| دعوة على فنجان قهوة - جلسة سمر | |
|
+10طالبة عفو الرحمن ملاااك moaz بنت غزة a white rose منة الله الازهريه الازهريه بلسم الجراح مواطن مصري بلسم الجرآح 14 مشترك |
|
كاتب الموضوع | رسالة |
---|
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: دعوة على فنجان قهوة - جلسة سمر السبت مايو 28, 2011 3:30 pm | |
| ربنا يستر هو ابراهيم كان قالي انه عنده امتحانات وعلشان كده دخوله قليل تلاقيه مستني لحد ما يفضالك | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر السبت مايو 28, 2011 3:38 pm | |
| براحتة خالص حتى حسام يكون رجع مصر
ونكمل معاة ان شاء الله
هههههههههههههههههههههههه | |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: دعوة على فنجان قهوة - جلسة سمر السبت مايو 28, 2011 3:47 pm | |
| | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر السبت مايو 28, 2011 3:59 pm | |
| | |
|
| |
منة الله الازهريه بــراءة عقــــــل
عدد المساهمات : 2362 العمر : 30 الاوسمة: : النشاط : 2894 التقييم : 430
| موضوع: رد: دعوة على فنجان قهوة - جلسة سمر السبت مايو 28, 2011 5:22 pm | |
| اختيار هاااااااااااااااااايل ربنا معاك استاذ معاذ مستنين رجعتك أبو فراس علشان نبدأ | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر السبت مايو 28, 2011 5:39 pm | |
| ربنا يخليك
منة انتظرونا مع اقوى المفاجئات | |
|
| |
منة الله الازهريه بــراءة عقــــــل
عدد المساهمات : 2362 العمر : 30 الاوسمة: : النشاط : 2894 التقييم : 430
| موضوع: رد: دعوة على فنجان قهوة - جلسة سمر الأحد مايو 29, 2011 6:34 pm | |
| ده شئ أكيد و متوقع منك يا استاذنا و كلنا مستنين ع نار | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر الإثنين مايو 30, 2011 11:37 am | |
| | |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر الخميس يوليو 07, 2011 10:21 pm | |
| هههههههههههههههههههههههه مستنيين على نار .... اكلتك زحل يا معاااذ .. قاعدين بعطونى جرعات تحفيييييييز ................................................................... عدناااااااااااااا اليكم بعد طوووووول انتظااااااااااااااار قهوتك يا حج تفضل فى هذه الحلقة ~~جلسة سمر سيكون لها طعم آخر انتظرونااا مع البداية | |
|
| |
منة الله الازهريه بــراءة عقــــــل
عدد المساهمات : 2362 العمر : 30 الاوسمة: : النشاط : 2894 التقييم : 430
| موضوع: رد: دعوة على فنجان قهوة - جلسة سمر الخميس يوليو 07, 2011 10:47 pm | |
| وااااااااااااااااااااااااااو رائع ابراهيم منتظرين البداية أخى | |
|
| |
ملاااك صديق لامع
عدد المساهمات : 7104 العمر : 33 الاوسمة: : النشاط : 9108 التقييم : 838
| موضوع: رد: دعوة على فنجان قهوة - جلسة سمر الخميس يوليو 07, 2011 11:09 pm | |
| والله هذا الموضوع لازم ينعاد من الاول لانو الو فترة متروك | |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر الجمعة يوليو 08, 2011 7:07 pm | |
| أعضاء وروّاد منتدى أحلى أصحاب
تحية طيبة وبعـد،،
نتواصل معكم في سلسلة لقاءات الأخوة المتألقين في منتدى أحلى أصحاب ..
مع الأخ
معاااااذ الذي أتحفنا بمواضيعه ومشاركاته الرائعة ونحن نُقدم لأعضاء وروّاد المنتدى الكرامضيفاً مثقفاً جدا .. واسع الاطلاع ... متألقاً في أدائه لا بد وأن نشد على أيدى الأعضاء باخراج كل ما يجول فى خواطرهم ونفوسهم تجاه هذا العضو....أهلاً وسهلاً بك أخي وأتمنى أن تستمتع ويستمتع الاعضاء في هذه الفرصة الطيبة لمحاورتكم،نبدأ على بركة الله بجملة بسيطة من الأسئلة التى سبق أن وجهت للضيف السابق .. ....................................
معاذ ؟؟ اذا أمكن أن تحدثا من تكون ..عدد أفراد اسرتك (قبل الزواج) ..تاريخ ميلادك ..كيف كانت المرحلة الدراسية التى مررت بها أين درست الابتدائية - الاعدادية - الثانوية .. اسم المدرسة لو سمحت موقف محزن حدث معاك أيام المدرسة ولم تنساااه لحتى الان موقف مضحك حث معاك أيضاا ... أحى معاذ أيام المدرسة لا تخلو من المشاكل بين الطلاب مع بعضهم البعض .. كم مرة حدثت معك مشكلة مع طالب بالمدرسة ؟؟ ان كان يحضرك موقف معين فى هذا الخصوص اذكره؟؟ كم مرة تعرضت للضرب من قبل المعلمين .. والاسباب وراء ذالك ؟؟معاااذ دراستك فى المرحلة الابتدائية كيف كانت ؟ وكيف كان تميزك وتقديرك بالدراسة فى هذه المرحلة ؟ ..............معاذ مرحلة المراهقة كيف كنت وكيف مررت بهذه المرحلة كم مرة حاولت معاكسة البنات فى هذه المرحلة .. وايش الى عملته بالزبط .. احكيلنا وخد راحتك فى الحديث ... بصراااحة معاذ الصحبة شيئ أساسى فى هذه المرحلة كيف كان رفقائك .. وبماذا تصنفهم لنا .. اصدقاء سوء .. أم أصدقاء خير .................................................................... فاصل ونواصل .. اعلانات تفضل يا باشا علشان تعدل راسك قهوتك | |
|
| |
ملاااك صديق لامع
عدد المساهمات : 7104 العمر : 33 الاوسمة: : النشاط : 9108 التقييم : 838
| موضوع: رد: دعوة على فنجان قهوة - جلسة سمر الجمعة يوليو 08, 2011 7:11 pm | |
| منتظرينك يا استاذ معاذ بالراحة عليه يا ابراهيم كل دي اسئلة حرام عليك هههههههههههههههههههههههه | |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر السبت يوليو 16, 2011 3:01 pm | |
| ابع ... بانتظاااار معااااااذ | |
|
| |
منة الله الازهريه بــراءة عقــــــل
عدد المساهمات : 2362 العمر : 30 الاوسمة: : النشاط : 2894 التقييم : 430
| |
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر الأحد يوليو 24, 2011 10:24 am | |
| السلام عليكم ورحمة الله وبركاته
حاضر ياابراهيم
اولا بعتزر جدااااااااا على التاخير
وثانياً هابدا ارد اليوم ان شاء الله | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر الأحد يوليو 24, 2011 11:06 am | |
| معاذ ؟؟ اذا أمكن أن تحدثا من تكون .. **********
معادَ محمد رفعت
انسان بسيط فقير يتمنى من كل قلبة ان يرضى عنة الله
احب الاستقرار والتانى
لدى طموح كبير فى كل المجالات
اؤمن بحكمة (على المرء ان يسعى وليس عليه ادراك النجاح )
اعتقد انى نجحت فى تغيير الكثير من طباعى السيئة
ولسة فى الكثير احاول معة ادعولى ربنا يوفقنى
اعشق تحديد اهدافى واحاول دوما ان اعرف مااريدة
واحاول التخطيط له
اعشق النجاح بعد التخطيط
احب بناتى جدااا
اعتقد انى والحمد لله ناجح بعملى
عايز تعرف حاجة تانية فى دا لو عايز قول متتحرجش وعلى فكرة انا مش هافوت ولا سؤال
بس ان نسيت ابقى فكرنى
وان نسيت تانى ابقى انسى انت كمان *************
عدد أفراد اسرتك (قبل الزواج) ..
6 افراد بما فيهم انا
******* تاريخ ميلادك ..
1*3*1974
****** كيف كانت المرحلة الدراسية التى مررت بها
كانت جيدة لم اكن ممتازا او متفوق جدا فى دراستى
ولكن كنت فى مستوى مرتفع عن الجيد كثيراً
*********
أين درست الابتدائية - الاعدادية - الثانوية .. اسم المدرسة لو سمحت
الابتدائية :ام المؤمنين الابتدائية
الاعدادية : الاعدادية للبنين بشربين
الثانوية : الشهيد عودة الثانوية
*********** موقف محزن حدث معاك أيام المدرسة ولم تنساااه لحتى الان
وانا فى الصف الاول الثانوى كان فى مدرسة بتدرسلنا عربى
وكانت بتعزنى جدااااا وهى كانت ممتازة
وكنت متجاوب معاها بشكل غير عادى
وفى يوم اطلقت كلمة كانت بغرض التريقه
فسمعت بس معرفتش من مين
وقالت ياجماعة اللى عندة شجاعة ادبية يقول وقعدت تقول بقه
مميزات الشجاعة الادبية وان دى ممكن تكون غلطة وانها مش هاتزعل
المهم سخنتنى
وقلتلها انى انا اللى قلت وفعلاً معملتش حاجة بس زعلت جداااا
وانا كمان زعلت وانقطعت علاقتى بيها من يومها
*********** موقف مضحك حث معاك أيضاا ..
ايام اعدادى وانا فى الصف الاول كان عندنا حصة زراعة
حاجة كدا يعنى للنزول واللعب وكدا ملهاش اى لازمة المهم
كان لينا اتنين زمايل واحد تخين جداااا
والتانى تخين بردة بس اقل منة
التخين (ياسر والتانى عبد العزيز)
المهم واحنا بنلعب كان فى درس كيمياء فى المعمل ونار وكدا
المهم عبد العزيز دا كان رزيل جدااااا
وفضل يضايق فياسر ويقولة ياتخين ويجرى ويضربة وكدا
فقام ياسر جايب زجاجة عصير فاضية
وسخنها كويس فى المعمل
وشالها بحامل وطفاها فى رقبة عبد العزيز
طبعا احنا صغيرين مش فاهمين
وضحك بقه يامعلم ماقلكش
*********
. أحى معاذ أيام المدرسة لا تخلو من المشاكل بين الطلاب مع بعضهم البعض ..
كم مرة حدثت معك مشكلة مع طالب بالمدرسة ؟؟ ان كان يحضرك موقف معين فى هذا الخصوص اذكره؟؟
انا مش فاكر غير موقف واحد كان فى الباص بتاع المدرسة
كان فى ولد الناس كلها مش بتحبة من النوع الرزيل
المهم وهو كان جارنا فغلس عليا وهو كان اكبر منى باربع سنين
بس كان اخى الاكبر معايا وضربة والمشكلة بقت اسرية بقة وكدا
**********
كم مرة تعرضت للضرب من قبل المعلمين .. والاسباب وراء ذالك ؟؟
مرة واحدة بجد مرة واحدة
واتخدت بزنب الكلاس كلة
واحنا فى تانية ثانوى
جالنا مُدرسة جديدة
والتلاميز رخموا عليها جدااااا
فدخل مدير المدرسة وضربنا كلنا ***********
معاااذ دراستك فى المرحلة الابتدائية كيف كانت ؟ وكيف كان تميزك وتقديرك بالدراسة فى هذه المرحلة ؟
انا كنت متفوق جدا فى المرحلة الابتدائية
واقولك بالضبط انا كنت جايب 267
من اصل مجموع
280
******
مرحلة المراهقة كيف كنت وكيف مررت بهذه المرحلة
مرحلة مهمة فى حياة اى انسان
بس انا منت مشغول فى الفترة دى مشغول بالعمل مع والدى
وكمان التزام والدى بالصلاة والتزام المنزل كلة بدا
هيء او سهل من مرور المرحلة دى كتيير جدا
بس كنت مرتبط جداااا باختى الكبيرة
وهى كمان يعنى كنا بنقعد مع بعض على طول
فدا سهل على الامور جداااااا
لانى كنت بتقبل نصايحها
وكانت بتقدر تقنعنى جداااا
فتقدر تقول انى مشاعر الانا ماكنتش بنفس قوة اى حد تانى ماعندوش الميزة دى
كمان كانت بتحسسنى انها بتحبنى جداا
فدا فرق معايا كتير فى تقبل الافكار
كمان انا كنت بحب القرآئة جدا ودا ساعدنى على التعامل
مع المرحلة بسهولة
إلى جانب انى كنت بلعب لعبة جماعية وكنت مميز فيها اسمها (الهوكى)
فيعنى تقدر تقول انى محستش بيها زى الآخرين عشان كان اهتماماتى موجودة مش هاوجهها
نحية حب البنات
واستعراض القوة وازهوة بيها
وحب النفس وكدا
يعنى اللى ساعدنى على اجتياز المرحلة دى وكمان شكلى المراحل اللى بعد كدا مجموعة حاجات
1/ الالتزام الدينى بالمنزل
2/ وجود البقدوة
3/ حب القرآئة والثقافة العامة
4/ وجود اهتمامات كتير نجحت فى اخراج طاقاتى فيها
5/ بيت واسرة مستقرة مادياً ودينياً ومليئة بحب افرادها لبعض ************
كم مرة حاولت معاكسة البنات فى هذه المرحلة .. وايش الى عملته بالزبط .. احكيلنا وخد راحتك فى الحديث ... بصراااحة
ولا مرة ابراهيم بجد ولا مرة
*********** معاذ الصحبة شيئ أساسى فى هذه المرحلة
كيف كان رفقائك .. وبماذا تصنفهم لنا .. اصدقاء سوء .. أم أصدقاء خير
بص ياابراهيم كان لى اصحاب كتيير يعن فريق كامل مكون من اكثر من 18
فرد بنلعب مع بعض (الهوكى )
جبيران كتييير جداااا من سنى
زملاء دراسة
بس الاقرب لى كان اتنين من داخل الفريق وواحد جار
وعلى فكرة هم مش من المقربين لى الآن باثتثناء
واحد بس كان بيلعب معايا ولسة حتى الآن هو اقرب صديق لى
اما حكاية رفقاء سؤ
الفترة دى خاصة سننا ماكنتش الحكاية كدا
عشان كان فى روابط منزليه واسرية
فى البيت
يعنى ماكنش مسموح لينا بالتاخر عن لساعات متاخرة
كان الاهل لازم يبقوا عارفين احنا بنروح فين
وكمان قاعدين مع مين
وبنعمل ايه ومع حرصنا احنا واحترامنا وخوفنا كمان منهم
كنا بنراعى دا وكمان دا هو اللى خلانا نحافظ على الصحبة الحسنة عشان من الاصل
مش مسموح لينا بالصحبة السيئة
وهاتكون العواقب وخيمة
يعنى تقدر تقول الرقابة كانت متحكمة فى النقطة دى
| |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر الأحد يوليو 31, 2011 1:29 pm | |
| امممممممم طيب يا معاذ اجابات جميلة ومتزنة لحتى الآآآآآآآآن :
عدنا اليكم لنتواصل واياكم فى لقائنا الجميل مع أحد الأعمدة الرئيسة لمنتدانا الغالى ..
عدناااا مرة أخرى لنستأنف معك الأسئلة التى ما زالت فى مقدمتها ... أخى الطيب لو تحدثنا بشيئ من التفصيل على الزوااااج متى بدأت الفكرة ( فكرة الزواج تجول فى خاطرك ) .. أخى معاذ .. متى وصل بك الأمر على الاصرار على الزواج ( يعنى كانت الأمور خربانة معاك على الاخر ) .. أخى الحبيب تاريخ خطوبتك كانت ( ذكر التاريخ لو سمحت .. طبعا مش معقول تكون ناسيه) كيف حصلت على بنت الحلال أقصد زوجتك .. حدثنا ..
هل حصل معاك صعوبات أم كانت الأمور ميسرة معك .. ممم ولا كنت حاطط عينك على بنت وكانت الامور ممهدة لها من قبل .... خد راحتك أيضا فى الحديث .. طيب .. أخى معاذ .. حدثنا عن شعورك عند أول لقاء لك مع الزوجة فى فترة الخطوبة .. كم مجمل الزيارات التى زرتها لخطيبتك ... تقريبا يعنى خلال فترة الخطوبة .. الهدايا التى كنت تأخذها معك ما هى طبيعتها .. ذكر أنواع الهدايا .. طبعاا ذاكر ...؟ قبل كل هذا هل عانيت من المشاكل مع أهل بيتك عند طلبك للزواج ؟؟ ............................ فاصل ونعود بإذن الله | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر الأحد يوليو 31, 2011 1:55 pm | |
| متى بدأت الفكرة ( فكرة الزواج تجول فى خاطرك ) .. *********** انا بصراحة كنت ماجل الزواج شوية يعنى تقدر تقول انى ماكنتش بفكر فية
لغاية ماشفت زوجتى رحمة الله عليها بعد الجامعة وانا بعمل دبلومة
شوفتها وكانت هى كمان بتعمل دبلومة واتعرفنا على بعض بحكم
الدراسة وكدا وببساطة وصراحة ازيد من اللزم حبيتها وقررت الزواج
ومن هنا بدات طموحاتى تختلف يعنى انا كنت ناوى اكمل بعد كدا
دكتوراة وخلافة بس لما عرفتها عدلت اهدافى وبقى شغلى الاول والاخير اشتغل
عشان اقدر اتجوز
على فكرة الكلام دا كان عام 1997
************
أخى معاز .. متى وصل بك الأمر على الاصرار على الزواج
( يعنى كانت الأمور خربانة معاك على الاخر ) ************ مع بداية معرفتى بيها
************ .. أخى الحبيب تاريخ خطوبتك كانت ( ذكر التاريخ لو سمحت .. طبعا مش معقول تكون ناسيه) ********* هناك فى حياتنا تواريخ لايمكن نسيانها
1/ تاريخ خطوبتى 13/9/2000
2/تاريخ زواجى 21/8/2002
وبلاش الباقى عشان ...... *************** كيف حصلت على بنت الحلال أقصد زوجتك .. حدثنا .. اعتقد انى جاوبت على دا فى الاول **************
هل حصل معاك صعوبات أم كانت الأمور ميسرة معك
الامر كان صعب جدااااااا بينى وبينك كدا انا فى الاول اترفضت رفضونى وبصراحة
بدون اسباب هى ربنا يرحما كان والدها متوفى وانت عارف بقة روح لعمها لأ اصل
مش فاضى طيب اخوها الكبير لأمالوش ..... طيب والدتها لأ المهم كان السبب
الرئيسى للرفض انى مش موظف حكومة آة متستغربوش وكمان هى مش من نفس
المدينة اللى انا عايش فيها صحيح المسافة مش كبيرة بس يعنى
المهم عشان النصيب بقة ورحمة ربنا بينا وحظى الجميل جالى تكليف بعد الحكاية دى ب6 شهور تقريبا واستلمت معانى ماكنتش ناوى
المهم كدا مشكلتهم اتحلت جات مشكلة والدى رحمة الله علية
اصر انة مش هاييجى معايا لان من وجهة نظرة طبعا انى ماترفضش وبينى وبينك
احنا والحمد لله ناس معروفين بكل خير فى مدينتا ومستورين وانا وقتها كنت بشتغل
مندوب مبيعات فى شركة كبيرة ومستقر وعندى امكانيات الزواج
المهم بعد الحاح ومثابرة وافق واتخطبنا
والحمد لله جهزت وانجوزت وبصراحة كانت نعم الاختيار والعشرة الحسنة
اصل اخوك بردة عندة نظرة فى الناس يعنى تقدر تقول نجحت فى الاختيار
*******************
.. ممم ولا كنت حاطط عينك على بنت وكانت الامور ممهدة لها من قبل .... خد راحتك أيضا فى الحديث .. ************* كدا انا جاوبت على دا كمان صح ************
طيب .. أخى معاذ .. حدثنا عن شعورك عند أول لقاء لك مع الزوجة فى فترة الخطوبة .. ************ تقدر بكل سهولة تعرف الشعور دا بعد ماحكيت اللى فات بس هاقولك لأ ماكنش زى اى حد مابيتخيل بجد كان احساس جميل رائع انى مع الانسانة اللى بحبها وبدانا نحلم ونخطط ونتمسك ببعض اكتر وكان بجد كل يوم بيمر سواء واحنا مخطوبين او متجوزين بنحب بعض ونقدر بعض اكتر الحمد لله فضل ونعمة من الله ***********
كم مجمل الزيارات التى زرتها لخطيبتك ... تقريبا يعنى خلال فترة الخطوبة .. ************* انا كنت بزورها كل يوم جمعه احسب انت بقه اربع ايام فى الشهر فى سنتين خطوبة احسب وقولى *********** الهدايا التى كنت تأخذها معك ما هى طبيعتها .. ذكر أنواع الهدايا .. طبعاا ذاكر ...؟ ************ فى الغالب كانت بتبقى زهب بس كمان فى عرايس ودباديب وقلوب وورود وكدا يعنى *********** قبل كل هذا هل عانيت من المشاكل مع أهل بيتك عند طلبك للزواج ؟؟ دا بردة اعتقد انى جاوبت علية **********
لو عايز تستفسر عن اى حاجة قول ميهمكش
انا بجد بحب ابقى واضح امام كل الناس فما بالك بمن احبهم فى الله
سعيد انى معكم
مع انى مش شايف ان كلامى شيق اوله اهمية
| |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر الأحد يوليو 31, 2011 1:57 pm | |
| نستكمل ( - مشاهدينا - أعضائنا الكرام ) مع أحد المبدعين والمتألقين فى هذا المنتدى أهلا وسهلا بك من جديد معنا ... كنا قد تحدثنا معك عن الزواج وفترة الخطوبة بالتحديد سؤال ع الماشى موقف طريف ومضحك حدث بينك وبين زوجتك الكريمة فى أيام فترة الخطوبة .. منعااا للاحرااج لكن لا بد من معرفة الاجابة ان استطعت الذكر .. او بامكانك تعمل تمرير للسؤال زواجك كان متى اذا ممكن ( التاريخ - واليوم ) .. ..أخى بعد تجربتك للزواج كيف أصبحت حيااتك ... و من هو الأرحم من ناحية المعاناة ( المتزوج أم الغير متزوج ) ولماذا أخى بعد زواجك ... ( كلمة توجهها للشباب الغير متزوجين ) .... أخى كيف أصبحت حياتك الزوجية بعد أول مولود ؟ هل تغيرت ؟هل زادت المعانة فى المعيشة ؟ ممممممم طيب يا بركة لو تحدثنا الااان كم عدد أفراد أسرتك ( بعد الزواج ) كم عدد الأولاد ان وجد .. كم عدد البنات ؟؟ وأسمائهم ان أمكن يا بركة ؟ هل تعرضت فى مسيرة حياتك مع الزوجة الى عقبات ومشاكل .. كم مرة افتعلت مشكلة مع زوجتك أكيد كتيييير .. لكن الى بدى أصل له كم مرة توجهت زوجتك الى بيت أهلها بطبيعة الحرد أو المشاكل التى حدثت ؟؟؟ يا عينى عليك يلا تشطر وجاوب بصراحة .. طبعا أكيد يكثر سوء التفاهم بين الزوجين فى أول أشهر للزواج بسبب أن كلا الزوجين لا يعرف بشكل مفصل ومتكامل كيف يفكر الزوج او كيف تفكر .. ما الذى يرضى وما الذى يغضب .. ياااا ريت تحكى النا ما صارت مشاكل بينكم ... بنكون مسرورين كتير ~~~~~~~~~~~~~~~~~~~~~~~~~~~ سأوجه لك أسئلة عديدة تجول فى خاطرى بخصوص زوجتك ( خاصة بفترة وفاتها ) أسأل الله لها الرحمة وأن يتغمدها الله برحمته ويسكنها الفردوس الأعلى من الجنة أسأل الله أن يبدلها دارا خير من دارها وأن يجمعك وذريتك بها فى جنة عرضها السموات والأرض ................. فااااصل ونوااااصل ................................... | |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر الأحد يوليو 31, 2011 2:04 pm | |
| - اقتباس :
لو عايز تستفسر عن اى حاجة قول ميهمكش
انا بجد بحب ابقى واضح امام كل الناس فما بالك بمن احبهم فى الله
سعيد انى معكم
مع انى مش شايف ان كلامى شيق اوله اهمية هههههههههههههههههههههههههههههههههههههههههه الله يقطع شرك يا معاذ ومين حكالك انه كلامك ما اله أهمية بالعكسسس والله أنا أثناء القراءة باجاباتك مستمتع جداا وسعيد بكلامك وصراحتك ما تقلق رح استفسر وأسأل عن كل كبيرة وصغيرة وسعييييد جداااا باجاباتك وصرااااااحتك بالكلام ...................... انتظر أخى ... ما تستعجل هع | |
|
| |
بلسم الجرآح قلب ينبض بحب فلسطين
عدد المساهمات : 1229 العمر : 34 الاوسمة: : النشاط : 2419 التقييم : 408
| موضوع: رد: دعوة على فنجان قهوة - جلسة سمر الأحد يوليو 31, 2011 2:08 pm | |
| | |
|
| |
moaz صاحب خلق رفيع
عدد المساهمات : 5170 العمر : 50 الاوسمة: : النشاط : 8171 التقييم : 960
| موضوع: رد: دعوة على فنجان قهوة - جلسة سمر الأحد يوليو 31, 2011 2:26 pm | |
| زواجك كان متى اذا ممكن ( التاريخ - واليوم ) .. *********** انا جاوبت على دا فوق صح ************
..أخى بعد تجربتك للزواج كيف أصبحت حيااتك ... ************** الحمد لله كانت على افضل مايكون
بس عارف اللى كان مخليها حلوة طبعاً
توفيق ربنا سبحانة وتعالى وكمان الاجتماع على الطاعات سوياً ***************
و من هو الأرحم من ناحية المعاناة ( المتزوج أم الغير متزوج ) ولماذا
المسئلة نسبية ابراهيم يعنى لما ربنا يرزقك بزوجة تقدرك وتساعدك وتهون
عليك وتكون انت كمان مقدرها ومقدر دورها ومسئوليتها
وفاهم كويس هى بتعمل اية وهى كمان تكون فاهماك ومراعياك
وبتحبك بجد وعلى فكرة الحب مش كلام انما افعال يعنى الافضل
من انك تقول انا بحبك ان افعالك هى اللى تقول وجهك يقول لواحد تصرفاتك تحكى
جمال عشرتك يتكلم وبجد ساعتها هى طالما انها انسانة واعية ومدركة ومقدرة
كمان هاتلاقى افعالها بتقول
وهو دا الطبيعى اما المعاناة بفضل الله لم اعرفها مع زوجتى وهى كمان
على مااعتقد واتمنى لم تعرفها معى
والحمد لله على هدايتة لنا وفضلة علينا ************
أخى بعد زواجك ...
( كلمة توجهها للشباب الغير متزوجين )
....
اقول ومن انا لاقول وانصح وهل هناك افضل من (من يملك البائة فليتزوج )
هل هناك افضل من نصائح الحبيب ففيها شفاء لامراض الانفس والقلوب
ولكن انصح بالاستخارة قبل اى خطوة وادعى الله ان يوفقك فى اختيار الزوجة الصالحة
واكمل انت معها فامامكم الكثير مثلاً اجعل وردك من القرآن معها هى صفحة
وانت صفحة
اجعل نصيب من صلاتك معها(النوافل)
اشركها خاصة فى الطاعات اجعل يوم فى الاسبوع لها تتكلمون فى امور الدين
والدنيا واعلم انك اجتهدت انت وهى فى الطاعة فاكيد سيوفقكم المولى عز وجل
*************
أخى كيف أصبحت حياتك الزوجية بعد أول مولود ؟ هل تغيرت ؟هل زادت المعانة فى المعيشة ؟ *********** على الرغم من ضيق الحال ماديا إلا انها كانت طيبة بالطبع لاتخلوا من المشاكل
العادية إلا اننا بالكلام والتفاهم والوعى والابتسامات والاعتراف بالاخطاء
بجد كنا بنحل كل حاجة **************** ممممممم طيب يا بركة لو تحدثنا الااان كم عدد أفراد أسرتك ( بعد الزواج )
كنا اربعة وبقينا تلاتة
والحمد لله ************* كم عدد الأولاد ان وجد .. كم عدد البنات ؟؟ وأسمائهم ان أمكن يا بركة ؟
سلمى ومريم ************
هل تعرضت فى مسيرة حياتك مع الزوجة الى عقبات ومشاكل ..
كم مرة افتعلت مشكلة مع زوجتك أكيد كتيييير ..
اكيد تعرضنا لمشاكل ومختلفة مادية وصحية
ونفسية لكن لم تكن تتجاوز حجمها كمشكلة سنتمكن من حلها ان شاء الله
وكان لدى فيها وفى نفسى ثقة تساعدنا على الحل
لم افتعل مشكلة طوال عشرتى معها رحمها الله لانى والله على مااقول شهيد
اقدرها واحترمها واحترم مشاعرها ودورها وكمان اشعرها بحبى لها
وهى ايضا كان لديها القدرة على امتصاص غضبى بابتسامة بسيطة
حتى وان كنت انا المخطىء فتبتسم وتتركنى قليلاً حتى اهدأ وبعدها بجد
ان اخطئت اعتزر لامشكلة وان كانت هى تعتزر لا مشكلة ونتقبل الامر
لنعيش ********** لكن الى بدى أصل له كم مرة توجهت زوجتك الى بيت أهلها ولا مرة بجد واللة ولا مرة بالعكس تعرف لما كانت هاتبات هناك يوم ولا حاجة كان يبقى فى حل من اتنين اما اروح ابات معاها هناك او ارجع اخدها فى المساء بعد ماتغير رايها وتقولى بالنص لا ياعم ياتيجى تاخدنى يااما تيجى تبات معانا ************
بطبيعة الحرد أو المشاكل التى حدثت ؟؟؟ يا عينى عليك يلا تشطر وجاوب بصراحة ..
طبعا أكيد يكثر سوء التفاهم بين الزوجين فى أول أشهر للزواج بسبب أن كلا الزوجين لا يعرف
بشكل مفصل ومتكامل كيف يفكر الزوج او كيف تفكر .. ما الذى يرضى وما الذى يغضب ..
ياااا ريت تحكى النا ما صارت مشاكل بينكم ... بنكون مسرورين كتير
اكيد بس مش فى الاول هو على مدار حياتنا بس زى ماقلت وشرحتها
عشان كدا بجد انا مش لاقى مشكلة تستحق الحديث او الكلام ولو لاقى كنت قلت
| |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: دعوة على فنجان قهوة - جلسة سمر الأحد يوليو 31, 2011 6:35 pm | |
| إبراهيم داخل بكل قوته ربنا يعينك معاذ تفتكر معاذ ان الحب قبل الزواج أو الزواج عن حب بيقرب الزوجين أكثر لبعض وبيكون فيه تفاهم أكثر بينهم ومش بياخدوا وقت طويل علشان يفهموا بعضهم؟ ( أنا كنت فاكرة إن زواجك كان تقليدي) | |
|
| |
طالبة عفو الرحمن زهرة ندية من فلسطين الحبيبة
عدد المساهمات : 5925 العمر : 31 الاوسمة: : النشاط : 7566 التقييم : 850
| موضوع: رد: دعوة على فنجان قهوة - جلسة سمر الأحد يوليو 31, 2011 7:07 pm | |
| اها والله مش مخيلانا نسال بيسال لحاله الله يقويك يا استاذ معاذ
وما خلي سؤال ادا وساله ربي يعينك يا استاذ معاذ
هههههههههههههه | |
|
| |
| دعوة على فنجان قهوة - جلسة سمر | |
|