الفطير المصرى المحشى

الفطير المصرى المحشى..



الفطير زى بتاع الفطاطرى بالصور التفصيليه
المقادير
3/4 3 كوب دقيق(تلت اكواب وتلاته ارباع)

2 الا ربع كوب ماء

ملعقه صغيره ملح

الطريقه

اهم شىء فى هذه العجينه هو طريقه عجنها او بمعنى اخر مده العجن فهى تحتاج
حوالى ربع ساعه بالعجانه او 45 دقيقه باليد ماتستغربوش فعلا تحتاج هذا
الوقت ونا بصراحه عجنتها بايدى كنت اعجن شويه واريح شويه اهم حاجه العجينه
علشان نتاكد انها اتعجنت كويس لازم لما نشدها تكون ناعمه وتتشد معانا مثل
اللبانه(العلكه)يعنى تكون مطاطيه كما فى الصوره

شوفوا بتتشد ازاى من غير ما تتقطع



هنا تكون الجينه جاهزه نقوم بتقطيعا حوالى خمس قطع ونكورها ونضعها فى طبق
مدهون بالزيت ونمسح عليها بالزيت ايضا ونتركها ترتاح حوالى ربع ساعه



نبدا فى تحضير الحشوه وده اختيارى انا استخدمت لحمه مفرومه معصجه وللوجه استخدمت جبن رومى مبشور-زيتون-فلفل-طماطم-بيض



بعد ذلك نفردها بالنشابه ويكون السطح مدهون بزيت ونحاول على قد ما نقدر نجعلها رقيقه



نضيف الحشوه ونبدا بطيها






وبعد ذلك ننقلها فى صينيه وندخلها فرن حامى حوالى سبع دقائق لكل وجه
وبعدين نخرجها ونضع عليها بيضه وفلفل اخضر وطماطم وزيتون وجبنه مبشوره هكذا

ونفتح عليها الشوايه من فوق حوالى خمس دقائق فقط وانتبهى الا تحترق
وبعد ماتبرد قطعيها ورصيها فى طبق التقديم



ودى حشيتها مربى وقشطه ومكسرات وزينتها بالسكر البودره

يارب يكون عجبكم الفطير
منقووووووووول

يا عينى على الجمال

فكرتينى بالأيام الحلوة دى .. ماما دايما كانت بتعمله بس الحلو اللى بالسكر

وفعلا العجينة كانت بتاخد وقت كبير اوووى فى العجن

وكانت بتطلع مطاطية جداااااا .. لدرجة انى كنت بفكر ازاى امى بتعرف تتحكم فيها

بس بجد هاااااااااايل .. صور تجّوع على اَخر الليل كدة

تسلم إيدك روووز على الاختيار الطحن دة

الله يجازيك خير يا بيبو
أسعدني مرورك الجميل

-------
ما شاء الله على مامتك شطورة يا نيرو ربنا يحفظهالك يارب
اتعلمي منها بقى كتيييييييير وعلمينا علشان نبقى كلنا شاطرين زيها كده
ربنا يحفظها يارب
و إنت كمان ما شاء الله شطورة علشان بتحبي تدخلي المطبخ وتجربي لان فعلا لازم نجرب بنفسنا علشان الحاجة نقدر ان شاء الله نظبطها وكمان ما تاخدش مننا وقت طويل
ربنا يوفقك عسولتي

حلوة قوي تسلم ايدك انا برضو بحب ادخل المطبخ بس دايما حاجتي بتطلع حلوة قصدي مش بتطلع حلوة خااالص دايما الاكل يبوظ مني ههه

تسلمين يا دعاء --لا مرة على مرة كل شيء هيطلع ان شاء الله تماااااااااااام
وبعدين اللي اكتشفته في موضوع الاكل ده ان الناس اذواق يعني لما بتطبخي اكله هتلاقي هتعجب ناس ونا س ثانية لأ
فجربي واعملي وهتتعلمي ان شاء الله واهم شيء ثقي بنفسك واعملي الاكل وانت مبسوطة من اللي بتعمليه هتلاقيه ينعكس على الاكل ويطلع تمام ان شاء الله

تسلم ايدك يا رب

شكراااااااااااااااااا ملاك السكر

a white rose كتب:

واهم شيء ثقي بنفسك واعملي الاكل وانت مبسوطة من اللي بتعمليه هتلاقيه ينعكس على الاكل ويطلع تمام ان شاء الله

هو انا دايما مشكلتي اني مش واثقه في نفسي وبحاول اغير ده كتير والله
------
لعلمك بقه انا ببقى مبسوطه جدا من الي بعمله لدرجة اني باكل نصه قبل ما يخلص هههه

ههههه دا إنت زيي بقى

ربنا يوفقك دودو

شكلها جميل

جوعتينى وانا جعانه

بس الفطير نفسو متعب فى عميلو وبيتعب خالص

بيبقى عايز يوم لوحده

تسلم ايدك روز منك نتعلم

انا عمري ما جربته الصراحة نفسي اعمله بس دايما ابعد عن الحاجات اللي بتاخد وقت طويل بس الموضوع جذبني ونفسي ادوق الصراحة قلت اجوعكم معايا هههه
تسلمين حووورية على مرورك يا جميل بفرح والله لما بتشاركينا

جميل جدا ما تقدمينه

يالله خلي هالبنات يتعلمن

ربنا يكرمك أخي أدينا بنتعلم وبنعلم البنات معانا
ربنا يجازيك خير