أنا بقى هبدأ بالرد على الاسئلة
يالا بينا :-
كيف تقضي يومك في شهر رمضان؟
بما انا دى اول سنة هقضى فيها رمضان وانا مش فى الكليه اذا هقول يومى ايام ما كنت فى الكليه
اصحى من النوم اروح الكليه وارجع اصلى الظهر وانام اصحى ساعة اذان العصر اصلى واقرا شويه قران واحضر فطورى افطر واصلى المغرب _ دا واحنا فى المدينة الجامعية _ فى اوقات بنزل الشارع مع صحابى نتمشى شويه وساعات مش بننزل وممكن اذاكر شويه او اقرا قران لغايه صلاة العشاء واقرا قران واصلى واذاكر شويه تانيين وانام
اصحى اتسحر واصلى الفجر وهكذاااااااا
دا فى الجامعة لو بقى فى البت انام لغايه الظهر اصحى اصلى واتفرج على قناة الناس او اى شيخ من الشيوخ انا وماما . العصر يأذن اقوم اصلى واقرا قران وادخل مع ماما المطبخ نجهز الفطار نفطر .اصلى المغرب اتفرج على التلفزيون لغايه صلاة العشاء اصلى واقرا قران واتفرج على الاستاذ عمرو خالد وانام .
اتسحر واصلى الفجر واقرا قران وهكذاااااااااااا
================================
_ ما البرامج التي تحرص على متابعتها في رمضان؟
السنة اللى فاتت كان برنامج الاستاذ مصطفى حسنى" على باب الجنة " والسنة اللى قبلها كنت بتفرج على الاستاذ عمرو خالد والشيخ محمود المصرى
واحيانا مسلسل الدالى
===============================
_ بأى شئ يذكرك شهر رمضان؟
يفكرنى بالفقرا والمحتاجين اللى مش لاقيين يكلوا واحنا بنحس باحساسهم
=========================================
_ أجمل عادة تحبها في الشهر؟
لمة العائله على الافطار وصلة الرحم
=======================================
_ماذا يعني لكم رمضان وأنتم صـغار وماذا تغير الان ؟؟
يعنى لينا واحنا صغيريين اللعب بالفاونيس فى الشارع واللعب مع قرايبنا واصحابنا ودلوقتى اكيد كل دا اتغير وبيعنيلى صيام وقيام وقران ورحمة ومغفرة وعتق من النار
==================================
_ من كم سنه بديت الصوم؟
من سنة تانيه ابتدائى
:
:
==============================
_ بما أني جوعانه ايه هيا الاكله اللي تحبها في رمضان بالذات ولا يمكن تتخلى عنها؟
بالنسبه ليا البيدنجان المشوى اللى من ايد مامتى دا بيبقى تحفة
وكمان السمك المشوى واكيد السلطات
=================================
_ كيف يكون جدولك في رمضان \\وايه الاشياء اللي تحرص علي عملها في رمضان ؟
انتو اكيد عرفتو جدولى من وصفى لليوم بتاعى
الاشياء اللى بحرص على عملها اكيد قراءة القران والصلاة والمداومة على صلاة النوافل والسنن
=================================
اللهم بارك لنا في هذا الشهر الفضيل واعنّا فيهِ على صِيامِهِ وقيامِهِ وجَنّبنا فيهِ من
هَفَواتِهِ وآثامِهِ وارْزُقْنا فيهِ ذِكْرالله على ماتقول شهيد بِدوامِهِ بتوفيقِكَ يا هاديَ المُضِلّين..
السبت أغسطس 23, 2008 4:05 pm
