- ميدو وماريو كتب:
- ده احلي واجمل كلام انا قرأته ف المنتدي كله م لحظه دالله على ماتقول شهيدي انتي بجد احلي روز وانا هكتب الموضوع ده عندي عشان افتكرك بيه هو ليه يا روز الستات بعد الجواز بتفقد شئ م رومانسيتها وشويه م اهتمامها بنفسها وشويه م خجلها وحبها ومتقوليش عشان المسؤليه
بصي يا ريري الزواج نقلة تانية خاااااااااااااااااالص للبنت
وكل سنة بتفرق عن السنة إللي قبلها
مش موضوع مسؤولية
بس بجد الواحد حيله بينهد في الحمل والولادة وتربية الأطفال كل ده من الصحة وكل ده بيؤثر على الطرفين
وبعدين زي ما قالت بسملة
الغربال الجديد له شدة
سواء البنت أو الولد بيكون قبل الزواج بيحب يكون في أحسن شكل ولكن بعد الزواج خلاص كل واحد بيكون على طبيعته مش هتقدري تعيشي طول عمرك و إنت في أحسن و أحلى شكل
وعامة لما الواحدة بتكون بتحب زوجها بيفرق لإنها هتحب ترضيه وتعرف إيه الحاجة إللي ترضيه وتحاول تعملها في غالب الأوقات
وكمان على حسب الزوج في أزواج بتكون شديدة فزوجاتها بترضيها تجنبا للمشاكل وخلاص مش علشان بتحبه
إنت دلوقتي مسؤلة عن نفسك فقط ومع ذلك في أوقات ممكن تكوني بتهملي شوية في نفسك
زي مثلا وقت الإختبارات ليه علشان في حاجة شغلاكي مهمة وبتتعبك جسمانيا فما بالك لما تكوني مسؤولة عن أسرة غير مسؤولياتك الخارجية
بالنسبة للحب مش عارفة لأني تزوجت زواج عادي فالحب عندي بالعشرة ومع مرور سنوات الزواج --الزوجين بيرتبطوا ببعض أكثر وكل واحد المفروض يفكر فيما قدم له الطرف الآخر من تضحيات وكل واحد بيفكر فيما فعل له الطرف الآخر في ما مر بهما من سنوات
فالإنسان الناضج الوفي حتى لو حدثت مشاكل لا ينسى أوقات السعادة
مش فاهمة تقصدي إيه بالخجل بس عامة خلاص عرفتي الحياة على حقيقتها و أصبحت تفكري أكثر بعقلك عن مشاعرك وخيالك وعامة الخجل دا بيكون أكثر للبنت عن السيدة المتزوجة التي عرفت الكثير عن الحياة