دعوة على فنجان قهوة - جلسة سمر

بسم الله الرحمن الرحيم


السلاام عليكم ورحمة الله وبركاته


بداية أسعد الله أوقاتكم بكل خير وكل عام وأنتم بألف خير


كما هو موضح من العنواان

مساااامرة ليل .. دعوة الى فنجان قهوة فى بيتى

بالطريقة الفلسطينية الشعبية

فى هذا الموضوع سيتم استضافة كل عضو من الأعضاء لكى يشرفنا بحضوره ...


فى هذه الجلسة سيتم طرح مجموعة من الأسئلة التى سيحددها مقدم البرنامج .. احم احم


ستكون هناااك أسئلة من العيار الثقيل ولا بد للعضو أن يجيب عليها ..

ويمنح للعضو عند مواجهته أى سؤال صعب أن يقول كلمة ( تمرير)

على أن يعود للاجابة عليه فى وقت لاحق عند مطالبته فى الاجابة عليه ..


لا مااانع من تدخل الأعضاااء بأسئلة وتعليقات موجهة لهذا العضو

أو مؤازرته أوالمشاركة بأى شيئ يجول فى خواطرهم تجاه الاجابات والأسئلة المقدمة ...



أتمنى أن تناال اعجااابكم ..



نبدأ على بركة الله تعالى ..


دعوة على فنجان قهوة







انتظروا .. صاحب النصيب فى أول دعوة وأول جلسة على الطاولة ......

مممم يا ترى من سيكون سعيد الحظ فى ذالك ..






انتظروونااااااااا .......

دعوة رسمية موجهة الى العضو


القدير


المتألق




المبدع


والمتميز


الأخ الحبيب

مشرف هذا القسم


فلنبدأ به


حساااااااااام


.. ~( الموااطن المصرى )


أهلا وسهلا بك أخى وسيشرفنى لقائك الليلة ...




قهوتك كيف بتحبها تكون يا لووز ؟؟؟



انتظرونااااااا

طيب والله شوفت موضوعك امس .. وخوفت ارد عليه لتورطنى

متألق دايما فى موضوعات حضرة مقدم البرنامج اللبق

اقتباس :

ستكون هناااك أسئلة من العيار الثقيل ولا بد للعضو أن يجيب عليها ..

هيا طبيعة الاسئلة ايه بالتحديد ؟؟ علشان بس التمرير ما يبقى كتير

انا ما صدقت هربت من كرسى الاعتراف يا ابراهيم ..!!

====================
اشكرك بشدة على كلامك الطيب يا اخى
وربنا يجعلنى اهل له ..
وكان نفسى اشكرك على اختيارى اكون اول واحد تستضيفه
بس لما نشوف الاسئلة الاول ..
وبعدين احدد : اشكرك والا .. اخنقك ؟؟

يعنى دى ..

والا دى ..
==================
قهوتى مظبوطة يا نجم .. وتسلم ايديك مقدما

فى انتظارك

هلا بالمبدع القدير ابراهيم
كل عام وانت وبخير
وبحب اعيد على اصدقاء هاد المنتدى
هي الاسئلة من اي نوع
بس ما نتورط
ههههههههه

اهااااااااااااااااااااااا
قهوتي سكر زيادة

موضوع جميييل اوى يا ابراهيم



فى انتظااااارك يا ابوسلمى

عدناااا يا طيب مرة أخرى

لنستأنف معك الأسئلة التى ما زالت فى مقدمتها وليست بدايتها ...

أخى الطيب

لو تحدثنا بشيئ من التفصيل على الزوااااج

متى بدأت الفكرة ( فكرة الزواج تجول فى خاطرك ) يعنى من صف خامس ولا من الثانوية

ولا من متى يعنى ..

أخى حسام .. متى وصل بك الأمر على الاصرار على الزواج

( يعنى كانت الأمور خربانة معاك على الاخر )

.. أخى الحبيب تاريخ خطوبتك كانت ( ذكر التاريخ لو سمحت .. طبعا مش معقول تكون ناسيه)

كيف حصلت على بنت الحلال .. حدثنا ..هل حصل معاك مثل ما يحصل مع أبو صهيب الان

أم كانت الأمور ميسرة معك .. ممم أم كنت حاطط عينك على بنت وكانت الامور ممهدة لها من قبل .... خد راحتك أيضا فى الحديث ..

طيب .. أخى حسام .. حدثنا عن شعورك عند أول لقاء لك مع الزوجة فى فترة الخطوبة ..

كم مجمل الزيارات التى زرتها لخطيبتك ... تقريبا يعنى خلال فترة الخطوبة ..

الهدايا التى كنت تأخذها معك ما هى طبيعتها .. ذكر أنواع الهدايا .. طبعاا ذاكر ...؟

قبل كل هذا هل عانيت من المشاكل مع أهل بيتك عند طلبك للزواج ؟؟



............................ فاصل ونعود اعلانات قصيرة

نشرب فيها اى شيئ صوتى يحتاج الى تليين ...



تفضل يا باشااااا


قهوتك المفضلة

احم احم

نستكمل ( مستمعينا - مشاهدينا - أعضائنا الكرام ) مع أحد المبدعين والمتألقين فى هذا المنتدى


أهلا وسهلا بك من جديد معنا ...

كنا قد تحدثنا معك عن الزواج وفترة الخطوبة بالتحديد

سؤال ما زال يجول فى خاطرى ولا بد أن أسأله

موقف طريف ومضحك حدث بينك وبين زوجتك الكريمة فى أيام فترة الخطوبة ..

منعااا للاحرااج لكن لا بد من معرفة الاجابة ان استطعت الذكر ..

زواجك كان متى اذا ممكن ( التاريخ - واليوم ) ..


..أخى بعد تجربتك للزواج كيف أصبحت حيااتك ...

طيب يا حبيبي حسام بنظرك من هو الأرحم من ناحية المعاناة ( المتزوج أم الغير متزوج ) ولماذا



وبعد زواجك ...

( كلمة توجهها للشباب الغير متزوجين )

....

أخى كيف أصبحت حياتك الزوجية بعد أول مولود ؟ هل تغيرت ؟هل زادت المعانة فى المعيشة ؟


ممممممم طيب يا بركة لو تحدثنا الااان كم عدد أفراد أسرتك ( بعد الزواج )

كم عدد الأولاد ان وجد .. كم عدد البنات ؟؟ وأسمائهم ان أمكن يا بركة ؟

هل تعرضت فى مسيرة حياتك مع الزوجة الى عقبات ومشاكل ..

كم مرة افتعلت مشكلة مع زوجتك أكيد كتيييير ..

لكن الى بدى أصل له كم مرة توجهت زوجتك الى بيت أهلها

بطبيعة الحرد أو المشاكل التى حدثت ؟؟؟ يا عينى عليك يلا تشطر وجاوب بصراحة ..

طبعا أكيد يكثر سوء التفاهم بين الزوجين فى أول أشهر للزواج بسبب أن كلا الزوجين لا يعرف

بشكل مفصل ومتكامل كيف يفكر الزوج او كيف تفكر .. ما الذى يرضى وما الذى يغضب ..


ياااا ريت تحكى النا ما صارت مشاكل بينكم ... بنكون مسرورين كتير


الله يسعدك يا رب انت وزوجتك الكريمة

وأتمنى لكما حياة سعيدة ملئها المحبة والسعادة ...





أخى حسااام ماذااا تعنى لك الزوجة بعد كل هذه الأسئلة ؟؟




................. فااااصل ونوااااصل ...................................


التغيير رحمة من عند الله

ولو انها دعوة على فنجان قهوة لكن أكيد زهقت من القهوة




تفضل يا سيدى علشان تروووق شوى .. بس أول مرة وااخر مرة أجيبلك من هالنوع


عود نفسك على القهوة .... هيك بتخسرنى كتير انتا وما بتجيب راس مالها الشغلة


تفضل يا لوووز ....







خد باااالك هااااى فترة اعلااانااات


اذا حابب تحكى شيئ بينى وبينك قبل ما نطلع على الهوا يا باشا ....

اقتباس :

هلا بالمبدع القدير ابراهيم
كل عام وانت وبخير
وبحب اعيد على اصدقاء هاد المنتدى
هي الاسئلة من اي نوع
بس ما نتورط
ههههههههه

بارك الله فيكى أختى بلسم ... وانتى بألف خير

نورتى الموضوع

وين من زمان هالغيبة .. عسى المانع أن يكون خير لكى ولباقى الاعضاء ..

..... اطمئنى لا تستعجلى على رزقك ونصيبك فى هذا الموضوع ..


الدور حتماااا سيصلك

وعاجلاً أم آجلاً ستطالك وتطال باقى الأعضاء يد العدل ..

..............................................................................




أختى ازهرية .. بااارك الله فيكى على مرورك

وجزااكى الله كل خير ..ربنا يرضى عنك ويحفظك لأهلك ويوفقك فى مدرستك

................................

زاااد الموضوع شرفااا بتواجدكم فى هذه الصفحة

حفظكم الله ورعاااكم ...

والله كان عندي الاسبوع الماضي امتحانات
وكنت متفرغة للدراسة
وكمان ايام العيد اكتر الوقت ادراسة
لانو امتحانات النصفي ما تم الها اكتير
وانت عارف
ارجو الدعاء
والله يوفقنا جميعا
بارك الله فيك على ردك
وانا حاسة عالموضوع كتير حيكون رائع
اتمنا لك دوام التقدم والنجاح
استمر

مذيع مذيع الحقيقة .. انا اتثبت بصراحة ..
شكرا ع التقديم الرائع ده يا ابو خليل
كتير والله .. كان كفاية القهوة ..!!
=========

اقتباس :

حساااام ؟؟ اذا أمكن أن تحدثا من تكون ..

انا رجل من غمار الموالى ..
فقير الارومة والمنبت ..
فلا حسبى ينتمى للسماء
ولا رفعتنى لها ثروتى
ولدت كآلاف من يولدون ..
بآلاف اياام هذا الوجود ..
لان فقيرا بذات مساء ..
سعى نحو حضن فقيرة ..
واطفأ فيه مرارة ايامه القاسية .
( كلمات لصلاح عبد الصبور اراها تعبر عنى )

اسمى حسام الدين ..مصرى - محافظة الفيوم - مهندس - مغترب بالسعودية

==============

اقتباس :

عدد أفراد اسرتك (قبل الزواج) ..

ممممممممممم ..
احنا كنا 11 : لحد ما جدتى الله يرحمها عملت اسبرنت سريع بعد ما اتمت 90 عاما ( اتخطفت يعنى )

6 بنين - 2 بنات - اب وام
============

اقتباس :

تاريخ ميلادك ..

12 / 12 / 1977 م
وده التاريخ الوحيد اللى فاكره كويس
=========

اقتباس :

كيف كانت المرحلة الدراسية التى مررت بها

والله من ناحية الشطارة .. الحمد لله كنت متفوق شوية
ولحد تالتة ثانوى .. عمرى ما قلقت من احتمال الرسوب
كان دايما انتظارى للمجموع والتقييم - مش ناجح او راسب -

ومثلى مثل كثير من جيلى ورفاقى .. عانيت الامرين مع الدراسة ونفقاتها
وذاكرت على ضوء عمود الكهربا وعلى ضوء لمبة جاز
وكتير استلفت ملخصات من اصحابى ..
لكن طعم النجاح .. كان بيمسح كل اثر للمعاناة
============

اقتباس :

أين درست الابتدائية - الاعدادية - الثانوية .. اسم المدرسة لو سمحت

طبعا احنا بتوع المدارس الحكومية ولا فخر
الابتدائية : مدرسة العبور
الاعدادية : الشهيد صلاح الدين حسين
( لاحظ الاسماء الوطنية كنا لسه طالعين من حرب اكتوبر)
الثانوية : سنورس الثانوية المشتركة ( مش عارف غيروا اسمها والا لسه )
==========

اقتباس :

موقف محزن حدث معاك أيام المدرسة ولم تنساااه لحتى الان

ممممممم .. مش عايز انكد على الناس
لكن كان يوم نتيجة سنة من سنوات الجامعة ..
كنت اسأت لاستاذ ف الجامعة .. فعمل معايا الواجب وسقطنى
============

اقتباس :

موقف مضحك حث معاك أيضاا ..

كنا ف امتحان انجليزى - تالتة اعدادى .. ( المراقيبن كانوا منتدبين من الثانوية للمراقبة )
وصديق عمرى قاعد ورايا .. واسمه حسام كمان
قالى الحقنى انا ما حليت ولا سؤال
حاولت اغششه .. ( بس ده انجليزى ياا صاحبى )
قلت له هات ورقة اجابتك وخد بتااعتى
وفعلا بدلنا ورق الاجابة ..
قعدت اجاوب فيها .. وكل ما المعلمة اللى بتراقب علينا تعدى قدامى اقفل الورقة
لحد ماا حطت ايدها فجأة ع الورقة وقلبتها .. لاقت الاسم مختلف
شافت التيكيت على الديسك مكتوب عليه حسام نصر
قاالت لى انت اسمك ايه ؟ قلت لها : حسام صلاح
قالت لى : اومال مين حسام نصر اللى اسمه ع التكيت ده ؟
قلت لها : انا عارف بقى ؟؟ انتوا اللى بتكتبوا الاسماء ع الديسك .. يمكن غلطة
( شوفت البراءة ..!!؟؟ )
المهم بعد شوية خلصت الاجابة لصاحبى وبدلنا الورق تانى
وبعد شوية المعلمة برضه قفشتنى .. وشافت الاسم على الورقة ..
طبعاا اتجننت .. لما شافت اسم حسام نصر على ورقة الاجابة
ودماغها والف جزمة لازم تفهم ايه اللى بيحصل ..
طبعا اترجيتها ووعدتها اقولها الحقيقة بعد اللجنة ..
وفعلا بعد اللجنة شرحتلها الموضوع .. ضحكت بغيظ
وقالت لى : لولا ان عمتك الاستاااذة نادية نصر صاحبتى انا كنت عاقبتك

وعدت على خير .. بس ضحكنا بعدها لما قولنا يا بس
================

اقتباس :

كم مرة تعرضت للضرب من قبل المعلمين .. والاسباب وراء ذالك ؟؟

مممممممممم .. ليه الذكريات المؤلمة دى ؟؟
مرة واحدة ف ابتدائى .. جالنا موجهة من الادارة وقالت :

يا ولاد اللى عنده اى شكوى من مجموعات التقوية يقول عليها .. اللى عنده الشجاعة الادبية يتكلم

طبعا انا عملت شجيع السيما واتكلمت .. قلت لها : احنا ما بناخدش مجموعات تقوية اصلا .. اغلب المدرسين بيدوا الحصص الاساسية فى وقت حصة المجموعة
وبيغيروا الجدول مخصوص علشان كده ..

وطبعا عينك ما تشوف الا الضلمة بعد ما الموجهة مشيت

تانى مرة ف الاعدادية .. كان مدرس رياضيات ( الله يسامحه بقى )
كان لسه موضوع الدروس الخصوصية ده جديد وما كانش فى ناس بتاخد دروس كتير ( يعنى تلاقى ف كل فصل واحد او اتنين اللى بيااخدوا درس خصوصى )
المهم المدرس ده .. كل يوم .. يروح داخل الفصل كاتب مسألة صعبة جدا ع السبورة ويقول قدامكم خمس دقايق وتحلوها
طبعا مفيش حد كان بيحلها ( غير اللى بياخدوا درس عنده )
وكنا كلنا ننضرب على ضهر صوابعنا بالعصايا ونروح ايدينا وارمة
لحد ما صعبت عليا صوابعى .. وقررت ااخد عنده درس خصوصى
وطبعا بقيت باحل المسائل الصعبة اللى بيكتبها ع السبورة
بس مش علشان مستوايا ااتحسن .. لاء
علشان المدرس كان بيحلها لنا قبلها بيوم ف البيت
===============
بس الحمد لله فى الثانوية بقى .. ما حدش قدر يلمسنى
كنت كبرت شوية .. وطولت ييجى 5 سم .. وعرفت حقوقى
وقررت ما حدش يضربنى تانى .. وده كان السبب الاساسى فى مشاكلى المستمرة مع مدير المدرسة .. كان اسبوعيا يعمل لى استدعاء لولى امرى
وحاولت كتير افهمه ان ولى امرى مسافر السعودية .. ومفيش فايدة
================
اشوفك بعد الفاصل

بصراحه مأساه حكاية الدروس الخصوصيه ديه
تسلم ايديك ابراهيم بجد فكره رائعه و اعداد و تقديم من دماغ مدبره
نسمحولى انا كمان اسأل سؤال
انتوا قلتوا الاسئله هتبقى من العيار التقيل سامحنى بقى يا أستاذ حسام












سؤال:- حضرتك ما شاء الله عليك ندك لباقه فى الكلام هايله و ديه موجوده فى ناس كتير بس برده الموجود فيهم انهم مش بيعملوا باللى بيقلوه فهل يا ترى حضرتك من النوع ده؟

باااارك الله فيكى أختى الكريمة منة

اقتباس :

نسمحولى انا كمان اسأل سؤال
انتوا قلتوا الاسئله هتبقى من العيار التقيل سامحنى بقى يا أستاذ حسام

خدى راااااااااااااحتك الكاااملة واسألى مثل ما انتى عايزة

واذا بتقدرى تزنقنيه قد ما تقدرى توكلى على الله وأنا من ورائك ( مقدم البرامج ) داعما ومساندا




أشد على ايديك أختى منة ومزيداااا من الأسئلة أنتى وباااقى الاعضاء

اقتباس :

سؤال:- حضرتك ما شاء الله عليك ندك لباقه فى الكلام هايله و ديه موجوده فى ناس كتير بس برده الموجود فيهم انهم مش بيعملوا باللى بيقلوه فهل يا ترى حضرتك من النوع ده؟

هباااااااااااااااااااااااااااا

لا شكلنا حنخسر عصير كتير علشان تبل ريقك أقل اشى ..


القهوة المضبوطة ما فى بديل عنها يا بركة خاصة الك .... يلا تشطر وجاوب


لى عودة ليس للاضافة ولكن للتعليق اجاباتك ومناقشتك فيها ......

اقتباس :

سؤال:- حضرتك ما شاء الله عليك ندك لباقه فى الكلام هايله و ديه موجوده فى ناس كتير بس برده الموجود فيهم انهم مش بيعملوا باللى بيقلوه فهل يا ترى حضرتك من النوع ده؟

عيار تقيل .. عيار تقيل الحقيقة
الله يسامحك يا ابراهيم

بصى يا منة .. اانا اصعب حاجة عليا انى اقييم نفسى
لكن ممكن اقولك افكارى الاساسية :
نادر لما اقول حاجة ما اقدرش اعملها ..
لانى من زمان سمعت الشيخ الشعراوى بيشرح آية :

اقتباس :

انا عرضنا الامانة على السماوات والارض والجبال فابين ان يحملنها واشفقن منها وحملها الانسان انه كان ظلوما جهولا

وازاى الانسان بيتغر ف نفسه - وقت التكليف - ويقول هاعمل وهاعمل
لكن وقت الاداء .. الامر بيختلف شوية
وتتدخل النوازع والشهوات والرغبات والشيطان

وبالتالى .. بحاول قدر الاستطاعة ما احملش نفسى مسؤليه انا مش قدها
-------------
ثم ما تنسيش ان النداء القرآنى فى سؤالك كان الخطاب للمؤمنين

اقتباس :

يا ايها الذين امنوا لم تقولون ما لا تفعلون

( سياق الايات يتحدث عن الجهاد فى سبيل الله )

دى سلبية بيقررها القرآن فى بعض المؤمنيين
وممكن يبقى لها علاقة بالتزين او التجمل
وممكن يبقى لها علاقة بآية التكليف وحمل الامانة
وكيف ان المؤمن .. يتحمل بثقة وقت التكليف ثم يتهاون فى وقت التنفيذ
==========
الحمد لله .. انا عمرى- ف المنتدى هنا - ما ادعيت انى من الاولياء
ولا صوام او قوام .. ولا عالم او محدث .. ولا حتى ادعيت الصلاح

اانما كل ما هنالك : انى ابحث عن الصلاح ..
================
مش عارف انا كده جاوبت سؤالك ؟ والا لسه ؟

اقتباس :

خدى راااااااااااااحتك الكاااملة واسألى مثل ما انتى عايزة

واذا بتقدرى تزنقنيه قد ما تقدرى توكلى على الله وأنا من ورائك ( مقدم البرامج ) داعما ومساندا

ايوة .. سلطها عليا انت .. سلطها

---------------

اقتباس :

هباااااااااااااااااااااااااااا

لا شكلنا حنخسر عصير كتير علشان تبل ريقك أقل اشى ..

انا شربت قارورة مياه عشان اهضم السؤال ..

ده لسه باقى اسئلتك انت يا ابراهيم .. انا قلت ابدأ بالسهل بس الاول

الله يعينى على الزنقة دى ..

----------------
منورانا منة الله .. ما تقلقيش سؤالك جميل وبسيط .. برغم صعوبة الاجابة

لكن اوعدك انى هاحاول اجاوب عليه باستمرار فى حياتى

لى عودة للرد على باقى الصواريخ

ما شاء الله عليك يا استاذ حسام بجد انت الانسان اللى تستحق ان كل عاقل يحتذى بيك
و على فكره اللى خلانى اسأل السؤال ده انى ملاحظه ان حضرتك محطة لانظار كل اللى فى المنتدى علشان كده حبيت اتأكد
-----------------
سؤالى التانى:- هل حضرتك خيالى و لا بتحب الواقع اكتر حتى لو كان مر و الخيال اجمل بكتير و متهيألى هى ديه الحقيقه و لا حضرتك آيه رأيك؟

الله على اسئلتك يا ابراهيم


وعلى اجاباتك يا استاذ حسام

وكمان منه عامله شغل جامد

طيب انا كمان عاوزه اسال سؤال

عاده تفعلها دائما تتمنى ان تتركها ..؟؟

عضو نفسك تقول له ( برافو عليك ) ... ؟

دمـعـــه انـذرفــــت رغـمــاً عنـــك؟!؟


كلمة تود سماعها كل يوم؟!؟

بجد أسئله هايله
يا ترى هتكون الاجابه آيييييييييييييييييييه !!!

السلام عليكم جميعا .. اسف على التأخير
ندخل ف الموضوع على طول

اقتباس :

حسااام

مرحلة المراهقة كيف كنت

كانت مراهقة االحقيقة .. نضوج عقلى وجسدى ونفسى

اقتباس :

وكيف مررت بهذه المرحلة

اكدب عليكم لو قلت ان المراهقة ما عدتش عليا
عيشت المرحلة دى بكل تفاصيلها ..
جربت كل الاتجاهات
الدينية والسياسية والاجتماعية ..والشبابية
لعبت رياضة .. وقريت كتير .. وعملت اصحاب اكتر
واشتركت فى منتديات ثقافية ( فى النادى - لان ما كانش فى نت ساعتها )
واخطأت كما يخطأ كل الشباب - الا من رحم ربى -

اقتباس :

كم مرة حاولت معاكسة البنات فى هذه المرحلة .. وايش الى عملته بالزبط .. احكيلنا وخد راحتك فى الحديث ... بصراااحة

اهى دى .. الحاجة الوحيدة اللى ما عرفتش اعملها ابدا
عمرى فى حياتى ما عاكست بنت باى شكل ولا باى طريقة ..
لا ف الشارع ولا ف التليفون حتى ..
لانى طول عمرى باكره انى افرض نفسى على حد او اتطفل على حد
حتى لو اعرفه .. فما بالك بقى لو ما اعرفه
==============

اقتباس :

حساام الصحبة شيئ أساسى فى هذه المرحلة

كيف كان رفقائك .. وبماذا تصنفهم لنا .. اصدقاء سوء .. أم أصدقاء خير

كانت مجموعة من اجمل ما يكون .. ما اقدرش اسميهم اصدقاء سوء
وما اقدرش اسميهم متقين .. اانما كنا مجموعة مترابطة جدا
وبتحاول تنجح فى حياتها مع عدم الحرمان من متع الحياة المعتادة
فسح - رحلات - شياكة ومنظرة - رياضة وعضلات - واحيانا التزام وتدين شديد
لكن كانت الروابط بيننا .. اكتر من ارتباطنا باهالينا
=================
بمناسبة المراهقة :
انا كنت فاكر زمان ان المراهقة دى .. مرحلة اختبار او بناء للشخصية والتكوين النفسى والجسدى .. وباعتبارها مرحلة اعداد يبقى الخطأ فيها مقبول ومبرر
( زى الطفل اللى بيتعلم يحبى ويقع كتير لحد ما يقف على رجليه )

لكن الحقيقة .. فهمت انها فترة نضوج وتكليف .. مش فترة اعداد
مع بدايتها .. يصبح الشاب مكلفا والفتاة كذلك .. يبقوا مسؤلين عن تصرفاتهم
وبالتالى المفروض كل شاب وفتاة يتعامل معها بالمنطق ده
مش بمنطق الغرائز والهرمونات .. والاضطراب والتخبط فى التفكير
==============

اقتباس :

تفضل يا باشا علشان تعدل راسك قهوتك

محتاج فعلا فنجان القهوة ..ده وقته بصراحة
شكرا ....... ونواصل

اقتباس :

أخى الطيب

لو تحدثنا بشيئ من التفصيل على الزوااااج

متى بدأت الفكرة ( فكرة الزواج تجول فى خاطرك ) يعنى من صف خامس ولا من الثانوية

ولا من متى يعنى ..

لاء ثانوية مين وابتدائية مين .. احنا كنا عاقلين .. وما بنفكر فى الامور دى قبل وقتها بقرن كده

الحقيقة ان فكرة الزواج بدأت تلح عليا بعد التخرج وبعد ما اشتغلت
قبل كده كانت مجرد حلم زى بعيد المنال

اقتباس :

أخى حسام .. متى وصل بك الأمر على الاصرار على الزواج

( يعنى كانت الأمور خربانة معاك على الاخر )

هيا الحمد لله ما خربتش معايا ولا حاجة .. لانى فعلا ما كنت بافكر فيها ايام الدراسة .. وبعد ما اشتغلت بسنة استخرت وتوكلت

اقتباس :

.. أخى الحبيب تاريخ خطوبتك كانت ( ذكر التاريخ لو سمحت .. طبعا مش معقول تكون ناسيه)

مممممممم .. اول خطوة عملتها ف الزواج هو كتب الكتاب
كان بتاريخ 11 / 11 / 2005

اقتباس :

كيف حصلت على بنت الحلال .. حدثنا ..هل حصل معاك مثل ما يحصل مع أبو صهيب الان

أم كانت الأمور ميسرة معك .. ممم أم كنت حاطط عينك على بنت وكانت الامور ممهدة لها من قبل .... خد راحتك أيضا فى الحديث ..

بنت الحلال .. كانت وما زالت بنت عمى .. من العيلة ومتربية قدام عينى
وبفضل الله كانت الامور ميسرة الى حد بعيد .. تقريبا لحد ما كتبنا الكتاب
وعلينا الجواب .. وبعدين غرقت بقى فى الالتزامات ومتطلبات الزواج اللى ما بتخلص .. وما اقدرش الوم على نسايبى الحقيقة
لان تكلفة الزواج فى الاقاليم .. فعلا مرهقة جدا .. يمكن اكتر من العواصم

لاء الحقيقة انا فلت من اللى بيحصل مع اابو صهيب .. الله يعينه

اقتباس :

طيب .. أخى حسام .. حدثنا عن شعورك عند أول لقاء لك مع الزوجة فى فترة الخطوبة ..

مممممممم .. زى ما قلت : الخطيبة بنت عمى
يعنى مش غريبة عليا .. طبيعى كان فى حرج شديد من ناحيتها
لكن انا اتعاملت مع الموقف طبعا

---------------

اقتباس :

كم مجمل الزيارات التى زرتها لخطيبتك ... تقريبا يعنى خلال فترة الخطوبة ..

شوف يا سيدى .. بالعدد زيارة اسبوعية لمدة سنة = 48 زيارة
غير الاعياد والمناسبات الوطنية والعائلية

اقتباس :

الهدايا التى كنت تأخذها معك ما هى طبيعتها .. ذكر أنواع الهدايا .. طبعاا ذاكر ...؟

ف البداية كانت جاتوهات وتورتات .. لحد ما حماتى منعتنى
لكن ف المواسم ( الكتيييييييير جدا ) كنت باسيب امى هيا اللى تتصرف وانا بادفع بس

اقتباس :

قبل كل هذا هل عانيت من المشاكل مع أهل بيتك عند طلبك للزواج ؟؟

اه فى الاول بس كانوا رافضين الفكرة .. علشان استعدادى المادى ما كانش كافى
لكن لما عرفوا اختيارى .. وانها من دمى .. رحبوا بالفكرة
وقالوا شوف رأى عمك .. لو وافق يبقى خير

............................

اقتباس :

تفضل يا باشااااا


قهوتك المفضلة

دايما عامر . . ودايم عليك الخير

موفق بشكل 90% حسب تقديرى لحتى الان فى الاجابة على الاسئلة بشكل ممتااااز

بتمنى ان التقدير يضل مستمر للاااااخر يا غالى

وانا ملاحظ أنه ولا سؤال طلبت فيه التمرير لحتى الان .. الخير فى الجاى يا حبى


استمرر ...

اقتباس :

موقف طريف ومضحك حدث بينك وبين زوجتك الكريمة فى أيام فترة الخطوبة ..

هوه يمكن موقف معين كده ..
الاول بس هما كانوا كرماء معايا جدا وخصوصا فى موضوع الاكل ..
يوم كنت رايح بس كان عندى التهاب ف اللثة واسنانى بتوجعنى
حضروا العشا كالمعتاد .. وخطيبتى قالت لى : اتفضل
قلتلها : سنتى بتوجعنى .
دخلت اختها وقالت : الله .. انت ما اكلتش ليه ؟؟
قلت لها : سنتى بتوجعنى
دخل اخوها بعد شوية وقال لى : الله .. اانت ما اكلتش ليه ؟
قلت له : سنتى بتوجعنى
دخلت مامتها وشخطت فيا : انت ما اكلتش ليه ؟
قلت لها : سنتى بتوجعنى
بعد شوية دخل باباها وقبل ما ينطق ..
كلهم قالوا ف صوت واحد : سنته بتوجعه

=============

اقتباس :

زواجك كان متى اذا ممكن ( التاريخ - واليوم ) ..

كان يوم 1 / 7 / اعتقد كان 2008
=============

اقتباس :

..أخى بعد تجربتك للزواج كيف أصبحت حيااتك ...

والله يا بركة .. حياتى المفروض انها اصبحت اكثر استقرار ..
واحساسى بانى مسؤل عن اسرة بقى مالى تفكيرى
بس يمكن علشان الغربة .. وزوجتى مش معايا هنا .. فالتغيير مش واضح قوى بالنسبة لى
===============

اقتباس :

طيب يا حبيبي حسام بنظرك من هو الأرحم من ناحية المعاناة ( المتزوج أم الغير متزوج ) ولماذا

المتزوج طبعا ارحم .. ما يغرك كلام المتزوجين عن المعاناة والالتزامات والقيود
لكن وجود الزوجة بيهون كتير من صعوبات الحياة وبيبقى سكن بالفعل للجوارح قبل الروح

اما غير المتزوج فهو يفتقد نصف الحياة .. لديه حرية نوعاا ما لكنه لا يستخدمها

اقتباس :

وبعد زواجك ...

( كلمة توجهها للشباب الغير متزوجين )

....

الزواج رزق الله الحلال .. فلا تبحث عن حلاله بغير وصااياه
حق على الله عونك ان نويت الاحصان واالعفة
وما استفاد المؤمن بعد تقوى الله عز وجل .. من زوجة صالحة
اذا نظر اليها سرته .. واذا غاب عنها حفظته فى نفسها وماله
الزوجة الصالحة .. خير متاع الدنيا

واذا لم يتيسر رزق الله .. فعليك بالصوم ولا عذر لك فى غيره
وحديث ابو هريرة واضح لما قال : يا رسول الله .. اننى رجل هرم ولا اقدر على الزواج .. وكررها ثلاثا
فقال النبى : يا ابا هريرة ..جرى القلم بما هو كائن الى يوم القيامة فاصبر او اختصى ..
او كما قال

اقتباس :

أخى كيف أصبحت حياتك الزوجية بعد أول مولود ؟ هل تغيرت ؟هل زادت المعانة فى المعيشة ؟

تغييييييييير كبييييييييييير جدا .. بعد اول ثمرة للزواج
تجسيد مادى لكل العواطف .. جزء منك بتحرك امام عينيك ويضحك وبلعب

انما مسألة التكاليف دى على هامش التفكير .. صحيح زادت التكاليف
لكن الحمد لله .. ربنا بيرزقنا برزقنا ورزقهم
===========

اقتباس :

ممممممم طيب يا بركة لو تحدثنا الااان كم عدد أفراد أسرتك ( بعد الزواج )

كم عدد الأولاد ان وجد .. كم عدد البنات ؟؟ وأسمائهم ان أمكن يا بركة ؟

عندى سلمى زى ما المنتدى كله عارف .. ولسه دى اول انتاجنا الفنى

اقتباس :

هل تعرضت فى مسيرة حياتك مع الزوجة الى عقبات ومشاكل ..

هى االعقبات موجودة فى الحياة عموما .. زى شغلها مثلا
( هى مدرسة = معلمة ) وده كاان بيعمل شوية مناوشات بسيطة
لكن ما وصلش لمرحلة النزاع او الخلاف .. لانى ببساطة متفق معاها من الاول
تشتغل براحتها .. لكن يوم ما شغلها يأثر على بيتنا وحياتنا .. يبقى استقالة بدون تفكير

اقتباس :

كم مرة افتعلت مشكلة مع زوجتك أكيد كتيييير ..

واكيد ليه يا ابراهيم .. !!؟؟ انت شايفنى زوج مشاغب ؟
والا هيا دى فكرتك عن الزواج

اقتباس :

لكن الى بدى أصل له كم مرة توجهت زوجتك الى بيت أهلها

بطبيعة الحرد أو المشاكل التى حدثت ؟؟؟ يا عينى عليك يلا تشطر وجاوب بصراحة ..

هاقولك الحقيقة :
هيا توجهت لبيت اهلها اكتر من سنتين ونص
لان فى حاجة انت مش واخد بالك منها
انا مسافر وبارجع شهر واحد ف السنة بقالى اربع سنين على كده
وبالتالى هيا بتقضى معايا شهر واحد وبعدين انا اتوجه على السعودية وهيا تتوجه على بيت اهلها على طول
يعنى كل فترة زواجى 4 شهور متقطعة .. يعنى ما نلحقش نفتعل حاجة
لا مشاكل ولا غيره
=================

اقتباس :

طبعا أكيد يكثر سوء التفاهم بين الزوجين فى أول أشهر للزواج بسبب أن كلا الزوجين لا يعرف

بشكل مفصل ومتكامل كيف يفكر الزوج او كيف تفكر .. ما الذى يرضى وما الذى يغضب ..


ياااا ريت تحكى النا ما صارت مشاكل بينكم ... بنكون مسرورين كتير

كلامك صح طبعا .. طبيعى ان الفترة الاولى تكون فترة تفاهم وتقارب
وتعارف على طبااع الطرف التانى
وانا الحقيقة باعرف اعبر عن افكارى كويس واوصلها بسرعة
وباحاول اشغل دماغى علشان اعرف تفكيرها واهتماماتها

وبالنسبة للمشاكل .. مش كتير .. شوية صدامات خفيفة .. وبتنتهى بدون اصابات

اقتباس :

الله يسعدك يا رب انت وزوجتك الكريمة

وأتمنى لكما حياة سعيدة ملئها المحبة والسعادة ...

الله يسعدك ويرزقك ببنت الحلال الصالحة يا ابراهيم
انت وكل شباب المنتدى
وربنا يرزق بناتنا .. الزوج الصالح

اقتباس :

أخى حسااام ماذااا تعنى لك الزوجة بعد كل هذه الأسئلة ؟؟

خير متاع الدنيا .. راعية بيتى وبنتى .. وصديقة اهلى وحبيبتهم
صابرة - قنوعة - مضحية - محبة

اقتباس :

................. فااااصل ونوااااصل ...................................

خلاص كده يا ابراهيم .. مش فاضل حاجة .. انا حكيت كل اللى عندى

اقتباس :

التغيير رحمة من عند الله

قصدك انى اغير عتبة بيتى ؟؟؟
لاء يا راجل .. انت جاى تهدى النفوس

اقتباس :

ولو انها دعوة على فنجان قهوة لكن أكيد زهقت من القهوة
تفضل يا سيدى علشان تروووق شوى .. بس أول مرة وااخر مرة أجيبلك من هالنوع

كل اللى ييجى من ايدك حلو يا بركة

اقتباس :

عود نفسك على القهوة .... هيك بتخسرنى كتير انتا وما بتجيب راس مالها الشغلة
تفضل يا لوووز ....

ربنا يعوض عليك .. بكرة نقعدك مكانى ونهريك اسئلة وقهوة وعصير كمان
تسلم ايديك يا ابراهيم .. وتسلم اسئلتك

اقتباس :

سؤالى التانى:- هل حضرتك خيالى و لا بتحب الواقع اكتر حتى لو كان مر و الخيال اجمل بكتير و متهيألى هى ديه الحقيقه و لا حضرتك آيه رأيك؟

يا سلام يا منة على اسئلتك ؟؟

شوفى :
انا طول عمرى خيالى هوه اللى بيحرك واقعى ..
بمعنى : انى باحلم واضغط على الواقع علشان يوصلنى للحلم

بحكم شغلى ( وانا من صغرى باشتغل ) عايش الواقع بتفاصيله واسبابه

لكن الخيال والحلم جزء لا يتجزأ من شخصيتى وتفكيرى

بدون انفصال عن الواقع او رومانسية ساذجة .. تخل بقدرتى على مواكبة الحياة
بمتطلباتها واسبابها

اقتباس :

موفق بشكل 90% حسب تقديرى لحتى الان فى الاجابة على الاسئلة بشكل ممتااااز

بتمنى ان التقدير يضل مستمر للاااااخر يا غالى

وانا ملاحظ أنه ولا سؤال طلبت فيه التمرير لحتى الان .. الخير فى الجاى يا حبى

حياك الله يا ابراهيم على التشجيع
بس الحقيقة انا لو سيبت نفسى للتمرير هامرر نصف الاسئلة
لانها الحقيقة مترابطة بعض .. حاسس انى قاعد قدام وكيل نيابة مش مذيع

عموما .. اسئلة جريئة وهادفة .. وانا مش شايف اى حرج انى احكى تجربة شخصية بشكل عام وبدون عرض المسائل الخاصة
فى انتظارك يا بطل ..
بس علشان تعتقنى من القهوة .. مش علشان تسألنى تانى