حركات نص كم قدام عريسك بالمطعم

أجمل ما في فترة قبل الزواج العزومات الرومانسية.. على أحلى محلات

أكل في البلد.. واللي عمرك مانتي شايفاها بعد الجواز .. المهم

نصائحي لك عند أي عزومة مع خطيبك.. إنت محتاجه شوية حركات نص كم




1 -الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا



2 -العيش أوعي تفضحينا وتقطعيه بسنانك.. ولا الرغيف نصين بإيدك

وكلي نص لقمة وتحشري.. أوعي..

العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي

لوغي زي ماانتِي عايزة



3 -الشوووربة.. أبوس إيدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. السلطانية اللي بتلصقيها على بقك في البيت

وتدلقي على روحك .. بالمعلقة وبدون صوت.. سخنة, ولعة , برضه من غير صوت




4 -الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه




5-المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها في بؤك من سكات.. مش

تشفطي المكرونة عود عود و تفضحينا




6 -السمك.. آه من السمك مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فلاحه

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة


ماتكليش السمك خالص.. قولي مابحبش السمك وخلصي نفسك



7 -الجمبري.. -إذا كنتِ عارفاه-.. أول ماطبق الجمبري ينزل.. بصيله

وتروحي

قاطعة راس الجمبريّاية.. بالشوكة.. أنا في عرضك إنسي

المصمصة دلوقتي



8 -البطاطس سواء مسلوقة أو محمرة.. أوعي تهرسيها وتدبيها على
الرز وتدّي ...لا..لآ...لآ...بالشوكة حتة حتة وإنت زي ما تكوني
هاتعيطي من كتر ما البطاطس صعبانة عليكي



9-الفاكهة.. لو الفاكهة فيها بزر.. طلعيه من بؤك بالراحة وحطيه في
إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبزر.. إنسي




10 -ولما تخلّصي أكل تحطي إيدك على الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه تعملي ماكياجك.. وتخشي التواليت

وتطلعي من شنطة إيديك.. لفة الفول والطعمية اللي جايباها

معاكي و إديها أكل .. وبالهنا والشفاااااااااا



يا دي النيلة كل ده يحصل على العشا وليه القلق دا كله ما بلاشي من الدعوة كلها

ما لوا كوزين الذره على الكورنيش و لا أحلى منه و مافيهوش العقد دية

منقول للإفادة

قشطاتك اي باشا بس كل واحد ورايه

قشطاتك اي باشا بس كل واحد ورايه


يعني إيه يا كووول مش فاهمة؟؟؟؟؟؟؟؟؟؟؟؟؟؟؟

انا بقول عاى MR X
ان الواحدة لو كلت بالشوكة والسكينة مش عذاب ولا حاجة

مشكورة يا روزى علىالموضوع والوصفات

يابنتى من خرج من داة اتقل مقدارة ههههههههه

تحياتى

شكرا لكم جميعا

وبعدين مهما دارينا كل بيبان بيبان


في حد بيبات جعان؟؟؟؟؟؟؟؟؟؟؟؟؟؟؟
هههههههههههههههه

ههههههههههههههههههههههه
اية الكعكله دى ياروز بجد شوكة وسكينة
امال هو هيغسل ايده من اية بقى
هههههههههههههههه
لازم يعك وكمان ربنا انعم علينا يالكفين
لهذا الوقت هههههههههههههههههههههه
هههههههههههههههههه
انا اكيد بهزر لازم نبان على احسن صورة امامه وامام انفسنا وكمان الناس
تشكرى ياحبى

أنا عن نفسي لا آكل إلا باليمين حتى لو إستعملت السكين أستعمله باليمين ثم أرجع مرة ثانية آكل باليمين
شوكة سكينة يد ملعقة كله باليمين الشيطان هو الذي يأكل بالشمال----

:pirat: :pirat: :pirat:
:موضوع جميل:
:ففف: :ففف: :ففف:

شكرا على مرورك يا قمر


:شكرا على المرو