|
| | ازاي نربي أولادنا؟ | |
|
+8moaz a white rose ..بنوتة وبس.. نسمه شموخ Good Luck حوده مواطن مصري Dr_aya 12 مشترك | |
كاتب الموضوع | رسالة |
---|
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: ازاي نربي أولادنا؟ الأحد نوفمبر 29, 2009 3:49 pm | |
| كيف نربي أبنائنا في ظل الموجة العاتية من سوء الأخلاق اللي بنشوفها حوالينا في كل مكان وبمناسبة الانحلال الأخلاقي والتفكك الأسري وانعدام الرقابة وغيرها من الحاجات اللي بقينا نسمع عنها ونشوفها دلوقت حبيت اطرح موضوع ونناقشه سوا يا تري ايه هي الطريقة المثلي لتربية الأولاد هنبدأ بالمتزوجين واللي ربنا رزقكم بأولاد ونسأل كم سؤال كدة 1- يا تري تربية الأولاد كانت زي ما تخيلتوها قبل الجواز؟ 2- ولو اتغيرت يا تري للأسهل ولا الأصعب؟ 3- هل كنتم حاطين في دماغكم خطة معينة لتربية الأولاد؟ 4- وهل الخطة دي اتغيرت بعد الانجاب؟ 5- هل كل طفل له نظام معين في التربية ولا كل الأولاد بيتعاملوا بنفس الأسلوب؟ 6- تفتكروا اختلاف شخصيات الأولاد تختلف تبعا لإيه علي الرغم من انهم غالبا بيكونوا متربيين نفس التربية؟ 7- يا تري ايه اكتر الصعوبات اللي بتقابلكم في التربية؟ 8- ويا تري تربية الأولاد أسهل ولا البنات وليه؟ دول شوية أسئلة مؤقتة كدة وبعدين نكمل بالنسبة بقي للي لسة ما اتجوزوش او لسة ما خلفوش 1- يا تري ايه تصوركم عن تربية الأبناء؟ 2- يا تري تحبوا تربوا ابناءكم زي ما انتوا اتربيتوا؟وليه؟ وايه اللي ممكن يتغير؟ 3-ايه بقي الصفات اللي هتنموها في أولادكم؟ وبرضه نكمل بقية الأسئلة بعدين
| |
| | | مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| | | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الأحد ديسمبر 06, 2009 4:56 pm | |
| فعلا تربية الأطفال ليست أمرا سهلا بالمرة هستني اجاباتكم شكرا ليك استاذ حسام وأرجو المتابعة | |
| | | مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: ازاي نربي أولادنا؟ الثلاثاء ديسمبر 08, 2009 10:36 pm | |
| ازاي نربي اولادنا نرجع من تاني ونقول : الطفل يبدأ الادراك من المهد .. من اول لحظة بعمره .. وتبدأ حواس السمع واللمس والشم قبل حاسة البصر .. وعليه يجد كل ما يحتاجه في هذه المرحلة في حضن امه .. لدرجة ان الطفل يتعرف حضن امه دون باقي النساء ...! وعليه يكون اول درس للامهات .. لابد من الرضاعة الطبيعية .. ما دامت في الامكان ..1 ويحبو الصغير .. ويمرح ببراءة بين عيني ابويه ومازالت اجهزة الاستشعار عنده تعمل بكفاءة .. فيشعر بغضب الاب وحزن الام ....! بل ويدرك ان هناك معركة وشيكة بين الابوين ...! وعليه ... يجب اخفاء الخلافات عن الاطفال .. فهم يختزنون تلك الذكريات المؤلمة .. في ذاكرة البراءة .. قسم الزواج ........! ........... الاطفال كتلة من المرح واللعب والطاقة ولديهم القدرة علي اللعب من الصباح الي المساء بلا كلل او ملل ... وعليه ... يجب قبول هذه الطاقة واحتوائها قدر الإمكان ..! الحالة النفسية للطفل هي شغلي الشاغل .. ولن اطيل فيها اكثر من هذا .. ونصل للكفاءة العقلية للطفل .. انه يبحث في الكون الصغير من حوله .. ونجده دائم الفضول والعبث بالاشياء ليتعرفها .. ويتساءل كثيرا .. لدرجة تصل بي شخصيا لحد الجنون .. ولكن يجب علينا الصبر واجابة اسئلة الطفل بما يناسب عقله البسيط .. وهذا ضروري جدا لنموه العقلي واكتمال الادراك لديه ... وانا شخصيا .. سأبعد ابنائي عن حواديت امنا الغولة .. وابو رجل مسلوخة.. وغيرها من الحماقات .. التي تصيب الاطفال اولا بالتخلف العقلي .. وثانيا تصيبهم بالخوف من المجهول .. والظلام والاصوات الغريبة .. لدرجة ان كثير من الاطفال يخافون من الاشخاص الجدد .. باعتبارهم بعبع .. او اشكيف .. او .. غيره فلاااااااااا للقصص الخرافية المزعجة لخياله .... ولا يعني هذا رفض القصص والحواديت ... ابدا انما اعني اختيار القصص المناسبة .. التي تفيد عقله ونفسه .. وتغذي لديه حب البطولة .. والاخلاق الحميدة .. وللحديث بقية .. فان الطفل ما زال يتعلم الكلام .. وقرب يعلمنا الادب .. امال لما يكبر شوية ... تعالوا نشوف ... بس بعد ما نشوف رأي الناس في الكلام ده ايه ...؟ شكرا أيـــــــوت | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الأربعاء ديسمبر 09, 2009 3:27 pm | |
| كلامك جميل قوي استاذ حسام وواقعي محسسني انك مجرب قبل كدة عامة كمان شهرين لازم ترجع تاني للموضوع دة وتقولنا ايه اللي هيتغير في كلامك هجاوب أنا علي القسم التاني من الأسئلة - اقتباس :
- يا تري ايه تصوركم عن تربية الأبناء؟
أنا متخيلة تريبة الأطفال دي شيء صعب جدا ومسؤلية كبيرة خاصة بالنسبة لواحدة زيي لأني بجد نفسي يكون عندي في المستقبل أولاد كدة يتقال عنهم انهم محترمين الحمد لله بالرغم ان والدي كان مسافر انما والدتي ربتني تربية أنا شخصيا فخورة بيها جدا ودايما ببقي مبسوطة لو حد اثني علي اخلاقي بالنسبة لصعوبة تربية الأطفال فدة في نظري بسبب ان اللي بيربي طفل دة ممكن نمثله بواحد ماشي علي خيط رفيع جدا ولو رجله فلتت مرة يبقي خلاص الموضوع انتهي بمعني آخر لو الأب أو الأم أغفلوا دورهم في التربية ولو لمرحلة قصيرة جدا في العمر يبقي استكمال المسيرة صعب جدا بعد كدة أنا بقي شايفة حاجة كدة في وجهة نظري ان المسؤلية الكبري في تربية الابناء تقع غالبا علي الام لانها متعايشة اكتر مع الأولاد حتي احنا تلاقينا لو لقينا بالذات بنت مش محترمة او لبسها مش كويس أو كدة نقول العيب علي مامتها اللي سابتها تخرج كدة
- اقتباس :
- يا تري تحبوا تربوا ابناءكم زي ما انتوا اتربيتوا؟وليه؟ وايه اللي ممكن يتغير؟
الي حد كبير بس مش قوي يعني مثلا هخليهم يكون عندهم ثقة اكتر في نفسهم وهقربهم مني وهشيل من جواهم أي خوف غير من ربنا وحتة الثقة دي بالذات هنميها فيهم لكن بحدود يعني ههتم بالأساس اللي هيبنوا عليه الثقة وبعدين اديهم الثقة دي كمان هحاول كتير احط نفسي مكانهم واعيش ظروفهم وهفتكر كتير اني في يوم من الأيام كنت طفله
- اقتباس :
- ايه بقي الصفات اللي هتنموها في أولادكم؟
أهم صفة الصراحة هخليهم بيقوا قريبين مني دايما و مش هخليهم يخافوا مني لكن هخليهم يحترموني أكتر ما يخافوا مني هعلمهم ان ليهم في الحياة اسم ومكانة وكرامة ولازم يحافظوا علي كل دة بأخلاقهم العالية وبإن سيرتهم دايما تبقي طيبة هحببهم في العلم وهخلي عندهم ثقة في نفسهم اكتر مني هخليهم يحبوا بلدهم قوي ويكون عندهم طموح و اهداف وخطط أهم من دة كله هحرص علي ان ثقافتهم الدينية تكون احسن حالا من ثقافتي وهكون حريصة علي انهم يحفظوا ولو أجزاء من القرآن هعلمهم حاجة مهمة جدا القناعة والرضا بالقليل ,,,,,,,,,,,,,,,,,,,,,,, مستنية تفاعلكم
| |
| | | حوده صديق لامع
عدد المساهمات : 410 العمر : 30 الاوسمة: : النشاط : 371 التقييم : 3
| موضوع: رد: ازاي نربي أولادنا؟ الخميس ديسمبر 10, 2009 6:17 pm | |
| حلو اوى يا ايوته تسلم ايدك | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الخميس ديسمبر 10, 2009 6:51 pm | |
| | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الخميس ديسمبر 24, 2009 5:19 pm | |
| يهمني رأيكم يا جماعة الموضوع دة شاغلني قوي | |
| | | مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: ازاي نربي أولادنا؟ الأحد ديسمبر 27, 2009 1:02 am | |
|
ايووووته الاول انا عايز اعتذر عن حاجة صغييييييييرة .. انا مش عارف ألتزم خطة الاجابة في الموضوع .. ! يعني مش عارف اقتبس اسئلتك واجاوب عليها .. او اني امشي بنمط التفكير العرضي للموضوع ...! اكيد المشكلة عندي انا .. كل ما اجي اقتبس واجاوب .. الاقي الكلام طلع حاجة تانية ..
المهم مين بيربي مين ...؟
زمااااااان كان في ولد صغير سنه حوالي 15 او 16 سنة .. وكان عنده ضيوف ( صحابه )في البيت .. قال لمامته : اعملي شاي يا ماما ..
قالت : حاضر
مامته كانت ام بمعني الكلمة .. نموزج للام المطحونة علشان اسرتها كانت بتغسل المواعين .. والهدوم .. وبتحضر الغدا كمان في نفس الوقت ..!
الولد الصغير .. كان بيغضب بسرعة .. والشاي اتاخر ...!
دخل المطبخ لمامته وقالها: فين الشاي يا ماما .. الضيوف قاعدين بقالهم ساعة ؟
مامته كانت تعبانه ومتعصبة وردت عليه بغضب : انت هاتعمل اصحابك دول رجالة .. و تعمل نفسك راجل علينا ..؟
ابتسم الولد الصغير ( المراهق ) وقالها : احنا فعلا لسه مش بقينا رجالة ...! بس هو ده الوقت اللي بنتعلم فيه الرجولة ...! والمفروض يا ماما يا حبيبتي انتي تعلميني ابقي راجل من دلوقت.. هوه ده الوقت المناسب .. علشان اتعلم ابقي كبير
مش معقول هاتستني لما ابقي كبير وبعدين تعلميني ازاي ابقي كبير ..!
مامته ضحكت وقالت له : خمس دقايق وتلاقي الشاي جاهز
قالها : تسلمي يا احلي ام في الدنيا
( يا ريت البهبهات والمهمهات والاولاد والبنات يكونوا سامعيني ) لان بعد كده الولد ده .. كان بيساعد مامته علي قد ما يقدر .. ومستحيل يطلب منها حاجة لوهيه مشغولة ومامته كمان .. كانت بتسيب اي حاجة في ايدها .. لو حاست انه عايز حاجة ....!
------ مين بيربي مين .... ؟ -------
نفس الولد الصغير .. كبر حبة
والمرة دي باباه بيقول له : يا ابني روح هات جدتك من بيت عمك .. علشان تقعد عندنا يومين ...؟
الولد قال : خلاص روح هاتها انت يا بابا .. انت ابنها وواجب تيجي منك انت ..!
بابا قال: هيه ما بترضاش تيجي غير معاك انت ...!
الولد قال له : طيب ما انا كل ما اجيبها هنا تزعلوها .. وتقعد تعيط وتقول عاوزة امشي .. ؟
باباه قال له : ما هي كمان ما بترحمناش بكلامها وتقعد توبخ فينا .. ومفيش حاجة بترضيها ابدا ؟
الولد الصغير قال : خلاص سيبوها عند بيت عمي ..وخلاص .. ريحوا دماغكوا ...!
بابا الولد قال : يا ابني عيب .. لازم حتي نعزم عليها تقضي يومين عندنا .. بدل ما يقولوا اننا كارهينها ..!
الولد قال : ما هي كمان لما بتمشي من هنا زعلانه .. بتروح تقولهم وبرضه بيقولوا اننا كارهينها .....!
انا موافق اجيبها .. بس بشرط واحد .. اللي هايزعلها هنا .. انا اللي هارد عليه .. والكلام للجميع .. مهما عملت .. ومهما قالت .. دي عندها تمانين سنة .. يعني في اي لحظة ..
ممكن نتحرم من رحمة كبيرة .. وبركة عظيمة ..
ضحك الاب .. وقال :
وعد مني .. جدتك في حمايتك يا ابني ..
------ مين بيربي مين ؟ ------
اصل الولد ده اكتشف انه زماااااان كان بيستخبي في حضن جدته .. من باباه ومامته .. لما يبقوا ناويين له علي علقة سخنة اصل الولد ده .. كان بيحلم بكل حاجة حلوة في الدنيا .. علشان كده كان صدره واسع قوي .. لدرجة انه ممكن يساع الدنيا كلها اصل الولد ده عرف يعني ايه بر الوالدين .. وكان بيحاول يطبقه .. اصل الولد ده .. شاف باباه ومامته حلوين قد ايه .. وقرر يعمل كل حاجة تسعدهم وترضيهم ..
اصل الولد ده نفسه لما يكبر .. يربي ولاده علي كده .. ويشوف ولاده بيعاملوا اجدادهم كده .
يا تري احنا كمان ممكن نربي اولادنا علي كده .. ؟ -------
ملحوظة :
جملة ( مين بيربي مين ؟ )
المقصود منها .. ان الاباء قدوة لابناءهم .. علشان كده لازم يصلحوا نفسهم .. ويربوا نفسهم .. علشان ولادهم يفتخروا بيهم ..
وعلشان يبقوا قدوة حسنة لابناءهم .
بروا آباءكم .. يبركم ابناؤكم
" آباؤكم وأبناؤكم لا تدرون ايهم اقرب لكم نفعاً " " ووصينا الانسان بوالديه .. حملته امه وهنا علي وهن " "واخفض لهما جناح الذل من الرحمه .. ولا تقل لهما أف ولا تنهرهما " " وقل رب ارحمهما كما ربياني صغيرا "
شكرا ايوت ..
| |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الأحد ديسمبر 27, 2009 5:45 pm | |
| سعيدة جدا بوجودك وتفاعلك يا باشمهندس ( يا معبرني ) - اقتباس :
انا مش عارف ألتزم خطة الاجابة في الموضوع .. ! يعني مش عارف اقتبس اسئلتك واجاوب عليها .. او اني امشي بنمط التفكير العرضي للموضوع ...! اكيد المشكلة عندي انا لا عادي جدا ولا يهمك مش شرط نلتزم بالأسئلة دي انا كتبتهم من اجل التسهيل مش أكتر لأن في ناس مش بتعرف تبدا منين
- اقتباس :
- انت هاتعمل اصحابك دول رجالة .. و تعمل نفسك راجل علينا ..؟
الموقف دة بيتكرر كتير قوي خاصة الولاد في سن المراهقة بيحسوا انهم بقوا رجالة خلاص أنا شخصيا شايفة ان دة من حقهم صحيح هما أحيانا بيزودوها حبتين لكن غالبا رد فعل اأبوين نحوهم في الفترة دي بيبقي سلبي في أغلب الأوقات أن شايفة انه منتهي الغلط اهمال شخصية الطفل في المرحلة دي والاستهزاء بأفكاره وانكار حقه في انه عايز يبقي راجل احيانا الاولاد بيرهقوا أباءهم في النقطة دي وبيفهموا الرجولة غلط ودة اللي بيحصل في الغالب يعني يترجم المرحلة دي من حياته في هيئة أوامر تصدر للأخوات مثلا وعليهن ان يلتزمن بها شئن أم ابين كمان ممكن الموضوع يتطور ويصل لشرب السجائر مثلا في الحالة دي أنا شايفة ان الواجب زي ما قلت اننا ما نستهزاش أبدا بأفكارهم لكن نصلحها ونقومها ونعرفهم ايه المفهوم الصحيح للرجولة نعرفهم أن الرجولة دي أخلاق أولا و اخيرا و أنا شخصيا مع التطبيق العملي اللي بيبقي له اثر في النفس عظيم وبيثبت في العقل دايما يعني مثلا ممكن الأب يحسس لأبن انه في مرحلة جديدةمن حياته بأكتر من شكل مثلا ياخده معاه زيارات الأقارب والأفراح وحتي المآتم أنا أفتكر والدي ربنا يحفظه كان في السعودية وكان يعرف ان حد من بلدنا مات كان يتصل بمحمد واسلام ويقولهم انتوا هنا مكاني ولازم تقوموا بدوري وتؤدوا الواجب أعتقد دة هيغير معني الرجولة في نفسهم طبعا الأمثلة زي كدة كتير وبتختلف حسب المسؤليات والبيئات وغيرها
- اقتباس :
المقصود منها .. ان الاباء قدوة لابناءهم .. علشان كده لازم يصلحوا نفسهم .. ويربوا نفسهم .. علشان ولادهم يفتخروا بيهم ..
وعلشان يبقوا قدوة حسنة لابناءهم فعلا دي نقطة في غاية الأهمية الأب والأم لازم يكونوا قدوة لابناءهم ودي مهمة صعبة للغاية خاصة في المراحل الأولي من عمر الطفل يعني مثلا أنا وأنا صغيرة لو ماما نصحتني بحاجة وعملت عكسها أكيد صورتها هتتهز في نظري لأني المفروض اني اشوفها في اجمل صورة دلوقت ولما كبت شوية لأكيد بشوف ذلات لماما وبابا وغيرهم لكن دة مش بيهز أبدا صورتهم في عيني لأني كبرت وعرفت أميز انهم بشر وكل بني آدم خطاءون لكن الحمد لله احنا تعودنا علي حاجة كأسرة كاملة ان اي حد ايا كانت منزلته لو أخطأ يعتزر سواء كان ام اب أو حد من اخواتي ودة بيرفعهم جميعا في نظري يوم عن يوم مهما صدرت منهم من أخطاء ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شكرا ليك استاذ حسام كنت اود لو يشارك الجميع في الموضوع لك مني كل الشكر والتقدير والتقييم علي المشاركة الفعالة جعلها الله في ميزان حسناتك ,,,,,,,,,,,,,,,,,,,,,,,,,,,,,,,,, في نقطة أحب أناقشها من خلال رؤياكم اليومية للواقع الطفل المدلع ايه رايكم في المصطلح دة
بيقال ان الدلع احد أسباب فساد الاخلاق في التربية يا تري الكلام دة صحيح؟ والي أي مدي؟ | |
| | | Good Luck صديق لامع
عدد المساهمات : 214 العمر : 43 الاوسمة: : النشاط : 378 التقييم : 71
| موضوع: رد: ازاي نربي أولادنا؟ الأحد ديسمبر 27, 2009 7:56 pm | |
| ما شاء الله موضوعك حلو كتير ياايه وايضا ماشاء الله المواطن المصري اري انه اعطي اجابات وافيه ولكن انا حتكلم عن نفسي فانا اري ان تربيه الاطفال صعبه جدا لانها محتاجه حزم وشده مع عطف وحنان .ليس تبع مزاجنا وهذا صعب وايضا يجب ان نترك مساحه حريه للاطفال انا فعلا احاول ان اعمل ذلك فعلا وهو الان ذو 5 سنوات ولكن قبل ذلك كانت هناك ظروف لا تستطعين ان تتحكمي فيها وهي عندما يكون الابن مع الاب والام والجده والجد للاب هنا لا تقدر الام التفاعل مع الابن بشكل اكبر لان الجدود يتوغلون في حياه الابن وهذا خطا ولا يجب علي الام ان تترك مسؤليه ابنها لاي شخص مهما كان لان في النهايه هم في وجه الاب والام .هذا عامل من العوامل التي لاتسطيعين التحكم فيها . طبعا انا بدات من الوسط لكن يجب من البدايه كما قال استاذ حسام من الرضاعه الطبيعيه فعلا فهيه مفيده جدا في كل شئ جوانب نفسيه وصحيه وكله حتي لام وقد رايت ذلك بنفسي ابني ولله الحمد يرضع طبيعي وابنه عمه ترضع صناعي وهذا غصب عن الام فكانت اضعف من ابني .وهو عموما علي الام ان تسعي بكل الطرق في تربيه اولادها من قراءه وغيره ومن خبرات اللي حوواليها عندما يحكون عن ابنائهم تاخذ منهم بمعني تعمل اللي عليها ولكن في النهايه التوفيق من عند الله .ولي عوده باذن الله | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الإثنين ديسمبر 28, 2009 3:39 pm | |
| good luckسعيدة جدا جدا بتفاعلك ربنا يخليكي ويباركلك في ابنك ياااارب,,,,,,,,,,,,,,,,,,,,,,,,,,,,,,,,,,,,,,,,, - اقتباس :
- تربيه الاطفال صعبه جدا لانها محتاجه حزم وشده مع عطف وحنان
عجبتني دي قويلخصتي حاجات كتيررررر في 4 كلمات بسحزم _ شدة _ عطف _ حنان - اقتباس :
- ولكن قبل ذلك كانت هناك ظروف لا تستطعين ان تتحكمي فيها وهي عندما يكون الابن مع الاب والام والجده والجد للاب هنا لا تقدر الام التفاعل مع الابن بشكل اكبر لان الجدود يتوغلون في حياه الابن وهذا خطا ولا يجب علي الام ان تترك مسؤليه ابنها لاي شخص مهما كان لان في النهايه هم في وجه الاب والا
فعلا عدك حقخاصة و إن كبار السن بيكون لهم شخصيات طفولية وبيكونوا حساسين للغاية وبالتالي مكن دة يؤدي الي تدليل الأطفال زيادة عن اللزوم ودة أحيانا بيكون كارثة وفي نفس الوقت ما نقدرش نمنع أولادنا عنهم لان زي ما بيقول المثل ( أعز الولد ولد الولد ) - اقتباس :
- ولكن في النهايه التوفيق من عند الله .ولي عوده باذن الله
مستنياكي ان شاء الله وشكرا جزيلا لك | |
| | | نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| | | | مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: ازاي نربي أولادنا؟ الأربعاء ديسمبر 30, 2009 4:08 pm | |
| ما شاء الله يا دكتورة انا لو هاعمل تحليل لكلامي .. او هاشرح قصدي منه .. مش هاكتب حرف زيادة عن ردك .. الحوار المكتوب حقيقة بالحرف الواحد .. والترجمة السليمة لما اقصده موجودة في ردك عليه ---- الطفل المدلع لي عودة ان شاء الله | |
| | | ..بنوتة وبس.. إبداع متواصل
عدد المساهمات : 1048 العمر : 40 الاوسمة: : النشاط : 1723 التقييم : 580
| | | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الأربعاء ديسمبر 30, 2009 5:26 pm | |
| مستنياكي يا سلمي تيجي تاني تنوري الموضوعمش هتضحكي عليا بكلمتين انا عارفة انك جامدة وعندك امكانياتوهتتكلمي يعني هتتكلمي ,,,,,,,,,,,,,,,,,,,,,,,,,,,,,, منتظراك يا باشمهندس,,,,,,,,,,,,,,,,,,,,,,,,,,,,,,, ومستنياكي يا سمسمة | |
| | | ..بنوتة وبس.. إبداع متواصل
عدد المساهمات : 1048 العمر : 40 الاوسمة: : النشاط : 1723 التقييم : 580
| موضوع: رد: ازاي نربي أولادنا؟ الأربعاء ديسمبر 30, 2009 8:30 pm | |
| | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الخميس ديسمبر 31, 2009 7:22 am | |
| أقولك إيه بس يا أسماء يا ريتني كنت بنتك
,,,,,,,,,,,,,,,,,,,,,,,,,, - اقتباس :
- وفين وفييييييييين لما الاقي أب وأم يقعدوا يتفقوا على اسلوب التربية
لا وانتي الصادقةفين وفين لما أصلا يقعدوا مع بعضللأسف الحياة بقت مشاغل والوقت بقي ضيق جداانتي عارفةانا ابتديت أغير فكرتي عن عمل المرأةبقيت عايزة لما اتخرج و اكون أسرة أقعد بقي في البيت وخلاصفعلا الأولاد محتاجين اكبر وقت ممكن من وقت الأم والأبوالتفاهم مهم جدا جدا بين الأم والأبانتي فكرتيني بنقطة مهمة جدااحترام الأم للأب والعكسدة هيخي الولاد يحترموهمأنا كان في مشكلة حاصلة قريب لحد اعرفهالمشكلة ان الأب والأم عندهم معاناه كبيرة بسبب سوء أخلاق الطفلوفي مواجهة دة تلاقي الأب بيلقي اللوم علي الأم وبيحملها مسؤلية التربيةوالام بتحمل الأب مسؤلية التدليل واعطاء الفلوس بدون حدود وغيرهاوكل دة قدام الطفلطيب وهو كدة هيتصلحمستحييييييييييييييييللما يشوف ان أبوه و أمه بيتقاذفوا التهم عمره ما هيتصلحدة مش بعيد كمان يتغير للأسوأأنا شايفة انه منتهي الغلط ان العتاب في أي أمر من أمور الحياة يكون قدام الأولادعلشان ما يصغرش أي من الطرفين في عيون أولادهم....................................كلامك جميل قوي يا سمسمة ومنظمومستنياكي تيجي تكملي الحوار معاناوعايزاي تقوليلنا بقي ازاي اتدلعتي وطلعتي جدعة وقادرة تشيلي المسؤليةما تقوليليش مش عارفة انتي عارفة بس خايفة تطلعي سر المهنةقولي واحنا هنساعدكيعني قوليلنا ايه حجم الدلعمستياكي يا قمري | |
| | | ..بنوتة وبس.. إبداع متواصل
عدد المساهمات : 1048 العمر : 40 الاوسمة: : النشاط : 1723 التقييم : 580
| موضوع: رد: ازاي نربي أولادنا؟ الخميس ديسمبر 31, 2009 1:16 pm | |
| | |
| | | a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: ازاي نربي أولادنا؟ الخميس ديسمبر 31, 2009 2:07 pm | |
| [quote="..بنوتة وبس.."] - اقتباس :
حتى كل دا هايبقى حافز ليها انها تنجز مهامها الاساسية عشان تلاقي وقت تعمل فيه اللي هي بتحبه
ولما اولادها يكبروا
هم اول ناس هايبقوا فخورين بيها
لأنهم هايتعلموا منها حاجات اكتر ما تبقى منعزلة في بيتها
:::::::::::::::::::::::
أولا السلام عليكم ثانيا إسمحولي أشارك معاكم ثالثا إسمحولي أشارك منتحت لفوق لإني لما دخلت لقيت مساهمة بنوتة فقريتها وحبيت أعلق عليها بس ان شاء الله همر على الموضوع كله أولا موضوع رائع أيوتة وفعلا من أصعب الأمور اللي بتواجه الأبوين اللي عايزين يربوا ولادهم تربية ناجحة وخاصة لمن يريد تربيتهم على تعاليم الدين وللذين يشعرون أنهم -راع- و أنهم مسؤولون عن رعيتهم بالنسبة لكلام أسماء فأنا متفقة معاها في النقطة دي إنعزال المرأة عن ما حولها من أجل تربية أولادها فقط لا أرى أنه صواب ولا أعني بذلك أنها تعمل خارج المنزل ولكن يجب أن تعرف ما يدور حولها وتتعلم وتثقف نفسها وتعرف تجارب الغير وهكذا حتى تستطيع أصلا تربية أولادها لقيت ناس بتبعد أولادها عن حاجات كثيرة بحجة أنها محرمة مثل مثلا التليفزيون أنا شايفة إن العيال دول هيطلعوا في الآخر متخلفين عن زملائهم في حاجة إسمها عندي وسيلة مثلا للتعلم والثقافة زي التليفزيون حلالها حلال وحرامها حرام لازم أنمي عند أولادي أن لما يكون الحرام قدامهم ما يعملهوش لازم لما يكون في أشياء مش كويسة أعلمه إنه يقلب بالريموت وما يشفهاش بإختياره هو لان ده حرام وربنا شايفك حتى ولو عملها من ورايا مرة ولا مرتين بس ضميره اللي داخله هيخليه يعدل سلوكه بعد كده ويبقى قدامه الحرام وما يعملهوش وفي نفس الوقت لو السيدة إنعزلت عن العالم الخارجي مقتصرة فقط على الأعمال المنزلية أظن أن زوجها نفسه سيمل منها لأن مخها سيصبح فارغا ولا يوجد أحداث مرت بها لكي تشرك معها زوجها فيها ---إلخ وكمان في نقطة مهمة ذكرتها بنوتة إن ممكن ممارسة نشاط لك خارج إطار الأعمال المنزلية يجعلك مقبلة على الأعمال المنزلية ودافع لك لتأديتها على خير وجه التغيير حلو وبيعطي دفعة وبرضه يكون ما تقومين به من نشاط داخل إيطار ديني ويكون ده شيء جميل بإذن الله مثلا مشاركة في منتدى ذهاب لصديقة أو صلة رحم وهكذا بحيث برضه مع إحتساب النية تحسي إنك عملت حاجة أرضيت فيها ربك وفي نفس الوقت رفهتِ فيها عن نفسك التغيير حلو بس بالعقل بالعقل في تنظيم الوقت وفي إختيار نوع الترفيه وأهم شيء الزوج يكون راضي عما تفعله زوجته لي عودة بإذن الله | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الخميس ديسمبر 31, 2009 3:40 pm | |
| فعلا عندكوا حق لازم الواحدة توفر من وقتها لنفسه كمان لأن دة هينعكس علي شخصيتها وبالتالي علي اسرتها بالكامل تفاعل راااااائع سمسمة وروز ومنتظره عودتكم | |
| | | a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: ازاي نربي أولادنا؟ الخميس ديسمبر 31, 2009 5:02 pm | |
| المقصود منها .. ان الاباء قدوة لابناءهم .. علشان كده لازم يصلحوا نفسهم .. ويربوا نفسهم .. علشان ولادهم يفتخروا بيهم ..
وعلشان يبقوا قدوة حسنة لابناءهم
طبعا كلام حسام رااااااااااااااااااااااااااااااااااائع ودا شيء مش جديد وكمان أيوتة ما شاء الله عليها
وفعلا زي ما قلتم القدوة دي أهم شيء في التربية عند الأطفال
الطفل بيقلد اللي حواليه
ووجود الام والأب الصالحين والمتفاهمين ولو حتى أمام الطفل ده له عامل كبير في تنشئة أبناء صالحين بإذن الله
لو إحنا مش بنكون واخدين بالنا من أمور الطفل ده كاميرا لاقطة بياخد باله من أمور دقيقة وبيخزنها في الذاكرة وبيقارن دايما بين أسرته وتربيته وتربية و أسرة أصدقائه
ويبحث ويشوف فين ومين الصح والغلط
كمان عنصر الصحبة الصالحة ده بيكون مهم جدااااااااااااااااااا في التربية لإن الطفل ممكن يتأثر بصحبه أو غالبا ما بيتأثر بصحبه عن أسرته
لي عودة ان شاء الله
| |
| | | مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: ازاي نربي أولادنا؟ الجمعة يناير 01, 2010 6:17 am | |
| ايه الحلاوة والروعة دي ...........! احلي اصحاب راضيين عنك يا ايوته ...! وبدأوا يشاركوا في تربية بنوتي الحلوة كمان ....! ---- جود لاك .. المعادلة الصعبة .. الشدة مع الرفق .. والحنان مع الحزم --- بنوووووته وبس ردها موضوع .. وعاوز صفحات اعلق عليه دي غلبتني في الرغي .. ( المفيد طبعا ) --- روز دايما تتقل .. وتقول المفيد : ( الزوجة ليست لتربية الاولاد فحسب .. امال مين اللي هايربي الزوج ؟) او يعني بلاش نسقطه من حساباتنا .. لان الاسرة مجموعة متماسكة وماينفعش الخلل في احد اطرافها . تاني اجمل حاجة في كلامها : التربية السليمة هي تعليم الصواب والخطأ .. وترك حرية التصرف للابناء .. مع الرقابة فكرتيني بمقولة : بلاش نخبي الفلوس عن الاولاد علشان ما يسرقوش .. انما نحط الفلوس قدامهم ونعلمهم الامانة ---- بلاش نغيّب الطفل عن الواقع .. علشان هايتخلف عقليا ويتأخر عن اقرانه ---- الاصحاب .. وما ادراكم ما الاصحاب انهم .. الخير الذي لابد منه .. والشر الذي لا غني عنه ولا ابالغ اذا قلت : ان الاصحاب يحملون عبء نصف مقدار التربية في فترة من احرج الفترات في حياة الشاب . فما الحل ؟ الاختيار السليم للاصحاب .. وكيف يكون هذا ؟ ازاي هاختار لابني اصحابه ...؟ مش معقول هافرض عليه حد معين يصاحبه .. وهامنع حد تاني ..! انما كفاية ازكي واحد واحذر من التاني .. وما دام انا ربيت صح ... يبقي ان شاء الله مفيش قلق ولا خوف يمكن ابني هوه اللي يصلح الفاسد من اصحابه ...! يا رب ---- دااااااائما وابدااااا .. الاهل بيتصوروا ان ابنهم هوه الملاك واصحابه هما الوحشين الاشرار ...! يبقي فكروا شوية .. وبلاش عين الحبيب ما بتشوفش عيب وبلاش دايما حكاية الواد في عين امه غزال ( وخصوصا في الاخلاق ) ---- الطفل المدلع هوه الدلع حاجة .. والتدليل والحنان حاجة تانية خالص .. يعني لما الولد يغلط .. ولا يعاقب بدعوي الرافة .. يبقي دلع يعني الولد لما يبقي كل رغباته مجابة .. دون تمييز ما الجيد وما السيء .. يبقي دلع لما الطفل يتعزل عن كل الناس .. ويتحرم من الحرية في اللعب مع اقرانه ومن في سنه .. يبقي دلع من الاباء .. وكمان وسوسة .. برغم خطورة الاختلاط وخصوصا مع اطفال اسلوب تربيتهم مختلفة .. --- انا اعرف نموزج لطفل اول مرة صاحب فيها .. وهوه عنده 18 سنة .. ( يرضيكم الكلام ده ) وانا اعترف ان ابوه وامه .. كانوا عاملين انهم اصحابه .. ( تفتكروا ده كفاية ...؟ ) ---- كل الحب والحنان للطفل .. وكل الرافة والرعاية كمان .. لكن الدواء ضرورة .. للمريض .. حتي وان آلمه قليلا تصحيح المسار وتقويم الخطأ .. واجب وفرض .. وهو من اساسيات المحبة . ومن يقسو علي ابنائه ( بشكل طبيعي ) عند الخطأ .. هو نعم المربي .. يا رب يكون قصدي واضح ولنا عودة | |
| | | ..بنوتة وبس.. إبداع متواصل
عدد المساهمات : 1048 العمر : 40 الاوسمة: : النشاط : 1723 التقييم : 580
| موضوع: رد: ازاي نربي أولادنا؟ الجمعة يناير 01, 2010 2:11 pm | |
| - اقتباس :
- ووجود الام والأب الصالحين والمتفاهمين ولو حتى أمام الطفل ده له عامل كبير في تنشئة أبناء صالحين بإذن الله
لو إحنا مش بنكون واخدين بالنا من أمور الطفل ده كاميرا لاقطة بياخد باله من أمور دقيقة وبيخزنها في الذاكرة وبيقارن دايما بين أسرته وتربيته وتربية و أسرة أصدقائه روووز
صقفة كبيييييرة جدا لأنك قلتي نقطة مهمة قوي وهي ان الأهل بيفتكروا الأطفال.. مجرد كائنات بلا عقل.. يعني لو ايه حصل.. مش هايفهموا.. مش عارفين ان الطفل بيعرف كل حاجة وفاهم من فترة مبكرة جدا طيب هاحكيلك على موقف حصل لناس اعرفها كان الأب والأم بيتخانقوا..! وابنهم عنده سنة ونص في وسط الزعيق والنرفزة الطفل ياعيني منهار وعمال يعيط.. وبيزعق هو كمان..! اخر اما زهق منهم سابهم ومشي.. الام.. بعد اما تنبهت هي والأب.. (اخيرا) راحوا يشوفوه فين.. لاقوه ياعيني في البلكونة واقف ماسك قضبان السور وسرحان...! تخيلي انتي لما طفل عنده سنة ونص.. يبقى منظره كده.. انا هاسيب لك انتي التعليق.. - اقتباس :
- دااااااائما وابدااااا .. الاهل بيتصوروا ان ابنهم هوه الملاك واصحابه هما الوحشين الاشرار ...!
يبقي فكروا شوية .. وبلاش عين الحبيب ما بتشوفش عيب وبلاش دايما حكاية الواد في عين امه غزال ( وخصوصا في الاخلاق ) فعلااااااااااااا يا حسام كلامك كله صح للأسف كل الأهل بيحلموا انهم مخلفين ملاك أو.. بمعنى أخر.. مش بيتخيلوا ان ابنهم كبر.. وممكن يرتكب حماقات أو انه ممكن يكون هو اللي بيفسد صحابه ياريت تكون عين الأهل زي عين "القاضي" يعني -> موضوعية، وحيادية، وخالية من أي أراء شخصية
عارف كمان الموضوع دا بيبان في ايه جدااااااااا
لما الأبناء يتزوجوا.. ويحصل مشكلة كل أم وأب بيدافع عن ابنه أو بنته وكأنه مكانش طرف في المشكلة وان الطرف التاني هو المتجني وانه مش بيقدر اللي بيتعمله ونتيجة لده المشكلة بتزيد وبنشوف كتير من حالات الطلاق
لأن الحكم اللي أوصانا الله - عزوجل - اننا نستعين بيه للاصلاح بين الأزواج ..للأسف بقى صعب قوي ان احنا نلاقيه دلوقتي..______________ بالنسبة بقى للطفل المدَّلع.. بجد كلامك يا حسام بيلمس كل الحقيقة وانا في اعتقادي ان الاهل اللي بيدللوا اولادهم يا اما اهل :1- مهتمين بولادهم قوي 2- أو أهل مش مهتمين بموضوع التربية أصلا (يعني بيحبوا يريحوا دماغهم)
بالنسبة للنوع الأول.. اعتقد ان بيبقى فيه بصيص من امل ان الولد ينصلح حاله لأنه ممكن - في بعض الحالات - يحس بحب أهله واهتمامهم ويقدر دا لما يكبر أو اما يبتدي يشيل المسئولية لكن النوع التاني.. برغم التدليل اللي بيتلقاه.. الا انه بيشعر بالاهمال.. لأن اهله مهتمين فقط براحة بالهم.. وانهم - لو هو مطلبش حاجة - مش هايفكروا يعملوا ليه حاجة
دا جزء من رأي.. لأن الطفل المدلل دا لازم له مووضوع لوحده
ان شاء الله أيوتة تفرد لنا موضوع مستقل ليه وتتولى هي زمام النقاش
لي عودة تانية لمتابعة أراءكوا في الموضوع المهم دا | |
| | | Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: ازاي نربي أولادنا؟ الجمعة يناير 01, 2010 10:58 pm | |
| - اقتباس :
- مش معقول هافرض عليه حد معين يصاحبه .. وهامنع حد تاني ..!
حته مهمة قوي دي يا استاذ حسام عندنا في بلدي نظام العائلات يعني عند الناس اعتقاد ان عيلة كذا كويسة و يلة كذا نص نص وعيلة أخري واقعة من قاع الحلةلدرجة ان في ناس مثلا ما ترضاش تناسب حد ولو في مكانة مرموقة ومحترم لمجرد انه من عيلة كذا ( اللي واقعة من قاع الحلة )
مع العلم ان تلك التقسيمة المتوارثة عبر الأجيال لم تقسم الا عن طريق الثروات لكن مهما كانت عيلة كذا ( اللي واقعة من قاع الحلة ) اتطورت مثلا ولا طرأ عليها جديد تلاقي الناس لسة مصرة علي موروثها اللي هو عيلة كذا دي مش تمام طيب انا بقول كل دة ليه بقول كل دة لأن احيان كتير الأهل بينقوا اصحاب لأولادهم علي اساس معايير خاطئة تماما زي الثروة والمكانة الاجتماعية وغيرها ودة من رأيي بيربي في الطفل صفات قبيحة زي الغرور والكبر وغيرها كتير اللي خلاني أقول كدة موقف حصل معايا مامة واحدة زميلتي خليتها تسيب صاحبتها لمجرد انها من عيلة كذا ( أظن حفظت اللي واقعة من قاع الحلة ) و أخو زميلتي لقاها ماشية مع واحدة قالها دي من عيلة ايه قالتله كذا ( اللي انت حفظتها ) قالها ازاي تمشي معاها وكان رد فعلي من الموقفين لما الزميلات دول سابوا زمايلهم علشان عيلتهم اني قاطعت البنات التانيين و لو مقاطعة جزئية وكنت أتمني لو أواجه أم زميلتي و ألومها علي انها جعلت ابنتها تخسر زميلة لها لمرد انها من عائلة كذا في رأيي دة منتهي التخلف كمان الأم اللي تقول لولادها مثلا لما يكونوا شاطرين ما تصاحبوش غير ناس شاطرين زيكم طيب ليه يعني؟. اصل الشطارة دي مش شطارة ولا جدعنة قد ما هي نصيب ومنحة من عند ربنا انا مثلا كنت الاول علي مدرستي الحمد لله كل عام ومع >لك كان لي زميلات مقربات لم يؤهلهن مجموعهن لمجرد الالتحاق بمعهد ومنهن من لم تكملن تعليمهن وما زلت علي صله بهن ولم تمنعني والدتي يوم من صداقتهن والله في منهم اللي كان بيذاكر اكتر مني من الآخر لازم نغير المعايير اللي بنحكم بيها علي كل حاجة مش بس علي صداقات اولادنا - اقتباس :
- وبلاش دايما حكاية الواد في عين امه غزال ( وخصوصا في الاخلاق )
شكرااااااااااا استاذ حسام ,,,,,,,,,,,,,,,,,,,,,,,,,,,,,,,, | |
| | | | ازاي نربي أولادنا؟ | |
|
مواضيع مماثلة | |
|
مواضيع مماثلة | |
| |
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|