حوار ساخن بين الشباب والبنات..اسئلة ونقاش..نرجو عدم الاساءة

العفو على ايه
بجد اجوبة جميلة جداا
ومنطقية
شكراا اية على مشاركتك الجميلة بجد
يلا مستنين الباقي

1- هل كل واحدة دخلت فعلا الكلية اللي كانت نفسها تخشيها ؟

أنا بالنسبة لي كنت بعشق حاجة إسمها تدريس وخاصة الإنجليزي
بس كنت عايزة صيدلة لإن أهلي كانوا عايزيني أدخل صيدلة زي أختي

2-لو مدخلتيش الكلية اللي انت عايزاها ياترى ليه؟؟ ولو دخلتيها اشمعنى دي ؟

ما دخلتش صيدلة لإن من توتري أيام الإمتحانات ولضيق الوقت ما قدرتش أجيب مجموع صيدلة
وكان قدامي كليات كتير بس فضلت تربية رغم فرق المجموع علشان هي مناسبة للبنت أكثر


3-بعد اما دخلتيها وجربتي شايفة نفسك تقدري تكملي ولا عايزة تحولي؟

الحمد لله كملت وطلعت من الأوائل على الدفعة بفضل الله
بس طبعا يعتبر كله نسيته لإني يعتبر لم أمارسها إلا فترة التربية العملي في الكلية وحاجة بسيطة بعدها لإني سافرت على طول
4- ناوية تعملي بحقك وتشتغلي بعد ما تتجوزي ؟؟ ولا تقعدي احسن وتاخدي بالك من اور بيتك؟

هو طبعا الشغل له مميزات وعيوب

من مميزاته إنك بيكون لك دخل منفصل عن الزوج وتقدري تتصرفي بحريتك أكثر وطبعا بتكتسبي خبرة في اللغة نفسها وفي الحياة بشكل عام

وحاجات كثيرة

بس طبعا وجود المرأة في بيتها أهم وخاصة لو عندها أطفال علشان تربيهم أفضل وتكون معاهم دايما ومتفرغة لهم

أنا عن نفسي مش بحب أشتغل بس أنا كنت آخر دفعة إتعينت من دفعات تربية تعيين حكومي
فتركي للعمل
مش سهل خاصة كمان أنا بدفع مبلغ كبير كل سنة لحفظ درجتي ووظيفتي الحكومية

بس لو إضطريت أسيبها هسيبها

شكراااااااااااااااااااااا كووووووووووووووووووول
وياريت تجاوبوا معانا برضه

لإن السؤال ينفع الأولاد والبنات

اوعى وشك
لا يا طنط
انا عارفك بسم الله ما شاء الله حريقة من يومك
كنت اخش اغتت عليكي

وتضربيني وتطلعيني بره الاوضة بس مش عارف ليه كنت بتخلي اختي جوا
وكنت بتعملي فيا حاجات يلا بلاش ذكرها
هههههههههههههههههه

لا بجد؟؟
مش فاكرة والله--

يلا أنا كبرت بقى يا كول وعقلت

ما تقلقش هخلي عيالي يزهقوك المرة دي

كما تدين تداااااان

1- هل كل واحدة دخلت فعلا الكلية اللي كانت نفسها تخشيها ؟
لا كان نفسي ادخل فنون جميله

2-لو مدخلتيش الكلية اللي انت عايزاها ياترى ليه؟؟ ولو دخلتيها اشمعنى دي ؟
مادخلتش عشان مجموعي طبعا ومادخلتش حاجه تانيه لان الاداب تناسبني دلوقت اكتر

ولان التجاره اصعب والحكايه مش ناقصه تعقيد ههههههههههههههههههههههههه

3-بعد اما دخلتيها وجربتي شايفة نفسك تقدري تكملي ولا عايزة تحولي؟
لا انا بجيب تقديرات كويسه جدا خصوصار ف قسم صعب زي العربي دا

يبقي انا كدا بتميز بس بردو نفسي لو ينفع احول فنون

4- ناوية تعملي بحقك وتشتغلي بعد ما تتجوزي ؟؟ ولا تقعدي احسن وتاخدي بالك من اور بيتك؟

لو جالي شغل حلو طبعا هشتغل بس لو جوزي قالي لا

خلاص هتفرغ للبيت

-1- هل كل واحدة دخلت فعلا الكلية اللي كانت نفسها تخشيها ؟

الحقيقة اه

قبل ايام النتيجة بكام يوم كان طالبة معايا قوى انى ادخل دار علوم

وكنت مصرة عليها وسبحان لله كانت مكتوبة الرغبة الكام وكانت بعيدة

بس جاتنى


2-لو مدخلتيش الكلية اللي انت عايزاها ياترى ليه؟؟ ولو دخلتيها اشمعنى دي ؟

اشمعنا دى عشان انا كان عندى مدرس بعزه قوى ربنا يمسيه بالخير كان متخرج فيها

وكان دايما يشجعنا اننا ندخلها والحمد لله الذى اردته حدث بالفعل

3-بعد اما دخلتيها وجربتي شايفة نفسك تقدري تكملي ولا عايزة تحولي؟

ما خلااااااص كان زمان الكلام ده

على الرغم من صعوبتها بس الحمد لله بقيت فيها وكملت واتخرجت الحمد لله

4- ناوية تعملي بحقك وتشتغلي بعد ما تتجوزي ؟؟ ولا تقعدي احسن وتاخدي بالك من اور بيتك؟

الشغل حاجة حلوة ولو اتوفر اكيد هشتغل بما لا يتعارض مع مصلحة اطفالى وزوجى

شكرررررررررررا كووووول على الاسئلة الجامده

وياريت تجاوب انت وكل الولاد كمان

شكرا علي الموضوع ده

استااااااااااااذ حسام
كل الموجودين
انا اول مره ادخل الموضوع و عجبتنى الفكره
عارف انها متأخر بس سامحونى لو كنت تعلم ما بى كنت تعذرنى
ندخل فى الموضوع اللى طارحه ساتاذ حسام بقى
سوف اتكلم عن الاخلاص عموما اى مع الله و فى الحب و مع الاصدقاء و كل شئ
فالنساء الان ليس كما علمنا و لو كان النساء كما علمنا لفضلت النساء على الرجال
فالان قد كثرن اللاتى تدعين الاحترام
فمنهم من تخالط الشباب و تصادقهم بشكل مباشر و لغرض ضرورى او لا و تقول انا محترمه
و منهم من تخلص لحبيبها و لا تحسن الاخلاص لله عز و جل
و منهم من هى مرتبطه او مخطوبه و تخالط الشباب و تقول انها محترمه
و منهم من هى كاسيه عاريه و وسط الناس تذم الكاسيات العاريات و تدعى ايضا الاحترام
و قس على ذلك العديد من النماذج
قد علمنا و تعلمنا ان للمرأه قلب ارق من قلب الرجل
و ان لها نفس ازكى من نفس الرجل
و مشاعر ارق من مشاعر الرجل
لكن قد وضح لى ان هذا ما سمعناه و ما قرأناه فى روايات واهيه
فالنساء الان لا يصلحن ان يكن زوجات الا ما رحم ربى
و من لرجال ايضا من هم لا يصلحون ان يكونوا اى شئ
فالمعظم الان من الرجال انخلعت عنه المشؤليه
و من البنات انخلع عنهن الحياء
و الى الله المشتكى
و لكن على صوره عموميه او بشكل كلى او رأى بصوره مباشره
ففى الحب ... النساء الان لا يبحثون الا عن الزواج و لا يحسنن الاختيار
و مع الله ... ما علمنا ان امرأه نفسها ازكى من نفس رجل صحت رجولته
و ذلك راجع الى عده اسباب
هسيبهالكم انتوا بقى عشان مطولش و لى عوده
و اخيرا فلو كان النساء كما عرفنا لفضلت النساء على الرجال
و لكن اين اللاتى عرفنا ؟؟؟؟؟؟؟؟

مممممممم
يتم رفع الموضوع
بسوال مني موجه للطرف الاخر اللى هم الشباب
هسال عباره استوقفتني لبرهه فقلت في نفسي سوال لا يجيب عليه الا الرجل يقولون اقرب طريق لعقل الرجل معدة!!..
سوالي مامدى اقتناعك بهذا القول سيدي الرجل ؟
والى الى حد تراه فيك ؟!
وان لن يكن هذا الطريق صحيح الي عقلك ما هي الطرق اللتى تراها انت دونن عن غيرك؟!!!
بانتظاركم أحلى أصحــــاب

اصل انا مشفتش الموضوع ده سابقا وهو موضوع رائع
لأسئلة سلمى
سوالي مامدى اقتناعك بهذا القول سيدي الرجل ؟
هو بيقولوا ان ده صحيح لأن الرجل بيحب الأكل أكتر شيء
بالنسبه لي ده بقى مش كده صحيح
والى الى حد تراه فيك ؟!
فيي انا مفيش حد كبير بقى
10% يمكن !
وان لن يكن هذا الطريق صحيح الي عقلك ما هي الطرق اللتى تراها انت دونن عن غيرك؟!!!
الطرق الي بشوفها صحيحه هي : الاحترام
أكبر طريق لعقل الرجل احترامه
وهو ايضا يحترم من يحترمه

نورت الموضوع اولا ياابراهيم
تانيا كلام جميل
ونسمع اراء تانيه

انا بحب الاكل جداااااااا

مع انى مش تخين ولا حاجة بس هو النصيب بقا

لكن بصراحة المقولة دي مش بعترف بيها خااااالص

لكن دا ميمنعش ان لازم مراتى تكون بتعرف تطبخ

والا مش هنعرف نعيش اصلا اصلاههههههههه

اه نسيت اقول الطريق البديل

اقرب طريق إلى قلب رحال ..... هو قلب رحال

رحال كتب:

اه نسيت اقول الطريق البديل

اقرب طريق إلى قلب رحال ..... هو قلب رحال

ألله على فن رحال

+++