البحث عن (على سلامه)

لما دخلت ع النت أدور على روحى
عارف لقيت إيه..!
إيه...؟

السعودية وسوريا تؤكدان
حرصهما (على سلامة) ووحدة أراضى اليمن..

■ مجلس الشعب
يؤكد (على سلامة) النوايا
فى مشروع بيع التاريخ بأرخص تمن..

■ وزير التعليم
يؤكد (على سلامة) صحة التلاميذ
رغم انتشار الأنيميا وغش اللبن..

■ إهداء للأستاذ مفتاح..
مبروك المولودة الجديدة
والحمد لله (على سلامة) وصول خالك حسن..

■ رغم انتشار الفيران
البرلمان يؤكد (على سلامة) نسيج الوطن..
■
حرصا (على سلامة) وراحة المواطنين
تقرر تأجيل تقديم الإقرار الضريبى إلى ما بعد غد
■ رئيس الوزراء

يطمن (على سلامة) ضحايا السيول
والتعويضات تبنى بيت لا يصلح للسكن..

■ والطبيب المعالج يؤكد صعوبة
الحفاظ (على سلامة) الروح داخل هذا البدن..
■
وكل التقارير تؤكد أن الفساد
أثر (على سلامة) وصحة المجتمع
لكن الناس بتنسى بمرور الزمن..

هههههههههههههههههه
حلوة والله
دة علي سلامة بقي بينط في كل حاجة
ربنا ما يحرم الشعب منه
تسلم ايدك أيوتة
البحث عن (على سلامه) 222916

نسيت أقول أحلي تقييم البحث عن (على سلامه) 873394

ههههههههه

تسلمى يا يويا ربنا يخليكى

قراتها انهارده فى المصرى اليوم وعجبتنى
فقلت ضرورى انقلها

هههههههههههههههههه

حلوة قوي يا آية .. انا دخلت جري اشوفها

بس قوليلي هيا كانت بقلم علي سلامه نفسه والا حد تاني

ومني ليكي تقييم انا كمان ( علي سلامة ) اختياراتك

ههههههههه

ماشى يا استاذ حسام اشكرك كتيير على التقيم

وااه هيا كانت بقلم على سلامه

ههههههههههههههههههههههه
انا كمان اعتقدت انها قصيدة جديدة لعلى سلامة
تسلم ايديكى
الازهرية