إيه رأيكم يا شباب في الموضوع ده؟

تخيلي

انه يخطبك واحد وسيم غني كل شيء تتمنية يعني كل واحدة فيكم تشوفة فارس
أحلامها واللي تنتظرة من صغرها واخيرا تحقق حلمها وشعورها لا يوصف من
السعادة طيب مرت الايام بسرعة وجاءت ليلة الزواج انت والعريس لوحدكم
الان انت في قمة الفرح و قال لك شوفي يا بنت الناس انا مش عايز أظلمك معي انا
الصراحة مجبور عليك مو انت اللي اتمناها ---انا قلبي تسكنه غيرك ----حلم طفولتي
بس اهلي عارضو وما اخذتها
ماذا سوف تقولي له؟

منقول

لو كان الموقف العكس

انا عمرى ما كنت هقبل انى اتجوزها
وكنت هلوم عليها انها ماقلتش كدة من الاول لية

:يييي:

طيب المشكلة دلوقتي إنهم خلاص فعلا إتجوزوا

إيه الحل بقى؟؟

تكمل ولا؟؟

بالنسبالى
هكمل معاها شوية
لو لاقيت انها قليلة الزوق معايا او مش بتسمع الكلام مش هتردد انى اسيبها

لو كانت كويسة هكمل معاها واحاول اخليها تحبنى

:يييي:

يااااااااااااه دى حاجة صعبة قوووووى

لو قالى كدا انا قلبى هينكسر فعلا وعمرى ما هكمل معاه

هتحجج باى حجة عشان اسيبه واقنع اهلى انه مش مناسب ليا

NO WAY كتب:: بالنسبالى
هكمل معاها شوية
لو لاقيت انها قليلة الزوق معايا او مش بتسمع الكلام مش هتردد انى اسيبها

لو كانت كويسة هكمل معاها واحاول اخليها تحبنى

:يييي:

عين العقل
===============================

شكرااااااااااااااا سمسمتي الأمورة ربنا يرزقك بإبن الحلال إللي يحبك قبل وبعد الزواج :hhtt:

ها فين رأي الباقي monkey

يا جماعة الحب الحقيقي بيجي بعد الجواز والعشرة مش كده ياروز فاكرة
مش ده كلامك لي برده
وعن تجربة حقيقية الكلام ده مظبوط 100/100
بس طبعا لازم يكون الزوجين بيراعوا ربنا في بعض
رأيي في الموضوع ده اني اصبر عليه شويه يمكن يحبني ولكن لو لقيت ان مافيش فايده اتركه في سلام
:bball: [b]

هتكون اخر لحظة يشوفنى فيها

هههههههههههه

شكرااااااااااا على المرور الجميل حبيبة وبسملة :hhtt:

يانهار
يا
روزتى

ممكن اموت فيها

وبعدين فترة الخطوبة
ما قالش ليه
وصارحنى

وليه ماقالش الكلام دا من الاول
وبعدين معنى كدا انه ضعيف الشخصية

فعلا لو حصل الموقف
دا
عمرى وما هحاول
هبقى إيه رأيكم يا شباب في الموضوع ده؟ 84945

انتهى
كل شئ

:joker: :bball:

قالى الوداع قولتله اشطة انت ولا تفرق معايا

احيه دا موقف صعب اوووووووي

انا لو حبيته بجد هستني معاه فتره وخلالها هحاول اخليه يحبني او حتي يحس

اني بجد هكون زوجه صالحه واعلقه بيا وطبعا مش هنهي كل حاجه بسرعه

alien

الموضوع ده مشكلة بجد

من وجهة نظري

صعب موضوع الطلاق ده بس في نفس الوقت
إحنا لسة برضه ما فيش بينا أولاد يعني الإنفصال هيكون أسهل من إن لو فيه أولاد

مهما عملت له ممكن قلبه يفضل معلق بالثانية لإن ما عاش معها حياة زوجية كاملة
يعني هتفضل هي فيها كل الصفات الجميلة من وجهة نظره و لكن بالطبع لكل إنسان عيوب بس هو مش هيشوف عيوبها هي لإنها لم تعيش معه حياة كاملة زي ما أنا هعيش معاه وهيشوفني في كل وقت وهيشوف كل عيوبي ومميزاتي

إنما الثانية هتفضل مثال للحب والجمال إلى حد كبير

وفي نفس الوقت
إحنا كنساء فينا طبع الغيرة شوية

يعني لو لقيناه سرحان أو فكره مشغول هنقول أكيد بها
وهيبتدي الشيطان يزود الموضوع ده

وممكن نشك في تصرفاته أو حبه لي كزوجة

ممكن فعلا مع الأيام يحبني بس هتظلي خايفة وقلقانة وحاسة إن في واحدة تانية في حياة زوجك

وفي نفس الوقت الطلاق مش سهل أبدا

عايزين نسمع رأي الشباب

هل لو كنت بتحب واحدة ولم تتزوجها وتزوجت غيرها ووجدتها زوجة صالحة هل هتنسى الحب الأول؟

هل لو زوجتك قالت لك نفس كلام الزوج هنا هتعمل إيه؟؟

اقتباس :: هل لو كنت بتحب واحدة ولم تتزوجها وتزوجت غيرها ووجدتها زوجة صالحة هل هتنسى الحب الأول؟

سؤال صعب اوى
مش هقدر اجواب عليه غير لما اجرب الحب sm58

بس بشخصيتى كدة الجواب اكيد هنساها وهتكون مجرد ذكرى

اقتباس :: هل لو زوجتك قالت لك نفس كلام الزوج هنا هتعمل إيه؟؟

اكيد هسيبها
لانى متاكد ان اللى هسيبنى هيخسرنى اكتر مانا هخسروا
:bball:

الموضوع جميل اوووووووى وجاى من الواقع روز
انا عن نفسى لما يقول كدااا
لايمكن افضل معاه تانى
:sad: :sad:

والله يا رووووز بداية الموضوع محير جداااااا
بس عموما أنا برفض بشدة التصرف اللي هو آجي في
ليلة الدخلة وأقولها ني مجبور عليكي ومش كنت عايزك
وكنت عايز واحدة تانية بس أهلي مش رضيوا والكلام ده
مرفوض جدا علشان دي إهانة كبيرة وقلة زوووق وكمان كده بيدق
مسمار كبير جدا في حياته وبيهز استقرار حياته الزوجية
ده إذا ما كان بيهدها من الأساس علشان أنا مش عارف ايه
وجه الاستفادة من الكلمتين دول ولا حاجة طبعا بس هي مجرد تصرفات
حمقاء يقوم بها الإنسان ومن ثم يفيق بعد فوات الأوان ، طب لو اتحط في
موقف زي كده أعمل إيه أنا شايف إن اللي في قلبي يفضل زي ما هو
وطبعا ده مش بمزاجي ده غصبا عني لأني أكيد مش هقدر أنسى بسهولة
حبي الأولاني واللي أنا كنت بتمناها بس مش وصلتلها ، وفي نفس الوقت
اللي أنا إتزوجتها مش تستاهل أي حاجة مني علشان هي مش ليها
دخل في الموضوع أولا وثانيا أنا رضيت أتزوجها خلاص يبقى ما
أحكيلها عن أي شئ وكمان هي عايزة تفرح بجوازها وبيا كعريس ليها
هي كانت بتتمناه وزيادة على ده كله أنا لسه مش شفتها ولا شفت
تصرفاتها ولا أعرف هي هتكون معايا إزاي ولا هيكون تصرفها معايا
إزاي وممكن تكون بتحبني أكتر من الأولانية وممكن أكون هتعلق بيها
وجحاجات كتير في علم الغيب ما أقدر أحددها إذا أسيب نفسي وأتعامل
معاها بكل حب وأتأقلم مع حياتي الجديدة وفي خلال كده قدرت أنسى
خير ما قدرت أنسى يبقى أنا بتعامل وعايش حياتي ومش زعلت الإنسانة
المسكينة دي وكسرت بخاطرها وكمان هنكد على نفسي وعلى حياتي
كلها بدون أي فايدة ، وطبعا لو لقيتها زوجة صالة أنا هتمسك بيها بإيدي وأسناني
ومش هتخلى أبدا عنها ما حد يعرف الخير فين ،
وطبعا لو الموقف معكوس ده يبقى تبجح وقلة أدب من العروس وهنا
الإساءة أشد لأنني رجل وأعرف أنها تحب غيري فمن هنا أعتقد أن الحياة
بيننا وإن لم تنتهي فورا فلن تكون حياة بالمرة لأنها مهما فعلت بعد ذلك
فهي جرحتني جرح كبير جدااااا فالأفضل أن تخفي وتكتم في نفسها كما
يفعل الرجل أيضا فالموقف متبادل ولابد من ذلك ............

تسلم إيدك رووووووز
موضوع ومناقشة جميييييييلة

الموضوع جميل علشان ردودكم الأجمل

فعلا المواضيع دي مش عايزة تسرع

وفعلا يا بيبو

كلامك مية مية

الشخص ده أصلا مش متزن علشان يقول كلام زي ده

أكيد أحلى شكر لبيبو

شكرااااا عمرو عندك حق و أنا من معرفتي بيك حسيت إن ده هيكون رد فعلك

شكراااااا حبوبة

ويارب ما يبلانا جميعا بمثل هؤلاء الرجال لإنهم في الحقيقة لو تصرف هذه التصرفات الصبيانية هينزل من نظر زوجته جداااااااااا

أحلى تقييييييييييييييييم للجميع

بسو كل شىء ممكن نهظر او نخدع فيه الا

الزواج
.
.الحلفان بالطلاق
.
وفى شىء كمان انا مش فكره اوعدكم ان انا لما افتكره هنبا اقوله
ماشى الكلام
يريت اكون وضحت معنى كلمى
شكرا

ياااااااااه الموقف ده صعب بجد وهو لع فيه هههههه لابجد هيبقا صدمه .و انا من رايي يبقا غلط اني اسيبو يومها وهرضا بقدري مع انو اكيد هيجرحني جامد اوي بس هاخد صراحتو بعين الاعتبار مع انها متاخره وندي نفسنا فرصه يمكن يلاقي فيا صفات الزوجه الصالحه لو مش نفع طبعا كلو فطريقو لان اصعب حاجه انو يتخيلك هي aa4

:ddsax:

حوده كتب:: بسو كل شىء ممكن نهظر او نخدع فيه الا
الزواج
.
.الحلفان بالطلاق
.
وفى شىء كمان انا مش فكره اوعدكم ان انا لما افتكره هنبا اقوله
ماشى الكلام
يريت اكون وضحت معنى كلمى

أصل دا مش شايفة إنه هزار يا حودة
هو إتجوزها فعلا بعقد صحيح وشهود وكل شيء بس مش بيحبها وبيحب واحدة ثانية وعمل كده علشان بس يرضي أهله فالعقد سليم

رشا كتب:: ياااااااااه الموقف ده صعب بجد وهو لع فيه هههههه لابجد هيبقا صدمه .و انا من رايي يبقا غلط اني اسيبو يومها وهرضا بقدري مع انو اكيد هيجرحني جامد اوي بس هاخد صراحتو بعين الاعتبار مع انها متاخره وندي نفسنا فرصه يمكن يلاقي فيا صفات الزوجه الصالحه لو مش نفع طبعا كلو فطريقو لان اصعب حاجه انو يتخيلك هي :ddsax:

عندك حق فعلا يا رشا

أصعب شيء إنه يتخيلها واحدة ثانية أو هي تفضل حاسة بكده حتى لو هو بدأ يتأقلم على الوضع ويتغير

بس إنت بتقولي هاخد صراحته بعين الإعتبار !!!بس أنا مش شايفة دي صراحة أنا شايفاها قلة عقل منه
لإن خلااااااااص على رأي المثل
الفأس وقعت في الرأس
فالكلام ده وقته غير صحيح تماما

بجد إحنا إتفاعلنا مع الموضوع زي ما يكون حصل قدامنا
ربنا يعافينا
شكراااا حودة ورشا
وطبعا أحلى تقيييييييييم

انا دايما كدا باجى متاخر
كل الا قالوه صح يا روز ومش هضيف حاجه جديده
لانى رائ من رأيهم
sm38

شكراااااااااااااااااا عهود
نورت الموضوووووووووع

ربنا يوفقك في الإمتحانات يارب

تسلم الايادي علي الموضوع الجميل ده