| | مكالمات مع مسؤل |  |
|
|
| كاتب الموضوع | رسالة |
|---|
مواطن مصري
فكر هندسي مميز
عدد المساهمات : 4199
العمر : 46
الاوسمة: : 
النشاط : 5069
التقييم : 939
 | موضوع: مكالمات مع مسؤل  السبت يناير 16, 2010 1:04 am | |
|
احلي اصحاب
ازيكوا .. انا جايب لكم معايا محادثة هاتفية مع مسؤووول كبيييييير قوووووووي ..!!
الراجل كتر خيره بيطمن علي شعبه الجميل ...!!
انا حاطيت كلامه جوه الاقواس .. وهاتعرفوا اللي قاله من اجابات علي سلامه ..!!
1-
ألو ألو..
هل تسمعني .. ! ؟
- ( ...... )
بكلم حضرتك من قدام..
فرن الحاج أبو صلاح..
- ( ...... )
كله سعادتك تمام..
والشعب مستمر ف الكفاح..
- ( ...... )
لا يا فندم مفيش قلق..
شوية كسور وكدمات..
واللي مات مات..!!
واللي راح راح..!!
- ( ...... )
الحمد لله زي الفل..
ويا رب ديماً..
من نجاح لنجاح..!!
معايا يا فندم.. !!؟؟
- ( ...... )
ورحمة أمي مبسوط ومرتاح..
كله من خير سعادتك..
إحنا بس محتاجين خميرة بيرة..!!
- ( ...... )
لأ يا فندم.. بيرة إيه..!
أستغفر الله..
هو أنا بتاع كده..
أكلم حضرتك بعدين بقي..
عشان تقريباً الكارت خلص..!!
2-
ألو ألو..
هل تسمعني..؟؟
- ( ...... )
بكلم معاليك..
من محطة أبو غريب..!!
هوا يا فندم القطر.. اللي لا بيودي ولا بيجيب..
العتمة الكتمة.. الزحمة الكئيبة..
- ( ...... )
الشعب..!!!؟؟؟
ماله الشعب..؟؟؟
فرحان وإحساسه عالي..
وكل الحالات بتستجيب..
معانا يا فندم..!!!!!
- ( ...... )
أجزخانة لكل مواطن وطبيب..!!!
مرهم للحروق..!!!
ورحمة أمي بعت أجيب..
طب يا فندم عشان القطر اتحرك..
الموت علينا حق يا فندم..!!
واللقا نصيب..!!
3-
ألو ألو
هل تسمعني ؟؟
- ( ...... )
بكلم جنابك
من عزبة شحات العريان
- ( ...... )
دي حتة كده يا فندم
بعيدة عن العين
لكن قريبة من حلوان ..!!
- ( ...... )
مفيش ميه يا فندم..
لكن مفيش حد عطشان ..!!
- ( ...... )
نور ..!!؟؟؟
ملوش لزوم النور يا فندم
كفاية الإحساس بالأمان
- ( ...... )
أنا ..؟؟؟
ورحمة أمي زي الفل
- ( ...... )
مناخيري ..!!
لأ.. ده دور برد من زمان
- ( ...... )
الشعب ..؟؟؟
مبسوط وبيغني وفرحان
ما هي مصر حضرتك
إمبارح كسبت السودان ..!!
طب يا فندم
عشان تقريباً البيت بيقع ..!!
لا إله إلا الله
4-
ألو ألو..
هل تسمعني..؟؟
- ( ...... )
بكلم معاليك م المستشفي..
- ( ...... )
آه والله العظيم..
تصور..!!
كبد البلد سليم..
ووشها منور..
- ( ...... )
قطن وشاش..؟؟
لأ يا فندم ما يلزمناش..
ده الشعب كله متعور..
- ( ...... )
دكاترة..؟
أشعة..؟
تحاليل..؟
ده ترف يا فندم..!!
- ( ...... )
أوامر سعادتك..
ورحمة أمي هادور..
- ( ...... )
رسم قلب..؟؟
عارفه يا فندم..
بتاع طويل كده ومدور..
بعد إذن حضرتك يا فندم..
جالي كرشة نفس..
تقريبًا بموت..
الدوام لله يا فندم..
5-
ألو ألو..
- ( ...... )
أوطي صوت التليفزيون إزاي يا فندم..!!
ده أنا بتكلم من سوق الخضار..!!
- ( ...... )
طول عمرها القوطة مجنونة سعادتك..
بس الجديد بقي الخيار..
والبطاطس..!!
هايصة خالص..
عشان الزيت أسعاره نار..!!
والكوسة شكلها يفرح..
ماشفتهاش أبدا كده..!!
والشمس طالعة..
وف عز النهار..
- ( ...... )
المواطن..؟؟
نفس الابتسامة العريضة حضرتك..
هيموت م الفرح..
خصوصا بعد ما سمع..
عن علاج البواسير بدون جراحة..
إمبارح ف نشرة الأخبار..!!
- ( ...... )
المشكلة أنا يا فندم..!!!!!
من يومين كده..
ابتدي يلعب ف عبي..
ييجي مليون فار..!!!!
6-
إيوه يا فندم..
- ( ...... )
بكلم سعادتك م الاستاد..
- ( ...... )
عارف يا فندم إن المباراة مذاعة..
بس قلت أشيل علم..!!
وأفسح الولاد والجماعة..!!
- ( ...... )
أنا..؟؟
أهلاوي يا فندم..
ورحمة أمي عن قناعة..
الأهلي حضرتك..
مش إجوان بحرفنة وشجاعة..
الأهلي رغيف العيش..!!
أنبوبة البوتاجاز..
والسد العالي..!!
اللي بيحمي مصر من المجاعة..
هو البطل..!!
هو عم توفيق التمرجي..
اللي بيدي حقنة ف العضل..
ينام الألم كام ساعة..
مصدر الفرح الوحيد للشعب..!!
والزمالك أكيد..
مقدر الظرف الصعب..!!
تصور الموقف يا فندم..
لو الأهلي ماعندوش قلب..
أو بعد الشر بعد الشر..
اللاعيبة عضهم ف رجليهم كلب..!!
وراح الدوري والكاس..
قوللي بقي سعادتك..
هاتفرح بإيه الناس.....!!!!!!؟؟؟؟؟
- ( ...... )
طبعًا الزمالك..
هايعمل م القصيدة دي شماعة..!!
وكل مرة يتغلب ستة..
وهات م الشبكة يا معلم..
طب يا فندم
أكلمك بعد الماتش
| |
|
 | |
يعجبني عنادي
من دموعي أصنع الإبتسامات
عدد المساهمات : 5002
العمر : 33
الاوسمة: : 
النشاط : 6610
التقييم : 940
| | موضوع: رد: مكالمات مع مسؤل السبت يناير 16, 2010 3:52 pm | |
| | |
|
| | |
Islam Nasr
صاحب القلم الذهبي
عدد المساهمات : 7790
العمر : 36
الاوسمة: : 
النشاط : 7749
التقييم : 999
| | موضوع: رد: مكالمات مع مسؤل السبت يناير 16, 2010 4:13 pm | |
| العظيم والرائع دائما وابدا
واسطورة شعر العامية
على سلامه
دائما ما يشكو حال الشعب المصرى
الذى اصبح على وشك الانهيار التام
ولولا انى ممنوع من السياسة لكنت استمريت بالف كلمة
ولكن لابد ان اشكرك الغالى حسام على اختياراتك الجميلة
دام لنا زوقك الرفيع
| |
|
| | |
a white rose
وردة المنتدى
عدد المساهمات : 25849
العمر : 47
الاوسمة: : 
النشاط : 18687
التقييم : 1833
| | موضوع: رد: مكالمات مع مسؤل السبت يناير 16, 2010 5:14 pm | |
| إحنا طيبين مهما عملو فينا بنصفقلهم ونرحب بيهم
تسلم إيدك حسام | |
|
| | |
مواطن مصري
فكر هندسي مميز
عدد المساهمات : 4199
العمر : 46
الاوسمة: :
النشاط : 5069
التقييم : 939
| | موضوع: رد: مكالمات مع مسؤل السبت يناير 16, 2010 10:54 pm | |
| - اقتباس :
- علي سلامة .... شاعر متميز بالفعل ..
فعلا كلام الشاعر بسيط ومن الواقع
ويقدر يحاكي كل طبقات المجتمع
وكل الشكر ليك انك عرفتنا بيه
الشكر والفرحة كلها لوجودك في موضوعي يا عهووووود دايما يا رب تشريفك لموضوعاتي وموافق تماما علي كل كلمة قلتيها عن صديقي علي سلامه واحلي تقييم ----- - اقتباس :
العظيم والرائع دائما وابدا
واسطورة شعر العامية
على سلامه
دائما ما يشكو حال الشعب المصرى
الذى اصبح على وشك الانهيار التام
ولولا انى ممنوع من السياسة لكنت استمريت بالف كلمة
ولكن لابد ان اشكرك الغالى حسام على اختياراتك الجميلة
دام لنا زوقك الرفيع
الراااااااائع والفنااااااان رحاااااااااال اخيرا نورت موضوعاتي .. بعد غياب اخيرا شوفنا تعليقاتك .. الانيقة الذكية الصائبة - بعد انقطاع كيف اتعدي علي شاعرنا رحال .. واعلق علي كلمات كتبها في شاعرنا سلامه ..!!كل التقييم والشكر لك رحال .. وربنا يعدي يومين الجيش علي خير تسلم رحالو مرتين .. مرة للمرور الشيك .. ومرة للتوقيع الخطير .. ربنا يخليك لسلمي وما يحرمها منك ابدا ------ - اقتباس :
- إحنا طيبين مهما عملو فينا بنصفقلهم ونرحب بيهم
تسلم إيدك حسام طبعا وجود اسمك يا روز في الموضوع شهادة لعلي سلامه قبل ما تكون ليا .تسلمي ويدوم مرورك طبعا من ناحية طيبين .. احنا طيبين فعلا .. بس انا عن نفسي بطلت اسقف بعد خامسة ابتدائي شكرا لمروركم احلي اصحاب | |
|
| | |
a white rose
وردة المنتدى
عدد المساهمات : 25849
العمر : 47
الاوسمة: :
النشاط : 18687
التقييم : 1833
| | موضوع: رد: مكالمات مع مسؤل الأحد يناير 17, 2010 4:37 am | |
| | |
|
| | |
مواطن مصري
فكر هندسي مميز
عدد المساهمات : 4199
العمر : 46
الاوسمة: :
النشاط : 5069
التقييم : 939
| |
| | |
masrya
صديق لامع
عدد المساهمات : 1134
العمر : 35
الاوسمة: : 
النشاط : 1289
التقييم : 195
| |
| | |
الازهريه
أميرة بأخلاقي
عدد المساهمات : 2972
العمر : 30
الاوسمة: :
النشاط : 4237
التقييم : 445
| | موضوع: رد: مكالمات مع مسؤل الأحد فبراير 07, 2010 8:00 pm | |
| والله هم يبكى وهم يضحك
بس هوا فى حاجه مستغرباها شوايه
واضح ان على سلامه مهتم بحلوان
حبتين ههههههه بس عزبه شحات دييه
والله اول مره اسمع عنها
ماااا علينا
من كل قلبى لك جزيل الشكر استاذ حسام
على الاختيارات الممتعه دييه | |
|
| | |
مواطن مصري
فكر هندسي مميز
عدد المساهمات : 4199
العمر : 46
الاوسمة: :
النشاط : 5069
التقييم : 939
| | موضوع: رد: مكالمات مع مسؤل الأحد فبراير 07, 2010 8:30 pm | |
| - اقتباس :
- اصله مصرى زينا
اهي هيه دي يا مصرية .. اجمل ميزة فـ علي سلامه ...!!احساسه بالناس عالي قوي .. واعتراضه ع الاحوال مميز و مؤكد انتي بقي اللي جبتي جون بالكلمة دي ...!! الشاعر المصري علي سلامه - حاسس بمصر وناسها واهلها ... الشكر موصول لعلي وليكي يا مصرية ------ - اقتباس :
- بس هوا فى حاجه مستغرباها شوايه
واضح ان على سلامه مهتم بحلوان
حبتين ههههههه بس عزبه شحات دييه
والله اول مره اسمع عنها
ماااا علينا
صح يا ازهرية .. دي تاني مرة اسمعه يتكلم عليها .. احتمال كبيييييير يكون حلواني وبصراحة اسم العزبة يضحك - لو كانت موجودة فعلا - شحاااااااات وعريان كمان لكن بيتهيألي انو قاصد السخرية من الاحوال بس ..لاننا عندنا مساكين ولا فقراء الهند -----يسلموا احلي اصحاب ع المرور الجميل .. نورتوا الموضوع ونورتوني  | |
|
| | |
الازهريه
أميرة بأخلاقي
عدد المساهمات : 2972
العمر : 30
الاوسمة: :
النشاط : 4237
التقييم : 445
| | موضوع: رد: مكالمات مع مسؤل الأحد فبراير 07, 2010 8:39 pm | |
| يا سلاااااام لو يطلع حلوانى | |
|
| | |
مواطن مصري
فكر هندسي مميز
عدد المساهمات : 4199
العمر : 46
الاوسمة: :
النشاط : 5069
التقييم : 939
| |
| | |
masrya
صديق لامع
عدد المساهمات : 1134
العمر : 35
الاوسمة: :
النشاط : 1289
التقييم : 195
| | موضوع: رد: مكالمات مع مسؤل الأحد فبراير 07, 2010 10:45 pm | |
| ولا ادكاوى تبقى فلة
بس دا على فكرة مهندس بترول
يعنى مالوش غير فى البنزين
| |
|
| | |
مواطن مصري
فكر هندسي مميز
عدد المساهمات : 4199
العمر : 46
الاوسمة: :
النشاط : 5069
التقييم : 939
| |
| | |
masrya
صديق لامع
عدد المساهمات : 1134
العمر : 35
الاوسمة: :
النشاط : 1289
التقييم : 195
| | موضوع: رد: مكالمات مع مسؤل الأحد فبراير 07, 2010 11:09 pm | |
| ههههههههههههههههههههههه لا طبعا انا كنت اقصد جملة - اقتباس :
- الميا والنور هايرجعوا للعزبة ..!!!
 | |
|
| | |
مواطن مصري
فكر هندسي مميز
عدد المساهمات : 4199
العمر : 46
الاوسمة: :
النشاط : 5069
التقييم : 939
| | موضوع: رد: مكالمات مع مسؤل الأحد فبراير 07, 2010 11:26 pm | |
| هههههههههههههههه
يعني مفيش امل عزبة شحات العريان يدخلها ميا ونور ..
ولا حتي بكرامات علي سلامه
| |
|
| | |
| | مكالمات مع مسؤل | |
|
بشمهندس حسام 
