اسف على الازعاج

ازعجها حبى لها فاتخذته سخريا فصرت من الاشقياء فمن الشقاوه ان تحب و من تحب يحب غيرك و ان تريد الخير للأنسان و هو يريد ضيرك .
فسعت الى البناء فوجدته مع غيرى و كنت صاحب كلمه احبك منها بالامس اما ليوم فصاحبها غيرى .
فذهبت عنى و تركتنى فلم يبق لى مؤنس فيؤنسنى الا انيس اخاف من انسه فاعتزلت الناس ما استطعت و لم اعد اركن الى من اخاف من دنسه فصرت كالتيه يرجو ما ليس يدركه و اصبح الموت ادنى اليه من نفسه .
اتمنى قره العين لمحبوبتى التى منعت عنى فارتكنت الى غيرى و لم تبالى بما اضنى .
كنت اسعد الناس بالقرب يوما فضربت بسهم فى قلب فصار يؤوم أوما .
فمسكين من كان حبه حجيجه و حبيبه خصيمه و فهمه القاطع بعذره .
و الان بى جرح ينتأ بالدم كل لحظه و عين يسيل منها الدمع كل وحظه و جسم امرضه الهوى فى كل ومضه .
فكانت تقف ما ليس لها به علم و انقضت على قلبى فاصبحت دينه القويم و خليله الحميم فاستغلت ذلك و ما لبثت الا ان فارقته فصار كالعرجون القديم و النخل الهشيم .
ركنت الى اهلى و صحبى فاكثروا فيا القول و قالوا لا تهلك اسى و تحمل و لا تبالى بالفراق فحب النساء جهد البلاء فأعرضت عما قالوا و قلت ليس حب النساء جهدا و لكن قرب من لا تحب جهد البلاء .
مازال قلبى يدين بالحب لها و اظنه سيظل كذلك حتى يقابل رب المهالك .
اما هى فاسعدها الله و رزقها الموالاه و الذريه المؤتاه .
و اما حبها فسيظل فى قلبى فى هياج و لانى ازعجتها بحبى و صدت قلبى بالجرح فاخبروها ان حبى و شوقى فى هياج و لما جنيته من حبك اسف على الازعاج

شكرا جدا همس بس كدا كتير جدا عليا انا على ادى خالص و يا ريت تقولى اللى انتى شايفاه مش حلو عاااااااااااوز نقد اصلى بكتب بعفويه اللى انا حاسه من غير انتقاء الفاظ ولا معانى يعنى دى مجرد خواطر و اكتر موضوع مش بياخد اكتر من ربع ساعه

من غير انتقاء الفاظ ولا معانى

***

امال لو انتقيت الفاظك هتعمل فينا اييه

حقيقى يا منتظر راااائعه وعلى فكره اللى بيكتب حاجه من قلبه
اوى الاحساس داه بيوصل للقارىء ..دا راييى مش عارفه صح
ولالا بس اعتبرها وجهة نظر مش اكتر .

ولك منى كل التقدير والاحترام منتظر

اولا ازهريه شكرا على مرورك الجميل
ثانيا انا على ادى بردو حتى لو انتقيت الفاظ و معانى
ثالثا انا عاوز اسالك سؤال هو الاحساسوصل فعلا ؟

اولا .. كلامك هوا اللى جميل منتظر.

ثانيا .. بيعجبنى كتيير تواضعك.

ثالثا .. ايوه منتظر احساسك وصل جدا .

ربنا يبارك فيكى و يكرمك ازهريه
و اسأل الله ان يجعل لى من هذا التواضع وافر النصيب
و انا فرحان جدا ان الاحساس وصل عشان دى اهم حاجه

اولا يا بيبو شكرا كتييييير على التقييم
ثانيا متتصورش انا بفرح اد ايه لما حد بيقوللم انا حاسس بالتجربه
ثالثا نورتنى بمرورك الجامد جدا و يا رب تنور موضوعاتى كدا على طول
و جزاك الله خيرا و اكلت لحم طيرا و تزوجت من الحور بكرا

انا مش مقتنع ان فى حاجه اسمها خروج عن الاراده فى المسائل دى بالذات الا فى حالات نادره اوى
و اعتقد ان الحالات النادره دى محصلتش
و فى تفاصيل كتير عاوز اقولها فى اجابتى بس مينفعش تكون هنا للأسف