الطريقه الى بتصحى بيها بتختلف من واحد للتانىيعنى ممكن تصحى كدهفوزي .. فوزي .. فوزي .. اصحى يا فوزييييييييييييييييييييييي فيه ايه يا ولية سرعتيني ..
قوم يا راجل الفطار جهز ..
انتي بتصحيني بالطريقة دي عشان اقوم افطر ..
اومال اسيب الفطار يبرد ..
لا .. تموتيني بالسكتة القلبية .. لكن الفطار ما يبردش ..
قوم بقى يا راجل ..
طب و الله ما انا فاطر ..
ان شالله ما فطرت .. و انا اوجع دماغي ليه ..
غوري يا وليه .. يخرب بيت هبلك ..
او كده..................................................
واد يا احمد .. واد يا احمد .. قوم يا بغل كفاية نوم كدة ..
ايه يا بابا .. عاوز انام ..
نوم ايه يا خروف .. ما انت نايم بقالك 3 ايام ..
تعبا يا بابا تعبان ..
يعني شغال في الارض طول النهار يا خويا .. و لا كنت بتحفر قناة السويس ..
(ديييييييييييييب على الارض) .. آآآآآآآآه ..
ايه يا بابا .. فيه حد يشد حد يرميه على الارض عشان يصحيه ..
اومال عاوزني ابعتلك الدادة تصحيك يا عجل ..
و ايه الحظيرة اللي بتناديني بيها بس دي ..
ما انت لو كنت بني ادم كنت ناديتك باسمك .. لكن انت طور ..
او ممكن كده.............................................. ....
عمر .. عمر .. قوم يا حياتي .. اصحي يا حبيب قلبي الفطار جاهز ..
صباح الخير يا حبيبتي ..
صباح الخير يا روحي .. قوم بقى عشان الفطار جهز ..
فطار ايه بس .. هو بعد الكلام الحلو ده حد يعوز فطار .. انا لما بشوفك بشبع ..
قوم بقى و بطل كسل ..
طب سيبيني بقى انام شوية ..
طب انا هجيب الفطار و نفطر سوا على السرير ..
..............................................
مش مهم الفطار ايه .. المهم هتصحى ازاي و مين هيصحيك و يفطرك ..
؟؟؟؟؟
الأربعاء مايو 28, 2008 2:18 am
