عارفه يامه

موضوع: عارفه يامه السبت يناير 09, 2010 3:29 am

السلام عليكم احلي اصحاب

قصيدة جميلة جدا للشاعر المتألق علي سلامه

-------

عارفه يامه

انا حاسس ان الموت

ماأخدش منك

غير الطرحه

والجلابيه السوده

ما انا كل ما اعدي

جنب الاوضه

اسمع صوتك..

وانتى بتضحكى ع الدنيا

اوبتدعي لى ...

روح.. ربنا معاك..

ها تسافر..

وهاترجع مجبور الخاطر

وها استناك...

طب اسندى على كتفى

بكره تقومي

بكره تخًفى

عارف مين يا ابنى

بيقع ويقوم

اوعى تدور ع الدفا

فى فلوس وهدوم

ومتنساش تحوش شويه

اصحاب..

وافرح اووى..

لما يدق الباب

وتلاقى حد بيحضنك

لوجه الله...

ياه

فاكره يامه لما كنتي

تعملى بصاره

وتدى منها لابله سارة

يرجع ف الطبق رز باللبن

يروح لام حسين..

يرجع صنيه بسيسه

تدى منها لخالتى بيسه..

يرجع الطبق مليان حب

معقوله فيه كده قلب..!

عارفه يامه

النهارده بقيت بخاف بجد

بخاف من اى حاجه

ومن اى حد..

بخاف غصب عني

اتخبط فى حد

او اطلب من حد يسال علي

لحسن يعمل محضر..

ويرفع قضيه

ويطلب تعويض

من اول هنا يامه

لازم نبدا من جديد

هو الفرح ليه يامه

شكله لسه بعيد؟؟

ادعى لى يامه

موضوع: رد: عارفه يامه السبت يناير 09, 2010 5:57 pm

شعر فى قمة الروعة اخى حسااااااااااااام
تسلم ايدك

موضوع: رد: عارفه يامه السبت يناير 09, 2010 6:23 pm

بجد جمييييل اوى

صحيح انا ماليش اوى فى الشعر
بس كتيير بحب بساطة على سلامه
وكنت لازم اتفرج عليه لما تستضيفه
منى الشاذلى فى برنامجها

تسلم اختياراتك استاذ حسام
ولو انه مش جديد

موضوع: رد: عارفه يامه السبت يناير 09, 2010 7:01 pm

عارف يا استاذ حسام
انا لو مكنتش مسجله في المنتدي هنا
كنت هسجل مخصوص عشان اقولك مرسي جدا
علي الشعر الهايل داا
بجد نفسي الاقي حاجات كتير للشاعر علي سلامة

شكرا جدا

موضوع: رد: عارفه يامه السبت يناير 09, 2010 7:08 pm

شعر في منتهى الروعة
على فكرة انت بجد صاحب الفكر الهندسي المتميز
تقبل مروري

موضوع: رد: عارفه يامه السبت يناير 09, 2010 11:13 pm

علي سلامة المبدع
وحســـــــــــام الرائع في الاختيار
سلمت لنا يداااك الجميلة واختياراتك
تقبل مروري البسيط

موضوع: رد: عارفه يامه الأحد يناير 10, 2010 3:42 pm

اقتباس :: شعر فى قمة الروعة اخى حسااااااااااااام
تسلم ايدك

يسلم مرورك انت يا وزير .. اتمني تكون القصيدة عجبتك
وخصوصا انها مرتبطة بموضوعك ( المصري ) بس مع شوية نقد للاحوال
احلي شكر ليك يا عبده

------

اقتباس :: بجد جمييييل اوى

صحيح انا ماليش اوى فى الشعر
بس كتيير بحب بساطة على سلامه
وكنت لازم اتفرج عليه لما تستضيفه
منى الشاذلى فى برنامجها

تسلم اختياراتك استاذ حسام
ولو انه مش جديد

وانا كمان يا ازهرية ماليش ف الشعر قوي .. بس باتذوقه مش اكتر زيك
ومني الشازلي عيطت لما سعت القصيدة دي من علي سلامه
يسلم مرورك الراقي يا ازهرية
----

اقتباس :: عارف يا استاذ حسام
انا لو مكنتش مسجله في المنتدي هنا
كنت هسجل مخصوص عشان اقولك مرسي جدا
علي الشعر الهايل داا
بجد نفسي الاقي حاجات كتير للشاعر علي سلامة

شكرا جدا

عارفة انتي بقي ؟.. انا ما فرحتش بقصيدة ( عارفه يا امه ) قد ما فرحت بردك
الشكر موصول لعلي سلامه .. وليكي ع المرور الهايل ده ..
انا نزلت كذا قصيدة لعلي سلامه في قسم الشعر ممكن تشوفيها
وممكن تكتبي .. علي محرك البحث علي سلامه .. وهاتلاقي قصائد كتير ليه
تسلمي ع المرور الجميل
------

اقتباس :: علي سلامة المبدع
وحســـــــــــام الرائع في الاختيار
سلمت لنا يداااك الجميلة واختياراتك
تقبل مروري البسيط

المايسترو هنا يا مرحبا يا مرحبا
دا انت اللي رائع في كل حاجة .. المرور والتعليق والتهنئة ..
بعض ما عندكم يا بطل
تقبل انت بقي شكري وامتناني ..
-----

اقتباس :: شعر في منتهى الروعة
على فكرة انت بجد صاحب الفكر الهندسي المتميز
تقبل مروري

همس الروح
اجمل شكر وتحية لمروك الهايل ... وشهادتك وسام علي جبيني
دام مرورك وقبولك لموضوعاتي يا رب
مع الشكر والتقييم
-----

اشكر علي سلامه من كل قلبي .. الراجل ده عبقري ..
بابسط كلمة بيقول اللي في نفسي ..
خالص امتناني لـــ علي سلامه وليكم
-----


+ ---- -

طبعا بما ان امكانية التقييم ظهرت عندي اخيرا
وبما اني مبسوووووووط جدا بردودكم

يبقي اجمل تقييم ليكم كلكم
عارفه يامه 156107

موضوع: رد: عارفه يامه الإثنين يناير 11, 2010 7:32 pm

حسامـ..

وقراءة متأنية لكلمات الجميل جدا "علي سلامة"

واختيار رائع كالعادة

طبعا أي رد مش هايضيف جديد.. لأن طعم الكلام الكل داقه من أول سطر

ومالقتش أنسب من اقتباس.. لجزء من كل رائع

بس مس فيا حاجة.. ايه هي مش عارفاها

اقتباس :: النهارده بقيت بخاف بجد

بخاف من اى حاجه

ومن اى حد..

بخاف غصب عني

اتخبط فى حد

او اطلب من حد يسال علي

لحسن يعمل محضر..

ويرفع قضيه

ويطلب تعويض

يمكن لأن جيلي كله حاسس بنفس الخوف..
يمكن مش كتير منا عاش مع أبلة سارة و أم حسين وخالتي بيسة
واغلب اللي قابلناهم من النوع اللي بيعمل محضر وبيرفع قضية

مش عارفة اقول ايه
عشان كده هامشي في هدوء
وهاسيبلك شكر صغير مش يناسبك
ياريت تقبله
وكمان وعد مني بالمرور من تاني

عارفه يامه 350437

..بنوتة وبس.. كتب:: بس مس فيا حاجة.. ايه هي مش عارفاها

اقولك ايه ....؟
اللي لمس حاجة جواكي .. هوه احساس الشاعر .. لمس حاجة جوانا يمكن تكون في اللاوعي ..

اقولك مثال ...؟
الاعرابي اللي سمع آية : " فاصدع بما تؤمر "
فهوي علي الارض ساجدا .....!
ولله المثل الاعلي

..بنوتة وبس.. كتب:

يا ربي سحابة معدية ... !!!
اجمل مرور .. و تعليق رائع .. ولا ادري اوله خير ام اخره

ولكي تأشيرة علي بياض .. فادخلي موضوعاتي اي وقت ترغبين ..

لكي ولعلي سلامه اجمل تقييم

عارفه يامه 483706

الراجل اللى مالوش حل دا
بجد روعة انا لما احب
اسمع حاجة بجد حلوة
ادخل على اليوتيوب واسمع القصائد الحلوة دى
وفيه شاعرة بردوا لها لون مشابه
هى ايمان البكرى بردوا شعرها مصرى وحلو
ممكن حضرتك تاخد توكيل نقل اشعارها لاحلى اصحاب
تقبل مرورى

اقتباس :: الراجل اللى مالوش حل دا
بجد روعة انا لما احب
اسمع حاجة بجد حلوة
ادخل على اليوتيوب واسمع القصائد الحلوة دى

موافقك في الرأي تماما .. ومش هاغير عليه .. انا عاوز الاصحاب كلهم يحبوه

تسلمي ع رأيك في صديقي علي سلامه

-----

اقتباس :: وفيه شاعرة بردوا لها لون مشابه
هى ايمان البكرى بردوا شعرها مصرى وحلو
ممكن حضرتك تاخد توكيل نقل اشعارها لاحلى اصحاب
تقبل مرورى

فعلا ايمان بكري شاعرة مميزة .. وجيدة

وانا عندي فيديو ليها بتقول قصيدة ( يا حمار )

بس هوه في فرق جوهري بينها وبين علي ..

ان قصائد علي اجتماعية اكتر .. يعني بيتكلم عن معاناة الناس في الاصل

واحيانا يحصل تقاطع مع سياسة الحكومة .. لكن هوه غرضه الرئيسي هوه

معاناة الناس واخطاؤهم وسلبياتهم

وايمان بكري لها توجه سياسي ناحية المعارضة .. والكفاية

وآدي فقرة من قصيدة يا حمار

ما تنهق..قول أي حوار
بنقولك شيي..ما بتمشيشي....والحااا..بنقولها ما بتجيشي
ونقولك هيييسس...ما بتهيسش..ومكمل بينا المشوار
وعلشان كده إحنا إخترناك..وعلى حياتنا إستئمناك
ولا يوم هيجي يفرقنا...وهنفضل دايما وياك
-----
اشكرك كثيرا علي التوكيل .. وان كانت المصلحة واحدة .. هيا افادة الاصحاب وامتاعهم ..
يعني هاكون اسعد الناس لو حد غيري نقل

لعلي او ايمان بكري او جمال بخيت او غيرهم من مبدعينا

مع اللي انتي عارفه هوه ايه .. +

عارفه يامه 764206

موضوع: رد: عارفه يامه الخميس فبراير 11, 2010 7:03 am

اولا تسلم اخى حسام على هذا الاختيار الرائع
ثانيا يسلم صاحب هذه الخاطره على سلامه
ثالثا و هى وجهه نظر مع انى لا احبذ هذا الاسلوب .. و لكنه المحبب لدى الكثيرين الان .. و ذلك لانه يصل الى اللا شعور و اللذه الحسيه التى توجد فى فطره الانسان و سجيته اكثر من الشعر العربى
فالاهتمام بهذا النوع من الخواطر اصبح جما عنه فى الشعر العربى الاصيل
و لكن اذا بحثنا عن اصول معانى على سلامه و غيره من اصحاب مثل هذه الخواطر فسوف نجد المعانى نفسها فى شعر قديم او حديث و لكنه من الشعر المتفق على شعريته و اما امثال اصحاب هذه الخواطر يتميزون فى وقتنا هذا بالسلاسه و العفويه و عدم التكلف حتى ان المعانى تصل الى من لايجيد التفرقه بين حرف النون و الطبق بداخله تمره
و هذا مع ما فيه من جوده و لكنه محزن من وجه اخر وهو ان الناس انصرفوا الى هذه الخواطر اكثر منها فى الشعر مما يدل على الاستسهال و استصعاب الاشعار العربيه الاصيله او حتى الحديثه المتفق على شعريتها .. و مما يدل ايضا على الاطلاع المحدود
فاعلم ان من حبذ مثل هذه الخواطر على الشعر العربى المعروف فعليه ان يرجع الى الشعر و ان استصعب عليه فعليه محاوله الفهم و عدم استسهال الامر مما يؤدى الى اختلاق معانى جديده و مفردات تعمل على سلامه اللغه
اما مثل هذه الخواطر فلا تكسبك كلمه جديده او معنى جديد و انا لا احبذ فصل المعنى عن اللفظ و اقول ان المعانى قديمه و لكن فى صوره سهله للفهم و ليس فيها لفظ جديد يكتسب و لغيرها الفضل عليها
و جزاك الله خيرا اخى حسام .. و تقبل مرورى النادر لمثل هذه الموضوعات .. و اقبل وجهه نظرى الفقيره

موضوع: رد: عارفه يامه الجمعة فبراير 12, 2010 1:35 am

نعم اخي المنتظر .. وجهة نظر معتبرة ولها احترامها بالتأكيد

حفظ اللغة العربية الفصحي .. لغة الضاد .. الثرية بالمفردات العظيمة

وهو مالا تملكه العامية المختلطة والهجين بين الفاظ اعجمية واخري

تنتج من سوء النطق ..وعوج اللسان.. الي هنا ولك كل الحق بلا شك

ولك كل التقدير علي المرور الجميل واضافة الرأي الاخر ..

ولو كان علي سلامه هنا لكان اقدر في الدفاع عن نفسه افضل مني بكثير

وربما ارتجل لك ردا .. ينشره قصيدةً فيما بعد

ولكن ..
ساعتبر نفسي محامي الغائب ..( شاعر العامية )

وسأكمل ردي لاحقا

في انتظار اختياراتك من عيون الشعر العربي في قسم الشعر

موضوع: رد: عارفه يامه الجمعة فبراير 12, 2010 2:57 am

موضوع ( آه الوجع .. عامي ام فصحي ؟ )

http://www.dalem.net/montada-f22/topic-t9704.htm#137945

-----

اسمحوا لي .. وليسمح لي رحال بان اكتب قصيدة جمال بخيت
( مش باقي مني ) كنوع من الاستشهاد

وارجو ممن تعجبه القصيدة ان يعلق عليها في
موضوع رحال وليس هنا

للشاعر الكبير جمال بخيت ... مش باقي مني
-------

مش باقي مني غير شوية ضي ف عينيا

أنا هاديهوملك

وامشي بصبري ف الملكوت

يمكن ف نورهم تلمحي خطوة

تفرق معاكي

بين الحياة والموت

مش باقي مني غير شوية نبض ف عروقي

خُدي.. وعيشي..

وافتحي لي تابوت

أفرح بريحة ورد فرعوني

وربنا ف عوني

إذا دخلت الجنة ولاّ النار

هاشتاق إلي ضحكتك

وقعدتي ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي ف دنيتي لما خلص فرحي

مش باقي مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدي اللي باقي من الأمل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم.. ماأقدرشي

أسقيكي.. مواجعهم

وبرضه ما أقدرشي

أرميكي..

وأبيعهم

يمكن ف مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة ف إرادتي

علي شوية شِعر من خطي

حاسبي عليهم وانتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة مافيهاش

ولاطيارات ولاجيش

وانتي ف طابور العيش

بتبوسي إيد الزمن

ينولك لقمة

من حقك المشروع

مش باقي مني..

غير شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وأنا تحت حجر المقطم

ف الدويقة باموت

أنا.. والعطش.. والجوع..

يئن تحتي التراب

وانا صوتي مش مسموع..

ياحلمنا الموجوع..

من المرور ممنوع..

مستني لما يمر

موكب سلاطينك..

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غُنا تايهين

ف الضلمة مش لاقيين

حس الفواعلية..

ولا صوت مراكبي عَفي

فوق المعدية..

ولا صوت بناتي العذاري

في كل صبحية..

والغنوة.. أمنية

ياما نفسي أقابل حبيبي..

وانا ع الزراعية

صوتك وصوتهم غاب..

وانا تحت حجر المقطم.. باموت لوحديّا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغُنا الغلبان..

رجعت لي توصف هبوب الموت

علي الألوان..

رجعت لي توصف..

.. خيال الذل..

ف موائد الرحمن..

مش باقي مني غير شوية كُفر بشروقك

وأنا..

منبع الايمان..

مش باقي مني..

غير شوية ضي..

وعينيا ..مش قادرة تلمحني..

في وحدتي محني..

خايف أموت م الخوف

والضعف يفضحني..

...

السجن عشش ف قلبي

وماشي ف شوارعك..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ماعدت أملك شيء..

فيكي.. ولا فيّا

ولا قيراط ولا بيت..

ولا نسمة صافية تلاغي النيل بحرية..

مش باقي مني

غير شوية حب جارحّني

ولا باقي مني

غير شوية ضي ف عينيا