهم الدورية
واهتمامهم ايضا بمستوى اسرهم الاجتماعي والثقافي
بعكس السلفية في تلك الفترة السابقة
انا عارف قد يستغرب البعض لرايي ولكنها وجهة نظر
ولكن اتوقع الفترة القادمة ان السلفية هي من ستكون لهم الراية
واتوقع ايضا ان الاخوان ستكون اقرب مايكون للسلفية في هذا الجو الديموقراطي