علي المصطبة

بسم الله الرحمن الرحيم

ان شاء الله في الموضوع دة هنقعد كلنا مع بعض علي المصطبة
نناقش آخر القضايا علي الساحة

واللي شايف مشكلة بتواجه الشباب عامة يطرحها بحيث نتناقش فيها

عايزين نكتسب وجهات نظر مختلفة و أنا هطرح أول قضية

تفتكرو ليه الشباب بيحبوا السفر للخارج حتي و إن توافرت لهم إمكانيات هنا في بلدهم

مستنية ؟أشوف أراءكم

فعلا يا بلس
الفلوس مش السبب خالص
ولا حتي انعدام فرص العمل
انا مثلا عندي اخويا لسة متخرج السنة اللي قبل اللي فاتت وبشتغل شغلانة محترمة وبيقبض 800جنية
ودة في رأيي مبلغ مناسب بالنسبة لواحد لسة في بداية حياته ومع ذلك
هيمووووووووووووووت ويسافر
واحنا بايدينا انه يسافر وجاتله اكتر من فرصة
بس ماما وبابا ما وافقوش
انا نفسي الاقي سبب مقنع يخلي الشباب تحب السفر والغربة
دة انا ما استحملتش اقعد في المدينة الجامعية شهر واحد
ازاي دول يحبوا انهم يبعدوا عن اهلهم وهما متوفر لهم فرصة في بلدهم
طبعا انا اقصد الناس اللي لاقية شغل يأكلها عيش
مستنية أسمع بقية الآراء

موضوع جميل يا يويو



طبعا فى أسباب كتير للسفر للخارج
وأسباب فعلا جامدة

بس أنا برده مش مقتنعة بالسفر للخارج
مش أى سفر
أنا هتكلم على نقطتين بالأخص

الأولى
سفر الشباب بطريقة غير مشروعة
فعلا يغيظوا


تلاقى الشاب من دول لم كل اللى حيلته وحيلة أبوه وامه وكل عيلته
علشان يسافر بطريقة غير مشروعة
وأدامه 3 حلول

يا إما هيوصل البلد ويتقبض عليه ويترحل على بلده

يا إما هيوصل البلد ويتقبض عليه ويترحل على بلده تانى .. وطبعا فلوسه تضيع

يا إما هيوصل ويفضل 7 ولا 10 سنين هربان لغاية ما ياخد الجنسية

يا إما مش هيوصل أصلا للبلد لقدر الله ويغرق ( وحصلت كتير )


والشباب اللى بيعملوا كده بيسقطوا من نظرى بصراحة

بيتبهدلوا ويبهدلوا أهاليهم


وكل ده وهما أساسا ملهمش هدف فى السفرية دى هو رايح زى ابن ابن ابن خالته علشان يجيب موبيل زيه و ... ، يعنى حتى هيصرفها فى هيافات


ندخل فى النوع التانى

سفر التعاقدات العادى

هو طبعا مفيش مشكلة فى الموضوع ده

بس بحس أن اللى بيسافر نفسه قصير

مين اللى هيشيل البلد دى ويوقفها على رجليها إلا شبابها

لما إحنا ( اللى عايزين نغير ) زهقنا بسرعة كده


ومن أول فرصة وفقنا عليهااااا

يعنى مين الا هيحصل البلد دى لما احنا هنسبها


عايزين يبقى طموحنا مش مقتصر على أكل العيش

ممكن نبقى بسطاء ونعمل حاجة ولو بسيطة

وليه نبقى بسطاء .. احنا نرتفع بتعلمناااا عشان بقه عظماء



عايزين همة ونفس طويل يا شباب

والحاجات دى مش هتتحقق مره واحده
ومش لوحدهاااااااا
الموضوع فعلا عايز كلام كتيررر

والشباب فعلا وراه هموم كتيررر

وعايز يحقق حاجات كتيررررر
هيعمل ايه ولا ايه

ومصر مافهاش امكانيات فى الوقت الحالى

موضوع جميل يا يويو
وان شاء الله ليا عوده تانى

بجد موضوع جميل اوى يا آيوت
انا عن نفسى لو جتلى فرصة سفر اعتقد انى ان شاء الله مش هتردد فى انى اسافر
وهو زى ما بيبو قال لو هو مش علشان فلوس فهو تغير
وهنا فى مصر فعلا الشغل قليل والمرتبات قليلة ماتكفيش ان الواحد يكون نفسة ويبتدى حياه زوجية
والله انا مش عارف لو لاقيت مثلا شغال فى شركة فى مصر ومستريح فيها اسافر ولا لآ


طيب انا هقولك عارفة عدد الاشخاص اللى شغالين مؤقتين فى الجامعة اكتر من 8 اضعاف الموظف المثبت
والموظف المؤقت دة بياخد تقريبا 70 او 80 جنية
يعنى فى اليوم فى حدود 4 جنية
شوف دة بقى هيتثبت امتى ؟؟؟!!!
يعنى لما موظف مثبت يروح على المعاش هتلاقى 8 بيتخانقوا على مكانوا
طبعا شى صعب جدا

بالنسبة للشغل الخاص ودة افضل بيكتير فى مصر ودة اللى افكر فية ان شاء الله لما اخلص جامعة بدل السفر

لسة فى كلام كتير ان شاء الله نقولوا كلوا

ده شئ طبيعى جدا و مش محتاج اى استغراب : بيحبوا يهاجروا للخارج لوجود
فرص عمل احسن .. لوجود تقدير للاخلاص و الاجتهاد فى العمل اكبر .. طبعا
فيه سلبيات لكن انا فهمت انك عاوزه تعرف عوامل الجذب و التشجيع على السفر
للخارج ..

انا شخصيا هاجرت لامريكا .. عشان ادرس احسن و يكون عندى شغل افضل
و اعيش فى مكان اجمل بس الهجره و ترك الوطن ده شئ صعب اوى...

وحتى فرص العمل فى الدول العربيه انكمشت جدا و اصبح هناك اتجاه صعب لتوظيف
ابناء البلد زى ما انتم عارفين وبصراحه شديده من غير زعل .. العرب مش بيعاملوا بعض
كويس لو اشتغلوا مع بعض .. و كتير من المصريين هنا اعرفهم
وعرب من شت البلاد العربيه مثلا بيشكوا من سوء
المعامله فى بعض البلاد العربيه بل و معاملة الاجنبى بصوره افضل .. طيب و
ليه وجع القلب ده
للأسف ده إتجاه خاطئ جدا ... ويمكن اني اكون أنحصرت عن اتجاه الموضوع شوية
بس اللي عايز أقوله أن أكيد فكرة الهجرة دي كانت مسيطرة على كثير أوي من شبابنا
لتحقيق مستوى مادي أفضل وكذلك منهم من يبحث عن المستوى العلمي أو الإجتماعي
لكن يبقى الجانب المادي هو المسيطر الأول في هذا التوجه ..
بغرض تحسين الوضع المعيشي والطموح لتحقيق الافضل

تسلم الايادي ايوتا

لي عوده
موضوع جميل

أنا بجد مبسوطة بآراءكم واستجاباتكم
انتوا بجد ناس هايلين و أراءكم مقنعة جدا فبما ان معظمكم لع عودة مرة أخري في الموضوع هنخلي السؤال دة مستمر
بس يا تري نخلي الموضوع هنا في العام ولا ننقله لافتح قلبك

وعلي فكرة علي المصطبه هنا في شاي وقهوة وفاكهة وشيبسي لو حبيتوا



و أحلي تقييم للجميع

السلام عليكم جميعااااااااااا
والله يا ايوت انتى جبتى موضوع مناقشة بيمس كل واحد فينا
بس على فكرة يا ايوت مش كل اللى عايز يسافر بيبقا علشان يعمل ثروة
هى كل الفكرة إنى ابقا انسان مكفى نفسى وحالى ولا مانع من الحلم بالأفضل
لو جيت أتكلم عن نفسى محتاج بعد التخرج إن شاء الله أنى ابدأ فى تكوين نفسى
للزواج ، ومتطلباته اللى بتعجز اغلب شباب مصر ، وبالعقل والمنطق لو حبيت
أعمل الحاجة دى وانا فى مصر مش هقدر انفذها الا بعد عشر سنين على الأقل
لكن فى الخارج هتبقا اقل من كدا بكتير، الفكرة بكل بساطة إن مفيش حد بياخد
كل حاجة ، لازم تنجح فى حاجة على حساب حاجة تانية ، يعنى هستحمل الغربة
والتعب والبعد عن الاهل والاصدقاء ، فى مقابل تكوين ذاتى وتحقيق حلمى
أنا استغربت جدا للرد اللى بيقول إن السفر للخارج بطريقة غير مشروعة بيبقا
لأسباب غير مقنعة وإن الهدف كلام مش منطقى !!!! أنهو عقل يقول كدا يا جماعة
الناس اللى بتسافر دى مش لاقيه تاكل اصلا ، انتو عارفين فى كام مصرى بيشتغل
بـ 100 جنية فى الشهر ، الـ100 بيصرفها طفل دلوقتى وهوا من حقو يعيش
وياكل ويشرب ويتجوز وبلاش بقا كلام الاعلام بتاعنا حكومتنا ، الناس تعبت يا جماعة
بدل ما نهاجم الناس اللى بتهرب من البلد وبنقول عايزينها تقف على رجليها بينا احنا
نوفر لهم اللى يساعدهم على كدا ، دا احنا ما شاء الله علينا اول ما ظهرت انفلونزا الخنازير
تكرموا وتفضلوا وقضوا على الخنازير ، حصلت مشكلة كبير جدا
مصر البلد اللى بنحكى ونتحاكى عنها بجلالة قدرها مش عارفين نتخلص من القمامة
لإن الخنازير اللى كانت بتاكلها ، واصبحت مصر تعانى من وفرة فى القمامة
وجارى البحث عن حلل للمشكلة ، يا الله هى دى البلد اللى بتقولولنا افضلوا فيها
واستحملوا ، ماهو العقل والمنطق بيقول ادينى امكانيات تساعدنى على الابداع
مادام مفيش يبقا لازم ومن حقى اشوف فى مكان تانى ........................
لو دى مصر اللى ذكرت فى القرآن أنا مستعد أنى أموت عشانها والله
لكن دى مش مصر يا جماعة
هاتولنا مصر اللى ربنا ذكرها واحنا علشانها مستعدين لأى حاجة

يا ريت تشاركينا برأيك يا سلمي بما انك عايشة في الخارج وشايفة ايه هناك مخليهم متميزين

معلومة أخيرة
الأرباح التى تنتج من قناة السويس
كافية لميزانية مصر بالكامل
ولسداد ديونها ايضاً

والله انت كلامك تمام يا رحال بس عايزة اقولك ان الفاسدين اللي بتتكلم عليهم دول ما هم الا مصريين برضه لكن ربنا سبحانه وتعالي بيخلق الحلو والوحش
احنا بقي كشباب مش عاجبنا الحال
ايه اللي ممكن نعمله
؟؟؟؟؟؟؟؟؟؟؟

ما هو احنا مش عايزين نقعد من بعيد ونبص بس علي فلوس قناة السويس
انا عايزة اعرف ايه اللي ممكن احنا نعمله
انا مش عايزة يعني نعمل نهضة وثورة ونغير الكون انا عايزة واقع
في ناس اصلا خلاص ابتدت تعمل بس انا عايزة اعرف افكار جديدة
كل واحد في مجه يحب يعمل ايه

انا مثلا عندي حلم اتمني ان ربنا يقدرني علي تحقيقه
بحلم ابقي دكتورة وافتح مستشفي كبيرة تكون علي مستوي مستشفيات الخارج الخاصو والعلاج فيها يبقي مجاني
طيب تعرف انا لسة كنت بقول لماما لو ربنا قدرني وبقي معايا فلوس هطلع كل سنة واحد مريض العمرة علي حسابي بشرط يكون مش مقتدر
يمكن دي تكون احلام بس علي الاقل عندي النية ولو فعلا عملت كدة وغيري كتير عمل اكيد الدنيا هتتغير
المشكلة فينا احنا نفوسنا ضعيفة والشهوات هي اللي بتقودنا الا من رحم ربي طبعا
علشان كدة انا عايزاكم معايا نفتح افاق جديدة نعرف ازاي نخلي مجتمعنا الاسلامي كله افضل

لا يا ايوت انا مش قولت عمرنا ما هنتغير
ولا قولت اننا نبقا سلبيين
انا بس رديت على طلبك فى ايجاد حلول نقدر نعملها احنا
فبقولك لازم الاساس علشان نعرف احنا ندرك الحلول دى
لكن بخصوص نعمل اللى علينا انا شايف ان مش علينا
غير اننا نصلح فى نفسنا الأول ونحس باليقين اننا راضيين
عن نفسنا ، انما لو عايزين تصرفات واقعية
هستنى معاكى ردود اكيد هنشوف افكار اكتر

طيب حابة اعرف بقية الآراء

عندما جاء لقاء مع جدة اوباما فى افريقيا فكان السؤال لها :
ماذا تنتظرين من اوباما لافريقيا ؟
فكان ردها جميل جداً قالت : لا انتظر منه شيئاً هو مواطن امريكى
انتخبه الشعب الأمريكى وجاء ليخدم المصالح الأمريكية .
لازم نبقا عارفين اساسيات وهى إن كل الأمور ماهى إلا سياسة مختلفة للوصول لنفس الهدف ، ألا وهى المصالح ، يعنى بطرية أوضح اوباما قالها صراحة افغانستان لن نتطرق إليها لأن الـ 3000 مواطن اللى ماتوا فى احداث 11 سبتمبر تجعلنا نواجه القاعدة إلا ان ننهيها ، وقال أيضاً على حماس أن توقف العنف ، وقال العلاقات الأسرائيلية الأمريكية غير قابلة للكسر ، وقال الكيان الصهيونى لا يجب إنكاره ولا ننسى لقد قتل منهم 6000000 فرد فى احداث المحرقة وما شابه ، محاولة أن يصل لوجود دولة اسرائيلية ودولة فلسطينية معاً .
أنا شايف ببساطة لقد كان اوباما يهاجمنا أكثر من أن نأخذ حقنا ، لكى لا يقول أحد بأن اوباما هو المهدى المنتظر ، ليس كذلك ولكنه ستسير الأمور كما هى من قبل ولكن بسياسات مختلفة وهى لن نتطرق للحروب لأخذ مصادر الطاقة ، بل سنأخذها برضاء أصحابها سيبقى الوضع كما هو عليه ولكن بالإبتسامة ، يجب علينا أن نعى ذلك تماماً ، ولا يجب أن ننسى مقولته الشهيرة فى هذا اليوم ، لقد قال العراق فى حال أفضل الأن من حال عهد صدام حسين ،،، وعجبى
وكأننا من قمنا بقتل ملايين الأشخاص اليهود ، وكأن أحداث 11 سبتمر جائت من قراغ ، وكأننا يجب أن نتقبل بوجود اسرئيل بيننا ،،،،، اشياء كثيرة جدا يا ايوت والله
انا شايف بإختصار ، خطاب طبيعى جداً متوقع لسياسة جديدة بنفس الأهداف القديمة