اخى الحبيب ( الريح )
اعتذر لك عن انشغالنا عن بلدنا الثانى فلسطين
لان مصر عموما من بداية الثورة انفصلت تماما عن كل الاحداث الدولية والاقليمية
( كفاية علينا نقعد نفاصل مع المجلس العسكرى فكل خطوة وقرار )
-----------
الحقيقة الاسعار اللى حضرتك بتتكلم عليها دى تعتبر اسعار فلكية بالنسبة لنا
وخصوصا لما تعرف ان متوسط مرتب الموظف المصرى 350 جنيه شهريا
ومتوسط دخل العمل الخاص 1000 جنية ( للشباب )
وعلى سبيل المثال سعر اسطوانة الغاز الحكومى المدعم ( لا يتعدى 5 جنية )
انا بتوصلنى لحد البيت بــ 7 جنية .. ويتوصل فى الاعياد لــ 15 جنية
وفى الازمات بتوصل لــ 20 جنية ..
والارقام دى تقريبية ( ممكن تختلف من محافظة للتانية )
كمان سعر البنزين 80 بــ 90 قرش .. ولتر 90 بــ 1,75 جنية
الله يكون فى عونكم ويصلح حالنا وحالكم
--------
اما مسألة حكومة الاخوان ..
شوف يا صديقى ..
لو فرضنا اننا فمصر خلينا القرآن الكريم = الدستور المصرى
دون رجال يحكمون به ويتحاكمون اليه .. فلا فائدة تعود علينا
والمشكلة دائما فى التطبيق .. وسوءات الافراد
الاخوان لدينا .. اتخذوا قرارا فى منتهى الغرابة
وتخلوا عنا فى اشد اوقات الاحتياج اليهم
وبرروا هذا الموقف ... بان موقفهم صيانة للدماء المصرية الغالية ...!!
تحضرنى مقولة اخى الاكبر :
اللعنة على المغفرة.. اذا كان الغدر براءة ...!!
ومع هذا .. فالمؤشرات كلها تقول انهم سينالون الاغلبية فى البرلمان القادم
لانه لا يوجد بديل .. ولان الاحزاب كعهدها مجرد ديكورات وكيانات كرتونية
اقرب الى الجمعيات الوهمية .. ودورها يتوقف عند حدود البرامج التلفزيونية
والدعاية الانتخابية وحسب .. دون وجود حقيقى فى الشارع المصرى
لا استطيع ان اناقشك بشكل مدروس .. لانى لا املك رؤية واضحة عما يحدث فى غزة ..
سمعنا كثيرا عن بيزنس الانفاق ..
( التى يتكلف النفق الوااحد منها مليون دولار )
اما سرقة الدعم المقدم لغزة والاتجار به ... فهى مسألة حساسة وخطيرة
ولا استطيع اتهام احد دون دليل او قرينة واضحة
ولذلك ساترك المجال لغيرى .. وساتابع معكم بمشيئة الله
لنا الله جميعا