ليا مين غيرك يا بلدي ..؟

-------------------------- ----

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر

ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها

مصر البنوتةالحلوة
اللي زي القمر
بقت عجوزة وشايبة
وبان عليها الكبر

خايف يوم أصحي..
وأفتح الشباك..
مالاقيش مصر
.....
الشاعر الجميل علي سلامه
___________

مصر الحلوة الطيبه
مصر الاميرة ..الابيه ..المؤمنه
مصر الشوارع والحارات والمدن.
باموت في نيلها واهرامها وشعبها
مصر ام الدنيا وقلبها وجنتها
كان نفسي يكون لي فيها بيت ..وحبيبه .. وصديق ..
وشغلة كويسه.. مع حبة كرامه وشوية فرفشه
قالولي ما تقولش ايه ادتنا مصر
قول هاتدي ايه لمصر
قلت انا اديتها اهلي وعمري وعلمي وصحتي
وروحت اجيب شوية فلوس من بره
عشان ارجع وابني المصطبه
ونقعد زي زمان ساعة العصاري ..
نشرب شاي تقيل ونسلم عالرايح والاتي
ولما رجعت لاقيت المصطبة تتكلف بلاوي متلتله..
والشاي بقي يحتاج بويلر من غير كانون ولا حطب ولا يحزنون..
حتي الشغلانه بقت عاوزة واسطه وفلوس كمان من غير عدد
والحبيبة عاوزة خاتم سليمان ..مش فستان فرح زي زمان

لكن الامل في صديق ..يطلب مني اي حاجه غير الفلوس ...؟
يا تري الصديق ده موجود هنا ...........؟
امضاء : المواطن مصري ..
مغترب بالسعودية..
والاسم زمااااااااان كااان حسام.

أهلا وسهلا بك يا حسام
و إحنا على فكرة عارفينك من موضوع جميل كان كاتبه رحال قبل كده في المنتدى

أهلا وسهلا بك وبرحال
و أكيد مبسوطين إنكم معانا

شكرا ليكي احلي روز ..
وانا بجد مبسوووووووووووط جدا اني معاكم في احلي منتدي واحلي اصحاب ..
وباشكر رحالو علشان عرفني عليكم..
ويا رب اكون عند حسن ظنكم..
تسلميلي روز ويسلملي زوقك

ازيك يا حسام ؟ بخير ان شاء الله
منوور يا باشا

عجبتنى اوى الكلمات اللى انتى كتبته
ألاقيها لمت هدومها ومشيت
لمت هدومها
علي نيلها
علي هرمها
وطفشت

خوفتينى انا كمان بجد sm 174

تسلم ايدك يا باشا

ويا ريت تقولنا حبة حاجات عنك
زى دراستك وهوياتك وكدة

أنا كمان أثرت دي في علشان الحال من بعضه يا حسام

وروحت اجيب شوية فلوس من بره
عشان ارجع وابني المصطبه
ونقعد زي زمان ساعة العصاري ..
نشرب شاي تقيل ونسلم عالرايح والاتي
ولما رجعت لاقيت المصطبة تتكلف بلاوي متلتله..
والشاي بقي يحتاج بويلر من غير كانون ولا حطب ولا يحزنون..

===========

فعلا :ل :كل ما الناس تجمع فلوس وترجع تلاقي الحال ساء أكثر فترجع للغربة تاني sm 172

إنت في الدمام sm 160

لكن الامل في صديق ..يطلب مني اي حاجه غير الفلوس ...؟
يا تري الصديق ده موجود هنا ...........؟

أكيد طبعا يا بشمهندس هتلاقي هنا أصدقاء
وهيطلبووا منك كتير جدااا بس طبعا مش فلوووس
لا هيطلبووا منك المزيد والمزيد من الجمال والكتابات
الجميلة والأشعار الرائعــــة التي أتحفتنا بها
بمجرد دخولك واطلالك علينا فالمبدع مبدع وصاحب
الفكر والقلم الجميل يكون صداقات ومعجبين بمجرد
البوح بقلمه وترك العنان له للتعبير ..
شرفتنا كتير يا مهندس حســــــــــام
وليا الشرف طبعا إني أعرفك شخصيـــا..
منوووووووور المنتدى والله
يا ترى عرفتني ؟؟؟؟؟

أهلا وسهلا بيك منورنا و منور النت كله

NO WAY كتب:: ازيك يا حسام ؟ بخير ان شاء الله
منوور يا باشا
نوووووووووووورك حبيبي .. انا بخير طول ما احلي اصحاب بخير
عجبتنى اوى الكلمات اللى انتى كتبته
ألاقيها لمت هدومها ومشيت
لمت هدومها
علي نيلها
علي هرمها
وطفشت

خوفتينى انا كمان بجد
اطمن يا باشا مصر استحاله تنهار وفيها شباب زيكو.. انا رأيي ان لا ازمه اقتصادية ولا اباطرة الحكم المخللين فيها ولا نصابين السياسه والسلطه ولا حروب وضغوط دوليه ممكن تهد مصر .
الخطر الحقيقي هوا ..المصريين نفسهم.. ايوة صدقني.. لو احنا بعناها ..او اتخلينا عنها ..او قلبنا علي بعض ..يبقي عليه العوض..علشان كده البعدا فهمو ده وبيحاولو في سكة الفتنه الطائفية .وضرب المثقفين بالاصوليين ؟
بس اطمن فنحن في رباط ليوم الدين انشاء الله
تسلم ايدك يا باشا

ويا ريت تقولنا حبة حاجات عنك
زى دراستك وهوياتك وكدة
تسلملي نو واي انا درست الهندسة
نورتني يا جمييييييييل

فعلا يا حسام اللى يهد مصر هو المصرين
بس ماتقلقش المصرى صعب اوى انة يسيب مصر ممكن يسبها شوية يشتغل برة او غيروا بس مصريوا هيرجع تانى

انا يا حسام بدرس هندسة برضو انا قسم كهربا وحاسبات
انت اية؟؟

واية الرياضة المفضلة عندك يا باشا ؟؟

a white rose كتب:: أنا كمان أثرت دي في علشان الحال من بعضه يا حسام

وروحت اجيب شوية فلوس من بره
عشان ارجع وابني المصطبه
ونقعد زي زمان ساعة العصاري ..
نشرب شاي تقيل ونسلم عالرايح والاتي
ولما رجعت لاقيت المصطبة تتكلف بلاوي متلتله..
والشاي بقي يحتاج بويلر من غير كانون ولا حطب ولا يحزنون..

المثل المصري المعبر بيقول : اللي داق المرار قبلك يعيط لما يقابلك..
===========
فعلا :ل :كل ما الناس تجمع فلوس وترجع تلاقي الحال ساء أكثر فترجع للغربة تاني

[size=18]بيرجعوا للغربة تاني عشان يجمعوا فلوس تاني وهلم جرا .. يفضل الاتسان زي الاسد .. المربوط في ساقية..؟
وعلي راي عمي انيس منصور : الحب مرض علاجه الزواج .. والزواج مرض علاجه حب جديد.. وهلم جرا برضه.[/size]

إنت في الدمام

[size=18]قريب منها 650 ك بس... فركة كعب يعني.... انا في حفر الباطن..
مشاركتك الاولي اسعدتني جدا والتانيه اسعدتني جدا جدا[/size]

Dawn birth كتب:: أهلا وسهلا بيك منورنا و منور النت كله

[size=18]انت الاهل والسهل داون بيرث ..والنت هوا اللي يتشرف بيك حبيبي[/size]

NO WAY كتب:: فعلا يا حسام اللى يهد مصر هو المصرين
بس ماتقلقش المصرى صعب اوى انة يسيب مصر ممكن يسبها شوية يشتغل برة او غيروا بس مصريوا هيرجع تانى

علي عيني فراقها يا صاحبي ..

انا يا حسام بدرس هندسة برضو انا قسم كهربا وحاسبات
انت اية؟؟
انا القسم الشعبي .. مدني ..من بتوع قلنا هانبني وادي احنا بنينا ..الدور التاني

واية الرياضة المفضلة عندك يا باشا ؟؟

الجولف والاسكواش والبلياردو معرفش عنهم حاجه ..انما رياضتي المفضلة الجري ..ورا اكل العيش طبعا..؟

حســـــــــــــــــام باشا
نورت المنتدى يا غالى
وشرف كبير أن اكون معك فى مكان واحد
فكم تمنيت أن نكون سويا العمر كله
ولكنه القدر يجعلنا نفترق جميعاً
حتى نعود فنكون أشد قرباً
إن شاء الله المنتدى يعجبك
ـــــــــــــــــــــــــــــــــــــــــــ
وادينى دخلت الجيش يا هندسة
والظابط قالها بالفم المليان
وتحس أنو فرحان فينا
<<< جميع المتقدمين للتجنيد تم تجنيدهم >>>
وانتهت

منوووووور المنتدى يا حسااااام
وان شاء الله المنتدى يعجبك
وتكون مبسووووط معانا

aa8

beebooo2008 كتب:: لكن الامل في صديق ..يطلب مني اي حاجه غير الفلوس ...؟
يا تري الصديق ده موجود هنا ...........؟

أكيد طبعا يا بشمهندس هتلاقي هنا أصدقاء
وهيطلبووا منك كتير جدااا بس طبعا مش فلوووس
لا هيطلبووا منك المزيد والمزيد من الجمال والكتابات
الجميلة والأشعار الرائعــــة التي أتحفتنا بها
بمجرد دخولك واطلالك علينا فالمبدع مبدع وصاحب
الفكر والقلم الجميل يكون صداقات ومعجبين بمجرد
البوح بقلمه وترك العنان له للتعبير ..
شرفتنا كتير يا مهندس حســــــــــام
وليا الشرف طبعا إني أعرفك شخصيـــا..
منوووووووور المنتدى والله
يا ترى عرفتني ؟؟؟؟؟

انا جيت لك اهوه يا سوسه انت يا فاهمني..حلاوة لسانك تحير ..
وادبك وزوقك مخليييني غيران منك ..بس مش عارف مين المبدع اللي دخل في الموضوع ده ..؟ اكيد مش انا .
انما المبدع الذي يأخذ بييد الاصحاب مثلك تماما ..
اما انا فهوايتي كسب الاصدقاء ..
ويشرف عمري انك تعرفني
بيبوووووووووووو حبيب الملايين..تسلملي

اهلا بيك استاذ حسام
نورت المنتدي والله
صحيح ترحيبي جه متأخر
لكن معلش
اهلا بيك وبكل آل سنورس
منور المنتدي
وعلي فكرة رحال بيحبك قوي
ربنا يخليكم لبعض

رحال كتب:: حســـــــــــــــــام باشا
نورت المنتدى يا غالى
وشرف كبير أن اكون معك فى مكان واحد
فكم تمنيت أن نكون سويا العمر كله
ولكنه القدر يجعلنا نفترق جميعاً
حتى نعود فنكون أشد قرباً
إن شاء الله المنتدى يعجبك

المنتدي منور بيكم رحال.. وما انا الا شمعة وسط اضوائكم الباهرة..
انا كل ما اسأل عليك يقولوا ..دور عليه بالجوجل سيرش ..ولا الجوجل ايرث..
انت مني في منزلة هارون من موسي وفي مكانة بنيامين من يوسف عليهم وعلي نبينا افضل الصلاة والسلام
ولو املك الهدهد لارسلته لك بتحية حب وتقدير وحوالة دولارات كمان..
المنتدي عاجبني جدا جدا والفضل يرجعلك ولكل الموجودين هنا
ـــــــــــــــــــــــــــــــــــــــــــ
وادينى دخلت الجيش يا هندسة
والظابط قالها بالفم المليان
وتحس أنو فرحان فينا
<<< جميع المتقدمين للتجنيد تم تجنيدهم >>>
وانتهت
هههههههههههه
مش عارف اضحك ولا اعيط....( ابعد عن الحزين عبوووووووود)
لما كنت باقدم للجيش كنت مترشح فريق اركان حرب طبعا...
الظابط قال : مواليد 77 من شهر واحد لحد شهر 11 معافاة..وشهر 12 من يوم واحد لحد يوم 11 معافاة ومن يوم 15 لحد يوم 30 معافاة والباقي مجند..؟
قلت له طيب ما تقول انا عاوز حساااااااام وتخلص ..(اصل انا 12\12 )
دائما وابدا اقول :لو علمتم الغيب لاخترتم الواقع
انا هاكمل كلامي معاك اون لاين علشان الناس ما تكرهناش ويعملو شت داون
بص للجانب المشرق في الموضوع ..انت مش هاتقلق تاني من موضوع هاتدخل الجيش والا لا...؟
منورني صاحبي وحبيبي رحااااااااال

فتاة الاسلام كتب:: منوووووور المنتدى يا حسااااام
وان شاء الله المنتدى يعجبك
وتكون مبسووووط معانا

نووووووووووووورك احلي فتاة
المنتدي عاجبني جدااااااا
ومثالي جداااااااا لدرجة تقلق ...
اجمل ما فيكم انكم علي قلب رجل واحد ...
كأنكم عائلة واحدة .. ربنا يحميكم ويديم الود والصفا بينكم..
نورتيني يا عسل ويا ريت نتعرف بيكي...؟

dr_ayota كتب:: اهلا بيك استاذ حسام
نورت المنتدي والله
صحيح ترحيبي جه متأخر
لكن معلش
اهلا بيك وبكل آل سنورس
منور المنتدي
وعلي فكرة رحال بيحبك قوي
ربنا يخليكم لبعض

دكتورة ايوووووووووووووته..
اسف للتأخير في الرد .. عطل فني..؟
خلاف مادي بسيط بيني وبين شركة الاتصالات وتمت تسويته...؟
اهلا بيكي وبكل المنتدي ..
اما آل سنورس بقي اسمهم آل نصر بسبب الانتشار الفظيع لنا في ارجاء المعمورة ..شرقا وغربا وشمالا وجنوبا
واصبح من النادر ان تدخلي مصلحة او مدرسه او مستشفي او سينما او سجنا او سفارة او وزارة دون ان تلتقي باحدنا.
باختصار لو قلبنا حرف النون ميما ستعرفين كم بلغ تعداد آل نصر...
حتي ان هناك منظمات دوليه وهيئات سكانيه تطالب باعتقال ابي او وضعه تحت الحراسه المشددة...؟
لكي مني الف تحية وتقدير
اما رحال فهو احب آل نصر الي قلبي... وغلاوته عندي تعجز عن وصفها الكلمات...
نورتيني احلي آيه

اقتباس :: اما رحال فهو احب آل نصر الي قلبي... وغلاوته عندي تعجز عن وصفها الكلمات

اكيد علشان رحال شخصية محترمة
ربنا يخليكم لبعض
ولآل نصر

حسام باشاااااااااااااااا
بص يا غالى
ايه رأيك فى التوقيع دا ليك

ليا مين غيرك يا بلدي ..؟ 0d6d29ee7c

لو عجبك ادخل الملف الشخصى
وبعدين اضغط التوقيع
وهناك فى علبه الارسال
حط الرابط دا

الكود:: [url=http://m7ml.com/][img]http://m7ml.com/uploads6/0d6d29ee7c.jpg[/img][/url]

جميل جدا يا رحالو

تحس كدة انه شبه استاذ حسام

تسلمى احلى ايووووووت
بس هو شكلو مش شايفوا
ولا ايه ظروفك يا هندسة

طاب وربنا جميله جدا

تسلم يا فنان ......بس فعلا فين استاذ حسام

استاذ حساااااااااااااام sm 110