يا نااااااااااااس نرضى ..

ليـــــــــه مش بنشوف غير بس اللي مش عندنا

مش فاهمين معنى كلمة رضــــا ..


بصوا انا هحكيلكم على موقف هوا اللي هقدر اوصل بيه اللي جوايا ..

ليا صاحبتي كانت متعلقه بحد في العيله عندهم
من بعيد لبعيد والله ما كان في بينهم اي شيء..
وكانت بتدعي ربنا ليل نهار يكون من نصيبها

مرت الايام وف يوم جه فعلا الشخص ده
وطلب يرتبط بيها .. والاهل وافقوا والدنيا مشيت ..

الشخص طلع ملتزم اووووي ما شاء الله
وبيحبها وبيحترمها جداااااا لأبعد حدود ..


المهم ان بعد فتره من خطوبتهم .. وخلاص اهو اصلا جوازهم قرب

كل اللي بتشوفوا .. الوحش وبس

اخطاء عاديه او مشاكل نقدر نقول عاديه

هيا بتكبرهاااااااااااا جدااااااااااا وبتخليها مشكلة المشاكل

وممكن تقعد اياااااااام منكده على نفسها بسببها ..

يعني مثلا من عينة .. " أصله كان عندنا وفضل يتكلم مع
ماما وبابا اكتر مني .. مش مديني اهتمام زيهم "

"لما كلمته ف التليفون رد عليا بلا مبالاه كده .. كأني عادي"


سؤالي انا بقى..

ليــــــــــــــــــــــــــه كده !!!!!


لييه شاغله نفسك بكل ده وبس ؟؟

ليه مش شايفه ان ربنا انعم عليكي واستجاب دعائك ؟؟
كان ممكن جدااااااا يتقدملك اي حد تاني.. مش اللي انتي بتتمنيه
أد ايييييه ناس بتصلي لييييل نهار تتمنى ربنا يرزقها
بالشخص اللي نفسها فيه .. ومش دايما بيحصل

ليه مش شايفه أد اييه الراجل محترمك وبيحبك ؟؟
وبقوا قليلين اصلا اللي بيحترموا واللي بيعرفوا يحبوا صح

ليه مش شايفه ان ربنا كارمك ومخطوبه وخلاص جوازك على الابواب
وربنا رازقك بشخصيه محترمه ؟؟
واد اييه ناس لا لاقيه تخطب ولا تتجوز ولا حد محترم


ليه مش شايفه كااااااااااااااااااااااااام مره لما جه كان بيتكلم معاكي انتي اكتر منهم ..
دا لو هنمسك يعني ورقه وقلم ونحسبها ؟؟



لييه عنينا مبتشوفش غير الوحش .. دا اذا اعتبرنا انه فعلا وحش


ليه مبنقولش الحمـــــــــــــــــــــد لله على النعـــــــــــــــــم
مش نعمه واحده ولا اتنين كمان ..

دا احنا والله ف نعـــــــــــــــــم