دي طريقة أخرى للقرص منقولة
الشكر لله اولا ولزميلة لى بالعمل ما داق احد القرص بالعجوة بطريقتها الا واعجبته
الطريقة
كيلو دقيق كيس مقفول عادى منخول مرتين (هتحسى فرق فى هشاشة العجينة )
ا كوب سمنة سايحة غير ساخنة +1 كوب زيت كريستال او اى نوع جيد +1 كوب ماء درجة حرارته عادية
1 كيس بيكنج بودر ( مؤخرا زودته ل عدد 2 كيس حسيت الكيس صغر ولله العلم )
2 كوب زبادى صغير عادى
1 ملعقة أكل شمرمطحون +1 ملعقة صغيرة ريحة كحك
2 ملعقة أكل سمسم طازج ونظيف + ذرة ملح + سكر عادى غير مطحون حسب رغبتك انا اكتفى ب 3 ملاعق أكل
كله معا ويترك ساعة مش اكتر يستريح
العجوة تكونى مجهزاها وسايحة ولو تحبى اعمليها كور مناسبة لكل كحكاية على ما الساعة تفوت تكون كل شىء جاهز
بعد ما تقرصى وتعجنى وتحشى وترصى عشان ما الكحك ينتفخ بالفرن انا اعمله باداة للكحك خطين افقى وراسى عادى زى كده #
جربى وادعى لصاحبة الوصفة بالستر والصحة لها ولى ولك ولكافة المسلمين
ملحوظة ::
يستحسن لاتستبدلى الزبادى باللبن السائل حسيت العجينة كانت ناشفة عند التشكيل وتعبتنى
لا ادهن الصوانى شىء قبل رص الكحك فيها
مجرب ل 3 سنوات ورائع بشهادة الكل
جربى وهتعجبك الطريقة وتعتمديها خفيفة وتناسب كافة الاذواق
تقبلى تحياتى