يلا حلوا من عمايل ايديا

دي اسمها تورتة الجيلي او جاتوه الجيلي حاجة كدة يعني جبت طريقتها من واحدة صاحبتي

عبارة عن كيسين جيلي هتعمليهم عادي وتحطيهم في الخلاط مع كوب قشطة او زبادي و3 معالق كريم شانتيه

وتضربيهم كتير وبعدين تطلعيهم تحطي كيس سلوفان في القارب اللي هتحطيه فيه

وتحطي عليه فراولة انا ما كانش عندي فراولة حطيت سوداني مفروم

وبعدين تصبي نص الخليط وتجيبي كيك جاهز او بسكوت

وتحطيها عليه وتكملي صب الباقي توضع نصف ساعة في الفريزير وبعد كدة تطلع تتحط في التلاجة وبالهنا والشفا

دة بقي جاتوه عادي بالشيكولاته انا جبت البودرة بتاعته جاهزة

حطيت عليها المكتوب علي العلبة بيض وسمن او زيت و ماء

ودخلتها الفرد وبعد كدة زينتها بشيكولاتة خام بني وبيضاء وكريم شانتيه وفراولة

سهلة قوي للناس اللي عايزة تعمل حلو في البيت بسرعة

لو حد ملتبس عليه حاجة في الطريقة يسأل حاسة اني شرحت بغباء شوية علشان مستعجلة بس

تسلم أيدك يا أيوووته عاجبنى اوى الجاتوه اللى بالشيكولاته ده ممكن ادوق بقى ولا ايه

ايه الحاجات الحلوة دي ايووووووووووتة
عااااااااااااااااااااايزة ال3 أطباق دووووووووووووول

الله على الجمال

نفس افضل ابتكر وابدع كدة

بس إن شاء الله لما افضى

لانى من كتر الفراغ اللى انا فيه مش فاضية

بس سؤال بقى

انتى بتقولى نجيب كيك جاهز او بسكويت فى كيك الجيلى دة

يعنى تحطى طبقة جيلى وطبقة كيك او بسكويت ؟؟

هحطلك الطريقة بالصور نيروووو



هنا انا حضرت الجيلى عادى خالص كوب كبير ماء مغلى ندوب فية الجيلى ثم نضيف لة كوب اخر من الماء البارد بعد كدة نضعة فى وعاء الخلاط العادى

دة شكل الخليط اصبح لونة وردى وتقيل شوية

نحضر قالب توست او اى شكل اخر تحبوة ويبطن بالنايلون



نصب كل الخليط فية بهذا الشكل






ثم نحضر قطع من الفراولة الطازجة ونضعها فية بشكل عشوائى كمية حلوة يعنى

ثم نحضر اى كيك موجود عندنا ونقطعة شرائح ويرص فوق القالب بهذا الشكل انا هنا استخدمت 3قكع من كيك التودو الفانيليا ومحشو مربى فراولة وكريمة دة طبعا اختيارى النوع حسب الرغبة



نغطى النايلون بهذا الشكل ويوضع فى الفريزر نصف ساعة ثم ننزلة التلجة العادية الى ان يتماسك يعنى ممكن من الصبح الى الليل او العكس

ودة شكلة بعد ما تماسك وقلبتة نبدا نقطعة الى شرائح السمك حسب الرغبة





قدم بالهنا مع قليل من صوص الفراولة
نلاحظ شكلة عند التقطيع الفراولة شكلها عشوائى كل قطعة هتلاقوها مختلفة عن التانية
صوص الفراولة *
********
عبارة عن فراولة طازة وهرستها فى الكيتشن من سكر بقت بورية فراولة من غير ماء خالص وحطتها ربع ساعة على النار تتقل شوية وباله

ماشاء الله تسلم ايدك

حلوة اوى شكلها يشرح القلب كده

تسلمي بسملة

يا عينـــــى على الدلـــــــع

إن شاء الله هجربها

تسلم الايادى ايوووووتة

ومشكورة على الشرح الوافى