أريد فقط النوم عندك

مُنْذُ فَتْرَةٍ وَجِيزَةٍ وأَنَا أَتَتَبَّعُ تِلْكَ المَظَاهِرْ الَّتِيْ بَدَأَتْ تَتَفَشَّىْ فِيْ مُجْتَمَعِنَا المُحَافِظْ
والَّتِيْ تُعَدُّ فِعْلاً شُذُوذًا لاَيُصَدَّقُ أَنَّهُ يَحْدُثُ فِيْ وَسَطِنَا الآمِنْ
حَتَّىْ وإِنْ حَاوَلْنَا ِارْتِدَاءَ النَّظَّارَاتِ السَّوْدَاءْ
الَّتِيْ غَالِبًا مَانَرْتَدِيهَا ونَقُولْ إِنَّهُ قَلِيلٌ ولَكِنَّهُ مَوْجُودٌ !
كَـ ظَاهِرَةٍ تَحْتَاجُ لـِ التَّقَصِّيْ أَكْثَرَ
لِـ مَعْرِفَةِ أَسْبَابَ وُجُودِهَا واِزْدِيَادِهَا مُؤَخَّرًا
وهِيَ ظَاهِرَةُ هُرُوبِ الفَتَيَاتْ مِنَ المَنَازِلْ !
أَوْ رَمْيِهِنَّ فِيْ الشَّارِعِ مِنْ قِبَلِ ذَوِيهِنَّ لـِ البَحْثِ عَنِ النُّقُودِ
بِـ طُرُقٍ غَيْرِ مَشْرُوعَةٍ !
مُنْذُ مَايُقَارِبْ السَّنَتَيْنْ وأَنَا أَسْتَمِعُ إِلَىْ قِصَصٍ مُتَنَاثِرَةٍ مِنْ أَصْحَابِهَا إِحْدَاهَا (شَخْصٌ يَعْمَلُ فِيْ أَحَدِ المَحَلاَّتِ التِّجَارِيَّةِ فُوجِئَ بِـ دُخُولِ فَتَاةٍ إِلَيْهِ تَطْلُبُ مِنْهُ أَخْذَهَا إِلَىْ مَنْزِلِهِ لِـ أَنَّهَا هَارِبَةٌ مِنْ مَنْزِلِهَا والمُدْهِشُ الَّذِيْ يَشُلُّ الأَذْهَانْ أَنَّهَا أَمْضَتْ مَعَهُ أُسْبُوعًا كَامِلاً وكَأَنَّهَا زَوْجَتُهُ بِلاَ حَسِيبٍ أَوْ رَقِيبٍ أَوْ حَتَّىْ
أَهْل يَسْأَلُونَ عَنْهَا إِلَىْ أَنْ أَجْبَرَهَا عَلَىْ الرَّحِيلِ فِيْ النِّهَايَةِ خَوْفًا مِنَ المَشَاكِلْ) تَخَيَّلُوا مَعِيْ أُسْبُوعًا ولاَسَائِلٍ عَنْهَا وكَمَا يَصِفُ الشَّابُّ أَنَّهُ مِنَ الوَاضِحِ عَلَيْهَا أَنَّهَا لَيْسَتْ فَقِيرَةْ أَوْ أَنَّهَا مِنْ عَائِلَةٍ سَيِّئَةٍ
والحَادِثَةُ الأُخْرَىْ مِنْ قَرِيبٍ سَمِعْتُهَا
(شَابَّيْنْ فِيْ سِيَّارَتِهِمَا مَارِّينَ بـِ أَحَدِ الأَسْوَاقِ المَفْتُوحَةِ إِلاَّ ويَسْمَعَانْ صَوْتَ بَابِ السِّيَّارَةِ الخَلْفِيْ يُفْتَحْ ويُغْلَقْ ومَا إِنْ اِلْتَفَتَا لِـ الخَلْفِ وَجَدُوا فَتَاةً فِيْ المَقْعَدِ الخَلْفِيِّ فِيْ السَّاعَةِ الثَّانِيَةِ عَشَرْ بَعْدَ مُنْتَصَفِ اللَّيْلِ !
صَرَخَا بِهَا اِنْزِلِيْ مَنْ أَنْتِ حَتَّىْ تَصْعَدِيْ السِّيَّارَةَ رَدَّتْ عَلَيْهِمَا بـِ صَوْتٍ مُنْهَكٍ: أَنَا تَعِبَةٌ جِدًّا فَقَطْ أُرِيدُ أَنْ أَنَامَـ عِنْدَكُمْـ اِذْهَبُوا بِيْ لِأَيِّ مَكَانٍ ! الشَّابَّيْنْ أَشْفَقَا عَلَيْهَا وسَأَلاَهَا أَيْنَ أَهْلُكِ أَجَابَتْ الإِجَابَةَ القَاتِلَة :مَمْنُوعٌ عَلَيَّ أَنْ أَعُودَ لـِ المَنْزِلِ قَبْلَ السَّابِعَةِ صَبَاحًا أَوْ أَنْ أَعُودَ بِلاَ نُقُودٍ فَمَاكَانَ مِنْ الشَّابَّيْنْ إِلاَّ أَنْ تَرَكَا السِّيَّارَةَ لَهَا تَنَامـُ فِيهَا ثُمَّـ أَرْجَعَاهَا إِلَىْ مَنْزِلِهَا السَّابِعَةْ ووَضَعَ أَحَدُهُمْـ فِيْ يَدِهَا بَعْضَ النُّقُودِ حَتَّىْ لاَتُعَاقَبَ مِنْ أَهْلِهَا)
فـَ غَرَّتْ الدَّهْشَةُ فَاهِيْ وأَنَا أَسْتَمِعُ حَتَّىْ خُيِّلَ لِيْ أَنَّنَا نَعِيشُ فِيْ دَوْلَةٍ أَجْنَبِيَّةٍ غَيْرَ بَلَدِنَا المُسْلِمِـ الآمِنِ !
ومَاكَانَتْ تِلْكَ الأُحْجِيَتَيْنِ مِنْ عَدَدٍ كَبِيرٍ اِسْتَمَعْتُ لَهُمْـ مِنْ أَشْخَاصِهِمْـ ومَارَأَيْتُ بِـ عَيْنِيْ أَشَدُّ وَطْأَةٍ فِيْ بَعْضِ الأَسْوَاقِ المَفْتُوحَةِ حَقًّا مَايَحْدُثُ بَعْدَ السَّاعَةِ الثَّانِيَةِ عَشَرْ فَتَيَاتٌ فِيْ الطُّرُقَاتِ وسِيَّارَاتٍ مُكْتَسِحَةٍ بِـ السَّوَادِ والنُّقُودُ مُلْقَاةٌ عَلَىْ الطَّبْلُونْ تَنْتَظِرْ الصَّيْدَ الثَّمِينْ الَّذِيْ يَأْتِيْ بِـ قَدَمَيْهِ بَحْثًا عَنِ النَّقُودِ
فَـ هَلْ وَصَلَ بِنَا الحَالُ إِلَىْ هَذِهِ الدَّرَجَةِ فَتَيَاتٌ يَهْرُبْنَ مِنْ مَنَازِلِهِنَّ لِـ المُتْعَةِ وأُخْرَيَاتٍ يَبِعْنَ أَجْسَادَهُنَّ بِـ وَاعِزٍ مِنْ أَهْلِهِنَّ
أَيْنَ هُوَ الوَازِعُ الدِّينِيْ الَّذِيْ نَتَشَدَّقُ بِهِ ؟!
أَيْنَ الرَّقَابَةُ المَنْزِلِيَّةُ لِـ مُدَّعِيْ المُحَافَظَةِ ؟!
إِذَا كَانَ الأَهْلُ هُمْـ مَنْ أَصْبَحُوا يُلْقُونَ بِـ بَنَاتِهِمْـ إِلَىْ الشَّارِعِ
مِسْكِينَةٌ تِلْكَ الفَتَاةْ الَّتِيْ خُلِقَتْ فَـ وَجَدَتْ أَهْلَهَا يَقْتَاتُونَ مِنْ لَحْمِهَا
ومِسْكِينَةٌ تِلْكَ الفَتَاة الَّتِيْ فَتَحَتْ عَيْنَيْهَا فـَ مَاوَجَدَتْ مِنَ العَائِلَةِ إِلاَّ إِسْمًا وجَمِيعُ أَنْوَاعِ الفُرْقَةِ والتَّفَكُّكِ بِهَا
هَلْ الخَطَأْ واللَّوْمْـ هُنَا عَلَىْ أُولَئِكَ الفَتَيَاتِ اللَّوَاتِيْ خُلِقْنَ فِيْ مِثْلِ تِلْكَ العَائِلاَتِ ؟!
أَمْـ عَلَىْ العَائِلاَتِ الَّتِيْ بِـ هَذَا الشَّكْلِ إِمَّا لاَحَسِيبٍ ولاَرَقِيبٍ وإِمَّا أَكَلَةُ لَحْمِـ بَنَاتِهُنَّ ؟!
هَلْ أَصْبَحْنَا نَسِيرُ إِلَىْ المُنْحَدَرِ ؟!
كَمْـ هُوَ مُخِيفٌ المَنْظَرْ حِينَمَا تَنْزَع النَّظَّارَةْ السَّوْدَاءْ وتَنْزِلْ الشَّارِعْ لِـتَرَىْ الحَقَائِقَ بـِ وَجْهِهَا العَارِيْ ولاَتَمْلِكْ أَنْ تَفْعَلَ شَيْئًا سِوَىْ الصَّمْتِ وأَنْ تَقُولْ (اِحْنَا لِسَّهْ بِخِيرْ وأَحْسَنْ مِنْ غِيرْنَا .. أريد فقط النوم عندك Frown

)
أُخْتِيْ المُسْلِمَةُ شَرَفُكِ ثُمَّـ شَرَفُكِ ولَنْ يَبْقَىْ مَعَكِ سِوَاهُ
أَسَْألُ اللهُ عَزَّ وجَلَّ أَنْ يُصْلِحَ حَالَ بَنَاتِ المُسْلِمِينْ

منقول

غريب الموضوع ده
ولكن على ما اعتقد ان الفتايات اللاتي يصلن الى هذا المستوى من الانحدار بيكون اغلب اللوم يقع على الاسرة والجو الذي نشات فيه من البداية

عارفة يا روز
الموضوع دة كان بالنسبة ليا غريب زيك بالظبط كدة قبل ما اروح الكلية
دلوقت بعد ما رحت
شفت بعيني حاجات كتييييييييييير اسود من كدة
المشكلة زي ما بتقولي اساسا في التربية والاسرة
بس انتي عارفة دة مش في المطلق
يعني احيانا بيبقي الوالدين ضعاف الشخصية جدا لدرجة انهم ما يقدروش يتحكموا في تصرفات البنت
بيبقوا علي الفطرة كدة
بس دة مش مبرر ليهم طبعا بدليل ان زمان كان في حزم وربط في البيوت رغم الفطرة الشديدة
احيانا كمان بيبقي تفكك الاسرة سبب
العنف في التعامل والتجاهل سبب تاني
الفقر سبب
الثقة الزايدة عن اللزوم سبب
يعني انا مثلا لما ارجع من مكان متاخر مهما كانت والدتي واثقة مني لازم تسألني كنتي فين
ولازم تتأكد بنفسها
دة مش بيسيء ليا بأي شكل من الاشكال
ولا بيضايقني
احيانا بتبقي البنت مظلومة
لانها اتربت في بيئة لقت كل اللي فيها كدة
فبتمشي مع التيار لأنها مش لاقيه اللي يوعيها
حاجات كتير في بالي عايزة اقولها
لكن هكتفي بدة دلوقت ولي عودة ان شاء الله
بعد ما الملم افكاري وارتبها
لأني مش عارفه مين الظالم ومين المظلوم في الموضوع دة
ومش عارفة احكم خالص أريد فقط النوم عندك 811709

انتشر فعلا الموضوع ده كتير وبقينا نسمع عنها كتير الفترة دى
وكتير منبقاش عارفين اللوم ممكن يقع ع مين ...
الاسرة اللى كل فرد فيها بقي ف ناحيه ونادرا ما بيتجمعوا؟؟
ولا البنات اللى حالها بقي ف النازل الايام دى؟؟
بس ارجح انها من التربيه لان زى مابنشوف واديكي اديتى مثال لنفسك ان البنت اللى اتربت تربيه محترمه مش هتسمح لنفسها تعمل غلط....
وكمان ممكن نقول ان فيه سبب تانى وهم صديقات السوء..احنا لو بصينا هنلاقى اسباب كتير
نسيب حد تانى يوصلها
مع المتابعه.....

نورتي المناقشة يا سمسمة
غالبا كلنا هنتفق علي ان التربية هي العامل الاول و الاخير
لكن المشكلة ان فعلا بيبقي في ظروف تانية غير كدة انا ذكرت بعض منها فوق بتؤدي لمثل هذه الأخلاق
لكن السؤال اللي بوجهه هنا
هل هذه الظروف مهما كانت ممكن تبقي مبرر للفتاه
يعني امتب نقول ان الفتاة مظلومة في الموضوع دة
هستني معاكي يا سمسمة
يمكن نعرف أريد فقط النوم عندك 535295

لا حول ولا قوة الا بالله العلي العظيم
عندما كنت أتحدث مع أحدهم وذكر لي بأنه كان في
القاهرة بسيارته وعندما نزل ليشتري شيئا وعاد الى
السيارة وجد فتاة تجلس في المقعد الذي بجواره وتقول له
(يلا اطلع بينا على اي مكان)
لم اصدقه ساعتها ولكن عندما مرت الأيام ورأيت الموقف
أمام عيني صدقت ساعتها أن الفتيات أصبحن سلعة رخيصة
تباع وتشترى في زمن ضاعت فيه كل المبادئ والقيم ..
الموضوع ليس وليد اليوم ولا نتاج فرد أو اسرة أو فتاة
ولكن الموضوع هو ثقافة مجتمع تربية مجتمع مبادئ وأخلاق
ودين يحكمنا وللأسف الشديد ضاع كل ذلك فضعنا ووصلنا الى
ما وصلنا اليه ....
الآن هناك فعلا من الوالدين من يزج ببناته ليشتغلوا ويحصلوا المال
ولا يهمهم من اين وكيف حصلوا على تلك الأموال المهم هو
على ماذا حصلوا وكم جمعوا ..
وهناك من الفتيات هي من تريد أن تفعل ذلك وتنطلق وتهرب من البيت
بحجة أنها تريد الحرية وتريد أن تعيش حياتها وتفعل ما تريد...
إذا نحن أمام انحراف اخلاقي سواء من الوالدين أو من البنت نفسها
فإذا كان الوالدين هما السبب في ذلك فلها الله ولا أدري ماذا تفعل
البنت اذا تعرضت لموقف مثل هذا سوى اللجوء الى الله سبحانه
وتعالى ومحاولة اللجوء الى اهل الخير ، وأما اذا كانت الفتاة نفسها
هي التي تفعل ذلك وتريد ذلك إما كسبا للمال وإما ارضاء لشهواتها
وإما جريا وراء شاب كما سمعت في الآونة الأخيرة في بلدنا
أن بنتا خرجت من البيت وهربت لتذهب الى مدينة أخرى لتقابل
الشاب الذي تحبه ويتزوجها عرفيا ومن ثم تضع أهلها أمام الأمر الواقع ،
فاللوم على الآباء الذين ربوا أبنائهم على مبادئ وعلى اساس غير اساس
الدين والاسلام ولذلك كبروا وهم لا يعرفون الحلال من الحرام
لا يعرفون الصح من الخطأ لا يعرفون سوى ارضاء شهواتهم ونزواتهم...
هناك أسباب عديدة تؤدي لمثل هذه الظاهرة ولكننا نعود بداية ونهاية
الى مربط الفرس والسبب الأول والأخير وهو الترببية الاسلامية الصحيحة
وتعليم المبادئ والقيم وغير ذلك هو الذي يعلم الوالدين كيف يربوا أولادهم
وهو الذي يحكم تصرفات وشهوات البنات ويحجم من رغباتهم وجريهم
وراء أهواءهم حتى لا يضيعوا وتذهب أخلاقهم وعفتهم وكرامتهم ..
الموضوع متشعب وكبير ويحتاج لكثير من الكلام ..
ولي عودة بإذن الله بعد ردود أخرى ...
سلمت يداااااااااااااك
أيــــــــــــــــــوت

اقتباس :: وهناك من الفتيات هي من تريد أن تفعل ذلك وتنطلق وتهرب من البيت
بحجة أنها تريد الحرية وتريد أن تعيش حياتها وتفعل ما تريد...

والله يا بيبو مش عارفة ازاي البنت اللي بتهرب دي بتحس انها حرة
ازاي يعني
؟؟
انا شايفة ان العكس هو اللي ممكن يكون حاصل
يعني البنت لما بتكون في بيت اهلها بتبقي عزيزة
والعزة بتدي كرامة للبنت
دة غير انها لما تهرب من بيتها هتعيش في خوف وقلق ومطاردات
خوف من الاهل ومن الناس اللي بتقابلهم لوحدها وتتضطر تتعامل معاهم
يعني بتبقي فاكرة حاجة
واللي يحصل حاجة تانية خالص

أيــــــــــــــــــــــوت
اكييييد...المنظومة كلها ... غلط ...
وموضوعك واحد من تداعيات النظام كله ...
زماااااااان قوي لما كنت انا ثانوي عام
كانت البنات ... الوحشين .. (مش مؤدبين يعني )... في المدرسة
كانوا يتعدوا علي صوابع الايد الواحدة ...
بس .. وحشين ازاي ... الحكاية .. انهم كانوا مرتبطين بعلاقة عاطفية مع شباب ... لا تتعدي الجوابات والهدايا ... واللقاءات في النوادي العامة ... والمكالمات الهاتفية في انصاص الليالي ..
وكان المجتمع بيعتبرهم وقتها مجرمين ...!
اصل من شوية سنين كتيرة ... كانت الست ما تقدرش تبص من الشباك ... ايام السيد احمد ومدام امينة ..

انا لحقت ايام ... ما كانوا الولاد والبنات بيخافوا من اهاليهم
وتصدقي اني حصلت ايام ما كانوا الطلبه بيخافوا من المدرسين ...! وبيحترموهم
ولما الدنيا رحرحت ... قصدي وسعت ... ودخلنا دوامة العولمة ...
وعلي رأي هنيدي ( في غياب المضمون )
حصلت كارثة متوقعة .... الانفتاح والتقليد الاعمي ... مع غياب القدوة والوعي والثقافة ... وضعف المناعة الاخلاقية .. وبالتالي جالنا فيروس انفلونزا الانحراف .. وبكتريا الضياع
طيب احنا قلنا ان انحراف الشباب بقي مصيبة ...
وبقينا نسمع عن بلاوي ... مش متعودين عليها ( ويا خوفي لو اتعودنا )
وانتي دلوقت يا ايوت بمنتهي الجرأة والصراحة ... كتبتي مقالتك دي ...
علشان تقولي ... اقلعوا النظارة السودا ... وبلاش تدفنوا دماغكم في الرمل .. زي النعام
الحقوا بناتكم واخواتكم .. من الضياع ...
اصل حتي لو المسألة محدودة
احنا مرعوبين لتكبر وتتوسع عن كده ...
انا رأيي الشخصي ...
ان الموضوع انهيار عام ... في كل حاجة ... الثقافة .. الاخلاق
الروابط الاجتماعية – الاسرية .. الايمان الروحي والديني..
بالقيمة الانسانية...

والبنت مسؤلة... والاهل مسؤلين .. والمجتمع مسؤل
وكل واحد واخد نصيبة وحِملُه من المسؤلية ...
تزيد المسؤلية وتنقص
حسب الظروف المرتبطة بكل حاله ....
وعلشان ما تبقاش الصورة سوداوية قوي ...
زادت في الفترة الاخيرة موجة .. التدين الشديد عند البعض
فبقينا متعودين نشوف الملتزمين المحترمين...
في نفس المكان مع الجماعة اياهم بتوع
اريد فقط النوم عندك .. وفاكر شقة ميامي ...
ولله الامر من قبل ومن بعد

فكرتني بوالدتي ربنا يحميها يا باشمهندس
كنت لما بروح مكتبة اصور ورق وانا في الكلية كدة
يقابلوني مدرسين الثانوي والاعدادي واحيانا الابتدائي
يقولولي ازيك يا دكتورة ويسلموا عليا ويتكلموا معايا كتير واحيانا يهزروا
دة غير ان بعض المدرسين اللي بعتبر كل واحد مهم اب ليا
بيتصلوا بيا بعد النتيجة ويباركولي وبيتصلوا بيا في الأعياد
رغم ان دة بيبسطني جدا وبيحسسني بقيمتي عندهم
الا ان ماما كانت بتستغرب جدا لكدة
وكانت دايما تقولي
دة احنا كان علي ايامنا اللي يشوف المدرس ماشي من شارع
يجري يمشي من شارع تاني
انت عارف ان رغم ان العلاقة بيني وبين مدرسيني فيها تشريف وتكريم ليا
يكفي انهم ما زالوا يذكروني في قاعات الدراسة الي الآن
لكن برضه اتمنيت لو كنت عشت عصر سي السيد والست أمينة
أهو علي الاقل عيوبة اقل من مميزاته
شكرا علي المرور المفيد جداااااااا

حبيبتى ايوت
احب ان اشكرك على هذا الموضوع الرائع
الموضوع مهم جدااااااااااااااااا ف حياتنا وانتشر جداااااااااااااااااا
للاسباب
قلت الدين ف بيوت المسلمين
الجوع والفقر الذى يعيش فى معظم البيوت المصريه التى ادى الى جمع الاموال باى طريقة مشروعة او غير مشروعة او.......
حلال ام حرام ....
وايضا التطور التكنولوجى مثل النت .....الدش يوجد بيه مناظر تدل على الفحشاء...
والابوين يروا هذه المناظر ولم ولن ينصحوهم مما يترتب عليه سوق اخلاق البنات ومن هنا يتم خروج البنات مع اصاحبهم حتى منتصف الليل ولا احد يسال عليهم
كل هذى النقاط اساسها عدم وجود تربيه دنيه صحيح فى البيوت وضعف الايمان ف قلوب المسلمين ان لم يكن يجد ايمان اصلا
وكل هذا ابتلاء من الله بسب البعد عنة
واحب انا اضيف ان هذا الموضوع سوف ينتشر اكثر من دلوقتى
وستكون الفحشاء منتشرة ف هذة البلد بدون رقيب
مثل الدول الاجنبيه وزيادة عليها كمان
ربنا يسترها معنا ومعا بنات المسلمين

عندك حق يا عهود
والله يا عهود انا شفت العجب من يوم ما رحت الكلية دي
لكي ان تتخيلي اني ممكن اضيع 50 سيكشن ومحاضرة ولا اني اروح الكلية لوحدي واسافر لوحدي واشوف اللي بيحصل دة لوحدي
لو مش معايا زميلتي
يبقي انسي اني اروح الكلية
كل ما يخدش الحياء اصبح مباح
انا شايفة ان الحياء فوق كل شيء
انا ضد عبارات لا حياء في العلم ولا حياء في الدين والكلام دة
الدين والعلم ممكن يوصلوا بطريقة اكثر احتراما وادبا في كثير من الأحيان
احنا عندنا مثلا دكاترة معروفين كدة في الكلية بسوء اخلاقهم
تعرفي كدة ان لو الدكتور دة دخل يشرح حاجة
هيقول كلام يجرح شعورنا ويخدش حياءنا
سوء الاخلاق للأسف بقي منتشر في كل مكان
يكفي اني اقولك اني واحنا طالعين من الكلية وطبعا بنركب من علي البحر علشان نروح
ما تتخليش كم الكازينوهات المشبوهة اللي موجودة علي البحر
ولا رقابة عليها
يرتادها الكثير والكثير من الفتيات
وتوجه الينا الدعوات امام اعين الناس
يعني تبقي ماشية كدة وتلاقي واحد لابس جرسون ومتظبط وكانها كافيتريا يعني
ويقولك تعالي بس اتفضلي ومش عارفة ايه
وبلاقي في فعلا بنات كتير بيدخلوا وفي بنات بيبقم جايين قاصدين الاماكن دي وعارفينها
ربنا يستر علينا جميعا ويحفظنا ويحميكي يا عهود
شكرا لمرورك العطر

ربنا يخليلك مامتك يا ايوته ...

والله لحد النهاردة .. لو شفت حد من المدرسين .. ( من ابتدائي لثانوي ) ..

لازم اقوم اقف ... بمنتهي الاحترام والتقدير ..

لأن اولا احنا اتربينا علي كده ..

ثانيا .. مدرسينا كمان كانوا يستاهلوا الاحترام ..

كانوا قدوة ومثل لينا ... طيب تخيلي ان المدرسة هيه اللي كانت بتربي اكتر من البيت ..

وان الاهل لما كانوا يشوفوا عيب في اولادهم .. كانوا يجروا ع المدرسة ..

ويوصوا المدرسين يتعاملوا مع العيب ده ... !

كان ينطبق عليهم .. ( كاد المعلم ان يكون رسولا )

انما دلوقت للاسف المدرسين محتاجين .. بحث اجتماعي .. واعادة تأهيل نفسي ومعنوي

وتربوي .. ومحتاجين تعديل اوضاعهم .. وتعديل قيمتهم كمعلمين ... ومربيين للنشأ ..

( كده وصلنا لزاوية تانية من زوايا واشكال التردي في المنظومة )

...........

و اكيد انتي عارفة قصدي من ( السيد احمد ومدام امينة )..

المرحلة .. او الفترة الزمنية .. ومواصفاتها .. وازاي الانحدار بيحصل تدريجي ..

ويمكن لو رجعنا لورا شوية .. هانلاقي الحال اشد تزمتا .. وتقييدا للمرأة ..وللرجل

ومش قصدي طبعاً اني رجعي .. ولا بادور علي عصر الحريم ...

لأن اللي بيدور علي العصر ده يبص حواليه .. وهوه يشوفوا ....!

............

عجبني ردك ان اللي بيحصل مش حرية خالص ..

والحرية الحقيقية .. ملك لواحدة عايشة في حضن بيتها .. وبكرامة وبعزة الاهل ..

الحرية ملك لانسان يقدر يتحكم في نفسه وفي غرايزه .. مش انسان ضعيف مستسلم لرغباته ..ونزواته ..

الحرية الحقيقية لانسان ... يقدر يقول لاء .. يقدر يعترض .. يقدر يعيش بكرامته ...

مش يبيع نفسه للي يدفع وبعدين يقول انا حر

حر منين وانتي بعتي بالفلوس .. ويا ريتها حتة من الكلية ولا الطحال ..

دي باعت الجسد كله ...

( يبقي كلامهم عن الحرية .. خيبة المنطق .. والا منطق الخيبة ...! )

اقل توصيف للنموزج اللي حكيتي عنه يا برنسيس ... هوه الضيـــــــــاع

مستحيل ... يكون الوضع المنحرف ... حرية .. او تحرر ...!

طيب الحرية دي بتكون في التصرف .. في التفكير .. في اتخاذ القرارات ..

هوه تصرفهم ده في اي نوع من الحرية .. اطلاقا

اللي ماشية في الشوارع ونفسها في حتة تنام فيها عندها حرية ..

ولا حرمان من ابسط انواع الاحتياج الانساني

موضوعك في مكانه الصح يا ايوته ...

الحملة مستمرة .... ولك كل التقييم

لاحول ولا قوة الا بالله
ضاعت كل القيم..فعلا حريه ايه اللى تخلى البنت تخرج من بيتها ف نص الليل تتلفت حولها ع مكان تعيش فيه وهى كان ممكن تبقي معززة مكرمه ف بيت اهلها..
**********
وعن موضوع المدرسين وقله احترام التلامذه لهم فانا من رايئ ان المدرس هو اللى وصل نفسه للمرحله دى...المدرسين دلوقت بقوا يدوروا ع اللى يدفع اكتر وبقوا عبيد للدروس الخصوصيه اللى نزلت من هيبه المدرس ادام تلاميذه..انا اه مش من زمان بس والله اعرف مدرسين كانوا قمه ف الاحترام ولسه بنحترمهم ونفتكرهم بالخير لحد دلوقت..لكن اللى بيحصل دلوقت اصبح مهازل!!!

أنظروا احبائى لقد وضعتم ايديكم على موطن الداء

وسببه

غياب الاسره

ضعف الايمان

عدم وجود القدوه

الوازع الدينى

هى اشياء افتقدناها فى هذا المجتمع

وهذه الايام

كما اعتقد ان معظم مناقشاتنا فى الفتره الاخيره تؤدى بنا لهذه النتائج

ودعنى الخص لكم

(انما بعثت لاتمم مكارم الاخلاق)

لاتمم -لاتمم-لاتمم

اي ان فى الجاهليه كانت هناك اخلاق

مثل (الكرم & الامانه & الوفاء .....)

انر جميعاً ان فى الجاهليه كانت هناك

اخلاق وقيم قد لا تتواجد عند أُناس كثيرون الآن

الخلاص من هذه العوده اولاً للاخلاق الحميده

التى حثنا رسولنا الكريم عليها

واري ان هناك من يبزل مجهود كبير فى

هذا المجال بالمنتدى (آيه & أزهريه & روز ...)

ولكن التنفيذ او التطبيق العملى صعب بعض الشىء

لا خلاص الا بالعوده للاخلاق الحميده

فلندعوا بعضنا للتمسك بها

قد نستطيع تغيير جذء من جيل

قد يستطيع هو ان يكمل مسيرة احياء

مكارم الاخلاق والاهتمام بها

اسره & مدرسه & جامعه & عمل & مجتمع

وربنا يوفقنا جميعاً

اقتباس :: المدرسين دلوقت بقوا يدوروا ع اللى يدفع اكتر وبقوا عبيد للدروس الخصوصيه اللى نزلت من هيبه المدرس ادام تلاميذه..

عندك حق والله يا صمت
بس اكيد مش الكل
انتي عارفة انا كنت ماشية النهاردة مع واحدة صاحبتي
وقعدنا نفتكر المدرسين المحترمين اللي عندنا
واتكلمنا عليهم بالخير
لدرجة ان صاحبتي من كتر الحماسة قررت تجيبلهم هدايا وتروح توديهالهم
رغم اننا سبناهم من فترة
في مدرسين بصراحة يستحقوا التقدير
سلملي مرورك سمسمة

والله استاذ معاذ حضرتك لفتت نظري لحاجة كان غايبة عني وهي
أخلاق الجاهلية
علي فكرة الغرب كمان عندهم قيم واخلاق احيانا
لكن طبعا احنا احسن منهم حالا و اولي بمكارم الأخلاق
لكن لو اتبعنا القرآن والسنة

بصراحه معاذ قال اللى كنت هقوله وانا مع معاذ وتوبيك مميز

جزاك الله خيرا علي موضوعك