أشترى مصرى

أشـــــــــــــــترى مصـــــــــــــــرى

أزيكم أحلى أصحاب يارب تكونوا بخير

النهارده على قناه القاهرة اليوم ناشد الاعلامى عمرو أديب بحمله لتنشيط بيع المنتجات المصريه ودعم الأقتصاد المصرى

وده هيكون ان شاء الله يوم الجمعه 16\12\2011 وفى شركات كتير عامله تخفيضات على منتاجاتها اليوم ده

وأكيد كلنا يهمنا أن بلدنا وأقتصادنا يكونوا أفضل وجه الوقت اللى نتخلص فيه من تجاهلنا للمنتج المصرى ونتحد وندعم انتاج بلدنا ونكون أيد واحده للخروج ببلدنا من كارثه اقتصاديه عالأبواب

وأننا نشترى سلعه مصريه سواء صغيرة او كبيرة معناه استمرار الحياه لمصنع مصرى وأستمرار الحياة لمئات والاف العمال

وفتح خطوط أنتاج جديده أو فتح مصانع جديده وبالتالى تشغيل عماله جديده

ياريت كلنا نشارك فى الحمله دى ونشترى مصرى يوم الجمعه

يــــــارب أحفظ بــــــــلدنا

تمام وانا ساهمت بــ 2 لوجو فى صفحة الفيس بوك للبرنامج

ميرسى يا بيبو على تشجيعك وياريت كلنا نشجع بعض كده على طول ودى اسماء بعض المحلات والشركات اللى عامله تخفيضات

منتجات زهران ................. تخفيض 10%

منتجات فرج الله ............. تخفيض 10%

منتجات النساجون الشرقيون .............. تخفيض من 15 الى 50 %

منتجات دومتى ................. تخفيض 10%

محلات بورتو سخنه ........ اشترى وحده سكنيه تاخد عليها العفش كله مجانا وكل المحلات هناك عامله تخفيض 10%

مطاعم الاحمر فى المنتزة بالاسكندريه ............... تخفيض 40 %

منتجات قطونيل ................... تخفيض 50%

منتجات الكحال للسجاد اليدوى فى خان الخليلى ............... تخفيض 15%

شركه سيتى مول للكمبيوتر................. تخفيض 5%

شركه روجينا للمكرونه ................ تخفيض 5%

شركه ارام للدهب والالماس ................... تخفيض 40%

سيراميكا رويال ............... اى عرض نازل عليه خصم كمان اضافه 10% واى حاجه من المصنع خصم 50%

موبيليات العرايس حسن الشناوى ............... تخفيض 25%

قريه عزاز للمشويات بالاسكندريه ....................خصم على قائمه اللحوم والماكولات 15%

معامل الحياه للتحاليل الطبيه .................خصم 35% طول الاسبوع

واكيد لحد يوم الجمعه هيبقى فيه شركات اكتر وانا لو افتكرت حاجه تانى هكتبها واللى يعرف حاجه تانيه ياريت يضيفها

طب والله فكرة عظيييمة جداااااا

لتشجيع المنتج المصرى اللى الناس بقت بتهرب منه ودة لقلة جودته بصراحة

والسبب ان العامل مش واخد حقة ماديا ومعنويا فبالتالى الضمير عنده بينعدم

والناس بتخاف تقتنى السلعة المصرية .. ورغم كدة ان السلع التانية زى الصينية والسورية واى سلع تانية اسعارها غالية جدا جدااا جداااااااا

ولكن احنا كشعب فلوسه كتير بنحب نشترى بالغالى لاننا مقتنعين بمثل مالوش اساس ان الغالى تمنه فيه

مع انه وارد جداااا اشترى طقم صينى ماليزى كورى كندى جاى من لندن ومقفول ومتبرشم والقاه من جواه ورق جرايد

وعشان متقولوش عليا رغاية هيا الفكرة هايلة جداااااا وياريت الناس زى ما بتهتم بالمليونيلات ونزولها التحرير فى ايام الجمعة

تهتم الجمعة دى ونسميها جمعة انقاذ المنتج المصرى والاقتصاد المصرى

تسلميييييين توتة على التنويــــه

جزاك الله الجنة

اللهم اصلح حال مصر وحال اهلها

والله يا نيرة معاكى حق دايما يقولوا الغالى تمنه فيه هى دى حقيقه مع ان فى حاجات برضه مصريه وكويسه جدا وسعرها مناسب

بس هو مش المقصود برضه اننا نقاطع الحاجات التانيه فى حاجات منقدرش نستغنى عنها

بس لو كله اشترى فى يوم واحد اكيد هتفرق حتى لو كان يوم واحد وبس

الاقتصاد عطلان ومحتاج زقه ايـــــــــون محتاج زقه هااااا مين هيزق معانا تانى

اهل غزة طبعا معاكم

كل استيرادنا اليوم من المنتجات هي صناعة مصرية

وتمنياتي لكل الشعب المصري بالنهوض من اجل الارتقاء والوصول للاهداف كي

لا يتسنى الى من يتربص بكم من الاعداء لتدمير امنا الغالية جمهورية مصر العربية

وانا من غزة سيكون كل شرائي منتجات مصرية