انا مش مصاحبه بس مش معقده

هو انا معقده ؟؟؟؟

اقولكم الحكايه من الاول لو غلطانه قولولي

كنت قاعده مع زمايلي في الجامعه وكل واحده بتتكلم عن صاحبها وانا كنت قاعده ساكته مش بتكلم فاغلبا لاحظوا اني مش بشاركهم في الكلام دا
راحت واحده سالتني هو انتي متخنأه مع صاحبك و لا ايه ؟

قلت لها لا انا مش بصاحب

زي مايكون عملت جريمه

كل واحده من اللي قاعدين بدأت تبصلي بطريقه غريبه و كأني انا خارجه من فيلم ابيض و اسود

وبدأت الاتهمات

اني معقده

وموضه قديمه

و مش ليه فيه

و يأما واخده صدمه من واحد قبل كده

طبعا ساعتين اقنع فيهم اني مش كده بس مييين يفهم

كل الحكايه اني بحافظ علي نفسي و بحترم العادات و التقاليد اللي احنا متربين عليها و قبل دا كله الدين

ابقي كده عملت ايه علشان يتقال علياه معقده ؟؟؟

مش انا لوحدي اللي كده انا و بنات كتيييييييير بنعاني من الموضوع دا

احنا مش معقدين و للا موضه قديمه و ولا واخدين مقلب من حد

احنا بس

مش مصاحبين

ايه رأيكووو.....

منقوووول من الفيس بوك

كان في مرة ملك مفتري .. ومتسلط علي شعبه ..
المهم .. ربنا رزقه بولد جميل .. بس يا خسارة .. الولد طلع بودن واحدة ..!!
يعمل ايه الملك علشان ماحدش يعاير ابنه ...!!
علي طول قرر يقطع ودن الاطفال الموجودين كلهم .. وبالتالي ماحدش يبقي احسن من حد
وبالفعل نفذ الامر الجبار .. وكل اطفال البلد اصبحوا بودن واحدة ..!!
وبعد شوية سنين كتير .. زار البلد ولد غريب .. وطبعا الولد الغريب كان بودنين ..!!

ولما الاطفال شافوه .. ضحكوا عليه وقالوا :
شوفوا الواد ابو ودنين .....!!

هيا دي المسألة .. الفساد لما ينتشر ويصبح عادة مألوفة بين الناس ..

هل يصبح الفساد .. قاعدة..!! ويبقي الصلاح .. شاذ ونشاز ..!!

وهل الكثرة تعني الجودة و المصداقية والشرعية والقاعدة ..؟؟؟؟

تعالوا نشوف نفس الكلام ده ..بس قصة حقيقية مش خيالية ..

قصة قوم لوط ..لما قالوا :

" اخوجوا آل لوط من قريتكم .. انهم أناس يتطهرون "

فكأن الطهارة صارت عيبا ونقصا وشذوذا عن القاعدة العريضة ..
وتستحق الطرد والنفي من المجتمع ..!!

طيب ايه المقصود من كلامي .. ؟؟

" عليكم انفسكم لا يضركم من ضل اذا اهتديتم "

هذه هي الاجابة ..علي الاسئلة السابقة .. التي الخصها في آية قرآنية :

" وما اكثر الناس ولو حرصت بمؤمنين " .. وبالتالي

" عليكم انفسكم لا يضركم من ضل اذا اهتديتم "

ولو حد سألني :

طيب تفتكر ايه هيا نظرة الناس الوحشين .. للناس الملتزمين ..؟؟

هاقول علي طول :

" نبئنا بتأويله .. انا نراك من المحسنين .. "

هذه هي النظرة الحقيقية لكل الملتزمين ..

فبرغم ان يوسف كان مسجونا .. ومتهما بتهمة لا اخلاقية بالمرة ( وهو منها براء )

الا ان المجرمين المسجونين معه ( وكانا نموزجين منحرفين ) ..

الا انهما رأيا الصلاح علي يوسف .. وظهرت نظرتهما الحقيقية له ..

عندما وقعا في الضيق والكرب .

انا نراك من المحسنين ..( برغم ان ثلاثتهم مسجونون )

اذن .. مهما سخر المنحرفون .. من الملتزمين ..

الا انه يبقي في انفسهم دائما حسد وغيرة منهم

دائما وابدا ..

يتمني الجميع ان يكونوا صالحين .. هذه هي الفطرة

" ربما يود الذين كفروا لو كانوا مسلمين "

وعندما يفشلون في اصلاح انفسهم .. ويجدون الصلاح شيئا صعبا

فهم يرون ان الاسهل .. قلب المبدأ ..

ليصبح الفساد .. تناغما وتماشيا وانسجاما مع الواقع

وان فشلوا امام المنطق والقدوة السليمة .. فانهم يحاولون اغواء الصالحين الملتزمين

حتي يكون الجميع سواء .. فلا يصبح لاحدهم فضل .. وللاخر جريمة ومعرة

" ودوا لو تكفرون كما كفروا فتكونون سواء "

" ودوا لو تدهن فيدهنون "
------

تسلم ايديكي علي الموضوع القوي جدا ده يا فتاة الاسلام ..

قضية مهمة جدا .. ودمتم بخير

بصى هاله علشان اكون صريحه .. يمكن انا فى حياتى
مش قابلت اصحاب كدا بس انا هاتكلم على الموضوع
فى مدار اوسع شويه وهوا الغلط نفسه ايان كان
الغلط اللى بقى كتير من اللى حواليكى بل الاغلبيه
العظمى متصوره انا عاادى ولما تقولى ازااى
تعملو كده يتقالك ماهو دا العادى وكانك انتى اللى
مش طبيعيه او متخلفه او من زمن غير الزمن
والمشكله ان للاسف بقى كتير دلوقتى متخيل
ان بتقدم الزمن تزول الاخلاق وتختفى وداه
طبعا مستحييل ..
فاللى عايزه اقوله ان اذا كان الغلط حوالينا بقى هوا العادى
فاحنا بقى مش عادى .. احنا بنات النبى صلى الله عليه وسلم
ولازم منبقاش عادى

ربنا يهدينا جميييييعا
موضوعك فى قمة الروعه والجمال والاهميه هاله
ومؤكد احلى تقييم

يسلمووووو كتير
موضوعك روووعة
نتظر ما هو جديد