حوار ساخن بين الشباب والبنات..اسئلة ونقاش..نرجو عدم الاساءة

~CoOoL..EnG~ كتب:

انا عايز اسال سؤال مدايقني قوي قوي
ليه البنات في الكلية لما تبقى عايزة خدمة تبقى دمها خفيف وعسول وتتلكم وتهظر مع الواحد عادي
بعد كده تنفض لما تشوفه متسلمش

طبعاا مش كل البنات ...؟؟

شوف يا سيدي الانسان اللي بيحب مصلحته يعمل كدة
سواء كان بنت بقة او ولد
بس عندك انا مثلا في الكليه مش بكلم ولاد غير عند الضرورة
يعني لو بالصدفة كان الولاد دول معايا في الإسي
اما مسألة الهزار دي بالنسبة ليا برضة مسألة مرفوضة سواء كانت في مصلحة او حتي في العادي
لأن زي ما احنا كلنا عارفين العلاقة بين الولد والبنت بتبقي شوية حساسة
وأي حاجة أو حركة مش مظبوطة من البنت ممكن تتفهم غلط
وأنا من خلال علاقتي بزمايلي وكام موقف كدة حصلوا معاهم
لاحظت انة دايما مهما كانت طبيعة الموقف اللوم دايما بيكون علي البنت مش علي الولد

انا عايزة أسأل الولاد سؤال بس يجاوبو بمنتهي الصراحة
ايه مواصفات البنت المؤدبة في نظرهم
خاصة في تعاملها معاهم؟

البنت المؤدبة

بصي هقولك راي اغلبية الشباب وبعدين اقولك راي تمام

1/
الشباب دايما في اعتقادهم ان اي بنت جميلة مبتكلمش اي ولد وبتتقل جامد
لحد ما الولد هو اللي يكلمها وهي تكرفه
دي مؤدبة
اللي صوتها ميعلاش اللي هيا شاطرة برده
تبقى مئدبة
........................
2/
انا بقى راي ان الحكاية مبتتعرفش بالسهولة دي
كل شخص بنتعامل كل يوم نكتشف فيه مميزات وعيوب

انا عن نفسي مقدرش احكم
كده..ممكن تكون البنت دي مثلا متربية على حياة سايبة شوية
الا هيا اختلاط الولاد والبنات عادي
وبترغي عادي مع الولاد ولكن عمرها ما اتكلمت في حاجة غلط ومؤدبة جداا

ممكن بنت تكون هادية جداا جوه الكلية وبره الكلية
متعرفش هي بتعمل ايه
في راي الحكاية ان الواحد اي حد عايز يعرفه اكتر لازم يتقرب منه اكتر

ياااااااااااااه
د انا على كده هتعلم كتير من الموضوع ده
يبقى اتفرج وانا ساكت واسيب الكبار يتكلمو :hhtt:

يا ريت اعرف آراء اكتر

اووووووك يا ريت يا جماعه متطلعش اسئلة لحد تطلع اراء اكتر من الشباب

كوووووووووول انت دماغ اووووووووووي

وعندك حق ع فكره

وهنسيب السؤال ده لما نسمع اراء اكتر

السؤال مازال قائم

ومستنين

بس علي فكرة انا عايزة توضيح اكتر في الاجابة

يعني بعد ما اتعرفت عليها وكلمتها واللذي منه

ايه هي برضة صفاتها

اللي ممكن من خلالها تقول انها مؤدبة

السؤال دة يهمني قوي لان انا لاحظت ان مفهوم الادب والاخلاق اختلف تماما

بسم الله الرحمن الرحيم
يا جماعه انا شايف ان الموضوع عمرو ما يتحسب كدا ابدا لأسباب كتيرة
وجهة نظر كل شخص بتختلف لأخر ودا مش بسبب الاشخاص بس
لا فى عوامل كتيرة جدا زى البيت والمجتمع ككل
الموضوع عبارة عن اخلاقيات بيختلف تصاعدها او تنازلها من شخص لشخص زى بالظبط البنت بتشوف الولد دا كويس
بنظرة تختلف منن بنت لبنت تانية
يعنى مثلا اللى عايش فى القاهرة بيختلف عن اللى عايش فى الارياف والاتنين بيختلفوا عن اللى عايش فى دول اوروبية
مفهوم الاخلاق او الادب بيتحدد فى التنشأة والتربية والمجتمع ككل
يعنى على سبيل المثال للتوضيح اكتر فى بعض الناس بتعتبر لو بنت عرفت ولد بأى شكل من الاشكال انها تفتقد كثير من القيم والاخلاقيات / عكس شخص تانى ان لو العلاقة فى حدود عمل او منتدى زينا او دراسة يبقا عادى
دا كدا كلام عن الناس كلها
===========================================
انا عن نفسى صعب جدا احدد مواصفات وانا قاعد بكتب والا هيقا غلطان فى حق نفسى لأنى هقول كل حاجه كويسة وطبعا مفيش انسان او انسانة كاملين
لكن جوابى بكل صدق وصراحة
مادام لا تتعدى حدود دينها فى اغلب حياتها تبقا مؤدبة ومحترمة

مادام لا تتعدى حدود دينها فى اغلب حياتها تبقا مؤدبة ومحترمة


العبارة دي يمكن ملخصة كل حاجة
بس انا كان نفسي توضيح
احنا صحيح من بلاد مختلفة لكن في الاول والآخر مسلمين وشرقيين كمان
بس يا ريت لو تقولو امثلة لمواقف بتعتبرو البنت فيها مش مؤدبة او العكس
انا عن نفسي الموضوع دة هيفيدني جدا
لان انتو اكيد عارفين ان في بنات بيعملو تصرفات ببراءة شديدة بس بيتفهموا غلط
انا دايما بسأل اخواتي في الحاجات دي
ولأني معتبراكم اخواتي حابة اعرف وجهات نظركم علي اختلافها
مش شرط امشي علي اللي هتقولوه انما هنقي منه اللي يناسبني ويناسب بيئتي ونشأتي

اوكي تمام
شكرا كول تقدروا تسألوا

سؤال بسيط كدا يا جماعه مش هياخد وقت
لو بعد الزواج بأذن الله
وانتى كنتى فى تفوق عملى
وطلب منك انك تبطلى شغل وتتفرغى للأسرة
والاختيار فى ايدك
يا بيتك يا شغلك

انا عن نفسي بجد بمووووووووووت ف الشغل جدا نفسي ابقي حاجه كبيره

بس مع ده انا انسانه واكيد نفسي ابقي زوجه وام

لو معرفتش اوفق بين البيت والشغل

اكيد اكيد مش هدمر البيت يعني اكيد هسيب البيت

ع فكره يا رحال انا كليه اداب فلو اشتغلت هبقي مدرسه ومممن اسيب الشغل

في ناس تانين مش هيقدروا يسيبوا الشغل لو كانوا ف مكانه اعلي

سؤالك جميل يا رحال

والله يا يا ياسمينا الموضوع مش بالمكانه ولا ان الشغل دا
مدرس ولا عالم ذرة
الموضوع عبارة عن مبدأ فى الاختيار بيتك ولا شغلك
وزى ما انتى قولتى لو مش عرفتى توفقى بين الاتنين يبقا البيت طبعا اهم
ونسمع باقى فريق البنات

أكيد طبعا البيت لأن ده الأهم

انا عن نفسي مستنية اليوم اللي انخرج فيه واشتغل بفارغ الصبر

انا بحب الشغل جدا

وبعدين انا شايفة ان دي مسألة لازم يكون متفق عليها قبل الارتباط

يعني لو اتقدملي واحد فيه كل الميزات
يعني علي خلق ودين وميسور
برضة مش هوافق لو قالي ما تشتغليش
لاني يامة تعبت وسهرت ودرست ولسة كمان 7 سنين
وبعد كدة اقعد في البيت
بالنسبة لي دة مستحيل ولا ليه اتعلم

بس افرض بقة اني خلاص اتجوزت
وزوجي لا قدر الله طلب مني اني اختار

في الحالة دي من غير كلام هقعد في البيت لو ما قدرتش اقنعة
انا نفسي لو حسيت ان في تقصير تجاه بيتي هقعد من نفسي

بس هبقي زعلانة قوي

وعلي فكرة انا والدتي واختي بيشتغلو وبيقولو ان غالبا الشغل بيبقي اهانة للمرأة وان الست مهما كانت لازم تتعرض لمواقف بايخة في شغلها
بس هنعمل ايه هي دي دماغي

اقتباس :

بالنسبة لي دة مستحيل ولا ليه اتعلم

يا آية الواحد مش بيتعلم علشان الشغل بس
الواحد بيتعلم علشان الانسان يقدر بعلمة
وعلشان يكون لية مكانة وسط المجتمع

:bball:

انا معاك
بس ما كانش لازم ادخل طب سبع سنين
دة حتي لو دخلت طب وما اشتغلتش مش هعرف اعالج ولادي
يبقي كل اللي افيدهم فيه هو القراية والكتابة الحساب
طيب ما كنت اخدت ابتدائية وخلاص
فاهمني

لا طبعا ازاى بقى

التعليم بيفرق فى مستوى التفكير وطريقة التفكير نفسها وكل حاجة

أكيد التعليم بيفرق والناس إللي مستواهم التعليمي مرتفع هتلاقي أولادهم بيكونوا أفضل في التعليم وعندهم حافز أفضل

بصراحة أنا بشوف الشغل وخاصة في مصر بهدلة للمرأة وبيكون على حساب زوجها و أولادها
وهي لما بتحاول توفق بين شغلها وبيتها بيكون ده على حسابها هي وصحتها و أعصابها وفي النهاية لا تستطيع أن تعطي أولادها الحنان الكافي --أصلا الحياة بعد الزواج و الأطفال جري في جري فما بالك لو الزوجة بتشتغل وعندها أطفال صغار

ممكن لما يكبروا تقدر تشتغل ---ممكن!!!!

أنا عن نفسي لا أشجع أبدا على عمل المرأة التي عندها أطفال

أنا عن نفسي لو إشتغلت هيكون علشان الناحية المادية فقط لا غير ---

يا جماعة انا مش متخيلة نفسي ما اشتغلش

والله انتو ما متخيلين السنة بتعدي ازاي ودول سبع سنين

انا قولت رأيي في عمل المرأة
بس انا بتكلم عن نفسي
انا شايفة اني لو كنت في كلية تانية كان ممكن الموضوع يختلف

كان ممكن مثلا ادخل صيدلة وافتح صيدلية اوقف فيها حد واقعد انا في البيت

بصي يا اية فعلا كلامك صح جدااا
بس صدقيني لو في نسبة تقصير ناحية الزوج والبيت...يعني لو نسبة تاثير الشغل بسيطة على البيت
يبقى بلاه الشغل

بس فعلا شغل المراة مهم طبعاا زي الرجل

.......................




تقدروا يا بنات تسالوا دلوقت ؟؟؟

سمسمة كان عندها سؤال
هنستناه