امتي بقي يا مصر (سؤال مطروح -مواطن مجروح)

امتي بقي هيتغير الروتين الي كل الشباب ماشيين بالعافيه عليه

1 - ادرس عشان تبقي مثلا دكتور قد الدنيا او ظابط او حتي مهندس

( يبقي عندك طموح وامل تبقي حاجه من دول )

2 - ادخل الكليه عشان تبني مستقبلك وتشتغل بشهادتك وتتجوز

(تتعب وتذاكر وعلي امل انك تتجوز وتبني بيتك وتعيش احلامك مع نفسك)
(وياريت نافع انك تحلم)

3 -تتخرج وتخرج كل يوم تدور علي شغل وتتمرمط عشان حد يقبلك في شغلانه بشهادتك

( دا لو ممعاكش واسطه طبعا )

4 - اشتغل 10 سنين عشان تعرف تفتح بيت وتتجوز

(وياريت شغلانه واحده مكفيه)

5 - يتهد حيلك عشان تعيش مع مراتك وولادك بالمصروف والمطلوب منك قبل ما تموت تسيبلهم حاجه يعيشو بيها

(واكيد مرتبك دا هيبقي تبع نظام الحد الاقصي للاجور يعني السكر والرز والزيت يغلي وانت بردو تقبض الورقه ام 200 )

امتي سيناريو مصر الازلي هينتهي
امتي الانسان هيتقدر ف بلده ويشتغل الحاجه الي بيحبها
امتي هنتطور
امتي مش هنقلق من بكره
امتي تنام وانت متطمن ان بيتك امان
امتي هننسي الاباحيات الي بنهرب بيها من حياتنا
امتي هتقدر تفكر صح وتطور
امتي تعليمنا يدعم تصميم الالكترونيات بدل ما نتعلم حمار يعني ايه بالانجليزي
امتي هننسي دينا وسعد الصغير وتامر حسني وعمو دياب ونحل جموح الارهاب
امتي نبطل كلمة ياباشا كل ما نشوف واحد علي كتفه نسر وبدله
امتي هنشرب ميه نقيه
امتي هناكل عيش ابيض
امتي هنبدأ بنفسنا

امتي بقي يا بلد
امتي؟

مفتكرش اني ببالغ في كلامي
بالعكس دا عن رؤيه متكرره كل يوم
سؤال وبلاش تردو عليا ب شكرا او باختصار
تفتكر مش هنقول امتي مع رئيس جديد لمصر وهيطلعلنا نهار؟
(انا مفتكرش وليا رجعه ان شاء الله في الموضوع دا بعد 3 سنين)
لاثبات ان مصر مش عايزه برادعي ولا زويل ولا حتي ريسين
مصر عايزه
حلواني فنان

ياااااااااااااااااااااااه موضوع على الجرح خيتي

ربما تتغير الاحوال ويرى الشباب النور لتعصف بهم الرياح نحو مستقبل افضل ولكن

هي من الاصل سياسات الحكومات العربية نحو الشباب العربي لكي يفكر بهذا التفكير

المطلوب منا ككل العمل على خلق سياسة تجعل من الشباب عطاء الى ابعد الحدود

تبدأ من القاعدة وهي الشعب الى رأس الهرم هي الحكومة ولكن هذا الامر يحتاج منكم

السعي والمثابرة الحثيثة نحو من يريد ان يحكم الشعب بما يرضي الله ورسوله وشعبه

ولتكون العين الساهرة عليهم حتى لا يكون هناك تبديل اشخاص ويذهب طاغية وتاتي طاغية

كل الاحترام والتقدير من الريح77

موضوع قوووى وجاى على الجرح بجد

والمشكلة اننا عملنا الثورة واسقطنا نظام بس لسه مش حاسين بتغيير ملموس

عدى على الثورة سنة ولسه كل اللى اتقال فى الموضوع موجود

ولسه فيه ناس بتنتحر عشان مش لاقيه تاكل ومن الفقر ومن الديون

بس الحاجة الوحيدة اللى بنصبر بيها نفسنا اننا نخلى عندنا شوية أمل ونقوول

إن شاء الله اللى جاى أحلى وبكرة فيه نهار جديد هيطلع علينا وهنحس بيه

الريح شكرا على مرورا والله الشعب بيعمل اللى عليه بس الظاهر الحكومة واحدة لحد دلوقتى نأمل فى التغيير .

نيرة تسلميلى على مشاركتك فى الموضوع النظام مسقطش الشهداء هما اللى سقطوا واحنا قعدين نتفرج ياترى هيحصل ايه ياريت ميكونش مسلسل عربى سخيف ونهايته معروفة .