مصر بقت كلها أرياف

والله يا ياسمينا معاكى حق النور بيقطع كل يوم بالساعات

والناس حالها بيوقف والميه كمان الواحد مش عارف يعمل ايه

لما مش عارفين نعيش فى بلدنا ولا لاقين نور ولا ميه نروح نعيش

فين بس ومش عارفه احنا جبنا رئيس ليه اصلا عشان حال البلد يتعدل

ولا يبوظ اكتر ما كان بايظ حاجه تعصب وتحرق الدم

والله العظيم بعد ماكتبت الموضوع النور قطع ولسه جاي
حاجة تقرف وتخنق
حتي شبكة الموبايل زي الززززفت

نعيشوا ازاي
مش عارفين نعيشوا في بلدنا

بيتعمدوا يقطعوها في كل مصر ؟؟؟؟
مين قاصد الشر ده ؟؟؟؟؟؟؟؟
طيب ماشي في ناس متعمد تعمل كدا فين بقي الرئيس
هيسيب الناس دول يعملوا كدا ؟؟؟؟؟؟؟
بيبو احنا مش متعودين ان النور يقطع كتير كدا انا ببقي خايفة عالاجهزة
بتيجي وبتروح وبتيجي وبتروح وده غلط عالاجهزة بتاعه البيت
كمان الافران مش شغاله وروحت معمل تحاليل امبارح طبعا مش شغال
كل حياتنا بتتعطل بقطع الكهربا طبعااااااااااااااااااااااااااااااااااااااااااااااااااااااااااااااااا
ايه هيشتغل م غير كهربا وميه
دي ابسط حقوقنا يعني دي اقل حاجة
المفروض ان الرئاسة الجديدة توصل ميه وكهربا للعشوائيات
مش تقطعها عن المدن

اولا بقول السلام عليكم احلى اصحاب
وتمنياتي لكم بالصحة والعافية

اما موضوع الكهرباء والميه عند اصحاب البلد اعتقد انها موضوع هايف والحكومة مش فاضية لهيك مواضيع
الافضل من الشعب المصري ان يفعل مثل شعب غزة
ان يشتري كل منكم ماتور توليد كهرباء ويحفر بئر ميه على باب بيتو
لما تفضى الحكومة لهيك مواضيع

عندك حق يا ياسمينا الكهرباء عطلت كل الاجهزة هنا عندى بجد مش عارفة نعمل اية ربنا يهون علينا المهم انك لما تتصل بالكهرباء يقول بنريح الشبكة عشان الضغط عالى عليها والا هتنفجر طيب والبيوت الى فى الزراعة ومش مسكونة ومنورة اكثر من 30 لمبة حول البيت دول اية مش حرام

منهم لله منهم لله

الموضوع دة بجد يخنق و انا بنفسي شفت في فرن العيش اللي جنبنا ماَسي بسبب الكهربا اللي مش بتيجي دي

علي الرغم من ان الرئيس فعلا عليه دور كبير وقوي وضخم انه لازم يحلنا الموضوع الاسود دة

ومحدش يقعد يقول ايدي خفية وطرف رابع وكلام الافلام دة .. اومال فين صلحيات الرئيس اللي يقول ابنو مولدات ونورا الدنيا في يومين .. ودة هيكون أمر رئاسي في اقل من ساعتين هيتنفذ

بس انتي لاحظتي يا رحاب انك وانتي ماشية ف الشوارع والكهربا موجودة كمية التبذير الفوق الرهيب اللي الناس فيه

دة مفيش بيت غير عليه فروع النور الايتس دي .. والفوانيس منورة

علي ايه يعني كل التبذير دة ؟؟؟؟؟

انا بصراحة عمري ما شفت المنظر دة عندنا هنا في البلد في رمضان الناس بقت مستهترة جدا

ولما يجي حد يقولهم رشدوا الاستهلاك الكلام ميعجبهمش ويقولوا ان دي مش وظايفنا اننا نعمل كدة

بس انت واجب عليك انك ترشد الاستهلاك ..

بس الحمد لله امبارح والنهاردة الامن مستتب والكهربا مقطعتش خالص

يااااااارب ربنا يكملها علي خير ويصلح حال البلاد والعباد

والله العظيم في كل صلاة بقول .. اللهم أرفع مقتك وغضبك عن مصر وسائر بلاد المسلمين

وياريت كلنا ندعوا الدعوة دي ..

الاول الف سلامة عليكى يا قمر

وبعدين بقى عندك حق والاهم الحر يا جدعان الواحد هيفرفر مينفعش كده وربنا