قولوا لا للتفاهة

النهاردة بقى انا بكتب الموضوع ده

عشان بجد انا اتصدمت
جالى دعوة على الفيس بوك اللى انا نادرا ما بستخدمه

والدعوة دى عشان انضم لجروب كدا

بصراحة الواحد لم يستفد من الفيس بوك دا اطلاااااااقا

المهم ندخل بقى فى الموضوع

فجأة لقيت بنات بتحط تعليقات


(بنحبك يا خالد) (ايه الجمال دا يا لولو ) (منقدرش نعيش من غيرك يا ابو عيون جميلة )

وما الى ذلك من الشعارات التى تدل على التفاهة المبالغ فيها

المهم قعدت ادور مين خالد اللى بيحبوه دا

طلع واحد اسمه خالد الحمزاوى

مين خالد الحمزاوى دا؟؟

انا سألت نفسى
ا
انا قلت مدام بيحبوه كدا يبقى اكيد داعية اسلامية زيه زى الاستاذ عمرو خالد او

الاستاذ مصطفى حسنى

بس مطلعش كدا

وتزيد التعليقات المليانة بالحب والاعجاب بالاستاذ خالد

انا قلت يمكن يكون دا المرشح للرياسة الجديد

بس مطلعش كدة بردو

قلت انا بقى لازم اعرف دا مين

فتحت صفحة جوجل وكتبت من هو خالد الحمزاوى ؟؟

طلعلى منتدى كدا فيه شاب ولد يعنى مش البنات بس

بيطالب مدير المنتدى انه يعمل قسم خاص بصور واخبار خالد الحمزاوى !!

قلت يا ناس طيب عرفونا دا مين

لسه بفكر فى كدا

جه مدير المنتدى رد عليه قاله طيب نعر ف الاعضاء مين هو خالد الاول

وقبل ما اقولكم هو مين

خدوا صورة ليه يمكن تعرفوه كدا



بيتهيألى معرفتهوش

دا بقى يا جماعة مذيع على قناة ميلوتى تريكس

ومرشح انه يكون احسن مذيع فى الوطن العربى

على ايه يعنى

اكمنه عنيه ملونة خلاص

بجد انا شفت تعليقات على خالد دة

لو رشح نفسة فى انتخابات الرياسة وباصوات البنات دى يبقى هو الريس

بجد حاجة تفقع وعاملينله ظيطة وظمبليطة على ايه معرفش

والمصيبة ان اللى عمال يحكى ويتحاكى فى جماله مش بنات بس لا وولاد كمان

والمأساة بقى وقمة التفاهة انهم كاتبين الكلام اللى هوا بيقوله فى البرنامج بتاعه

اسمعوا كدا :-

من مقولات خالد المشهوره
______________________


الأمبيزو عامل اييييييه؟ #
. عامل ـأوأو



. حزعل وحجيب ناس تزعل #


: أديني الأجابه الأضيه#
. اديهها في الحته الفاضيه

:قولي اجابتك قولي #
.عايز اسمعها حلولي
< > حوحو < > حوحو #
وبفتيك كتيييييييييييييييييير....

يالهوتتتتتتتتتتتتتتتتى
(اسفة يا جماعة دا مش حد معاق بيحاول يتكلم دا الكلام اللى الباشا بيقوله فى

برامجه اللى بتسحر البنات والشباب على حد سواء )


ولا واللى يغيظك اكتر ويعرفك قد ايه المصريين وصلوا لقمة التفاهة

انهم مسمين نفسهم حمزاوية

وتريكساوية

على اسم المذيع واسم القناة

ومطلعين شعار يقول ايه؟؟

(متقولش انا مصرى قول انا حمزاوى تريكساوى )

يعنى بعد كدا اللى اسمعه يقول انا مصرى دى هيبقى حسابة معايا عصيييييير


انا مش بكتب الموضوع عشان ازود شعبيته لا سمح الله انا بس حسيت انى مفقوعة


قوى من الموضوع ده فقلت اشوف انتم ايه رأيكم ؟؟؟

لا حول ولا قوة الا بالله العلى العظيم

اللهم انصر الاسلام واعز المسلمين

اللهم اهدى شباب وبنات المسلمين

لا تنسى ان تضيف فى ردك هذة الدعوات الثلاث

بجد دة غباء اوى مش تفاهة
ولا برنامج جيم تيم game team
اووووووف على الاستفزاز
واحده تتصل الساعة 2 بليل تقعد تدلع على التلفون شوية وتقفل
بجد تفاهه اوى

الله يسامحك يا سمسمة
بجد مينفعش كدا











انا مكنتش عارفو بتعرفينى ليه
اهو حرقة الدم هتزيد اكتر
بسم الله ما شاء الله على الشباب العربى
يا قلبى لا تحزن
طلعوا وقالوا الشاب تامر
ومرة الشاب الديابى الاسطورة
ودلوقتى مش عارف اللى بتكلمى عليه دا
احنا فين يا بشر
مش احنا برضو المسلمين العرب
اللى رسول الله صلى الله عليه وسلم
ذاق من العذاب ما يكفى
حتى يصل الينا الدين
هل اصحاب رسول الله استشهدوا ليرونا كذلك
يا قلبى لا تحزن
ويا حسرة على الناس
ال الحمزاوية ال
خلاص انا كمان هركب عدسات واقف ارقص فى الشوارع
ويطلع ناس يقولو احنا الرحاليين
يا قلبى لا تحزن
حسبنا الله ونعم الوكيل
لا حول ولا قوة الا بالله العلى العظيم

اللهم انصر الاسلام واعز المسلمين

اللهم اهدى شباب وبنات المسلمين

نورتوا يا بنات على احلى مرور

عاشقة

جنات

جهاد

نورتوا موضوعى المتواضع وبجد اللوم على الشباب والامة اللى تناست دينها وسنة نبينا وزحفت وراء الهراء ده
لا حول ولا قوة الا بالله