حبيتك لإلتزامك

حبيت فيكي التواضع . . . . . . . . .. . . . والعزة اللي ف كلامك
مبسوط منك لأنك . . . . . . . . . . . . إسلامك كل همك
أنا أصلي قابلت بابا . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك . . . . . . . . . . . . لكلامه وانت راضية
وازاي بتسلي نفسك . . . . . . . . . . . . بذكرك وانت فاضية
وحلاوة صوت تلاوتك . . . . . . . . . . . . وازاي بتكوني شادية

وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . . . . . . . مطبوعة نسختين
غني كنت أو فقير . . . . . . . .. . . . . ليك عند بنتي دين
سرك هيكون في بير . . . . . . . . . . . . معرفش مكانه فين
تفضل دايماً كبير . . . . . . . . . . . . في نظرها حبتين
لو جيت بفلوس كتير . . . . . . . . . . . . تطمن جت منين

* * *
هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . . . . . . . . . . . بنت حماتها وحماها

* * *

وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . .. . . . فسألته يعني إيه؟!
قاللي العادي إللي كان . . . . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان

ده العادي بتاعنا إحنا . . . . . . .. . . . . . بنربي عليه عشان
لو جينا ولا رحنا . . . . . . . . . . . . هنقابل الرحمن
عمرك ما تخاف عليهم . . . . . . . . . . . . ولادك في الأمان
أنا بنتي هتربيهم . . . . . . . . . . . . ع السنة والقرآن
هتشوف ابنك بيصحى . . . . . . . . . . . . مادام سمع الأذان
ينزل في الفجر يقرا . . . . . . . . . . . . بالسجدة والانسان

هتشوف في حجاب بناتك . . . . . . . . . . . .. العفة والإحسان
هتشوف إزاي مراتك . . . . . . . . . . . . هتعينك إنت كمان

* * *

وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . . . . . . . . . أجيب منها الحزام
وعبال ما رجعت تاني . . . . . . . . . . . . كات رجعت ف الكلام
الله يجازي الشيطان . . . . . . . . . . . . خلاها تقول أنام
بس اطمن خلاص . . . . . . . . . . . . دلوقتي بقت تمام!

* * *

قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . . . . . . . . تناسبني وترضى عني
راح شادد فجأه لبسي . . . . . . . . . . . . وقلب وشه وسألني

حافظ كم جزء يابني . . . . . . . . . .. . . وقاري كم كتاب
احكيلي كده عن مؤت . . . . . . . . . . . . أوغزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة .. . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه .. . . . . . . . . . . . دخلوا من أنهي باب
واديني فكرة برضه .. . . . . . . . . . . . بتقبض كم ثواب
وناوي ازاي تحسن ............ ... ........أنا شايفك لسه شاب

* * *
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي .. . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب .... . . . . . . . . وعشان خاطرك عصرني
وظهرت النتيجة . . . . . . . . . . . . وبفضل الله قبلني

قاللي مقبول في نظري . . . . . . .. . . . . . مبروك عليك ياسيدي
لكن في نظرها هي . . . . . . . . . .. . . نجاحك مش بإيدي
* * *
سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية

ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . .. . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء

* * *
قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت باشوف ابتسامتك
ف أقول من جوه نفسي . . . . . . . .. . . . . يارب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . .. . . . . . وراح وراكي والدك
وانا قلت مش مروح . . . . . . . . . .. . . غير لما أكون خطبتك

* * *
وابوكي جاني تاني . . . . . . . . . . . . وقرب من وداني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قاللي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني

كان أول مرة أعرف . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . .. . . . . . . . . وشجرة صبري تطرح

* * *
خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
* * *
فاكرة ولا انتي ناسية . . . . . . . . . . . . أكيد فاكرة أكيد
من يوم ما بقيتي زوجتي . . . . . . . . . . . . وانا متهني وسعيد
معايا ف كل يوم . . . . . . . . . . . . ويوم لؤاكي عيد
عمرك ما دقتي نوم . . . . . . . . . . . . وانا تعبان أو مريض
فلوسي كانت بتكتر . . . .. . . . . . . . . والخير عندك يزيد
وعامله ليه دفتر . . . . . . . . . .. . . ومرتبه المواعيد
وبفضل الله قدرتي . . . . . . . . . . . . وجبتيلي الوليد
وبعديها بشوية . . . . . . . . . . . . جبتيلنا عليه يزيد
وبعديه جت سمية . . . . . . . . . . . . وآخرهم كان حميد

بدعيلك كل يوم . . . . . . . . . . . . وأفضل أعيد وازيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط .. . . . . . . . . . . . ومعاه رتبة عقيد
ودعوة قلبي صابت . . . . . . . . . .. . ويزيد أهو مات شهيد
وبنتك صيدلية . . . . . . . . . . . . وحميد أصبح معيد
الله يرحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد

عشت معاكي ف حكاية . .. . . . . . . . . . . أحلى وأجمل رواية
حكايتي كانت معاك . . . . . . . . . . . . وحكايتك كانت معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفايه
مش عاوز أشوف دموعك . . . . . . . . . . بالذات ف يوم عزايا
أنا عارف إنتي عارفة . . . . . . . . . .. . . إن الموت مش نهاية
دي لسة الرحلة طالعة . . . .. . . . . . . . . والموت خط البداية
إدعيلي يمكن أوصل .. . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوزله هناك سرير

وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغنايا
وأمانه ف كل مرة . . . . . . . . . . . . تدعي لي بالهداية
عسى ربي بدعائك . . . . . . . . . . . . يغفر ليا الخطايا

تقريبا دة أجمل شعر قريته في حياتي

جميل ايه يابنتى
دا رائع فوق الوصف
اجمل تقييم
يا ايووووووت
حبيتك لإلتزامك 783600

ياربي عالجمال والروعة يا آية
ما تتصوريش أنا سرحت معاه ازاي
وقرأته بتدبر وتمعن كده ازاي
كلمة كلمة وحرف حرف وبيت بيت
بصراحة أكثر من روووعة
ومعانيه رائعـــة اووووي حسيته بشكل جامد
وتصورته وعيشت معاه قصة جميلة
وحياة رائعة بذكر الله وتقواه وعبادته
حقا تلك هي الحياة والسعادة ولا شئ سوى ذلك ...

طبعا اختيارك قمة في الروووعة كما عودتينا دائمااا
سلمت يداك واختياراتك
مع التقييم والتميز

حبيتك لإلتزامك 783600

حلو كتير يا احلى اية حبيتك لإلتزامك 229843

شكرا احلي أصحاب
يا سلام لو الحياة كلها كدة
والتقدير يكون علي اساس كدة
أحلي تقييم لكل من مر

الله الله عليكى ايوته ..حقيقى كلامى عاجز عن وصف جمالها
على فكره انا بمل من اى شعر طويل بس داه انا قراته حرف حرف ومش زهقت منه ابدا
بجد ايوته زوقك فى الاختيار يجنننننننن
شكرا كتيير حيااتى وربنا يرزقنا التزامها

شكرا ايوتة ربنا يخليكي يا رب
حبيتك لإلتزامك 229843

ابيات في غايه الروعه والجمل

تـــــــــــسلم اختياراتك ايــــــــه حبيتك لإلتزامك 783600

رووووووووووووووووووعة بجد آية

يارب كلنا نكون زوجات صالحات لأزواج صالحين

وعن ابي هريرة
رضي الله عنه، عن النبي صلى الله عليه وسلم قال‏:‏ ‏"‏تنكح المرأة
لاربع‏:‏ لمالها، ولحسبها، ولجمالها، ولدينها، فاظفر بذات الدين تربت
يداك‏"‏ ‏(‏‏(‏متفق عليه‏)‏‏)‏‏.‏

قال رسول الله صلى الله عليه وسلم ‏"‏ اذا جاءكم من ترضون دينه وخلقه فانكحوه الا تفعلوا تكن فتنة في الارض وفساد ‏"‏ ‏.‏

موضوع بالتأكيد مميز مميز مميز كمان

حبيتك لإلتزامك 783600

ما شاء الله لا قوة الا بالله
اخاف علي الروعة من حسد عيني
القصيدة مش بس جميلة .. دي في منتهي الجمال والدقة والبساطة ...
والمضمون اجمل من الشكل واروع
والحكاية حدوتة حياة .. سلسة وبسيطة وعميقة وانيقة في وقت واحد
الرسالة وصلت للجميع بمجرد القراية يا ايوته ..
محسوبه ليكي .. ومش غريبة عليكي
مع التقييم +++
حد يناولني بادج التميز

حبيتك لإلتزامك 783600

شكرا شكرا شكرا أحلي أصحاب
أنا كل ما أقرأ القصيدة دي أحس بانشراح
فعلا رووووووووووووعة
بجد تسلم ايد اللي كتبها
و أحلي تقييم ليكم كلكم

روعة يا آية فعلا

عجبتنى جدا

ومعانيها جميلة جدا وسهله الفهم وبسيطة فى لغتها

حبيتك لإلتزامك 182640

فعلا يا عمرو سهلة جدا ومعانيها رااااااائعة
شكرا لمرورك
أحلي تقييم
حبيتك لإلتزامك 170558

جامدة جدا جدا جدا يا ايوته
بجد اروع من الواحد يوصفها في كلام
كلامها جميل اوى ومعناها ميتوصفش
تسلم اختياراتك يا ايوته

بجد انا مابحبش اقراء الحاجات الطويله لكن الشعر دااااا
قراءتو من غير ما امل بجد كل ما اجى اقتبس حاجه القى حاجه احلى
رائع ايووووووووووووووت فعلا مميزززززز

يكفينى الاستمتاع

ربنا يكرمكم يا حلوات

اقتباس :: يكفينى الاستمتاع

مش فاهمة يا استاذ معاذ حبيتك لإلتزامك 273597

يكفينا مرورك معاذ حبيتك لإلتزامك 26216

هههههههههههه
فهمتي طيب فهميني يا روز
يعني دي حاجة حلوة ولا وحشة حبيتك لإلتزامك 820491

اقتباس :: حبيت فيكي التواضع . . . . . . . . .. . . . والعزة اللي ف كلامك
مبسوط منك لأنك . . . . . . . . . . . . إسلامك كل همك

طبعا اختيارك قمة في الروووعة كما عودتينا دائمااا حبيتك لإلتزامك 606874

سلمت يداك واختياراتك
مع احلى التقييم
لاحلى حبيتك لإلتزامك 829609

ايوتا

أكيد حلوه آيه

بس انا فى اوقات تعجز كلماتى

حبيتك لإلتزامك 764206

عن التعبير فأكتفى بالاستمتاع

اقتباس :

أكيد حلوه آيه

بس انا فى اوقات تعجز كلماتى

عن التعبير فأكتفى بالاستمتاع

دة فخر ليا استاذ معاذ
,,,,,,,,,,,,,,,,,,,,,,
شكرا سلومة ربنا يكرمك

آية مش لاقية وصف والله
بس اتمنيت زي كل اللي قرأ إني أكون كده
تسلمي تسلمي تسلمي كمان مرة
أحلى تقييم حبيبتي