سؤال لمن يدخل قسم المرأة ؟

هل وضع موضوعات في قسم المرأة بها مثلا فازات (مزهريات)


أو إكسسوارات أو ساعات أو شنط أو أحذية أو هذه الأشياء مما ترتديها المرأة أو عمل موضوعات

عن الأثاث والمفروشات وهكذا
هل هو مفيد أم هذه الموضوعات ليست لها فائدة بالنسبة لأعضاء المنتدى


أنا لي رأي في هذا الموضوع ولكن أردت أن أسمع ردودكم أولا وبكل صراحة

وما هي أهم الموضوعات التي تحبون أن تضاف في هذا القسم :hhtt:

انا بحب اوي اقرا عن العنايه بالشعر والبشره

بحب اهتم بنفسي والمسكات وكدا اووووووووووووووووووي

دي الحاجات اللي انا بفضلها جدااااااااااااااااااااااااااا

وحدش يتريأ عليا

متها لي كمان اني مش هسفيد من الصور الجميله اللي بتبقي مواضيع

بتعقدني وخلاص ههههههههههههههههههههههههههههههههههه

انا اختلف معاكي يا ريري يا عسل
بصراحة انا بميل اكتر للصور
صحيح مش هتفبد كتير بس بتنمي الذوق وبنعرف وجهات نظر بعض و أذواق بعض
كمان بتدي للقسم بهجة
احيانا الواحدة ما تكونش بتحب الموضوعات المكتوبة قوي
او بتمل من القراية
دي وجهة نظري

انا مع ايه

احيانا بيكون الموضوع اكتر من 150 سطر

ومطلوب انى اقراهم كلهم

فالصور بتسهل الموضوع عليا

وبردو بنعرف الناس التانية بتفكر ازاى

ولما اختار حاجات لبيتى هيكون عندى خلفية عن اشكال الديكورات

والالوان
وتناسقها مع بعضها

هو اكيد طبعا مش بنلاقى زى الموجود فى الصور بالضبط

بس بنكون فكرة عن المتناسق والغير متناسق

والجميل والغير جميل

وهو دا رأيى

يا جماعه كلامكم صح مفيش كلام انا بردو احيانا بمل م القراءه

بس نفسي يكون ف ابواب ثابته للعنايه بالبشره والشعر وهنسفيد منها لما تكون ثابته نرجع لها

مثلا لاطاله الشعر
للعتايه بالشعر الجاف
لكثافه الشعر
لتبيض البشره
لنضاره البشره....................

اكيد هنستفيد م الحاجات دي

انا رايى ان الصور او المواضيع الى تتقرأ الاتنين بيفيدو

يعنى الصور بتعلى الزوق يعنى لو بشترى حاجة يبقى عندى خبرة عن الموضة او كدة

ولو بقرأموضوع اكيد بستفيد وبعرف وجهات نظر مختلفة ممكن انى استفاد منها كتير

أنا سعيدة جدا بهذا النقاش

لأننا من حين لآخر لازم نعرف ونقيم موضوعات المنتدى ومدى إجابيتها وسلبياتها

على فكرة يا ياسمينا كان في موضوعات عن الشعر والرجيم بس في قسم الصحة لو تحبوا أنقلها للمرأة ما فيش مشكلة أو أرفعها على فوق في قسم الصحة والغذاء (زي ما تحبوا )

مين تاني هيشاركنا المناقشة الجميلة دي

أنا عايزة أسمع آراء الجميع
في ناس كثيرة ما قالتش رأيها

أنا عن نفسي إستفدت كثيرا من هذه الموضوعات بالظبط زي ما قالت آية وسمسمة
لإنها فعلا بتنمي الذوق والواحد بيغير من تفكيره

فين آراء الباقي؟

شكرا للتوضيح يا شهر زاد