يا ترى انا حد مصلح ولا مفسد ؟؟

يا ترى انا حد مصلح ولا مفسد ..؟؟؟

سؤال شغل بالى كتيير

يا ترى فى بلدنا انا مصلحه ولا مفسده

ليا لازمه ولا مش ليا .. ولو مش ليا لازم يبقى ليا

لان ربنا مخلقناش عبثا ..

لما فكرت مع نفسى وصلت لاجابه مش
عارفه اييه مدى صحتها

وهيا انى حتى لو مش حد مصلح يكفى انى مش مفسده

طيب اذا كانت الاجابه دييه مش غلط .. ازاى اعرف انى مش مفسده ؟؟
ولو مفسده ازاى مبقاش كده ؟؟.. ويا ترى لو عملت اييه ابقى مصلحه ؟؟


عندى كلام كتير عايزه اقوله فى الموضوع بس ضرورى اسمع ارائكوا اولا
فى انتظاركو احلى اصحاب

انا بالنسبالى حاسس انى مصلح طالما انى اضفت حاجة مفيدة للناس ولو ضغيرة فانا مصلح
وشايف برضو انى الحمد لله مش مفسد
معنى انى مصلح ومش مفسد لا يعنى انى لا اذنب

وانا شايف انك شخصية مصلحة يا ازهرية

طيب برضو ازاى اقدر

اقيم نفسى ازاى كنت مصلحه

ولا لاقدر الله مفسده

شوفى انتى عملتى حاجة مفيدة للناس ولا لآ

ابسط حاجة شوفى انتى مواضيعك هنا بتفيد الناس اللى بتقراها ولا لآ

شوفى فى دراستك تقدرى تفيدى غيرك ولا لآ

دة راى

فهمت قصدك عمرو .. ومقتنعه اوى بوجهة نظرك

بيبو ..انا معاك جدااا فى اننا لازم نبقى عارفين اجابه للسؤال داه
وكلامك صح جدا يا بيبو وف انتظار عودتك

فيييييييييينكوا احلى اصحاب

مستنيه ارائكوا

موضوعك حلو يا ايه بيعجبني في مواضيعك
انها من دماغك يعني اللي بتحسيه بتقوليه
وبتقي عايزة تعرفي راي غيرك فيه عجباني اوى
راي بقي يا ستي
ان انا لو كنت حد مفسد اكيد طبعا كان هيظهر
علي الاقل مكنتش هلاقي حد جنبي من الناس اكيد محدش بيحب المفسد
اعتقد ان من اللي حواليكي و اللي بيحصل معاكي تقدرى تعرفي انتي ايه
يارب يكون قصدي وصلك
وشكرا مرة تانية علي موضوعك

ازهرية

مجرد تفكيرك بهالشي يبقي انتي مش مفسدة ..

يعني لو حد مثلا كان مفسد اكيد رح يتمادي بطغيانه وفساده بدون حتي مجرد دقائق عابرة تجعله يفكر في عاقبة مايفعله ... لكن مجرد خوفه من عاقبة فعله يعتبر انه ليس مفسدا ...

فالانسان دائما يفكر في نقطة واحدة وهي ( يجب ان اقدم شيئا لمن حولي, اذا لم ينفعهم فيجب ان لا يضرهم ) ,, وبهذه القاعدة نضمن انفسنا بان نكون مصلحين واذا لم نحقق هذا البند , فيجب ان لا نكون مفسدين ,,


ارجو ان تكون معلومتي وصلت بطريقة سهلة ...

دمتي بخير

الكهف


قُلْ هَلْ نُنَبِّئُكُمْ بِالأَخْسَرِينَ أَعْمَالا

الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا

ظاهر الاية انها تتحدث عن المشركين
فهم يظنون ان منهجهم صواب بل ويسخرون من الموحدين ..
ولكنني اخشي علي الضالين من المسلمين ان يدخلوا نطاق الاية الكريمة
الدجالين والمشعوذين ...والنصابين المحترفين ..
وغيرهم ممن يظنون ما يفعلوه ذكاءاً
وألمعية .. ومقدرة وموهبة ..فيظن النصب احترافا
والمكر ذكاءا ولو كان خبثا ..والحيلة منحة حلال اينما وجهها

الاخسرين اعمالا .. هم المضلِلون .. المضلَلون
فيعتبرون الكذب لياقة ..والنفاق كياسة .. والخديعة ذكاءا
------
الخسارة تأتي دائما مرتبطة بالتجارة .. فاما ربحا واما خسارة
ولما تكون التجارة بالدنيا والاخرة .. بالجنة والنار
سعيا حثيثا للهدف المنشود ..
فان النتيجة تكون .. اما فوزا واما خسرانا مبينا

البقرة
والله يعلم المفسد من المصلح ولو شاء الله لاعنتكم ان الله عزيز حكيم

النجم
الذين يجتنبون كبائر الاثم والفواحش الا اللمم ان ربك واسع المغفرة
هو اعلم بكم اذ انشاكم من الارض واذ انتم اجنة في بطون امهاتكم
فلا تزكوا انفسكم هو اعلم بمن اتقى


ولذلك فنحن لا نزكي علي الله احدا


الاعراف
والذين يمسكون بالكتاب واقاموا الصلاة انا لا نضيع اجر المصلحين

هذا هو الاصلاح .. وهذا هو الطريق

-------

وَرَهْبَانِيَّةً ابْتَدَعُوهَا مَا كَتَبْنَاهَا عَلَيْهِمْ إِلاَّ ابْتِغَاء رِضْوَانِ اللَّهِ
فَمَا رَعَوْهَا حَقَّ رِعَايَتِهَا فَآتَيْنَا الَّذِينَ آمَنُوا مِنْهُمْ أَجْرَهُمْ وَكَثِيرٌ مِّنْهُمْ فَاسِقُونَ

نحن لا نريد انصاف الحلول ولا الاسلام يريد انصاف بشر

الراهب في الصومعة .. الناسك في الكهف .. الزهاد في الخرقة

هل هناك ابعد منهم عن ايذاء البشر ..؟؟ هل هناك اكثر منهم تعبدا واغراقا في الطاعة ؟؟
وبعدا عن المعصية .. ؟؟
هل نعتبرهم مفسدين ؟؟
كلا..

هل نعتبرهم مصلحين ... ؟؟
كلا..كلا

فاتجاههم غير مستحسن في
الاسلام وغير مطلوب


الراهب وناسك الكهف وزاهد الخرقة
لا هو بمصلح ولا هو بمفسد

هم رجال اختاروا الانفصال عن الحياة والتنكر لمعاناة البشر واحتياجهم للمساعدة
هم رجال اشتهوا لذة الانكار للبشر .. فاغرقوا في الانانية

فقالوا :
نفسي نفسي .. والطوفان من بعدي .

----

وماذا يريد الله في علاقة الناس ببعضهم ؟؟

وَلَوْلاَ دَفْعُ اللَّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ

وَلَكِنَّ اللَّهَ ذُو فَضْلٍ عَلَى الْعَالَمِينَ
--

وَلَوْلا دَفْعُ اللَّهِ النَّاسَ

بَعْضَهُم بِبَعْضٍ لَّهُدِّمَتْ صَوَامِعُ وَبِيَعٌ وَصَلَوَاتٌ

وَمَسَاجِدُ يُذْكَرُ فِيهَا اسْمُ اللَّهِ كَثِيرًا وَلَيَنصُرَنَّ اللَّهُ مَن يَنصُرُهُ إِنَّ اللَّهَ
لَقَوِيٌّ عَزِيزٌ

--

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ

وَتُؤْمِنُونَ بِاللَّهِ


هل هناك تعريف للاصلاح بين الناس اشمل من هذا

هل هناك تعريف للاصلاح ادق من هذا؟؟ هل هناك توصيف للنبوة ومهامها غير هذا ؟
قد بقي لنا لنكون انبياء ...منحة ربانية اخري .. هي الوحي الالهي ...!!

أوليس القرآن وحيا إلهياً محفوظا ....؟؟؟؟



معنا الوحي والمنهج والطريق والرسالة .. فماذا ننتظر ..
حتي نحمل الرسالة والامانة ..ونمضي في طريق الاصلاح
----


يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلا سَدِيدًا

يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعْ اللَّهَ وَرَسُولَهُ
فَقَدْ فَازَ فَوْزًا عَظِيمًا


سؤالك اختي ازهرية .. لا يعدو كونه السؤال اليومي .. صباحا ومساءا

كلنا يجب ان نستيقظ علي سؤال ..
ماذا سأصلح اليوم من شأن نفسي ومن حولي ؟؟
وقبيل النوم نتساءل .. ماذا اصلحت اليوم من امر نفسي ومن حولي
وضمنيا نساءل ضمائرنا عن أساءتنا
..
انا اليوم كنت مصلحا في نفسي وفي مجتمعي ..
وانا اليوم اسأت التصرف ولو حتي بصمتي العاجز .. او بسلبيتي العرجاء

انا اليوم قهرت ظالما ونصرت مظلوما .. ورددت حقا لصاحبه ..
وانا اليوم غضضت الطرف عن الانحراف وايذاء الناس

انا اليوم اشتريت الجنة واشتريت نفسي بهذا العمل ..
وانا اليوم .. ظلمت نفسي وضيعت جنتي بهذا الاثم ..


اسئلة ومساءلات يومية .. تحدد امرا هاما جدا ..

هل انا مصلح ام مفسد

اقتباس :

اعتقد ان من اللي حواليكي و اللي بيحصل معاكي تقدرى تعرفي انتي ايه

بس متهيالى ان ممكن يبقى اللى حواليكى بيجاملوكى يبقى اييه العمل ساعتها

مبسووووطه كتير بمرورك جوجو
ومستنياكى تانى علشان نكمل نقاش

انين الورد كلامك حلو اووى اوى
اشكرك كل الشكر على المرور الجميل

***

اقتباس :

لا يعدو كونه السؤال اليومي .. صباحا ومساءا

ماشى بس مش لازم
يعنى ابقى عارفه انا اييه
لو مفسده احاول ابقى كويسه
ولو مصلحه احاول اكتر

فاهم قصدى استاذ حسام ؟؟

بالضبط استاذ حسام

هوا دا اللى اقصده

الازهريه كتب:

اقتباس :

اعتقد ان من اللي حواليكي و اللي بيحصل معاكي تقدرى تعرفي انتي ايه

بس متهيالى ان ممكن يبقى اللى حواليكى بيجاملوكى يبقى اييه العمل ساعتها

مبسووووطه كتير بمرورك جوجو
ومستنياكى تانى علشان نكمل نقاش

عندك حق ممكن يكون اللي حواليكي ينافقك ده لو انسان
طب لو حدث مثلا هو اي حاجة تانية غير انسان يعني
يعني اكيد لو انا حد مفسد اكيد ان الدنيا عمرها ما هتيجي معايا
زى ما انا محتاجها يعني هو انا مش عارفه اقول اللي انا
عايزة اقوله ازاى بس يارب يكون قصدي وصلك

ومرة تانية بشكرك علي فكرك الرائع ده

اقتباس :

لو انا حد مفسد اكيد ان الدنيا عمرها ما هتيجي معايا
زى ما انا محتاجها

طيب انتى مش معايا ان الدنيا ساعات كتييير
بتيجى مع المفسدين

جهاد بجد مبسووطه اوى بكلامك
وهاستناكى تانى نكمل كلامنا

اقتباس :

مش لازم ياخد بكلام الناس اللي حواليه علشان
يعرف هل هو صح ولا لأ

تسدق صح يا بيبو والله فعلا كل واحد بيعمل حاجه
بيبقى عارف اذا كانت صح ولا لا
حتى لو الشيطان ضحك علينا وخلانا نتمادى فى الغلط
لكننا برضو بنبقى عارفين ان داه غلط
والشاطر بقى اللى يوقف نفسه عن الغلط

جزانا الله واياك كل خير بيبو