السلام عليكم ورحمة الله وبركاته..
هذه الرساله للبنات مش هنقول ممنوع دخول الشباب انما هيا هتهم اكتر البنات .
طبعا احنا عارفين ان ربنا جل وعلا قال ان النبى صلى الله عليه وسلم مش اب حد نسبيا ولكن روحانيا وحبا فهوا ابونا كلنا صلى الله عليه وسلم.
انا حبيت انى ابدا كلامى كده علشان فى بداية الموضوع نتفق ان كل البنات يصح اننا نقول بنات النبى .اما بعد..
فبما اننا بنات النبى صلى الله عليه وسلم فمش يصح ان اى بنت تخرج من بيتها وهيا مش راضيه بباها (النبى صلى الله عليه وسلم).انا طولت شوايه بس خلاص هادخل فى الموضوع الا وهو.. لبس بنات النبى.
اكيد كلنا بنشوف اللبس اللى يكاد يكون منتشر وهوا الدييق جدا جدا..مش هنقول او بمعنى اصح مش من حقنا لما نشوف اى بنت لابسه لبس دييق او حتى مش محجبه خالص ان داه يقلل من احترامها بالعكس الله وحده اعلم بحالها..فى اللى بتخرج باللبس داه علشان ترضى شهوتها هيا ان يبقى شكلها حلو امام حتى نفسها وفيه اللى بتخرج علشان تلفت انظار اللى حواليها وفيه اللى بتخرج كده وهيا اصلا مش عارفه ان داه غلط .
المهم اللى هنتفق عليه ان كل دول ناس طيبه واللى نفسى انصح بيه نفسى الاول وبعد كده هما ان احنا يا جماعه اغلى من كده والله يا جماعه اغلى من كده بكتيييير..ربنا غلانا يبقى ليه بس احنا نرخص نفسنا.. يا جماعه انتوا عارفين مش ساعات كتير ناس بتشبه البنت انها جوهره انا بقى بقولهم لا ..لان الجوهره لو محطوطه فى محل صاحب المحل بيقول ممكن النظر اليها ولكن ممنوع اللمس ولله المثل الاعلى ربنا عز وجل قال ممنوع اللمس وممنوع كمان النظر اليها..يبقى احنا غاليين ولا لا يا جماعه..وخدى بالك انتى لما بتخرجى من بيتك باللبس داه انتى مش بتاخدى ذنب حضرتك وبس لا انتى بتاخدى ذنب كل اللى انا اسفه فى اللفظ كل اللى يتفرج عليكى وعلى جسمك..
انا اسفه لانى طولت عليكو بس يااااااارب الكلام داه ينفعنا جميعا..
والسلام ختام والسلام عليكم ورحمة الله وبركاته.
الثلاثاء سبتمبر 15, 2009 9:08 pm
