فراااخ بالبصل

السلام عليكم ورحمة الله وبركاته ..

الشيف أسماء ترحب بكم

احم .. مش شيف قوي ولا حاجة

هو الموضوع اني مكنتش عارفة اطبخ ايه انهردة

فا دورت على النت على طبخة سهلة وتخلص بسرعة ومن غير سمنة ولا زيت


ولقيييييت اخيييرا بعد خناقة بيني وبين النت

المهم

نبتدي

المقادير

فرخة

4 بصلة متوسطة

ملعقة ملح (أو حسب رغبتكم)

ملعقة فلفل اسود (أو حسب مزاجكوا)

بهارات (مكنتش في الخلطة انا اللي مزوداها)

ولمحبي الأكل الحار (زيي) 3 ملاعق شطة (معلقة شاي طبعا)


الطريقة

1- قطعوا الفراخ ونضفوها وحطوها في الحلة اللي هاتطبخوا فيها

2- قطعوا البصل وحطوه في الخلاط او المطحنة وحطوا عليه الملح والفلفل الأسود والشطة والبهارات ونص كوب مياه

3- واضربووووه لحد اما يبقى زي العصير

4- بعدين ادلقووووه على الفراخ وحطوها على نار هادية لحد اما تستوي

5- بعدين بقى تشيلوا الفراخ بعد اما تستوي من وسط البصل وتحطوها في صينية تحت شواية الفرن لحد اما وشها يتحمر

ولو عاوزين .. ممكن تسيحوا زبدة وتحطوها على الوش عشان تبقى محمرة جامد

وبعدين حطوا البصل جمبها في الطبق اما تيجوا تاكلوها وبالهنا والشفا



جربها وقولولي

عندي عجبتهم الحمد لله ولحد دلوقتي محدش جراله حاجة

الحمد لله ايوتة لحد دلوقتي مفييييييييش

بس ابقي اسألي عليا بقى

انا مستنية بقى يا قمر تيجي تدوقينا

وألف هنا وشفا ليكي مقدماً

نورتيني

ههههههه عسووووووووولة أسماء


تمام يا قمر

ممكن بقى بعد ما تضربيهم في الخلاط تصفيهم بالمصفى الأول قبل ما تحطيهم على الفراخ

هتقولولي ما هو لما بينضرب في الخلاط بيبقى زي الميه هقولكم بيبقى فيه برضه تفل بصل لما بيتشال بيبقى احلى في الطعم ولو نقعتيهم فترة ساعتين(البصل مع الدجاج) او اكثر قبل ما تسويه هيعطي ان شاء الله طعم احلى

تسلم ايييييييييييييدك يا قمر

masrya كتب:

بصل من جوا
وبصل من برا ايه
طبق البصل اللى وقعتينا فيه دا
يا بنوتة

عسل يا شاهي

انتي عارفة بقى البصل بيعمل ريحة حلوة

قلت اعطر لكوا المنتدى شوية

اقتباس :

لالالالالالالالالا
ماتصدقيش دى جميلة اوى
والبصل هو اللى بيديها الطعم الحلو
تسلم ايدك يا جميل
وان شاء الله بقى تجربيها والمنتدى كله معزوم عندك يدوقها

لاااا ما انا سبقتكوا قبل امااحط الموضوع

وانا يهون عليا احط لكوا وصفة مش مجرباها

انا اكلتها من هنا ولقيتها حلوة

وجيت حطيتها على طول

يلا انتوا بقى جربوها وقولولي .. او دوقوني زي ما تحبوا

تسلميلي يا حبي على المرور الجميل