رووووز معنا على كرسى الاعتراف فنرحب بها

ربنا معاكى يا روزى

موضوع مثبت
هع هع هع

إحنا فينا من كده


okشوية وأرجعلكم

( الاسم - السن - الحالة الاجتماعية - المؤهل الدراسى )


الإسم : أم أحمد


السن : 31وفي شهر 8 إن شاء الله 32


الحالة الإجتماعية: متزوجة ولدي 3 أطفال
أحمد صف رابع إبتدائي
عبد الرحمن صف أول إبتدائي
مريم حبيبة أمها في شهر 8 إن شاء الله سوف تتم 4 سنوات
زوجي يعمل محاسب ونقيم في السعودية في المنطقة الشرقية

المؤهل الدراسي:حاصلة على ليسانس تربية قسم لغة إنجليزية من جامعة المنوفية


كل شخص له هدف يرسمه ويطمح لتحقيقه .. ولكن قد ينقلب السحر على الساحر
ولا يحققه ... هدفك الذي لم يتحقق ؟؟

والله يا أسيرة أنا طموحاتي كثيرة نفسي أعمل حاجات كثييييييييييييييييييرة
بس لم أحقق منها الكثير حتى الآن
أولا كل مايفعله ويقوله الإنسان يحاسب عليه لذلك بحاول أضع موضوع النية أساسي في أكثر أعمالي مثلا
أنا بذاكر لأولادي مش علشان يكون أولادي دكاترة ومهندسين وخلاص لالالالا
علشان أولا دي أمانة سوف يسألني الله عنها
لازم يخرج هؤلاء الأطفال ناس تفيد وتعمر الأرض وتعرف دينهاوتتقي الله

-- مثلا بكتب في المنتدى بيكون عندي إيمان أن كل ما يظل مكتوبا في هذا المنتدى ومت في أي وقت سأحاسب عليه سواء صالح أو طالح
لذلك بحاول شوية شوية أن أقيد نفسي بضوابط حتى يغلب إن شاء الله الصالح
والإنسان كل ما يتبحر في مجال يعرف عنه أكثر ويكتشف أخطاءه
-أنظف المنزل ، أطبخ الطعام، أرضي الزوج ،أتصل بأهلي،
أزور جارتي كل شيئ بحاول أضع نية التقرب من الله

بس فعلا يا أسيرة أشعر أنني مقصرة دائما


نفسي أقدم عمل للإسلام بحيث عندما أقف يوم القيامة ويحاسبني ربي أقول يا رب لقد عملت كذا فسامحني عما أخطأت فيه

إحساس التقصير هذا ناتج ربما أنني دائما أنظر إلى الصالحين وما يفعلونه من أعمال ويتهيألي أن هذه النظرة صحيحة أحسن ما الإنسان ينظر إلى المقصرين فيسحبوه إلى الخلف

أنظر إلى جارتي فأجدها في حوالي عامين قد حفظت كل القرآن وعندها 6 من الأولاد!!!!!!!!!!!!! يعني أنا مشغولة وهي مش مشغولة
أكيد نظمت حياتها فوفقها الله

أنظر إلى المواقع الإسلامية فأجد أن روادها بالآلاف والزائرين لها
فيعتصر قلبي لأني كان نفسي أكون مثل الشيخ فلان أو العالم علان
وهكذا

فأحلام كثيرة لم تتحقق وكلها تصب في إتجاه واحد أن يرضى عني الله ومن يرضى عنه الله يرضي عنه الناس

طولت أنا عارفة بس ما ليش دعوة إنتم اللي إختارتم
هههههه

شكرا أسيرة :flower:

هما فعلا الأوان دي مهمة في حياتنا
وكل لون ليس له مدلول واحد فقط في ذهني ولكن أحاول أقول بعضها


الأبيض لون بحبه يعني النقاء والصدق والقلب الذي يغفر دائما والنفس التي تعطي دون مقابل من الناس
نقول دا راجل قلبه أبيض يعني يغفر زلات الآخرين بسرعة وسهولة....

يعني فستان الزفاف وهوأحلى فستان ترتديه البنت لتصبح ملكة مميزة يوم عرسها---
وطبعا يعني عندي الورد الأبيض الذي أحبه a white rose
بس في نفس الوقت بنقول دا مخه أبيض يا ورد
أو مصيبة لو سلمت ورقة الإجابة بتاعة الإمتحان بيضاء!!!!!!!!!!!!!
ههههههههههه





الأحمر-------------


الأحمر يعني عندي الدم وما يقاسيه الشعب العربي من أعدائه
والدم الذي يملأ كل مكان في العراق وفلسطينوكل دولة إسلامية جريحة

فكل إنسان منهم أخي أحزن عليه وأتألم لألمه لأنه أخي في الإسلام


--وطبعا من أهم إستخاماته إظهار العين الحمراء للعيال علشان وقت النوم أو المذاكرة وهكذا
--

بس أنا بحب الورد الأحمر جداا وخاصة القرنفل الأبيض و الأحمر





كما أن اللون الأحمر يعني لي الحب والقلب الذي ينبض بأجمل المشاعر

بحب الملابس الحمراء جدااااااااااااا وبتجذبني

وطبعا بنستخدمه لما نكون عايزين نركز على كلمات مهمة نريد القارئ الإهتمام بها

وكمدرسين بنصحح به للطلبه ونديهم على دماغهم
ههههههه



الأسود

الأسود


لون مهم جداااااااااااااااااا


لون المنتدى بتاعنا

ههههههههه

بحب أيضا الملابس السوداء بحس إنها شيك وخاصة للرجال ويا سلام على بدلة الفرح وبالنسبة للسواريه للسيدات بنلاقي الأسود على القمة--صح ولا إيه؟؟

و الأسود عامة لا يظهر عيوب الجسم

لون مهم في تحديد الأشياء المهمة والرسومات والتظليل

ولون جهاز speedtouch
الذي بكبسة زر مني أجد نفسي داخل عالم آخر وهو عالم النت

أشياء كثييييييييييرة

بس الأسود أيضا لون ما نعانيه من غلاء وفساد وعدم مبالاه بالفقراء من الشعب والطبقة المتوسطة الحال الكادحة والمتطلبات المتزايدة دائما على عبئ الأسر الكادحة
والله المستعان

الأسود يعني لي عدم الرضا والحقد على من هم أعلى منك في مستوى المعيشة يعني الحسد وتمني زوال نعمة الغير إنت مش عايز تبقى زيه لأ إنت عايز تزول منه وخلاص ودا شييء أسود

ولكن لولا الأسود ما عرف الناس الأبيض وما تعلم الإنسان أن يضييء الشموع وسط الظلام



شكرا عمرو

:ببب:


العاطفة

يتهيأ لي أن أقوى عاطفة عند المرأة هي الأمومة
فبالرغم مما تعانيه الأم من مصاعب في الحمل والولادة وتربية أولادها فيظلوا هم أحب الناس لديها ودائما تشفق عليهم وتسامحهم إذا أساءوا


الرحمة

خلق المؤمن ولوكل الناس إتصفوا به حاجات كثيرة هتتغير

والإنسان يرحم كل البشر المؤمن والكافر القوي والضعيف والحيوان

وقال النبي صلى الله عليه وسلم ‏"‏ من لا يرحم لا يرحم ‏"‏‏.

أنا لما بشوف العمال هنا من الهنود والبنجلاديش بيشتغلوا في عز الحر (حر السعودية)
ولا في البرد القارص بيصعبوا فعلا علياوبشعر بنعمة ربنا عليا
لأنهم تركوا أهلهم وجاءوا لبلد غريبة وبيتكلموا العربي بصعوبة طالبين رزق الله
العقلانية
أنا لو وصفتها حسب مفهومي لها هقول
إن الإنسان ما يتسرعش في رد الفعل فيترك مجال من الوقت ثم يقرر ولا يكون كل فعله أو رد فعله مبنيا على العواطف والناحية الإنفعالية

يعني لا يضع قراراته بسرعة
بل يحاول ترك لنفسه مساحة من الوقت حتى تهدأ مشاعرة ويحاول النظر للموضوع من جميع جهاته وماذا من الممكن أن يكون ردالفعل على تصرفه هذا

وعلى فكرة الموضوع ده محتاج تدريب وكل ما الإنسان بيمر بخبرات في حياته بيساعده إن شاء الله في الحكم الأصح على الأمور

مثال كما تريد يونا
ممكن أقول قرار زواجي كان عقلاني أكثر من عاطفي والحمد لله وفقني الله


---------------------------------------------------------------------------------------------------------

س------------عندك كام صديقة ممكن تثقى فيها جدا لكي تطلعه على أسرارك.


ج ---للأسف الحين ولا صديقة لأني حاليا أعيش في بيت لوحدي مغلق عليا مع زوجي و أولادي(بيت مش شقة يعني ولا حتى جيران تحتي) وليس عندي أي أصدقاء علشان كده بقرفكوا في المنتدى

ههههه

بس الأول كان عندي صديقتين بس سري كان أكثره مع واحدة منهم كنت أحبها وكنا نذاكر مع بعض

أنا عن نفسي من النوع اللي مش بقدر أخبي ---بيبان عليا على طول فرحانة ولا زعلانة ومش بقدر أخبي إلا لو كان حاجة ما ينفعش تتقال --

بس الحمد لله بحتفظ بأسرار غيري جدااااااا

------------------------------------------------------------------------------------------------------------------------------------
س-----إيه أكتر موقف محرج حدث ليك في الجامعه.

بصراحة مش فاكرة قوي بس عامة في موقفين حكيتهم قبل كده لميدولورد وهأضعهم هنا تاني



_ من المواقف المحرجة إني لما كنت في الكلية كنت
داخلة أنا وصديقاتي من باب الكلية ولابسة ومتأنتكة وفجأة لقيت نفسي بنزل
في الأرض كان فيه حفرة على قد تقريبا القدم تنزل فيها وغويطة بس إتحرجت قوي

2-كان
موقف برضه كنت تقريبا عايزة أنظم الكتب بتاعتي اللي في الشنطة في الكلية وبصيت لقيت عربية
حمراء داخل الكلية قلت أحط الكتب بتاعتي و أنظمها عليها ولسة بحط الكتب
وإنطلقت منها إنذارات وكان قدام الكافيتريا يعني هتبقى فضيحة بجلاجل ولميت
الكتب بسرعة ويا فكيك



س----مين من الكتاب بتحبي تقرأ ليه ،إذا كنت من هواة الأدب


ج---عا دي ممكن الكتاب نفسه عنوانه يشدني-بس بصراحة ما كنتش بقرأ كتب كتير كنت أحب أقرأ الجرائد ومجلة الشباب كان بيكون فيها مواضيع حلوةودلوقتي النت طبعا

---------------------------------------------------------------------------


س----لو قاعد ةعلى البحر هتكتبى ايه على الرمل اول حاجة تخطر فى بالك


بحبك ربي


-----------------------------------------------------------------------

لو اعطيتك ورقة وقلم هترسمى ايه لما تكون مضايقةاوى؟؟

بصراحة سؤال محير ممكن أجربه و أنا لا قدر الله مضايقة
بس ممكن أشخبط و أسودالخطوط

ههههه

--------------------------------------------

ماذا تعنى لك هذه المقولة

((اذا اردت شيئا بقوة فاطلق سراحه فأن عاد اليك

فهو ملك لك وان لم يعد فأنه

لم يكن لك من البداية))


أنا عن نفسي لما أكون عايزة حاجة بأسعي لها و آخذ بالأسباب و أتوكل على الله و أقعد أدعي ربنا كتيييييير علشان تيجي لو فيها خير لي و أدعوه أيضا أن تكون فيها خير لي وأنه سبحانه يحققها لي --- كل إنسان بيأخذ ما كتبه الله له بس دي مش دعوة للخمول بالعكس الأنسان يأخذ بالأسباب ويتوكل على الله



-----------------------------------------------------------------------


لو كان لك حرية اختيار اكثر من قرار في المنتدى,, ماذا ستقرر على وجه السرعة؟؟
سلبية واضحة جدا في المنتدى وتطالب بازالتها الآن ... ماهي ؟؟

قرارات كتييييييييييير

بس من غير زعل ولا حد يضايق مني

أول شيئ هأبقي على كل المواضيع الدينية والثقافيةوالترفيهية المحترمة والتي لا تتعارض مع الدين

ثانيا حذف قسم الأفلام والأغاني وكل الصور النسائية بالنسبة للصور المرسومة باليد والتصميمات هقبلها بشرط تكون نصفية يعني لا نرسم جسم الأنسان كاملا ولكن ننقص جزء لا يستطيع الحياه بدونه ودي عامة سمعتها ولذلك ببعد عن هذا الموضوع و أحاول تكون الرسومات للطبيعة أو الورود وهكذا البحر الشجر السماء وووو حاجات كثيرة


أما أعضائي في المنتدى بالنسبة للصورة الشخصية والتوقيع أيضا هرفض صور نسائية في حاجات كثيرة ممكن تتحط مش لازم يعني ربنا بيقول حجاب و إحنا نحط صور لبنات غير محجبات وبعدين نتحاسب عليها بعد كده وكمان كل من رآها و أعجب بالصورة أو التوقيع

----------------------------------------------

حد هيبقى عضو عندي


عامة كل إنسان وله أخطاءه بس أنا بخاف بالذات من الأشياء اللي ممكن تؤثر في الناس فيقلدوني فيها فآخذ لا قدر الله كل سيئاتهم
فبحاول أعمل كنترول على المنطقة دي

علشان الشغل اللي يطلع يكون في مجمله يرضي الله
طالما عندنا مجال نفكر قبل كتابته و إرساله وحتى لو كتبنا شيء ولم يعجبنا بصراحة الله يجازيه خير المدير لا يقصر يعمل دائما ما يرضينا
فلماذا نبقي الأخطاء إذن
------------------------------------------------------------------------
شكرا لك بسمة المنتدى على الأسئلة الجامدة دي ويارب نكون أصدقاء على طوووووووووووول

---------------------------------
عايزين أسئلة
يا ترى من السائل
-----------------------------------------------












‏

مين هم العضاء المقربين ليكى فى المنتدى؟

اكتر عضو اتخنقتى من مواضيعه او ردوده او منه شخصيا؟

يا ترى انا من العضاء الى اتخنقتى منهم ولا لا؟

لو رشحنا حد فينا لعده جوائز تختارى مين :

العضو المثالى؟

اخف دم (ابو دم خفيف

احسن مواضيع

احسن ردود

***************************

ايه رايك فى ديكتاتوريه ادمن وعدم وضع اى مشرفين؟

طولت عليكى واكيد اتخنقتى منى بس ياريت الرد بامانه

مين هم العضاء المقربين ليكى فى المنتدى؟


كيلرعمرو يونا مرمورا كول
------------------------------------
وفي أعضاء تانين بس لم تتوطد علاقتي بهم قوي

زي مرجانه دمها خفيف بس دايما مستعجلة مش بلحق أتكلم معاها
ههههه

أسيرة الليل حاولت أتكلم معاها بس مش عارفة حاسة إنها مش بتحبني يارب يكون إحساس بس

إيمي حسيت إنها شخصية ظريفة وكمان لؤشا بس مش كتير بيدخلوا المنتدى


--
-----------------------------------------------------


اكتر عضو اتخنقتى من مواضيعه او ردوده او منه شخصيا؟

بصراحة لحد دلوقتي لسة

بس ربنا يستر ما كنش أنا العضو ده

لأن حياتي هنا في السعودية وتعلم بعض المناهج الدراسية جعل لي نظرة مختلفة للأمور ممكن ينظر لها البعض أنها تشدد
ولكن بشعر إننا في حياتنا إبتعدنا عن الحياة الإسلامية اللي المفروض نلتزم بها وهي سهلة ومبسطة جدا ولكن تفاعلنا وإنجذابنا كثيرا لحياة الغرب أثر علينا إلا من رحم الله
فيارب الكل يأخذ كلامي من منطق الحب وليس إنني أريد إكتشاف أخطاء وخلاص

بالعكس كل منا له أخطاء و أنا أول واحدة بحب حد يوجهني وبكون سعيدة به
ولا أزعل
-------------------------------------------------------------------

يا ترى انا من العضاء الى اتخنقتى منهم ولا لا؟
بالعكس تماما
أنا لما جيت المنتدى وجدت مواضيع ليك كثيرة وهادفة وزعلت إنك لم تعد تكتب مثل الأول وسألت عنك كول و تقريبا إن حتى هذا الوقت كان مش عارفك قوي

ولما جيت يوم وكتبت مواضيع كثيرة شعرت كما قال عمرو أنك شعلة المنتدى

-----------------------------------------------------------------------------
العضو المثالى؟

ممكن أقول عمرو هو صحيح المدير بس عضو أيضا لحرصه المستمر على التغير في المنتدى والنهوض به وفي نفس الوقت قبوله الرأي الآخر والنقد فكمدير سهل التعامل معه بالنسبة لي

----------------------------------------------------------------------
اخف دم (ابو دم خفيف

ميدولورد وساموراي ويونا ومرمورا

---------------------------------------------------------------------------
احسن مواضيع

بصراحة صعب أقول لأن كل واحد ليه مجال بيكتب فيه

يعني مواضيعك جامدة وخاصة الرزالة

بتدور دايما في ذهني وخاصة


(أستنى رايح فين أنت نازل عادى كده ولا كأنك رذل ولا حاجة)

بس علشان برضه النصيحة عايزاك تنبه إن الموضوع ده للضحك فقط وليس للتنفيذ أصل في ناس ماهتصدق وتنفذ
طب وبعدين؟؟؟
:يييي:


مواضيعك عامة خفيفة الظل وكمان عدم إستخدامك لأي لفظ كده ولا كده بيسعدني جداااااااااا

كمان مرمورا لها مواضيعها الدينية الثقيلة وأسيرة

ويونا مواضيعها سهلة وخفيفة على النفس

كول بيحاول يعمل شغل كتير في المنتدى في أقسام عديدة
ساموراي بنكته الجميلة وسعة صدره وسمع كلامي وبيكتب الإنجليزي إنجليزي والعربي عربي :ببب:

كنت بأجد فعلا صعوبة في قرآة كلامه
ويارب يستمر على كده :ععع:
ساندرا مش بتدخل كتير بس ليها مواضيع رائعة عن الرجيم والموبيل
كيلر عمرو ليه مواضيع جميلة كتير
يعني لكل شخص
مواضيعه الجميلة
------------------------------
احسن ردود

أغلب ردودك بتكون ممتازة ومش بعرف دا نتيجة خبرتك في الحياه ولا كثرة أصحابك ولا إيه بالظبط
بس بسعد بكل الردود-- في ناس بتكون مبسوطة من الموضوع بس مش قادرة تعبر بس كفاية عليا إنها دخلت وردت عليا
أنا على فكرة مش شاطرة برضه في الردود وبحاول برضه أبحث عن الرد في ذهني مدة حتى أكتبه بس بحب أرد على أكثر المواضيع علشان طالما إنسان كتب شيء يستحق الثناء فيجب شكره حتى يستمر في طريق الخير

---------------------------------------------------------

ايه رايك فى ديكتاتوريه ادمن وعدم وضع اى مشرفين؟


بالنسبة لي أنا لم أسأله لماذا فعل ذلك
بس رأي إن دا شيء كويس طالما مش بيضغط علينا في المواضيع أو الردود أو النقد ومش بيحذف مساهمتنا

أنا رأي المركب اللي ليها رييسين بتغرق فما بالك ب4 أو 5

رأي كلنا أسهل نرجع للمدير وكلنا كأعضاء نساعده اللي شايف حاجة خطأ يقول وهو مش بيمانع بالعكس

و أحسن علشان الأعضاء لا يكون في غيرة بينهم ويحبوا بعض ولا يكون موضوع الإشراف دا حساس بينهم

كفاية حب الأعضاء لبعضهم وترابطهم

هي هتكون مسألة صعبة بالنسبة له هو لعدم وجود من يعاونه ولكن كأعضاء نعاونه ونوجهه لأي شيء خطأ إبتغاء مرضاة الله أحسن من أي منصب إشراف

ولا إيه وجهة نظرك؟؟؟؟؟؟؟؟؟؟؟؟

شكرا لك ميدو لورد على مرورك الكريم

يلا يا جماعة عايزين أسئلة كثيييييييييييييييييييييرة أنا قاعدة مستنية آهوه

واللي عايز يتناقش معي في أي إجابة قلتها أنا تحت أمره عايزين تفاعل و أخذ ورد في الكلام
عايزين نشاط
يلا بسرعة

اهلا ياروزى على الكرسى ههههههههه منوره والهى

الاعضاء مدلعينك اخر دلع ياجماعه عايزة اسئله نااااااااااااااااااار

اية ياادمن فين اسئلتك

لينا عودة

تحياتى

نااااااااااااااااااار


ليه كده بس :ببب: :يييي:



مش مشكلة أنا مستنية


يلا يا أسيرة همتك معانا
أصل هما الأيام دي مشغولين علشان الإمتحانات


مستنياكي

طب سؤال هل هتيجي في الاجازة كفاية قوي كده؟؟؟؟؟؟؟؟؟؟؟؟

والله يا كول أنا نفسي أشوفك وحشتوني كلكم

كلامك عن السفر كتير بيدور في ذهني وبحاول أرتبها في ذهني المشكلة يا جماعة إن زوجي مش عايز ينزل مصر السنة دي و أنا بحاول أني لا أسافر بدون محرم و أنا كمان بسافر بري والمسافة طوييييييييييييييييييييييلة-

وكول قالي هكون المحرم بتاعك بس هيكون ده لجزء من المسافة وهضطر باقي المسافة أكون لوحدي ومعايا العيال

خلاص صدقني هسأل الشيخ هنا وأقولك و أنا فعلا عايزة أنزل مصر علشان أشوفكم كلكم


شكرا لك كووووووول

انا عليا الدور

اكتر عضو مش بتحبيه معانا فى المنتدى ؟
مين العضو اللى نفسك تاكليه بالقلم ؟
مينالضو الل نفسك تبوسى راسو ؟

اكتر عضو مش بتحبيه معانا فى المنتدى ؟

الحمد لله كلهم بعتبرهم أهلي



مين العضو اللى نفسك تاكليه بالقلم ؟

:ببب:


مين العضو اللي نفسك تبوسى راسه ؟

كوووووووووووول علشان أنا خالته فمسموحلي بذلك

اقتباس :

مين العضو اللى نفسك تاكليه بالقلم ؟

ايه الاجابه ؟

أكيد مفيش طبعا-

علشان إنت بس لسا جديد يا الخيال بس لما تشوف المنتدى كويس تلاقي الأعضاء هنا كلهم محترمين وبيخافوا على مشاعر بعض ومحدش عمره جرح حد فنحن أسرة واحدة بنخاف على بعض ونقف جنب بعض لو حد منا متضايق ولو عضو جديد دخل وقال حاجة ضايقت عضو على طول المدير بيتصرف ويمنع أي مشاركة غير لائقة
فالحمد لله

شكرا على أسئلتك يا الخيال

العفو

السؤال
امنه بتكوني عايزه تبكي اوي وايه الحاجه اللي تخليك تكوني شيافه انه تستهل انك تبكي
سؤال سهل جدااااااااااااااااااااااا علشان خاطر روزيتا

لما تحدث مشكلة بيني وبين أي شخص تربطني به عشرة سنين و أجده نسى عشرة السنين ولم يقيم لها وزن



وتعامل بطفولية وعند وجحود

شكراااااااااااااااااااااااااااا روني يا قمر