المعاكسات..ياترى رجووله ولا

الطريق له أدابه

التى يجب ان ننفذها كما علمنا الرسول صلى الله عليه وسلم

واعتقد انك ازهريه كتبت عن هذه الآداب

ومن يفعل هذه الافعال فهو ينتهك هذه الآداب

ولكن دعينا ننظر الى جانب آخر

الا وهو :

البنت اعقد ان تحلت البنت بالملابس المناسبه

التى تستر عورتها وتمنع الآخرين

من رؤية مامر الله به ان يستر

فاحتمال تعرضها لهذا اقل بكثيييييييييير

من انها تلبس وتتزين ولا تستر نفسها

مع العلم ان هذا السلوك لن ينتهى

الا بالاخذ بالاثنين

الستر من جانب المرأه والاحتشام فى الملبس

وطريقة المشى وغيرها

والاخذ بتعاليم رسولنا الكريم من آداب الطريق

****************

فى النهايه هناك واجب على سيارات الدوريات التى نسمع عنها

وبارك الله فيكى أزهريه

موضوع مهم جداً

ربنا يحمى بنات المسلمين

واحنا مستنين حديث الفتيات

ازيك ... ايـــــوت

بس انتي ما قلتيش رأيك في اللي فات ... ؟

وعموما صبراً لحد ما الاصحاب يهضموا الرد اللي فات الاول ويناقشوه وبعدين ..

نشوف بقي اللي مظلومين معانا وظالمين نفسهم كمان ...

البناااااااااااات

اقولك يا استاذ حسام
انا بصراحة مش شايفة اي مبرر للولد انه يعاكس مهما حصل
ومهما كانت البنت متبرجة
والدليل علي كدة ان انا ليا زمايلي ولاد انا نفسي اتكسف ابصلهم من كتر احترامهم وعمري ما شفت عليهم حاجة وحشة
يعني دي في الاول والىخر اخلاقيات
وبعدين وانا ماشية في الشارع
ولو شفت ولدين مثلا ببقي متوقعة مين اللي هيعاكسني ومين لا
يعني المحترم بيان عليه من مشيته ومن نظرته
والجديد بقي من لبسه
حديثا بقي الولد زي البنت بالظبط يتعرف من لبسه بعد ظهور الموضات الخليعة حتي للولاد من بنطلونات ساقطة وحظاظات وسلاسل ولبس الايموس وعبدة الشيطان والتسريحات الغريبة وغيره
انا طبعا مش بدافع عن البنات بكدة
اطلاقا انا ساعات بشوف بنت لابسة لبس ملعلع حبتين أقعد اتنح فيها وانا بنت فما بالك بولد
لكن يبقي الاحترام هو العامل المسيطر
زمان كان التعليم له عامل في الموضوع دة يعني الواحد المتعلم اللي بيشتغل في شغلانة محترمة غير الجاهل العاطل
معرفش دة كان مجرد شعارات ولا شيء فعلي
لكن دة دلوقت اختلف تماما
يعني مثلا فكرة الناس عن طالب الطب انه واد دحيح ما لوش غير في المذاكرة ولابس نظارة وبنطلون قماش وقميص كلاسيك
واخلاقه عالي جداااااااا
تعالي عندنا في الكلية واتفرج
والله كلام اتكسف لو اقوله
ابسط حاجة تلاقي ولدين قاعدين وراك في البنش واحد يقول للتاني
فاكر البنت يلا اللي اجرناها بتاعة شقة ميامي
في واحدة احلي منها تانية ايه رأيك
بالله عليك لما يبقي طالب طب في سنة تانية المفروض انه امل اهله وانه انسان مجتهد وناجح
ومش عارفه ايه تسمع منه الكلام دة
انا شخصيا مأمنش علي نفسي اني الجأله بعد كدة كطبيب
فكرتي باختصار ان مش بس التبرج هو السبب الرئيسي في اسباب تانية كتير
وزي ما في ولد عديم الاخلاق في بنات كمان عديمة الاخلاق انا نفسي لما بشوف بنت من النوع دة حقيقي ببقي متضايقة جدااااااااااااا

اقولك يا استاذ حسام
انا بصراحة مش شايفة اي مبرر للولد انه يعاكس مهما حصل
ومهما كانت البنت متبرجة


ودي اول جملة قلتها :
لا شيء يبرر الخطيئة ...


والدليل علي كدة ان انا ليا زمايلي ولاد انا نفسي اتكسف ابصلهم من كتر احترامهم وعمري ما شفت عليهم حاجة وحشة
يعني دي في الاول والاىخر اخلاقيات

جميييييييييل جدا كلامك

ومش انا اللي قلت ( عليكم انفسكم لا يضركم من ضل اذا اهتديتم )

ربنا سبحانه اللي قال ..

بالله عليك لما يبقي طالب طب في سنة تانية المفروض انه امل اهله وانه انسان مجتهد وناجح
ومش عارفه ايه تسمع منه الكلام دة
انا شخصيا مأمنش علي نفسي اني الجأله بعد كدة كطبيب

ولا انا آامنه لا اخ ولا صديق ولا طبيب ولا جار ولا اي حاجة ابدا

بس لو تاب وآمن وعمل صالحا ... فهو اخ وحبيب وجار وكل حاجة كويسة

............

الرد بتاعي .. اتخيلت اني قابلت مراهق ... او الشباب الصغير .. علشان محدش يزعل

وقلت اشوف دماغه فيها ايه .. واعمل نفسي ضميره الحنين

ونرد علي اسئلته ونجاوب عليها ... علشان مش احنا لوحدنا اللي بنكلمه .. لا

في كمان ابليس قاعد في ودنه ... ونفسه وغرايزه ... مجنناه

تعالوا نناقشه ونقنعة ... علشان ابليس ما يضحكش عليه ...

والبنات كمان دورها جاي .. ما تستعجلوش

.........

يارب ما تشوفي حاجة تضايقك ابدا يا ايوت ..انت واختنا ازهرية ...وكل بنات ونساء المؤمنين

بالضبط حسام

الاصلاح اصلاح انفسنا

ومن نمكث معهم اغلب اوقاتنا ثم محاولاتنا التى سيغلفها رضا من الله

ستنتشر

وستؤتى الغرض منها ان شاء الله

سلسله مترابطه كل منها سيؤدى الى الآخر

السلام عليكم ورحمه الله وبركاته
موضوع بجد شائك وانتشر كتير ف الزمن ده
وبما ان السيئه بتعم والحسنه تخص
فبقينا نشوف بس الوحش او بمعنى ان الشاب حاطط ف دماغه فكرة وهى اللى مسيطرة ع تفكيره ان اى بنت مهما كانت مش محترمه والدليل انه بيعاكس واحده منتقبه زى ما ذكرتوا ..وبرضه البنات مزودينها اوى جدا خالص..بقوا يمشوا ورا الموضه اللى جايه من الغرب وبيتبعوها بدون تفكير او وعى..الله يكون ف عون الشباب
ممكن شويه ننظرلها من الناحيه الاقتصاديه ان بجد البطاله المنتشرة ف البلد بتخلى الولد مش قادر انه يكون اسره فبيلجأ للاساليب اللى مبترضيش ربنا عشان يعوض ده و الشباب بيكون فاضى فبيقف ع النواصى ويعاكس .ومهما اتكلمنا ع توفير الشغل للشباب هنتكلم ونتكلم ومتهيألى هنفضل نتكلم....فربنا ف عون البلد اللى نتمنى ينصلح حالها وحال شبابها

اسفه ع الاطاله

لى عوده ان شاء الله

لكن البراءة ... نبات ضل ... تتعرض للشمس تدبل وتموت...
والمعاني الحلوة تبدأ تفقد جمالها في عنيه ... فيجيله عمي الوان .. ويفقد التمييز تماما ... ويتحول الامر معاه ... لممارسة فعل المعاكسة وبس
لدرجة انه ممكن يعاكس رجالة كمان .... تصوروا
على اد ماهو هم يبكي بس عجبتنى دى
وبحق ماتت فيهم كل حاجه من شهامه ورجوله ..اه لو يتخيل اخته ولا والدته ف الموقف ده..وياسلام لو فعلا شاف كده... الدنيا تقوووم..طب ليه متعتبرش اللى انت بتعاكسها اختك او والدتك..ولكن لا حياه لمن تنادى.......

بس نشغل بالشباب بإيه يا تري .......؟
مستني الاجابه ...........؟
متهيالى مش هقدر افيدك ف الاجابه ع السؤال ده.لان لو بايدي اشغلهم بحاجات كتييييير.بس الاجابه عند جهات عليا
ربنا يستر علينا

سابدأبهذا الحديث
********

وعن عبد الله بن عمرو بن العاص رضي الله عنهما قال قال رسول الله صلى الله عليه
وسلم

المسلم من سلم المسلمون من لسانه ويده والمهاجر من هجر ما نهى الله عنه متفق
عليه

************
وايضاً هذه الآيه
*******
قال الله تعالى " والذين يؤذون المؤمنين والمؤمنات بغير ما اكتسبوا فقد
احتملوا بهتانا وإثما مبينا " الأحزاب

*****************

هناك العديد والعديد من الاسباب التى

تجعل الشباب يفعلون هذه الافعال

منها كما ذكرتم

البطاله التى تؤدى للضياع

ومنها ايضا وقت الفراغ الذى هو ناتج من البطاله

ويؤدى للتسكع فى الطرقات

وأيضا منها غياب الوعي الدينى

وهو نتاج مانحصده اليوم من قله الدراسات المدرسيه

والمنزليه الدينيه

فالوزاره همشت الدين

والوالدين مشغولان بجمع الاموال والسعى علي الرزق

واهملا السعى على تربية الابناء

اعلم تماماً ان السعى على الرزق صعب

ولكن اتينا شيئاً على حساب شىء

المال على حساب التربيه والاخلاق

غياب القدوه الحسنه التى اصبح وجودها فى حياتنا صعب المنال

فقدوة الشباب الآن الفنانين والمطربين

وليس الرسول والصحابه والصالحين

ايضا تغيب الاب وضحى بنفسه كقدوه

ليحاول ستر الابناء ستراً مادياً

ونسى الستر الاخلاقى والدينى

فلم يتعلم الشباب ولو حد الكفاف من امور دينهم واخلاق

الرسول صلى الله عليه وسلم واخلاق الصحابه
********************

ثم سأتناول الموضوع من جانب آخر
****************
مالذى يحدث اذا عاكس شاب فتاه وما عاقبة ذلك عليه ؟
***********
1/ لقد نظر وامعن النظر فيما حرمه الله وقد يزنى الانسان بنظره

2/ لقد تكلم بلسانه ونطق اقوال يندى لها الجبين

مما يعد من بذائات اللسان وتفاهة الاقوال

3/ لقد سار بقدميه وسعى لما حرمه الله

4/ قديستخدم يديه فتنول نصيباً مما أراد

5/ لقد اندفع بقلبه للشيطان واطاعه طاعة عمياء

اذن انظر لقد خالف هذا الشاب الله

بكل جوارحه وحواسه

وتملك الشيطان منه تماماً

وانتم تعرفون ماسيحل عليه من عقاب المولى عز وجل

***************

اين آداب الطريق لقد خالفها كلها

الى جانب انه روع هذه الفتاه

وهو ايضا ماحرمه الله

************

اين حياء سيدنا عثمان .

الايعلم عنه هؤلاء من شىء

*********


قال الله تعالى " إن الذين يحبون أن تشيع الفاحشة في الذين آمنوا لهم عذاب
أليم في الدنيا والآخرة " النور

***********

ثم اسمحوا لى ان أقول لاختى العزيزه (آيه) عن هؤلا الذين يتكلمون

ويتباهون بما فعلوا
************

وعن أبي هريرة رضي الله عنه عن النبي صلى الله عليه وسلم قال لا يستر عبد عبدا في
الدنيا

إلا ستره الله يوم القيامة رواه مسلم
************

وعنه قال سمعت رسول الله صلى الله
عليه وسلم يقول كل أمتي معافى إلا المجاهرين وإن من

المجاهرة أن يعمل الرجل بالليل
عملا ثم يصبح وقد ستره الله عليه فيقول يا فلان عملت البارحة

كذا وكذا وقد بات
يستره ربه ويصبح يكشف ستر الله متفق عليه


****************

وفى النهايه حتى لا اطيل واستمتع بمن سيتكلم بعدى

ارجو ان نتدبر من هذا الحديث
عن ابى هريرة رضى الله عنه عن النبي صلى الله عليه وسلم قال إذا زنت الأمة فتبين زناها

فليجلدها الحد ولا يثرب
عليها ثم إن زنت الثانية فليجلدها الحد ولا يثرب عليها ثم إن زنت الثالثة

فليبعها
ولو بحبل من شعر متفق عليه التثريب التوبيخ

*****************

ومن وجهة نظري الاصلاح

**************


قال تعالى " فاتقوا الله وأصلحوا ذات بينكم " الأنفال

قال الله تعالى " لا خير في كثير من نجواهم إلا من أمر بصدقة أو معروف أو
إصلاح بين الناس " النساء
*****************

وسأنهى بما بدأت به
******
وعن عبد الله بن عمرو بن العاص رضي الله عنهما قال قال رسول الله صلى الله عليه
وسلم

المسلم من سلم المسلمون من لسانه ويده والمهاجر من هجر ما نهى الله عنه متفق
عليه

*****************
قال الله تعالى " والذين يؤذون المؤمنين والمؤمنات بغير ما اكتسبوا فقد
احتملوا بهتانا وإثما مبينا " الأحزاب

الله يكرمك
انت بجد لخصت كل جوانب المشكله
وفعلا ضاعت القدوة الحسنه (الرسول صلي الله عليهم والصحابه ) وبدلوها بالمغنيين والممثلين
سمعت اغنيه النهارده غريبه جدا وحسيت ان كلماتها هى الموضوع اللى بنتكلم عليه وبجد كلماتها مستفز وبتدعو للمعاكسه بكل (بجاحه) اسفه ع اللفظ بس ده الواقع .. ويجي حد يتكلم يقول امنعوها وفين الرقاابه لالالا مفيش الكلام ده

لكى الله يامصر

ويكرمك صمت

وربنا يكون فى عون المسلمين جميعاً

وهكون قليل الزوق واطلب من روز

قييم أزهريه

ان رات هى ذلك