كحك وبسكوويت العييد شوفووووووووا

كل سنة وإنتم طيبين.. كلها كام يوم وييجي العيد،
وأكيد الفترة دي بيحلى فيها تجمع الأسرة والعيلة في البيت لعمل الكعك والبسكويت والغُريبة والبيتي فور، وغيرها من الحلويات الجميلة اللي بتميز الأيام الجميلة دي، واللي الواحد بيستناها من السنة للسنة..
ودى طرق لعمل كل الحاجات دى ويارب تعجبكووا

كحك العيد بالبيكنج بودر
كحك وبسكوويت العييد شوفووووووووا 14

المقادير‏:
• 1‏ كيلو دقيق‏ (8 أكواب متوسطة دقيق منخول‏)
• 3‏ أكواب زبد‏
• 1‏ كوب لبن‏
• ملعقة صغيرة بيكنج بودر
• ‏ذرة ملح‏
• 2‏ ملعقة صغيرة ريحة كحك
• 2‏ ملعقة كبيرة سمسم محمص
للحشو‏:
عجمية أو ملبن
مكسرات محمصة ومجروشة‏ (‏بندق-‏ عين الجمل‏)‏
الطريقة‏:‏
1. اضربي الزبدة بالمضرب الكهربائي أو في العجان لغاية ما تنعم وبعدين حطي اللبن واستمري في الخفق لغاية ما تلاقي الخليط متجانس‏.‏
2. حطي ‏6‏ كوبايات دقيق في طبق العجن وضيفي لهم البيكنج بودر والملح ورشي فوقهم السمسم وريحة الكعك‏.‏
3. ‏‏صبي فوقهم اللبن بس بالتدريج واعجني ده كله مع بعض لغاية ما تلاقي العجينة مابتلزقش في إيدك وتكون سهلة التشكيل ولو حسيتِ إن العجينة محتاجة شوية دقيق حطي باقي الدقيق بس خلي بالك بالتدريج‏.‏
4. قطعي العجينة كور صغيرة وافرديها على إيدك وانقشيها بالمنقاش بس تراعي إنك ماتضغطيش على الكحكاية بإيدك.
5. دي كانت طريقة الكحك السادة لو عاوزة الكحك محشي قومي بنفس الخطوات اللي فاتت بس قبل ما تنقشي خدي كورة من العجين واحشيها باللي إنتِ عاوزاه سواء ملبن أو عجمية.
6. رصي الكحك في صاجات بعد دهن الصاج بالسمنة وراعي إنك تسيبي مسافة بين كل واحدة والتانية، وسخني الفرن واظبطيه على درجة حرارة متوسطة، وبعد فترة دخلي الصاج الفرن لغاية ما الكحك يتحول للون الدهبي.
7. شيليه من الصاجات وسيبيه لغاية لما يبرد ورصيه في علب ورشيه بالسكر البودرة لما تيجي تقدميه‏.‏

البسكويت
كحك وبسكوويت العييد شوفووووووووا 15

البسكويت بالذات كذا نوع، فيه اللي بالنشادر واللي بجوز الهند واللي بالقرفة واللي واللي.. وعلشان كده احنا اخترنا لك كام نوع سهلين في العمايل.
بسكويت النشادر
المقادير:
• كيلو دقيق منخول
• كوباية سمن
• 2 1/ 2 كوباية سكر بودرة
• 5 بيضات
• كوباية لبن
• ملعقة كبيرة نشادر
• فانيليا.
الطريقة:
1. اضربي السمن مع السكر لغاية الخليط ما يبقى زي الكريمة.
2. اضربي البيض مع الفانيليا كويس لغاية ما الخليط يبقى غليظ وبعدين ضيفي السكر والسمن للخليط مع الاستمرار في الخفق لغاية ما يتجانس.
3. تذاب النشادر في نصف كوباية لبن وضيفيه للخليط السابق.
4. ضيفي الدقيق بالتدريج بالتبادل مع اللبن لغاية ما تلاقي العجينة سهلة في التشكيل.
5. تشكل العجينة حسب الرغبة إما بماكينة البسكويت أو تقطع بالقطاعة، ثم ترص الوحدات في صاجات مدهونة بالزيت على مسافات متباعدة علشان مايلزقش.
6. اظبطي الفرن على درجة حرارة متوسطة ولما يسخن حطي الصاجات في الفرن.
7. ارفعي البسكويت من الصاجات وسيبيه لغاية ما يبرد خالص وبعدين رصيه في علبة.
ملحوظة: لو عاوزة يبقى بطعم القرفة أو البرتقال ضيفي للعجينة ملعقتين قرفة أو كوباية عصير برتقال.

بسكويت جوز الهند
المقادير:
• 2 كوباية دقيق
• 4/3 كوباية زبدة
• 1/2 كوباية سكر بودرة ‏
• 1‏ بيضة
• ‏ فانيليا
• ‏1‏ صفار بيضة‏
• ‏ كوب جوز هند ناعم‏
• ‏ذرة ملح‏
• 1‏ ملعقة صغيرة بيكنج بودر
• ‏2‏ ملعقة كبيرة لبن حسب الحاجة‏
لدهان الوجه‏:‏
بيضة مخفوقة مع فانيليا‏.‏
الطريقة‏:‏
1. اضربي الزبدة مع السكر لغاية ما تبقى زي الكريمة‏.‏

2. اضربي البيضة وصفار البيضة بالشوكة وضيفيهم للخليط السابق‏.

3. اخلطي الدقيق مع البيكنج بودر والملح وجوز الهند وحطي الخليط ده على المقدار السابق واعجنيهم لغاية ما العجينة تبقى سهلة ويمكن تشكيلها‏.‏

4. ممكن إنك تحطي 2‏ ملعقة كبيرة من اللبن إذا كانت العجينة يابسة (ناشفة وإنت مش عارفة تشكليها).‏.‏

5. ممكن إنك تشكلي العجينة حسب ما إنت عايزة إما بماكينة البسكويت أو بالقطاعة‏.‏

6. ‏رصي قطع البسكويت في صينية على مسافات متباعدة ويدهن الوجه بالبيضة المخفوقة مع الفانيليا‏ وسخني الفرن في درجة حرارة متوسطة، وبعد فترة دخلي البسكويت ‏واتركيه لغاية ما لونه يبقى دهبي.

7. شيليه من الصاج وهو سخن وسيبيه لغاية ما يبرد ورصيه في علب.

الغريبة
كحك وبسكوويت العييد شوفووووووووا Kamar_17

كحك وبسكوويت العييد شوفووووووووا Kamar_17

المقادير‏:
• 1‏ كيلو دقيق ‏(8‏ أكواب متوسطة‏)
• 3‏ أكواب زبد‏
• 1‏ كوب سكر بودرة‏
• بياض بيضة
• فانيليا
• ذرة ملح‏
• أنصاف لوز للتجميل
الطريقة‏:‏
1. انخلي الدقيق واضربي الزبدة مع السكر بالمضرب الكهربائي لغاية ما ينعم الخليط ويبقى مثل الكريمة.
2. اضربي بياض البيضة مع الفانيليا بالشوكة وضيفيه للخليط السابق مع الاستمرار في الخفق‏.
3. حطي الدقيق بالتدريج واعجني المقدار لغاية ما العجينة تبقى ناعمة (ماتكونش بتلزق في إيدك)‏.
4. سخني الفرن وبعدين شكلي العجينة علي هيئة كرات صغيرة بحجم البندقة الكبيرة واغرزي فيها نص لوزة وبرضه تراعي إنك ماتضغطيش عليها بإيدك‏.‏
5. ادهني الصاج بالسمنة ورصي فيه الغريبة واظبطي الفرن على درجة حرارة متوسطة لغاية ما تستوي، بس خلي بالك إن لونها مايتغيرش يفضل زي ما هو سكري فاتح‏.‏
6. شيليها من الصاجات أول ما تخرج من الفرن بس بالراحة لأن الغريبة ناعمة‏.‏
7. لما تبرد كويس رصيها في علب التقديم‏.‏

البيتي فور
كحك وبسكوويت العييد شوفووووووووا Kamar_18

كحك وبسكوويت العييد شوفووووووووا Kamar_18

المقادير:
• 3كوبايات دقيق
• 1/2 كوباية زبدة
• 1/2كوب مربى مشمش
• 1/2كوب فستق مطحون للتجميل
• 1 بيضة
• 4/3كوب سكر ناعم
• ذرة ملح
• 1/2 ملعقة صغيرة بيكنج بودر
• ملعقة صغيرة فانيليا
الطريقة:
1. اضربي الزبدة مع السكر بالمضرب الكهربائي لغاية ما تبقى ناعمة مثل الكريمة، ثم ضيفي إليها البيضة.

2. ضيفي الدقيق إلى البيكنج بودر والملح وضيفيهم إلى الخليط السابق بالتدريج ومع التقليب المستمر لغاية ما تبقى العجينة سهلة التشكيل.
3. تشكل العجينة بماكينة البيتي فور أو بقمع موضوع في كيس قماش، ممكن إنك تشكليها زي ما إنت عايزة على شكل وردة أو كورة صغيرة ثم رصيها في صينية تيفال.
4. سخني الفرن على درجة حرارة متوسطة ثم دخلي البيتي فور لمدة ربع ساعة.
5. خرجيه من الفرن واتركيه لغاية ما يبرد.
6. للتجميل ادهني طرف البيتي فور بمربى مشمش ورشي فوقه فستق مطحون.
ملحوظة: لما تعمليه بالشكولاتة شيلي مقدار 1 1/2 ملعقة دقيق ويوضع بدلا منها بودرة كاكاو.

امممممممممممممم كحك وبسكوويت العييد شوفووووووووا 326652

جمييييييييل اوي يا جوجو بجد جوعتيني

كحك وبسكوويت العييد شوفووووووووا 516341

بس ما تجيبيليش سيرتهم
دول تعبولي اعصابي
لكن اقول ايه
تسلمي يا جوجو

جميل كل سنة وانتى طيبة ياقمر

ليه بس أيوتة !!!

خلصتي عمايل الحاجات دي ولا لسة !

=-=-=-=-=

حاجة جمييييييييييييييييييييييييييلة خالص جنات
تسلم إييييييييييدك

اقتباس :

خلصتي عمايل الحاجات دي ولا لسة !

الكعك بيتحمر في الفرن
ان شاء الله يطيب علي بكرة
ولسة البيتيفور

على بكرة إزاي يعني كحك وبسكوويت العييد شوفووووووووا 12167

هيفضل من النهاردة لبكرة في الفرن كحك وبسكوويت العييد شوفووووووووا 68969

نورهان و بسمله تسلمولى وشكراا على المرور

ايوووته ربنا معاااكوا يارب وتخلصوا انا والله تعبت لك هههههههه

نورتينى روووووووووووووووووز

كحك وبسكوويت العييد شوفووووووووا 932682

تسلم ايديك يا احلي جنات
ايوة كده
هو الموضوع ده عايز ايه علشان تتغاظ وتتفقع انتي عارفه ليه بقي
ههههههههههههههههههههههه
Go0ogo0

هههههههه
ماشى يا جوجو
نورتينى ياسكرررررر