عاوزة افضفض معاكوا

السلام عليكم يا احلى اصحاب

انا عارفة ان القسم المفروض نبعت فيه الرسايل عن طريق رابط "اتصل بنا" عشان مش تعرفوا المرسل

بس انا مضايقة وعاوزة تعرفوا ان انا صاحبة الفضفضة دي

طبعا كلنا عارفين قيمة الصحاب

وانا عارفاها ومقدراها جدا

وكان ليا اصحاب كتير وكانوا والله اكتر من الاخوات

لكن جت فترة كده حسيت فيها بفتور ناحيتهم

عاوزة اعرف اخبارهم واطمن عليهم ويطمنوا عليا لكن في نفس الوقت ماليش نفس اخرج وياهم ولا اقابل حد

ولا ازورهم ولا يزوروني .. ولا حتى يسألوني بقيت كده ليه .. عشان انا مش عارفة ليه فجأة بقيت كده ..

هم طبعا زعلوا مني .. وبقيت اهرب من عتابهم .. عشان بقى كتير اووووي .. ومش بقيت استحمله ..

ومش عارفة ابرر لهم موقفي .. وفي نفس الوقت مش عارفة اجي على نفسي وارضيهم وارجع زي الأول

وبقيت اهرب من مواجهتهم لحد ما بالتدريج بطلنا نتكلم خالص

انا مخنوقة والله اني بقيت كده

ومش عارفة ارجع زي الأول .. وجوايا احساس اني مش عايزة ارجع كمان

ومش عارفة ايه السبب ..

!!

لو انتوا مكانهم هاتظنوا فيا ايه؟

مش باقولك في توارد خواطر بينا يا بنوتة

انا كنت لسه هاقترح ع الادارة اننا نضيف مواضيع من عندنا

تبقي شبه الدراسات .. او المشاكل العامة اللي كلنا بنوقع فيها
--------
بصي يا ستي ..

مشكلتك عبارة عن مسألة التشبع .. بس مش اكتر

يعني فترات الصداقة الطويلة .. مع غياب التجديد او الرابط المشترك

زي العمل او الهواية .. بيعملوا كده .. وانا كمان نفس المشكلة

واي اتنين متجوزين من زماااااااان بيحصل معاهم موضوع التشبع ده

لو مفيش احتياطات

-----
كمان الاهتمامات والمشاغل .. واختلاف الاتجاهات

يعني ايام الجامعة غير الحياة العملية خاااااالص ..

الصداقات هيا توأم الدراسة .. والحياة العملية هيا توأم الاستقلالية

-----
شعوووورك مؤقت يا بنوتة ... وانتي بالتحديد عندك قدرة هايلة علي التجديد

والاحتواء ... وسعة الصدر والافق
------

احنا ما نقدرش نعيش من غير اصحاب

حاولي مرة كمان ومرة كمان .. واكيد هاتوصلي

------
واحلي تقييم للفضفضة

ازيك يا سمسمة
علي فكرة موضوعك دة بيحصل معايا احيانا
يعني مثلا ببقي ناوية ازور صاحبتي دي واروح لدي واكلم دي
بس المشكلة بقي ان الوقت مش بيسمحلي
مش عارفة هي كدة نفس مشكلتك ولا مشكلة في الشعور نفسه
عارفة طالما انتي حاسة ان دي مشكلة بالنسبة لك
يبقي انتي حاسة بتقصير من ناحيتهم
عايزة اقولك ان لو انتي فعلا باقية علي صداقتهم وحاسة انهم مش عملولك حاجة تضايقك
اعملي حاجة بسيطة قوي
اقعدي كدة علي رواقة وافتكري كل زميلاتك اللي انتي مقصرة في حقهم
واكتبي اسمهم في ورقة
وكل يوم في وقت فراغك وانتي رايقة ومبسوطة اتصلي باتنين منهم
سلمي عليهم وقوليلهم انهم واحشينك بس الظروف مش بتسمح بزيارتهم
وقتها هتبقي قطعتي عليهم مشوار العتاب
علي فكرة المكالمات بين الصديقات دي بتفرق جدا
دايما انا بتصل بزميلاتي اللي راحوا كليات تانية
حتي ولو مش صحابي قوي
بحيث اكون علاقات ودي حاجة حلوة
ما تخليش صحابك يبعدوا عنك
طالما هما بيعاتبوكي يبقوا باقيين عليكي
يبقي لازم تقدريهم ولو باتصال
لأن هييجي وقت وتلاقي نفسك محتاجالهم حتي ولو دلوقت انت حاسة بنفور ناحيتهم شوية
ولو تقدري تزوري حد منهم يبقي خير وبركة
ربنا يكرمك ويوفقك يااااارب

..بنوتة وبس.. كتب:: انا مخنوقة والله اني بقيت كده

ومش عارفة ارجع زي الأول .. وجوايا احساس اني مش عايزة ارجع كمان

ومش عارفة ايه السبب ..

!!

لو انتوا مكانهم هاتظنوا فيا ايه؟

والله شئ جميل انكي تبوحين بماداخل
ولكن مايحيرني ان لا تعرفين كيفية الرجوع اليهم وبكي احساس انك لن ترجعي الى ماكنت عليه

والله انا برايي اذا كانت تلك الصحبة على خير واحسبها كذلك
فتاكدي تماما منهم الشوق الى تلك الايام
والله لن تصدقي لو اخبرتكي ان منذ ثلاثة ايام قابلت صحبة لم اقابلها منذ ستة اعوام
ولن ااستطيع ان اوصف لكي الشعور الذي كان متبادل بننا وقت ماالتقينا
انا اعرف ان موقفك مختلف لانكي كنتي تتهربين منهم
ولكن لو كانت فعلا صحبة خيركمااتمنى فتيقني انهم سوف يسامحوكي

فعلا لوكنا في مكانهم سوف يكون هناك بعض العتاب اذا كانو صحبة خير فعلا
واما اذا كانو غير ذلك فاسمحي لي ان اقول لكي امضي قدما ولا تنظري الى ما فات
وتيقني ان الله سبحانه وتعالى سيعوضكي بصحبة خير منها
ودومتي بخير

اممممممم
المشكلة هنا فى راى يا بنوتة انك انسحبتى من غير اسباب او اعذار ودة حاجة تزعل اصحابك
لان الانسحاب المفاجئ دة شعور وحش جدا

عارفة لو عندك عذر ان مثلا الصديق دة عمل حركة نداله او غيروا برضو ماينفعش تسيبية فاجئة لازم ترجعيلة وتقوليلوا لعل يوجد سوء تفاهم بس المهم اوى فى دة التوقيت يعنى مش اى وقت اقولوا لازم اختار اكتر الاوقات مناسبة للموقف

فى راى حاولى تتكلمى معاهم وتتمشى معاهم فى مكان غير المعتاد وتتكلمى معاهم فى مواضيع مختلفة غير المعتاد برضو بحيث يوجد تغير

وانا اتفق مع حبيبى حسام فى رايو

اقتباس :: مشكلتك عبارة عن مسألة التشبع .. بس مش اكتر

بجد مش عارفة اشكركوا ازاي على اهتمامكوا دا

فعلا كل مدى بتثبتولي انكوا احلى اصحاب

:::::::::::::::::::::::::::::::::::

اقتباس :: مش باقولك في توارد خواطر بينا يا بنوتة

انا كنت لسه هاقترح ع الادارة اننا نضيف مواضيع من عندنا

تبقي شبه الدراسات .. او المشاكل العامة اللي كلنا بنوقع فيها

ليا الشرف ان افكاري يبقى فيها شئ من افكارك والله يا حسام

ما شاء الله عليك بتعجبني طريقة تفكيرك وتنظيمك لكلامك

اقتباس :: مشكلتك عبارة عن مسألة التشبع .. بس مش اكتر

يعني فترات الصداقة الطويلة .. مع غياب التجديد او الرابط المشترك

زي العمل او الهواية .. بيعملوا كده .. وانا كمان نفس المشكلة

واي اتنين متجوزين من زماااااااان بيحصل معاهم موضوع التشبع ده

ممكن والله يكون دا سبب من الأسباب

بس انا كان ليا اكتر من خمس اصحاب وكلنا كنا شلة واحدة

وكنا اكتر من اخوات

هايحصل تشبع فجاة كده؟؟

وعلى فكرة هو انا باقول اخوات عشان الاخوات المفروض بيتقبلوا بعض على علاتهم

يعني اللي يشوفنا من بعيد ممكن يقول دول ازاي اصحاب

كل واحد ليه ميول وكل واحد ليه تفكير

حتى اساليب تربيتنا مختلفة

لكن الحمد لله كلهم بنات مؤدبة ومتربيين كويس

بس اللي جمعنا اننا كنا بنحب بعض بجد وبنخاف على بعض من قلبنا بجد

اقتباس :: لو مفيش احتياطات

فرصة بقى حسام ابقى قول لي ايه هي الاحتياطات عشان اذا ربنا جعلي رزق في زواج مش اطفش من الراجل هو كمان عاوزة افضفض معاكوا 918493

اقتباس :: كمان الاهتمامات والمشاغل .. واختلاف الاتجاهات

يعني ايام الجامعة غير الحياة العملية خاااااالص ..

الصداقات هيا توأم الدراسة .. والحياة العملية هيا توأم الاستقلالية

كلامك مظبوط .. وفعلا دا اللي الواقع

يعني انا مش عرفت اعمل اصحاب في الجامعة زي اصحابي دول

انا وهم اصحااب من اولى ثانوي

لكن التغيير جه منين ..دا بجد اللي بحاول اوصل ليه من فضفضتي معاكو هنا

اقتباس :: شعوووورك مؤقت يا بنوتة ... وانتي بالتحديد عندك قدرة هايلة علي التجديد

والاحتواء ... وسعة الصدر والافق

ياريت بجد يكون مؤقت .. انت مش عارف انا باتمنى ان يكون كده قد ايه

بس المشكلة ان كل ااما يوحشوني واجي اكلمهم .. احس انها مهمة تقيلة على قلبي جداااااااا

واكسل انفذها لحد اما اليوم يعدي وبعده أيام وهكذا .. ولو اتغلبت عليه مرة بارجع اغيب تاني ..وباحس اني باخلف وعدي لاني مش بانفذ كلامي معاهم لما باوعدهم اني مش هاختفي تاني ..

اقتباس :: احنا ما نقدرش نعيش من غير اصحاب

حاولي مرة كمان ومرة كمان .. واكيد هاتوصلي

فعلا بجد يا حسام .. الاصحاب نعمة كبيرة ..

بس عارف .. العتاب ساعات بيكون جميل ..

بس ساعات بيعمل عوائق كتير وبيبني سدود .. لما الشخص اللي قدامك ممكن يحس انه بقى حاجة تقيلة عليه .. لما يكون زيي كده مش لاقي مبرر .. !

مش عارفة اشكرك ازاي يا حسام على مرورك .. وسعة صدرك .. قرائتك لمشكلتي .. اللي مش باعتبرها مشكلة جمب مشاكل اهم كتير ..

احييكي بنوووتة في الاول على طرحك لمشكلتك
---------
بالنسبة للمشكلة اللي مزعلاكي اجابتها معاكي
بكل سهوولة بس محتاجة انك مش تهربي منها
يعني عندنا اختيارات تسهلك الاجابة ولازم تعرفي

- ممكن يكون حصل حاجة زعلتك منهم
- ممكن تكون ظروف العمل ومشاغل الحياة
- ممكن تكوني لقيتي اللي يعوضك عنهم

لو عرفتي تحددي حاجة خلتك تبعدي عنهم
يبقى اكيد هتوصلي للحل وتعمليه واعتقد
انتي مش محتاجة نقولك تعملي ايه في الخطوة اللي بعد كده...

وانا لو مكانهم بصراحة ولقيت التجاهل ده من غير
سبب ولا تبرير اكيد هزعل علشان مش عارف ليه
علشان كده بقولك لازم تحددي ليه علشان توصلي
للمرحلة اللي بعدها وهيا انك تتصرفي يا اما ترجعي
العلاقة تاني يا اما هتتصرفي بناءا على انك عرفتي
ليه انتي سبتيهم وفي الحالتين انتي هتستريحي ...

اقتباس :: ازيك يا سمسمة

انا بخير الحمد لله

مشكورة أيه حبيبتي على اهتمامك

اقتباس :: علي فكرة موضوعك دة بيحصل معايا احيانا
يعني مثلا ببقي ناوية ازور صاحبتي دي واروح لدي واكلم دي
بس المشكلة بقي ان الوقت مش بيسمحلي
مش عارفة هي كدة نفس مشكلتك ولا مشكلة في الشعور نفسه

والله يا أيه هو اوقات بيبقى الوقت مش بيسمح

فيه اوقات بابقى عاوزة اختلي بنفسي واركز في حياتي الخاصة بعيد عن الاصحاب

عشان انا لو في حاجة شغلاني .. مش باعرف اشارك حد فيها او حد يفكر معايا الا اما اخلص تفكير واوصل لقرار

ساعتها ممكن اخد رأي اللي حواليا انفذه ولا لأ

وانا باعمل كده مش عدم ثقة فيهم

لكن بخاف اتاثر برأي حد في حاجة تخصني وحاجة بتقرر مصيري

ويمكن فعلا الفترة اللي بعدت عنهم فيها كانت في حاجات كتير بتتغير في حياتي

وكان لازم اركز فيها واخد قرارات كتير من غير تأثيرات خارجية

وكنت اما اغيب وارجع اكلمهم

بقت ك مكالماتهم عتاب × عتاب

واحنا خمسة اصحاب بقى يا ايه شوفي لما الخمسة يتلموا عليا عاوزة افضفض معاكوا 817273

اقتباس :: عارفة طالما انتي حاسة ان دي مشكلة بالنسبة لك
يبقي انتي حاسة بتقصير من ناحيتهم
عايزة اقولك ان لو انتي فعلا باقية علي صداقتهم وحاسة انهم مش عملولك حاجة تضايقك
اعملي حاجة بسيطة قوي
اقعدي كدة علي رواقة وافتكري كل زميلاتك اللي انتي مقصرة في حقهم
واكتبي اسمهم في ورقة
وكل يوم في وقت فراغك وانتي رايقة ومبسوطة اتصلي باتنين منهم
سلمي عليهم وقوليلهم انهم واحشينك بس الظروف مش بتسمح بزيارتهم
وقتها هتبقي قطعتي عليهم مشوار العتاب
علي فكرة المكالمات بين الصديقات دي بتفرق جدا
دايما انا بتصل بزميلاتي اللي راحوا كليات تانية
حتي ولو مش صحابي قوي
بحيث اكون علاقات ودي حاجة حلوة

ماهي لو واحدة كلمتها الباقي لازم اكلمه

وكمان بيني وبينك يا ايوتة انا مش ليا في كلام التليفونات خاااااااالص

يعني ممكن اقعد اكلمك على الميل او اقعد معاكي في مكان بالساعات

بس مش عارفة ايه العداء اللي بيني وبين التليفون دا

بس مش دي المشكلة

المشكلة اني عملت زي ما انتي بتقولي كده قبل كده

وكذا مرة

لكن بارجع تاااااااااااااااني اقطع

بالذات زي ما قلتلك لما يكون في حاجة مهمة شغلاني ..!

عارفة كلامي ممكن مش يكون مقنع

حتى انا نفسي لما افكر الاقي نفسي مش مقتنعة ان دي اسباب

لكن مش عارفة في حاجة بتمنعني كل ما ارجع اكلمهم تاني

اقتباس :: ما تخليش صحابك يبعدوا عنك
طالما هما بيعاتبوكي يبقوا باقيين عليكي
يبقي لازم تقدريهم ولو باتصال
لأن هييجي وقت وتلاقي نفسك محتاجالهم حتي ولو دلوقت انت حاسة بنفور ناحيتهم شوية
ولو تقدري تزوري حد منهم يبقي خير وبركة

اكيد باقيين عليا وانا متأكده من كده
ربنا يهديني ويبين لي سبب الضيق اللي انا فيه

اقتباس :: ربنا يكرمك ويوفقك يااااارب

جزاك الله كل خير يا حبيبتي على الدعوة الحلوة دي

ربنا يجعلنا كلنا نصيب منها

اقتباس :: والله شئ جميل انكي تبوحين بماداخل
ولكن مايحيرني ان لا تعرفين كيفية الرجوع اليهم وبكي احساس انك لن ترجعي الى ماكنت عليه

والله انا برايي اذا كانت تلك الصحبة على خير واحسبها كذلك
فتاكدي تماما منهم الشوق الى تلك الايام
والله لن تصدقي لو اخبرتكي ان منذ ثلاثة ايام قابلت صحبة لم اقابلها منذ ستة اعوام
ولن ااستطيع ان اوصف لكي الشعور الذي كان متبادل بننا وقت ماالتقينا
انا اعرف ان موقفك مختلف لانكي كنتي تتهربين منهم
ولكن لو كانت فعلا صحبة خيركمااتمنى فتيقني انهم سوف يسامحوكي

مشكور يا باشمهندس أيمن على اهتمامك

وفعلا انا حسيت كلامك دا وباشتاق فعلا لأيامي معاهم وذكرياتنا سوا

خصوصا اننا اصدقاء من أيام المدرسة

واتمنى فعلا انهم مش يكونوا زعلانين مني

لكن خوفي مش من عدم مسامحتهم ليا .. ولكن خوفي من نفسي اني لو رجعت معاهم تاني ارجع اقطع ويزعلوا تاني

اقتباس :: فعلا لوكنا في مكانهم سوف يكون هناك بعض العتاب اذا كانو صحبة خير فعلا
واما اذا كانو غير ذلك فاسمحي لي ان اقول لكي امضي قدما ولا تنظري الى ما فات
وتيقني ان الله سبحانه وتعالى سيعوضكي بصحبة خير منها
ودومتي بخير

جزاك الله كل خير يا باشمهندس

واتمنى من الله أن يرشدني للتصرف السليم

NO WAY كتب:

اممممممم
المشكلة هنا فى راى يا بنوتة انك انسحبتى من غير اسباب او اعذار ودة حاجة تزعل اصحابك
لان الانسحاب المفاجئ دة شعور وحش جدا

عارفة لو عندك عذر ان مثلا الصديق دة عمل حركة نداله او غيروا برضو ماينفعش تسيبية فاجئة لازم ترجعيلة وتقوليلوا لعل يوجد سوء تفاهم بس المهم اوى فى دة التوقيت يعنى مش اى وقت اقولوا لازم اختار اكتر الاوقات مناسبة للموقف

فى راى حاولى تتكلمى معاهم وتتمشى معاهم فى مكان غير المعتاد وتتكلمى معاهم فى مواضيع مختلفة غير المعتاد برضو بحيث يوجد تغير

وانا اتفق مع حبيبى حسام فى رايو

اقتباس :: مشكلتك عبارة عن مسألة التشبع .. بس مش اكتر

المشكلة يا عمرو هنا اني انا مش عارفة المبرر

ومش عارفة اقول لهم ايه

ولو رجعت اكيد هايعاتبوني زي كل مرة

طيب ردي على عتابهم هايكون ايه

ومش عارفة بجد يا عمرو السبب وبجد ما حصلش منهم حاجة تسبب القطيعة دي

بس لما رجعت المرات اللي فاتت وحاولت ارجع زي الاول واخرج

ما بقتش باتبسط

وحاسة اني بأدي واجب ..!

اه مبسوطة اني باطمن عليهم وباعرف اخبارهم

لكن من الناحية الاجتماعية .. مش حاسة بأي فرحة ولا سعادة ..

كلامك كله مظبوط وصح

وياريت اقدر انفذ اقتراحك

جزاك الله كل خير على اهتمامك

ومناقشتك الجميلة

شكرا ليك بيبو على اهتمامك وتشريفك الموضوع

اقتباس :: بالنسبة للمشكلة اللي مزعلاكي اجابتها معاكي
بكل سهوولة بس محتاجة انك مش تهربي منها
يعني عندنا اختيارات تسهلك الاجابة ولازم تعرفي

- ممكن يكون حصل حاجة زعلتك منهم
- ممكن تكون ظروف العمل ومشاغل الحياة
- ممكن تكوني لقيتي اللي يعوضك عنهم

بجد انت سهلت عليا كتير

ومتهيالي انهم اخر حاجتين

هو اكيد بتحصل بين الاصحاب حاجات تزعل

لكن الحاجات اللي كانت بتحصل بيننا وتزعلنا مش هي دي اللي كانت ممكن تفرقنا

زي ما بتقول : ظروف العمل ومشاغل الحياة

عشان كمان مش كلنا بقينا فاضيين في نفس الأوقات

ومش كلنا بقينا عندنا نفس البال الرايق بتاع زمان

وظروفنا الاسرية اختلفت

وكمان زي ما بتقول : لقيت اللي يعوضني

وتصدق بالله

اول مرة الاحظ ان دا ممكن يكون سبب

هو كان حصل ان التزمت شوية عنهم في فترة من الفترات

وبالتالي في حاجات كتير بطلت اعملها

عادات خاطئة ربنا هداني وبطلتها

لكن هم مازالوا معتقدين بصحتها

وانا عارفة اني لو نصحتهم بشكل مباشر مش هايتقبلوا فاكتفيت اني بقيت اتكلم عن نفسي اني بطلت اعمل كذا

عشان حكمه كذا وكذا

ولكن لاحظت انهم بقوا حساسين اوي من الناحية دي

برغم اني كنت باتجنب النصح بشكل مباشر

بقوا يعاملوني اني "الشيخة" واي حاجة اقولها ياخدوها على محمل اني مستحرمة اللي بيعملوه

اقتباس :: لو عرفتي تحددي حاجة خلتك تبعدي عنهم
يبقى اكيد هتوصلي للحل وتعمليه واعتقد
انتي مش محتاجة نقولك تعملي ايه في الخطوة اللي بعد كده...

وانا لو مكانهم بصراحة ولقيت التجاهل ده من غير
سبب ولا تبرير اكيد هزعل علشان مش عارف ليه
علشان كده بقولك لازم تحددي ليه علشان توصلي
للمرحلة اللي بعدها وهيا انك تتصرفي يا اما ترجعي
العلاقة تاني يا اما هتتصرفي بناءا على انك عرفتي
ليه انتي سبتيهم وفي الحالتين انتي هتستريحي ...

طيب انا اهو يمكن اكون عرفت السبب

اني مش عاوزة اخسر شوية الالتزام اللي انا كسبتهم ومش عاوزة احسسهم انهم اقل مني .. لأنهم فعلا ممكن يكونوا احسن مني في حاجات تانية كتير .. والعبرة بالنية والاعمال خواتيمها..

طيب انا افهمهم ازاي النقطة دي من غير اما اجرح شعورهم

واقول لهم ايه عشان يفهموا اني بابقى عاوزة اطمن عليهم لكن مبقاش ينفع ان يبقى فيه اختلاط بيننا زي الاول

وصعب اني افضل معاهم واقول لنفسي يمكن انا اقدر أأثر عليهم واشدهم معايا

لأني بصراحة مش ضامنة واخاف اني أقل تاني

بجد يا بيبو متشكرة اوي اوي على الاهتمام وردك اللي قدملي مساعدة كبيرة

جميل جدا الكلام انتي كده يعتبر حددتي بالظبط
السبب اللي خلاكي تبعدي عنهم ويحصل كده
الأول اللي هي مشاغل الحياة وده طبيعي بيحصلنا
كلنا بس برضه مش هو الأساسي اللي يخلينا
نبعد اوووي عن اصحابنا وعلاقتنا تنقطع بيهم ،
التاني وهو المهم والي هنتكلم فيه وهو انك فعلا وصلتي
لأنك لما التزمتي وبدأتي انك تبعدي عن حاجات
خاطئة لأنك عرفتي الصح واتبعتيه وبعد ما عملتي كده
لقيتي انك محطوطة قدام اختيار صعب وهو انك لازم
تنصحي صحابك دول علشان يبقوا زيك او يفهموا الصح
وبالتالي مش تخسريهم وتساعدوا بعض على الطاعة
طيب جيتي تقوليلهم ولقيتي ان الموضوع صعب ولقيتي
ان في فهم خاطئ منهم وممكن يكونوا ما تقبلوا النصح
منك وزي ما بتقولي اعتبروكي (( شيخة )) ..

طيب هنا لازم نقف هما ما تقبلوش ده لأنك مش عرفتي تنصحيهم
ولا علشان هما مش عايزين يقتنعوا ويتقبلوا النصح ؟؟

من خلال كلامك لقيت انك اخدتي اسلوب مناسب وهو عدم
التوجيه المباشر علشان الحساسية والاستجابة وبرضه مش
اقتنعوا ولا سمعوا يبقى هما مش عايزين يسمعوا ..
طيب كده نيجي للمهم ان صحابي مش عايزين يسمعوا وخلاص
حطوا في دماغهم ان اسماء بتعمل علينا شيخة بالتالي انتي
حسيتي انك لو فضلتي معاهم هترجعي تاني وما عرفتي تتوصلي
لحل تاني انك مثلا تفضلي معاهم وتنصحيهم لحد ما يسمعوا ...

طيب اقولهم ايه علشان يفهموا ؟؟؟
بصي انتي اخدتي طريق ربنا والتزمتي بالصح وده مش يزعل حد
بس لازم برضه يكون في طريقة حلوة نوصلهم بيها كده
اعتقد افضل طريقة انك تتعاملي من بعيد لبعيد عن طريق
السؤال عليهم والاطمئنان عليهم من فترة للتانية وتحاولي في
كل مرة انك تلمحي باسباب البعد عن طريق غير مباشر
ومرة في مرة هيحسوا انك فعلا عايزاهم بس في الصح
وفي اللي يرضي ربنا واكيد بإذن الله هيوصلهم الاحساس ده
لما يلاقوكي بتسألي عليهم ولسه بتتطمني عليهم وممكن كمان
تلاقي منهم اللي قرب منك والتزم معاكي ....
اعتقد دي انسب طريقة وابتعدي عن المواجهة المباشرة ...

بصى يا بنوته
وااااااااااااضح جدا جدا من كلامك ام بعدكوا عن بعض او فتورك من ناحيتهم بسبب انك حاسه ن ثقافتك مغايره عنهم
ثم عليك ان تتأنى و انتى تحتاجين قليلا من الحكمه فى مثل ذلك
فعليك مثلا اولا تطرحى على نفسك سؤال و هو هل هم يستحقون ما تكنين لهم من الحب ؟
و هل هم يستاهلوا صداقتك و حبك ليهم و حرصك عليهم هذا ؟
و يا ترى و انتى بتفكرى فيهم و طارحاهم كمشكله عندك بين صحابك و موضوع شاغلك هما بيكونوا عاملين ازاى ؟
عليك بهذا البيت
لا اشتهى وصل من يبغى مفارقتى ** ولا الين لمن لا يشتهى لينى
اما اذا كان الامر متعلق بانشغالك عنهم لدراسه مثلا او عمل فأنا اؤكد لك ان مشاعرك تجاههم لم و لن تتغير
و اما مسأله النصح فعليكى الاتضجرى من مثل ذلك و عليك بالنصح و المداومه عليه اذا امنتى الفقتنه اما اذا لم تأمنيها او المتغيرات اللى حاصله بينكوا اخلاقيه فعليكى انتى بالابتعاد
و بالنسبه لأحساسك بأنك مش عاوزه ترجعى متمشيش وراه و حاولى انتى تبدأى بالسؤال و بعد كدا تقررى انتى عاوزه تكملى ولا لأ لأن مش دايما الاحساس يبقى صح
و اخيرا انصحك بأنك تتصلى بيهم و اكيد انتى اللى هتقدرى تقررى بعد كدا تكملى ولا لا و انصحك تستخدمى قليلا من الحكمه و التأنى و انتى بتكلميهم
يعنى بالعربى بلاش تندلقى عشان ميفهموش غلط

أنا قلت أرفع الموضوع علشان تشوفيه يا اسماء

beebooo2008 كتب:: أنا قلت أرفع الموضوع علشان تشوفيه يا اسماء

بصراحة نسيت اني مضايقة خالص من ساعة اما اديتوني وسام التميز

وأسفة بجد اني مش رديت عليك انت ومنتظر عاوزة افضفض معاكوا 891983

نيجي لكلامك يا بيبو

اقتباس :: اعتقد افضل طريقة انك تتعاملي من بعيد لبعيد عن طريق

السؤال عليهم والاطمئنان عليهم من فترة للتانية وتحاولي في
كل مرة
انك تلمحي باسباب البعد عن طريق غير مباشر
ومرة في مرة هيحسوا انك
فعلا عايزاهم بس في الصح
وفي اللي يرضي ربنا واكيد بإذن الله هيوصلهم
الاحساس ده
لما يلاقوكي بتسألي عليهم ولسه بتتطمني عليهم وممكن كمان
تلاقي
منهم اللي قرب منك والتزم معاكي ....
اعتقد دي انسب طريقة وابتعدي عن
المواجهة المباشرة ...

كلامك كله جميل يا بيبو والله

وساعدني كتير على ترتيب تفكيري

هو انا حاولت قبل كده اعمل الموضوع دا بس حسيت اني باتأثر وانهم مش متقبلين اني احد علاقتي بيهم

بس يمكن يكون احساس جوايا او بيتهيألي عشان كنت مضايقة

عموما هحاول مرة تانية وربنا يسهل

بجد ألف شكر يا بيبو على نصيحتك واهتمامك

وأسفة مرة تانية على التأخير عاوزة افضفض معاكوا 764206

::::::::::::::::::

اقتباس :: فعليك مثلا
اولا تطرحى على نفسك سؤال و هو هل هم يستحقون ما تكنين لهم من الحب ؟
و
هل هم يستاهلوا صداقتك و حبك ليهم و حرصك عليهم هذا ؟
و يا ترى و انتى
بتفكرى فيهم و طارحاهم كمشكله عندك بين صحابك و موضوع شاغلك هما بيكونوا
عاملين ازاى ؟
عليك بهذا البيت
لا اشتهى وصل من يبغى مفارقتى ** ولا
الين لمن لا يشتهى لينى

لا هم بصراحة يستاهلوا كل خير
وكانوا صحبة جميلة وبيحبوني بجد وانا عارفة
وهم زعلانين اني بعدت ومتاكده برضه من كده

اقتباس :: اما اذا كان الامر متعلق بانشغالك عنهم لدراسه
مثلا او عمل فأنا اؤكد لك ان مشاعرك تجاههم لم و لن تتغير
و اما مسأله
النصح فعليكى الاتضجرى من مثل ذلك و عليك بالنصح و المداومه عليه اذا
امنتى الفقتنه اما اذا لم تأمنيها او المتغيرات اللى حاصله بينكوا اخلاقيه
فعليكى انتى بالابتعاد
و بالنسبه لأحساسك بأنك مش عاوزه ترجعى متمشيش
وراه و حاولى انتى تبدأى بالسؤال و بعد كدا تقررى انتى عاوزه تكملى ولا لأ
لأن مش دايما الاحساس يبقى صح
و اخيرا انصحك بأنك تتصلى بيهم و اكيد
انتى اللى هتقدرى تقررى بعد كدا تكملى ولا لا و انصحك تستخدمى قليلا من
الحكمه و التأنى و انتى بتكلميهم
يعنى بالعربى بلاش تندلقى عشان
ميفهموش غلط

جزاك الله كل خير يا منتظر على مساعدتك ليا واهتمامك

وان شاء الله هاحط كلامك دا كله في اعتباري

وربنا يلهمني التصرف السليم

وأسفة بجد اني اتاخرت في الرد عليك عاوزة افضفض معاكوا 764206

:::::::::::::::::

مشكورين احلى اصحاب على الاهتمام الجميل دا

والله مش عارفة اشكركوا ازاي

ربنا يكرمكوا كلكوا ويخليكوا

ويديم بيننا الصحبة الجميلة دي في الخير

لالالا ولا يهمك يا اسماااااء
انا قلت ارفعه بس علشان لو لسه مضايقة
نساعدك انك تلاقي حل ..
لكن الحمد لله انك احسن دلوقتي
ويارب مبسوووطة دايما ..

والله انتوا بجد ساعدتوني كتيييير اوي

ربنا يخليكوا ليا

وان شاء الله يديم الود بيننا

واكيييد طبعا مبسوطة دايما وانا في وسطكوا

عاوزة افضفض معاكوا 486218

ولا يهمك اسماء
احنا فى الخدمه
انا الصبح طالب علم
و باليل اسامه منير
اى حد عنده مشاكل انا تحت امره
عاوزة افضفض معاكوا 873394

اقتباس :: بس المشكلة ان كل ااما يوحشوني واجي اكلمهم .. احس
انها مهمة تقيلة على قلبي جداااااااا

اجمل مافي الصداقة .. الالفة والحنين ..
وبمجرد اللقاء .. تطفو الذكريات الجميلة علي السطح
وتغطي كل ما فات ..
حتي الصدامات .. حتي المضايقات .. حتي الجروح

وما يبقي .. هو دائما .. الذكري الجميلة
هذا ما يجعلنا نبتهج عندما نري صديقا قديما عزيزا
علي الفور نذكر كم كان رفيقا .. حنونا .. مرحا
وكم تشاركنا الحياة معا .. واقتسمناها
فرحنا معا .. وواسينا انفسنا
فهذه هي الدنيا .. يوم صافية .. ويوم جافية
--------
الناس عندما تصفو ... تصبح ملائكة
واذا غابوا عن النظر .. ابدا لا يغيبون عن الخاطر
وخصوصا اذا كانوا بمثل هذا النقاء والصفاء والالفة
--------
نتمني علي الله .. ان تكون حياتك بافضل حال
وسعادة ورضا

بصى يا اسماء انا طبعا ما اقدرش اقول حاجه بع الكلام اللى اتقال ده كله
ولكن ممكن اقول حاجه بسيطه انتى لما بتكونى بتحبى حد قوى لما تفارقى بتبقى مشكله كبيره فى البدايه وتقعدى تسألى نفسك هى ليه بعدت عنى بس بعد مده من الفراق ده ممكن تتأقلمى انا تعيشى من غيره وهوه ده اللى حصل لاصحابك
وللاسف انهم لما كانوا بيحولوا يتقربوا منك كانوا بيبدأوا القاعده بعتاب فكنتى انتى ترجعى تانى و تبعدى عنهم
بس انتى لو بجد عايزه ترجعلهم تانى كلمى اقرب واحده ليكى فيهم تقدر تسمعك وتحسى بيهم و بلاش تكلميها على التليفون علشان العقده بتعتك كلميها با ستى على الشات واحكى معاها بصراحه بكل اللى فى قلبك وقليلها هى اللى تفهم اصحابك بكل اللى حصل و ان شاء الله ترجعوا لبعض تانى
اه صحيح ممكن حتة انك كنتى بترجعلهم وتخرجى معاهم و ما تستريحيش وتبعدى تانى انك كنتى ما بتلاقيش الاهتمام بيكى زى الاول ما كنتيش كتير بتخشى معاهم فى الحوار فحسيتى ان هما نسيوكى فبعدتى
ويا رب اكون قدرت اوصلك قصدى و يكون فى حاجه كده فلتت وافدتك
وبعدين هوه احنا مش اصحابك ولا ايه يا سوما ....طبعا .. طبعا عارفه صداقة العمر بتبقى عامله ازاى
ربنا يهديكى ليهم و يهديهم ليكى و ترجعوا احلى من الاول باذن الله sm 88

بارك الله فيكم
تحياتي لكم

شو يا ملاك
شو كاتبه

بالغلط ههههههههههههههههههههههه

بسيطة براحتك يا عمري

يسلملي عمرك يا رب