| الرسالة الثانية بعنوان (محتاجة رأيكم) | |
|
+6رشا AMR ياسمينا مواطن مصري المنتظر لبلاد الافراح a white rose 10 مشترك |
كاتب الموضوع | رسالة |
---|
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: الرسالة الثانية بعنوان (محتاجة رأيكم) الخميس فبراير 25, 2010 8:13 am | |
| السلام عليكم
عندي مشكلتين انا مخطوبه وخطيبي اتعلقت بيه جدا وحبيتو من قبل قبل الخطوبه هو جاري وساكن جنبي وعلى طول كنت بقول هيعرف يحافظ عليا كنت دايما بشوفو احسن زوج ليا وهو اللي هيعرف يربي اولادي لغاية ما صدمت انو كان بيخوني لفتره طويله مع واحده اقل مني خلقا انصدمت وعشت فتره صعبه جدا والصدمه والفضول خلتني احتك بيها وعرفت منها كل شيء كان بينهم طبعا هو اعترف ان هم كانو على علاقه الا انو كذب بعض من كلامها ومنو وعدو ليها بالزواج وكده وبعدها كل الكلام اللي دار بيني وبين البت اللي عرفها راحت قالتو بطريقة ملفقه اتعذبت من غيرو لاني كنت اتعودت عليه اوي وعوضني عن حنان والدي اللي سابنا ومعاه مكنش ناقصني ولا حاجه
بعد فترة عذاب
جت مناسبه كنا على طول بنحتفل بيها حنيت ورجعنا نتكلم وعارفه انها غلطة حياتي
وانا بكلمو لحد دلوقتي لاني مش مقتنعه اني اقدر اعيش من غيرو مع اني حاسه انو اتغير وكل ما يطول من غير ما يكلمني اقول ده اكيد مع وحده او معاها واتعصب واتخنق وده ماثر على دراستي وعلاقتي مع البيت لاني على طول عصبيه اتغير اوي وكل ما بعاتبو بيسكت ولا بيكلمني بحجة انو لو اتكلم الموضوع هيكبر وانا مشكلتي اني مش عارفه اخد قرار اني اسيبو للابد انا اتخنقت بجد ونفسي ارتاح من الوهم اللي اسمو الحب ده وعلى فكره كل ما بيغيب عني بفتكر ابويا واقول ياريتو كان معايا وانا بصلي وبستخير وبدعي ربنا كتير انو يساعدني ويهديني للقرار الصح
مشكلتي التانيه اني بغير من ابن اخي لان امي بتحبو اوي وتقريبا مدياه العطف كلو
فعلى طول بتعصب عليه لدرجه انو بيخاف مني اوي وحتى بالبيت لو اتشاقا بيندهولي فبيخاف ويبطل وحاسه ان دي مش انااااا ولا زمان كنت كده
وربنا يخليكم ليا يا احلى اصحاب | |
|
| |
المنتظر لبلاد الافراح صديق لامع
عدد المساهمات : 965 العمر : 33 الاوسمة: : النشاط : 1262 التقييم : 76
| موضوع: رد: الرسالة الثانية بعنوان (محتاجة رأيكم) الخميس فبراير 25, 2010 8:52 am | |
| ايتها السائله و العارضه لتلك المشكله اعلم تماما ان الحب من الاعمال القلبيه التى ليس لأراده
الانسان اى دخل فيها
لكن تعلمت من احدهم ان الحب هو ارخص الاشياء مقابل شراء النفس
و ايضا الحق احق من العواطف و المشاعر
الحب ليس كل شء
و الان الحب ما لبث الا ان يباع بأرخص الاثمان
فعليكى التأنى و ان تطرحى على نفسك هذا السؤال المهم جدا
هل هو يستحق هذا الحب الان ؟
ولا تسألى نفسك عما قبل فهذه ليست من شيم الطيبين و عليكى حسن التفكير و التدبر فى هذا
السؤال لانه اذا اخطأتى الاجابه عليه ستتعسين طوال حياتك
و فى اعتقادى و ليس تخويفا ولا ترهيبا
انه لا يوستئمن خوان ولا يتخذ الطالح بطانه من دون الصالح
و مسأله اتعذبت من غيرو و مش قادره اقنع روحى انى ممكن اقدر اعيش مع غيرو هذه اوهااام
لا تقدرى ان شاء الله
خصوصا البنات بتقدر جدا جدا
نصيحتى لكى ان تتأنى فى الامر و تتقصى من خلال افعال و ليس اقوال
هل هو تغير فعلا ام لا ؟
و ان تغير فهل يحبك ام لا ؟
و اذا كانت اجابه هذه الاسئله بالسلب
فافرضى انه لاقلب لديكى و ضعى هذا القلب تحت تراب نعليك
هتتعبى كتير خصوصا لو حبتيه اوى زى ما انتى بتقولى
لكن هتنسى و هتعرفى غيره
بلاش تعيشى روحك فى اوهام عشان انتى اللى هتخسرى و هتتعبى كتير
اما بالنسبه لفراق والدك فعليكى ان تصبرى و تحتسبى الاجر عند الله جل و علا و لكى الجنه ان
شاء الله
و الله يا اختى ما نصحتك الا لأنى غيور عليكى و على كل بناتنا
بلاش ترخصى روحك و عززى نفسك و منها ستعلمين ان كان يحبك ام لا
لو زهق و كدا سيبيه احسن و اعملى زى ما قلتلك
لو تحمل و صبر اوعى تفرطى فيه
دول طريقتين اختارى اللى تعجبك و اتبعيها
و عليكى ايضا بالدعاء و الاخلاص لله تعالى
ولا تنسى حقه
ليعينك على جهد البلاء و درك الشقاء
___________________________________________
اما المشكله الثانيه
حلها بسيط جدا
لو والدتك بتحب ابن اخوكى دا جدا
حاولى تبينيلها انك بتحبيه اكتر منها
و الهدايا للأم تطوى القلب بين اليدين
شفتى الموضوع سهل ازاى
اما بقى لو ما فى نتيجه فعليكى بكلمات رقراقه جميله
قبله على الرأس او فى اليد
هكذا تنتشلين قلبها
| |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: الرسالة الثانية بعنوان (محتاجة رأيكم) الخميس فبراير 25, 2010 3:07 pm | |
| من قراءتي للرسالة .. استطيع ان اتهم الحبيب بالانانية والغرور ومراهقة الشعور ..!!
ولسنا محظوظين .. بغيابه عن الدفاع عن نفسه .. وشرح وجهة نظره
لا يمكن ابدا ان يكون الحب ضعف او مذلة او ظلم يعقبه ظلم
ولو كانت علاقة تحمل هذا الاساءات .. فهي ابعد ما تكون عن الحب
من طرفه علي الاقل ...
فلنسميها نزوة او رغبة او رعونة او حتي نقصا مشبوبا للرجولة ..
عندما يكون الحب سلاحا للتعذيب والالم فهو عبث
عندما يكون الحب هو سور العذاب يبنيه الاحبة حول حياتهم
فهو سجن .. هو عقاب .. وليس منحة او فسحة
الخطأ شيء والخيانة شيء آخر ..
التملق شيء والنفاق شيء آخر ..
الحب شيء .. والنزوة شيء آخر ..
---- ما صدمت انو كان بيخوني لفتره طويله مع واحده اقل مني خلقا انصدمت
حتي لو كانت اعلي منكي خلقا .. فلن يكون الامر مختلفا او الجرح اهون
هوه هوه الجرح والالم ----- ومنو وعدو ليها بالزواج وكده
ما اكثر وعود الكذب .. واقل صدق وعود الوفاء ------
تعذبت من غيرو لاني كنت اتعودت عليه اوي وعوضني عن حنان والدي اللي سابنا ومعاه مكنش ناقصني ولا حاجه
ان كنت تسعدين معه بحنان الاب .. فامنحيه فرصة لان يعيش هو حنان الحبيبة مع غيرك .. واعتبريها زوجة ابيك ..!!
التعويض ليس حبا يا انستي .. والتكملة في الحب ليست ملء الفراغات
وليست اجتماع متناقضات .. فانا وفي وحبيبي خائن
وانا صادق وحبيبي كذوب .. التكامل في الحب هو اجتماع المكارم
وليس سد الثغرات والفتوق
التعويض شيء اشبه بالمسكنات وادوية الصداع ..
قد يكون الحبيب صديقا وابا واخا وجارا ورفيقا .. ولكنه يبقي في الاساس حبيبا .. لا يحق له التطلع زهرة اخري -----
وانا بكلمو لحد دلوقتي لاني مش مقتنعه اني اقدر اعيش من غيرو
نحن يا آنستي نعيش للحب .. وليس بالحب
فقد اعيش حياتي من اجل حبيبي .. فلما يغيب من حياتي
فاني ابحث عن هدف اخر اعيش من اجله
لان الحياة هي المنحة الاغلي من كل شيء وكل افعالنا لنجعلها اجمل وافضل
ولو كنا نعيش بالحب لمات منا اضعاف من يعيش .. فان الحب ترياق نادر الوجود .. نادر الجودة والاصالة
لا اتحدث من فراغ الخالي .. ولا من جمود قلبي ..
انما انا رجل عاني مرارة التجارب والبحث عن الحب الاسطوري
وبرغم تعدد التجارب.. الا انني لم اجمع حبا لفتاتين .. لانني وبكل بساطة .. لم يجعل لي ربي قلبين في جوفي .. -----
اني حاسه انو اتغير وكل ما يطول من غير ما يكلمني اقول ده اكيد مع وحده
الشك من هذا النوع يحول الحب لصراع نفسي بشع .. يجعل الحب اداة التعذيب والارق ويفسد متعة الحلم والامان ..
الغيرة اصبحت سوط عذاب .. يؤرق اللحظات -----
واتعصب واتخنق وده ماثر على دراستي وعلاقتي مع البيت لاني على طول عصبيه
الاثر يدل علي المسير .. والاثار تدل علي الافكار
والنتيجة التي تحكين عنها .. تقول كم هو عشق ظالم وكم هو شعور سلبي يسيطر عليكي .. تقول كيف ان الحب تحول الي شعلة جنون وموجة غضب عارمة .. تلقي باللوم علي كل الدنيا .. وتحاكم من حولك بلا ذنب ------ مشكلتي التانيه اني بغير من ابن اخي لان امي بتحبو اوي وتقريبا مدياه العطف كلو
فعلى طول بتعصب عليه لدرجه انو بيخاف مني اوي وحتى بالبيت لو اتشاقا بيندهولي فبيخاف ويبطل وحاسه ان دي مش انااااا ولا زمان كنت كده
المشكلة الثانية .. مرتبطة بشدة بالاولي .. هو هو نفس البحث الكليل عن الرعاية والاهتمام ..
هو الحسد لطفل صغير .. يحظي بكل ما تحتاجين .. وواثق ان قلبلك لا يخلو من محبة الصغير .. ولكنه الغضب والثورة ليس اكثر
يا صغيرتي ... هذا الصغير سيذوب فيكي حبا .. اذا طابت نفسك شفاءا وهدوءا ..
لان مشاعر الاطفال .. لاقط حساس للغضب والمحبة ..!!
اختاري لحظة صفاء وسلام مع نفسك .. وابتسمي له بحنان
فان لم يلقي بنفسه بين احضانك .. فعودي واتهميني بالحماقة ..
وان مارست الامومة الجميلة معه .. فسوف يغار الجميع من محبته لكِ ----- في النهاية حديثي ليس حكما نهائيا بالاعدام لحبك ..
وليس حجرا علي الرحمة والمغفرة .. ولا سدا لباب التوبة والتغيير ..
انما هو خواطري حول الحب كعلاقة .. ناضجة ملهمة مؤثرة للغاية
جربي ان تتمردي علي الحبيب .. جربي الثورة من اجل حقك وحبك واحلامك وكبريائك
فان استجاب ورق قلبه لك .. فهو يستحق محبتك .. وقد كسبتي حبيبا
وبالتأكيد لو تغير او اصبح اكثر نضجا فهو لك وانت له
ومن واجبك ان تغفري له دون مـَـنٍ او أذي ..
وان تمسك بالقسوة والانانية والغرور ..
فتأكدي ان قسوة القلب لا يخرج منها حبا ولا حنانا ولا سعادةً
اتركيه .. وساعتها ستكونين قد كسبتي نفسك -----
الحب الحقيقي هو ما يُغيــِّــر بلا حدود .. ويغفر بلا حدود .. ويخلص بلا حدود
ويسعد الناس .. بلا حدود
مع تمنياتي بالسعادة وراحة البال | |
|
| |
ياسمينا عروسة المنتدى
عدد المساهمات : 9052 العمر : 33 الاوسمة: : النشاط : 9081 التقييم : 829
| موضوع: رد: الرسالة الثانية بعنوان (محتاجة رأيكم) الخميس فبراير 25, 2010 10:10 pm | |
| ماشاء الله عالردود انا مش عارفه اكتب ايه بس انا حسيت اني عرفتك كمان قلبي بجد معاكي بس عاوزاكي تعرفي ان خطيبك ده خاين وكمان منافق ولو كنتي اتحرمتي من حنان الاب فهو لنفاقه مش هيقدر يعوضك عن الحنان ده بل هيزيد معاكي عقده م الرجاله وع فكرا م نهايه الحب هي نهايه العالم حاولي بجد تتخلصي م الحب ده لانك اقوي م كدا انتي شخصيتك بجد قويه حاولي تلاقي نفسك الاول حاولي تحسي انك احسن م اي حد هو خانك معاه ومتحتكيش تاني بالناس دي حاولي تختاري م تصاحبيه ربنا بجد معاكي يهديكي ويصلح بالك ربنا يرزقك الزوج الصالح _اللي تحبيه ويحبك_ | |
|
| |
AMR أغلى عمرو
عدد المساهمات : 12908 العمر : 33 الاوسمة: : النشاط : 4871 التقييم : 637
| موضوع: رد: الرسالة الثانية بعنوان (محتاجة رأيكم) الجمعة فبراير 26, 2010 3:43 pm | |
| السلام عليكم ورحمه الله وبركاتة
وانا بكلمو لحد دلوقتي لاني مش مقتنعه اني اقدر اعيش من غيرو
الانسان قادر على عمل المستحيل مهما كانت الصعاب ومهما كانت العقبات
اذا كنتى مقتنعة انك لن تستطيعين العيش بدونة فاعلمى وتأكدى انك خاطئة واعلمى انك قادرة على ذلك
فقط فكرى معى لحظات فى راى ان شخصيتك شكاكة ( صفة ليست سيئة وليست حسنة فهى على حسب المواقف ) وكل ما يطول من غير ما يكلمني اقول ده اكيد مع وحده او معاها تخيلى انك تزوجت منه كل ما يخرج يراودك الشك هل خرج للعمل فعلا؟؟ ام لمقابلة امراة اخرى؟ ام لمحادثة هذة او غيروا؟ حياتك كلها ستكون شك
واعلمى ايضا ان من يخون مرة قادر على الخيانة الف مرة فكرى بعقلك ومن ثم حكمى قلبك ولا تتسرعى فى اتخاذ القرار اعملى على موازنة الامور من جميع الجهات فلكل منها عيوب ولكل هناك اشخاص بيها عيوب لا يمكن ان تحتمل الا اذا كان شريك الحياه بيه نفس العيوب مثل الخيانة
اتمنى لكى التوفيق وان تفهمى كلامى
وجزاك الله خير
| |
|
| |
رشا قلم من ورود
عدد المساهمات : 933 العمر : 35 الاوسمة: : النشاط : 1121 التقييم : 133
| موضوع: رد: الرسالة الثانية بعنوان (محتاجة رأيكم) الجمعة فبراير 26, 2010 7:08 pm | |
| اختي صاحبة المشكله
انا رايي ومن المفروض انه كان يجب عليك نسيان هذا الشخص منذ معرفتكي انه خانك فمن المستحيل العيش مع انسان خائن وصدقيني كل خائن كاذب فاذا اجتمت الصفتان في انسان فلا تنتظري منه حسنا
هناك اشخاص كثيره مثلك ذاقت طعم الخيانه وعرفت الصمود امام الصدمة وقطعت المشكله من جذورها وارتاحت اما انتي فبمواصلة حديثك وعيشك معه فسوف تتعذبين طول حياتك
صدقيني هناك اناس كثيره احسن مليون مره من خطيبك وانا فمره سمعت احدى النساء اتصلت بداعيه واخبرته ان خطيبها يخونها فهل وجب ان تبقى معه حتى يتزوجان ويهده الله ام وجب عليها فرقته
اجاب مبتسما
الخطبه اجمل مرحله يليها الزواج فاذا خانك وانتي لاتزالين خطيبته فماذا سيفعل بكي عندما تتزوجان
وباذن الله ربنا هيعوضك عنو خير
ويمكن تعلقك الزائد به كان اثر رحيل والدك اللي مش حددتي ان كان توفي ام انك لا ترينه بقالك فتره
فكري وحاولي الاخد بالراي السديد
اما موضوع غيرتك من ابن اخوكي فهذا بيدك حاولي التقرب من والدتك والتقرب من المجتمع خصوصا اذا اردتي نسيان من خانك فلو بقيتي لوحدك ستتالمين اكثر
وصدقيني ان ما حصل لكي حصل لاناس كثيره وعوضها الله خيرا
وربنا يسعدك ويعوضك ياااااااااااارب
| |
|
| |
اميرة الأميرات صديق لامع
عدد المساهمات : 157 العمر : 28 الاوسمة: : النشاط : 148 التقييم : 0
| موضوع: رد: الرسالة الثانية بعنوان (محتاجة رأيكم) السبت فبراير 27, 2010 2:33 pm | |
| انا اسفة ياروز مش هقدر اقول رايى لانى لسه صغيرة ومش هاقدر افيد بس اللى عايزة اقوله ربنا يحل المشكلة ويهديى للطريق السليم | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: الرسالة الثانية بعنوان (محتاجة رأيكم) السبت فبراير 27, 2010 2:43 pm | |
| اميرة الاميرات .. والدنيا كلها
شكرا لاهتمامك ودعائك .. بس روز مش هيا صاحبة الرسالة ..
هيا المديرة علشان كده الرسالة بتوصل عندها وهيا بتنزلها هنا
انما صاحبة الرسالة زائر او عضو ماحدش فينا يعرف هوه مين ان شاء الله دعائك مستجاب ويوصل لصاحبة الرسالة | |
|
| |
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: الرسالة الثانية بعنوان (محتاجة رأيكم) السبت فبراير 27, 2010 5:47 pm | |
| أختي صاحبة الرسالة انا ما عنديش خبرة كبيرة قوي علشان ارد عليكي بصراحة لكن انا في مواضيع الزواج والخطوبة وكدة عمري ما اقدر اقول لحد سيبي خطيبك او سيبي جوزك لأن الموضوع بيبقي له جوانب تانية خاصة عند الأهل عامل زي الحكم بالاعدام تلاقي محكمة النقض دايما تقبل النقض لو كان الحكم بالاعدام حتي لو كانت كل الادلة ضد المتهم ودة علشان تديله فرصة تانية لكن في حالتك انا شايفة ان الوضع مختلف تماما لان انتي بالفعل سبتيه وبعدين دايما انا من متابعتي للبرامج الدينية بشوف مشاكل زي كدة والشيخ او الداعية كان دايما بينصح الانسانة دي انها تسيب خطيبها لأنه ما لهوش امان انا شايفة ان فرصتك احسن من غيرك كتير لأنك بالفعل سبتيه فالموضوع هيبقي بالنسبة ليكي اسهل ان شاء الله انك تنسيه لكن حاولي تشغلي وقتك بحاجات اكتر من المعتاد وبعدين لاحظي انك لو رجعتيله ( دة في رأيي ) هتبقي في نظره ضعيفة لا خليكي قوية لأنك تستاهلي احسن منه بالنسبة لموضوع مامتك فانا مش هقول كلام احسن من اللي اتقال حاولي تقربي منه اكتر وتحبيه قبل فوات الأوان مش لازم يكبر وهو بيخاف منك و انا واثقة ان لولا انتي قلبك طيب وبتحبيه قوي ما كنتيش كتبتيلنا دة علي هيئة مشكلة ان شاء الله كل مشاكلك تتحل انا اترددت كتير قبل ما اكتبلك رأيي لأني بخاف اتكلم في مسائل مصيرية زي دي انتي فعلا اقدر واحدة علي انك تقيمي نفسك وتحطي نفسك في المكان المظبوط ونصيحة مني ما تظلميش نفسك مهما كان التمن | |
|
| |
بلسم الجراح صديق لامع
عدد المساهمات : 371 العمر : 33 الاوسمة: : النشاط : 438 التقييم : 1
| موضوع: رد: الرسالة الثانية بعنوان (محتاجة رأيكم) الأربعاء أكتوبر 20, 2010 2:19 pm | |
| | |
|
| |
ملاااك صديق لامع
عدد المساهمات : 7104 العمر : 33 الاوسمة: : النشاط : 9108 التقييم : 838
| موضوع: رد: الرسالة الثانية بعنوان (محتاجة رأيكم) الأحد أكتوبر 24, 2010 8:52 pm | |
| انا دخلت متاخر اسفة للجميع | |
|
| |
| الرسالة الثانية بعنوان (محتاجة رأيكم) | |
|