قعدة بناااااااااااااااااااااات!!!

[size=12][/sizeممكن اقعد معاكو شويه ]

أهلا وسهلا رباب إزيك؟

ازيك ياسمينا
اخبارك اييييييييييييييييييه؟

إزيك يا مرمر أخبارك ايه

ازيكم كلكم

ربنا يكرمك مرمر سلميلي كتير على جوليت وعلى مريم

=-=-=-=-

إزيك مرمورا أخبار يونا ايه ؟ هي جابت بنت ولا ولد فكريني

جابت بنوته اسمها أسيل بس عسل

روز ازيك
الاقولي ازاي اعمل كباب نفسي اعمل بالبيت
يعني استغل الاجازه قبل ماتخلص

نسمه شموخ كتب:

روز ازيك
الاقولي ازاي اعمل كباب نفسي اعمل بالبيت
يعني استغل الاجازه قبل ماتخلص

تقصدي الكباب يعني الكفته بلغة اهل السعودية ؟
ولا اللحم والدجاج المقطع ومشوي؟

اقتباس :

امممممممممم
جميل يا سلمي
يلا اتعلمي علشان اجيبلك عريس

جااااااااامده قوووي عريس مره وحده
ماااشي هسيرك بنتظار عريسك ياايوت
هههههههه
وانتي عندك خلفيه عن الكباب والا داخله كده عالفاضي

اقتباس :

ومش مهم لو ماركة غالية اهو تخلص ميزانيتي بس بفايدة

مممممم ممكن wetskin tech

اوك
طيب تعرفي هو في حدود كام دولار كدة يا سلمي ؟؟

25$

امممممممممم
اوك
شكرا هالة
خلاص خليني علي دة مؤقتا لغاية ما اسافر اسكندرية اشوف حل
شكرا يا جميلة

بصي سلوم

فيه المشويات عامة
بيكون مشوي دجاج
مشوي لحم
كفته
شيش طاووق وحاجات تانية

الكفتة ليها طرق
بس ابرز طريقتين
1- بتجيبي لحم مفروم + بصل مفروم ناعم + ملح + فلفل + بهارات لو تحبي (أنا بحط شوية هيل -حبهان-)مطحون

ممكن تزيدي فلفل مفروم وبقدونس مفروم

وتعجينيها مع بعض وبعدين تعمليها صوابع متوسطة وتحطيها في صينية مدهونة بزيت أو سمن وتسويها

ممكن فوق على البوتجاز على نار هادية وانت مغطياها ولما تستوي دخليها شوية في الفرن
او تحطيها في الفرن بس ما تعليش عليها النار


=-=-=-=-=-=-=-=

في طريقة ثانية

تجيبي لحم مفروم بس يكون فيه نسبة دهن وده اهم شيء

+ تفل بصل ( يعني تجيبي البصل وتفرميه وتعصريه وتاخدي البصل بس من غير المية اللي نازلة منه

وتحطي الماية دي في طبق

وتحطي برده ملح وفلفل

يبقى تفل بصل + لحم + ملح وفلفل

ممكن برده تزيدي فلفل أخضر مفروم

تجيبي أعواد خشبية أو أسياخ وتحطي اللحمة عليها على شكل صوابع وتكبسيها كويس

لو ما فيهاش دهن هتقع منك

وتبلي ايدك على خفيف كل شوية بمية البصل وانت بتعمليها اصابع على السيخ

وهي بتستوي برضه تدهنيها خفيف بمية البصل

وتعمليها على الشواية


=-=-=-=-=-=-=

في مصر بنسميها كفته بس السعودية بيسموها كباب

=-=-=-=-=-=

الكباب بقى بالمصري معناه اللحم المشوي (القطع)

التتبيلة بتكون

الأساسية

ملح+ فلفل +قليل من الخل + مية بصل بدون التفل بتاعه

يعني برضه تجيبي البصل وتعمليها في الخلاط وتصفي المية بس من غير بواقي البصل دي

فيه ناس بتزيد بهار على حسب الرغبة

ده بالنسبة للحم

=======
انا بقى بحب اعمل الدجا ج دا لانه اسهل في الشوي ونتيجته بتكون غالبا افضل

وخاصة اللحم ساعات يكون هو نفسه حلو او وحش فده بيأثر على الطعم


===-=-=-=-=-

هاتي برضه الدجاج وشيلي الجلد

وقطعيه قطع صغيرة وفتحيه كويس علشان الدم

حطي عليه

ملح + فلفل+ مية بصل+ خل+قليل شطة+ صويا صوص (فيه حلوة أو عادية--بس خلي بالك من ان العادية بيكون ملحها عالي فخلي بالك وانت بتظبطي الملح)

+بهارات + زيت

وسيبيها ساعتين -ثلاثة كل ما تسيبيها يكون افضل وبعدين اشويها على الشواية بتكون رائعة

وممكن تشوي معاها بصل + طماطم + فلفل

=-=-=-=-=-=

الشيش طاوووق

بتجيبي برضه الفراخ وتقطعي الصدور بدون جلد

وتحطيها في التتبيلة

وبعدين لما تسيبيها كذا ساعة كده

تجيبي اسياخ أو اعواد خشبية
وتحطي قطعة دجاج + قطعة طماطم + قطعة فلفل + قطعة بصل ونرجع تاني دجاج وهكذا لحد ما تملي السيخ ثلاثة اربعه كده

وتشويها برضه على الشواية

=-=-=-=-

بالنسبة أهم شيء ان تكون اللحمة حلوة وبتستوي بسرعة علشان ما تنشفش

منك وتكون فيها نسبة من الدهن
علشان كده الناس بتشوي اللحم الضاني علشان بيستوي بسرعة

لو عندك استفسار عن اي شيء
قوليييييييييييييييي

اول استفسار ايه الحبهان ده
انا عارفه هتعبك معاي
هي الطريقه بالقراءه سهله خالص ان شاء الله هطبق ونشوف هعمل ايه
وان شاء الله هبقى اصور العمايل السوداء ههههه
احلي شكر لاحلى روزتي