أشحنلى شكـــراً

بسم الله الرحمن الرحيم
***
**
*


المشكلة النهاردة انا قريتها وأتصدمت لما قريتها بصراحة قلت اقولهالكم وأشوف رأيكم فيها

الكلام بخط صاحبه الرسالة مع شوية تعديلات فى الحروف .. وانا اللى اخترت اسم الموضوع

*********

تقول س .م .ع _ مصر :

(( يا جماعة انا عندى مشكلة تعبانى اوووووى .. انا مخطوبة من سنة و4 شهور

وبحب خطيبى اوووى اوووى وانا من اسرة مستواها المالى مرتفع

المشكلة بقى ان خطيبى فجأة بدأ يتغير وكل شوية يقولى اشحنيلى وبمبالغ

كبيرة

انا مش بخيلة والله وممكن اشحنله عادى بس انا بحس انه مش راجل لما يطلب

منى كدة ولما اقوله فى هزار لأ مش هشحنلك يقولى ما انتوا اغنيا وعندك

لاب توب وعربية وبدأت أحس انه بيحسدنى على اللى عندى

ولما اخدود كلامه على انه بيهزر يقلب عليا ويقلى لو مشحنتيش والله ما

هكلمك تانى ويكون بيتكلم بجد

وانا بحبه اوووووى ومش عوزاه يسيبنى وبخاف على زعله

شحنتله مرات كتير وانا والله مش بخيلة ومش مشكلة عندى انى اشحنله

بس انا خايفة بعد ما نتجوز يتعود على كدة وميرضاش يصرف عليا وعلى البيت

ويقولى اصرفى انتى او هاتى من عند بيت ابوكى

انا قلت لامى على المشكلة دى وزعلت منى اووووى انى عملت كدة


وقلت بردو لصحبتى قالتلى سيبيه

بس انا مش عارفة هوا كدة بيزهقنى منه عشان اسيبه ولا هوا بيعمل كدة ليه؟؟؟؟؟؟؟؟

قولولى اعمل ايه ؟؟ الخناقات بينا زايدة اوووووى ودلوقتى متخاصمين ))


********

دى المشكلة فياريت كل واحد منا يحط نفسه مكانها وكمان مكانه ويقول ايه الحل المناسب

وربنا ما يوقع اى حد منا فى اى مشكلة

بصراحة الموضوع نرفزني جدا
يمكن اكون متسرع جدا في رايي
بس بصراحة انا مش عارف هو الحب عماها ليه كده
انا هاسميه استغلال ومفيش تعبير غير كده

وخاصة جزئية

ولما اقوله فى هزار لأ مش هشحنلك يقولى ما انتوا اغنيا وعندك

لاب توب وعربية

بصراحة انا في رايي العلاقة هاتكون بينهم فاشلة وسوف
تحمل بينهم الكثير من المشاكل
معلش كلامي ناشف شوية بس مضايق جامد من المشكلة

انا رأيى من رأى أيمن دى علاقه فاشله جدا وهو بجد استغلالى وكده يبقى طمعان فيها هو لو راجل فعلا مش هيقبل حاجه زى دى على نفسه ده حتى طريقه كلامه تعصب هو لو بيحبها فعلا هياخدها عشان نفسها مش عشان اللى عندها انا لو مكانها عمرى ما هأمن على نفسى مع انسان زى ده لسه فى الخطوبه ويقولى اشحنيلى امال بعد الجواز هيقولى اشتغلى واصرفى عالبيت انا شايفه انها تبعد دلوقتى احسن ما تتجوزه ويبقى بينهم اطفال وتضطر تستحمل اكتر من كده وتقول عشان الولاد وتحمد ربنا انه بأن وهما لسه عالبر واسفه جدا عالاطاله

انا شايفة ان تصرفه ده في كل الحالات مش كويس
لو كان فيه مشكلة كان صارحها افضل من الطريقة السيئة دي واللف والدوران ده
ولو فعلا هو بيستغلها أو طمعان فيها او او
برضه من أولها كده تسيبه أحسن لها
دا من الاول كده طب لما تعاشره بقى هيبقى ازاي
اصلا بيكون في الزوج عيوب ومش باينة وبتبان بعد الزواج وكذلك في الزوجة
انما ده من الاول والعيوب بدأت تظهر آهي
مش عارفة حب ايه ده بتحبه على ايه ؟؟؟؟؟؟؟؟؟؟

أراَئكم كلكم حلوة جداااااا .. ودة اللى المفروض يحصل وهيا لازم تعمله

انها تبعد وتسيبه من دلوقتى أحسن لها

انا مقدرة النرفزة اللى كنت فيها يا باشمهندس ايمن

لانى حطيت نفسى مكانها وبقيت هتجنن .. وقلت اعوذ بالله من دى نوعية من البشر

هوا فيه رجالة كدة اصلا ؟؟

ولو كان هوا بيلف وبيدور عشان يسيبها المفروض مش يعذبها معاه كدة

وان واثقة انها مهما هتتعب لما تسيبه عشان بتحبه اكيد ربنا هيعوضها عنه اللى

يفرحها ويريحها وينسيها عمايلة دى ..

أجمل تقييم لكل من مر وقال رأيـــــه

+++

وادينا بنتعلم من مشكلات غيرنا