هل تؤيد فكرة العصيان المدني كوسيلة ضغط (استفتاء )؟؟

السلام عليكم احلي اصحاب

الموضوع باين من عنوانه

هل تؤيد فكرة العصيان المدني أو ما يسمي بالَاضراب المفتوح من يوم 11 فبراير والي ان يشاء الله

من اجل الضغط علي المجلس العسكري حتي يترك السلطة ؟؟

وان كنت توافق فهل ينطبق ذلك علي المؤسسات التعليميمة واعني هنا الطلبة وليس الاساتذة حيث ان هناك دعوة موجهة لطلبة الكليات بضرورة عدم الذهاب للكليات من 11 فبراير الي ان يشاء الله وحتي يسلم المجلس السلطة

يا ريت نصوت برأينا في الاستفتاء وبعدها نقول رأينا هنا في الموضوع

لماذا تؤيد او لماذا ترفض

وارجو الاجابة علي السؤالين

انا لا اوافق
رايي من راي بيبووو
لانو العصيان المدني هيصب ضرر علي المواطن لانو هو المتضرر الوحيد وراح تتوقف حال المواطن ويتدهور اقتصاد الدولة ولانو العصيان المدني مضاره اكثر من منافعه
هي مصر ناقصها اكتر من اللي بيحصل لهاااا
موضووووع جميييييل اية
تسلم ايدك يا رب

تم التصوووووووووووووويت

بصراحة انا في رايي هي تعتبر وسيلة ضغط
بس للاسف بيكون ضحيتها المواطن البسيط
انا كل يوم بركب الميترو وبشوف قد ايه الناس حالتها كرب
وبيقعدو يحسبنو على المتظاهريين من شدة التاثير الاقتصادي عليهم
ده غير العمال اللي معاية في الموقع بيشتغلو اي حاجة
والله الواحد كل يوم بيتالم من اللي بيشوفه من حال الناس

مالناش غير ان نحمد ربنا ونقول الحمد لله

------------------------------------------
ونقطة تانية الغياب الامني اللي حاصل والقتل والسرقة
هانقل لكم status لاخوية لسه كاتبه النهاردة الصبح وقولو لي رايكم ايه في الوضع اللي احنا فيه


قتل وسرقه وسطو مسلح واختطاف واغتصاب !!!!!!!!!!!!
هل هانت حرمات المسلمين بينهم الى هذا الحد.........
اين الخوف من عقاب الله ؟؟؟؟؟؟؟؟؟؟
اين الضمير الانساني ؟؟؟؟
اشك ان من يفعل مثل هذه الامور عنده اي ذره من ايمان او انسانيه بل تجرد من حتى الطباع الادميه فحتى الحيوانات لا يفعلوا هذا ببعضهم البعض فهناك قانون طبيعه يحكمهم ....
لا اجد ماقوله او اكتبه فقلبي ملئ بمراره وغصه تكاد ان تعتصره من الالم والحزن .......
فلقد مر علي شخصيا في اسبوع واحد عده مشاهد زادت من احساسي هذا ........
1- والدة زوجتي تهجم عليها بلطجيه بالسلاح الابيض وهي عائده من عملها وسرقوا كل مامعها من نقود.
2- وجدنا في الصباح في القرب من مزرعتي الساعه 6 صباحا سيارة متوقفه وبها شخصان وقد فارقا الحياه بعد ان اطلق عليهم قطاع الطرق الرصاص .
3- فتاه قريبه احد جيراني تبلغ 18 من عمرها خطفت ولم يعلم عنها اهلها شيئا منذ ثلاث ليال .
4- عثر على فتاه مقتوله بالقرب من احد المزارع بالقرب من مكان عملي .
وهذا ماعرفته بنفسي غير ما نسمع من الكثيير .......
فلا اجد الا ان اقول ((حسبنا الله ونعم الوكيل ))
وان ندعو الله عز وجل ان يعيد بلدنا امنا وامانا وسائر بلاد المسلمين وان يحفظ نساءنا واولادنا وبناتنا واهلنا جميعا من كل سوء

جزاكم الله خيرا

انا مش هعقب علي أراءكم

انا هدخل علي رأيي علي طول

الاضراب بصفة عامة او العصيان المدني فكرة جديدة عليا او حاجة انا اول مرة اعرفها وبالتالي

لما اتعرضت عليا الفكرة اول مرة ما قررتش بسهولة قعدت افكر وادور

شوفت فيديو معين فيه مؤتمر للثوريين الاشتراكيين

عن العصيان المدني بصراحة استفذني جدا

يعني اللي فهمته من كلامهم انهم مش مفرقين بين الجيش كجيش وبين المجلس العسكري

وبيقولوا ايوة احنا عايزين نسقط الدولة ونبنيها من تاني

بيقولوا ان علشان نسقط الجيش لازم نقسم الجيش من جوة ونخليهم يضربوا في بعض

ما علينا من دة كله

انا لقيت زمايلي باعتين علي الفيس بوك انفيتاشن لكل زمايلنا اننا ما نروحش الكلية يوم السبت

وحتي يسلم المجلس العسكري السلطة وفي كلامهم يعني ان اللي هيروح الكلية هيبقي مقصر في حق الشهداء ومش عارف ايه

طيب انا كطالبة لو عملت اضراب هضر الحكومة في ايه ؟؟

بالعقل كدة هضرها في ايه وانا كائن مستهلك مش كائن منتج

والله لو اساتذة الجامعات عملوا اضراب ممكن يكون مؤثر لأنهم منتجين مش مستهلكين

لكن احنا كطلبة لو عملنا اضراب دة هيضرنا احنا بس

يعني مثلا انا في سنة رابعة دلوقت

وبدرس خمس مواد في مادة باخدها في شهر ومادة تانية في شهرين

ويوم السبت ان شاء الله عندي رمد

وهيستمر شهرين يعني طول 6 سنين بتوع طب مش هدرس رمد غير الشهرين دول

والمعروف في طب ان دراستها عملي يعني هشوف مرضي وكدة

لو ما رحتش انا الكلية الشهرين دة يبقي خسرت كل الاستفادة اللي ممكن استفيدها في طب غير اني ضريت نفسي في الامتحان

لاني بتسأل عملي علي المرضي

يبقي مين اللي اتضر دلوقت انا ولا المجلس العسكري

اي تضحية دي لما اضحي بمعلومة ممكن افيد بيها حد

وفي الاخر بيتقال ان اللي مش هيعتصم دول ناس ما عندهاش وطنية ولو طلعوا حنينين شوية يقولوا

دي شوية عيال دحيحة ما يهمهمش غير يجيبوا تقديرات وخلاص

فشل الاضراب بشدة
وانطلقت ابواق المجلس العسكرى .. تنعق بالفرحة والسخرية
واعنى بالابواق ( الاعلام الرسمى وبعض الخاص + القوى السياسية المساندة للعسكر )
وبناءا عليه :
اتوقع مهزلة جديدة من مهازل العسكر .. وربما يتبعها مذبحة جديدة معتادة

وان كنت اتصور ان تجربة الاضراب والعصيان .. هى اخر الحلول السلمية مع العسكر
بعيدا عن حقل الدماء وحقناً لها

لله الامر من قبل ومن بعد

في استفتاء مارس ( مع العلم مكنش ليا صوت علشان كنت لسه في الجيش )
كنت اكتر واحد بقول نعم للتعديلات الدرستورية
من اجل حاجة واحدة بس ... وهي انى مضمنش المجلس العسكرى بتعريفه
وساعتها كان العسكر في عز مجدهم
وحب الناس ليهم كان غير عادي
عدى الاستفتاء وطلع اعلان دستورى بحاجة وستين مادة
استفتينا منهم على 6 بس وقولنا عادى كبر دماغك
هما 6 شهور وهيرجعوا مكانهم
انا مش هطول علشان كلو فاكر اللى حصل
لكن ببساطة خالص هنلخص كلو في كلام بسيط
مسرح البالون
ماسبيرو 1 و 2
محمد محمود
مجلس الوزراء
بورسعيد
الداخلية
دا غير بقا قانون الطوارئ والمحاكمات .... والخ
اعتقد دي اسباب كفاية اوى متخلنيش طايق استنى عليهم
لو يوم واحد بس
نفس الاسلوب الاعلامي الحقير
مصر بتتحرق عجلة الانتاج الاقتصاد والحبشتكنات دي
الناس اللى بتقول عجلة الانتاج
مصر بتطلع من الميزانية 186 مليار جنية مرتبات ومعاشات
لو اتحدد حد ادنى 1200 جنية واقصى 30000 جنية
يبقا الاجمالى في الميزانية 156 مليار جنية
يعني هنوفر 30 مليار جنية
وخليت الفقير يعيش حياة ادمية
والوزير ميخدش اكتر من حقو
اللى فاكر ان البورصة بتخسر عشان المظاهرات لازم يفهم
ان ايام الثورة ( 18 يوم ) مكنش حاجة شغالة واللى بيخسر اصحاب رؤوس الاموال
واللى ناسي مليارات الدولارات اللى اتهربت بعد الثورة لازم يفتكر حاجة
ان الحكومة اللى المفروض ثورية
لو كانت رفعت سعر الدولار في وقتها عشان محدش يغير عمله
ويهربها مكناش دورنا على المستثمرين وبنقول بيطفشوا
واللى شايف ان العسكر خايفين على مصلحة مصر
يبقا غلطان عشان مبارك كان بيسرق 30 سنة
وطنطاوى مكنش ماسك السجادة ومقضيها عبادة
واللى شايف بعد دا كلو ان دعوة العصيان كانت خراب للبلد
اقولوا العصيان فشل .... ومستنى معاك الكام شهر الجايين
ــــــــــ
اسف على الاطالة

الى حد ما اتفق معاك يا رحال
ويمكن انا وانت عارف ان معظم القيادات في الجيش
مش راضيين عن نظام العسكر
ولكن ما زلت أتسائل فيما أرقب كل شيء حولي …متى نستأنف الحياة ؟!
يبلغ بنا الامل الاحمق ما يجعلنا نتصرف وكأن باب الحياة الكريمة انفتح فجأة ..وفي احيان اخرى نشعر اننا بحاجة الى عمر آخر كي نخترق الاسوار لنتمكن من ملامسة الحياة

ايمن يا صديقي

ما تقوله هو ما يريده العسكر أن نصل اليه

هو أن نفقد الأمل وفقدان الثقة بالثورة العظيمة

أما بخصوص متى نستأنف الحياة ؟

فأنا ايضاً اتسائل ولنعلم جميعاً أن الاجابة بين (كابات ) العسكر

ـــــــــــــ

بيبو يا اقرب صديق

لا تنسى أن فشل العصيان استغله المجلس على اععتماد شرعيته

واعتبره استفتاء ضمنى لحكمه

كما فعل في استتفاء مارس وفعل في الانتخابات ....إلخ