رووووز معنا على كرسى الاعتراف فنرحب بها

بعد التحية المعطرة بذكر الله ....

سؤال على الماشى .. كم تحفظين من كتاب الله ؟

اصبتني في مقتل إبراهيم

للأسف مش حافظة كتير --سور لحالها

والله نفسي أنضم لحلقة تحفيظ علشان يكون فيه متابعة مستمرة وصحبة صالحة أحفظ معاها

الوقت لسا ما فات أختى ..


فيوم القيامة يقال للمرء

( اقرا وارتقى فان منزلتك عند اخر ايه تقراها)


بوركتى أختى روز

كلامك ده إبراهيم هيكون ان شاء الله حافز لي
جزاك الله خير أخي
بارك الله فيك

اممممممممممم
ازيك يا حماتي
اسألك سؤال بقي في الأكل
انتي او اي حد من السعودية
الشوفان بتاكلوه
وبيتعمل ازاي
بابا جايبلنا كمية معلبات كدة ومش عارفين نتصرف فيها
ماما كانت عابزة ترميه قلتلها حرام اسألك الأول
انا اعرف ان الشوفان دة اكل للخيول
اول مرة اعرف انه بيتتاكل

لا دا مفيد جدااااااااااااااااااااااااااااااااا
بصي هو ليه طرق كتيرة

بس انا بعمله كده

شوربة شوفان

هاتي قطع صغيرة من صدور الدجاج النيء

حطيها في حلة مع زيت وقلبيها على النار هي على طول بتدخل في السوا وقطعي عليها بصل مكعبات صغيرة قوي وفلفل مقطع صغير قوي وطماطم مقطعة صغيييير وحطي كمون قليل

واحنا هنا بنحط هيل (حبهان) مسمار(قرنفل )بدون طحن حب زي ما هو بيعطي نكهة حلوة

أو اي بهار تحبيه للشوربة

وبعدين مكعب أو مكعبين (حسب الكمية) مرقة دجاج للي بيحب يحط وزيدي ميه

ولما تغلي وتحسي ان الدجاج استوى ابدئي حطي الشوفان شوية شوية وقلبي

بس بالراحة علشان هو شكله في البداية تحسي انه خفيف بس فجأة بتكاثف وبتتقل الشوربة قوي



=-=-=-=-=-=

لو عندك دجاج مسلوق

صفري البصلة شوية وبعدين الفلفل الأخضر وبعدين حطي الطماطم المقطعة صغير وبعدين قطعي الدجاج المسلوق قطع بعد نزع الجلد وبعدين حطي شوربة الدجاج اللي عندك وبعدين ضيفي الشوفان زي ما اتفقنا شوية شوية وقلبي

وملح وفلفل واي بهار تحبينه وخاصة الهيل (الحبهان والقرنفل-مصحح) ووقت الأكل شيليه

=-=-=-=-=-=-

فيه ناس بتعمل بيه بدل البقسماط كده لما تعمل الدجاج بالبيض والبقسماط بس انا ما حبتهوش بيطلع ناشف شوية

=-=-=-=-=-=-

فيه ناس بتربط به المهلبية بدل النشا

=-=-=-=-

بس اكتر شيء بحبه الشوربة وخاصة في رمضان

=-=-=-=

ماترميهوش حتى ولو تاكليه زي ما هو كده لفايدته

شكرااااااااا روووووز حبيبتي

هي ماما جربته فعلا اول ما جابته في شوربة بس من نفسها كدة من غير ما نعرف الطريقة
بس انا ما حبيتهوش
وعملته حاجة زي البليلة كدة بس ما عجبتني برضه
هخليها تجرب طرق الفراخ دي
شكرا روز

شوفوا معايا الخبر ده

يا سييييييييييييدى عالناس

مااااااا علينا قوليلى بقى

امتى اخر مره ضحكتى من قلبك رووز ؟؟

واييه حكمتك المفضله ؟؟

امتى اخر مره ضحكتى من قلبك رووز ؟؟

إمبارح كنت عمالة أقرا موضوع في المنتدى ضحكت عليه فعلا من قلبي

أكثر وقت أضحك من قلبي لما أقاربي اللي ساكنين في الخبر بيجوا يزورونا لاننا في عمر بعض تقريبا ونقعد نتذكر حكاوي مصر

=-=-=-=-=-=-=-=

يااااااارب دايما حبيبتى
تضحكى وتنبسطى ويبقى كله تمااااام

واييه حكمتك المفضله ؟؟

فيه حكم كتير أزهرية

بس من أكثرها


أن تضيء شمعة صغيرة خير لك
من أن تنفق عمرك تلعن الظلام

أضايق جداااااااا من الإنسان اللي يفضل يشتكي ويزعق ويتعصب على حاجة وهو واقف في مكانه من غير ما يفكر في حل لها

الحاجة حصلت وخلاص نشوف هنعمل ايه بقى

==--=-=-=-=-=-=
يهب الله كل طائر رزقه ولكنه لا يلقيه له في العش



لازم الإنسان يسعى ويأخذ بالأسباب ويجتهد ويتوكل على الله

الطائر مش بيستنى ربنا كل يوم يضع له طعام في عشه ولكن يطير ويبحث والله يرزقه


=-=-=-=-=-=-=-

مرة كنا قاعدين في منطقة عشب كده على البحر

وكنا قاعدين ناكل

فالعيال بيقع منهم قطع من الخبز صغيرة فبعد ما قاموا العيال ببص على الخبز اللي واقع ده ومضايقة انه وقع على الأرض لقيت نمل سبحان الله جه يشيله وبياخده معاه

سبحان الله رزق للنمل والله أعلم

=-=-=-=-=-=

الله عليكى يا روز


ربنا يكثر من امثالك

تسلميلي أزهرية يارب

قوليلى هل روز مدمنة تفكيييييير ؟؟

لا مش إدمان يعني

بس يمكن أنا الحمد لله على كل حال كنت اتعرضت لمرض نفسي اللي هو الوسواس القهري

فده خلاني بفكر كتير شوية قبل ما أعمل الحاجة


هو المرض قل عندي كتير عن الأول

بس يمكن ترك فيا أشياء إيجابية

اني افكر قبل ما اعمل الحاجة

عدم التسرع في الحكم على الأمور

الإحساس بأوجاع الناس ومشاعرهم

ان لما يكون عندي حاجة ومتيقنة انها صح مش بيهمني سخرية البعض

بقيت افكر كتير في الصح والغلط والحلال والحرام ساعات كتير بيقلب بوسوسة لكن برضه في حاجات كتير حسيت انها حرام وإتأكدلي لي بعد كده انها فعلا حرام
وخاصة وجودي بعيدة عن الناس نوعا ما بيخليكي تفكري وتتأملي لان عقلك مش بيكون مشغول بأحداث كثيرة

تماااااااام روز الله يفتح عليكى

شكرا لك
لازم نستضيف كل المشرفين علي كرسي الاعتراف
هههههههههههههه

وأكيد هنستضيفك ان شاء الله ملاك علشان شخصيتك فرضت نفسها و أعطت بهجة للمنتدى

اييه شاغل بالك يا جميييييله ؟؟

صحيح بتدخلى لكن حاسه انك مش روز
اللى احنا متعودين عليها

خييييييير طمنينا عنك

أولا أشكركم جزيلا على السؤال
وجزاكم الله كل خير


الواحد كان فاكر ان كل ما العيال بتكبر بيقل الضغط عليه لقى كل مدى وبيزيد انشغاله ومسؤولياته هههه
ان شاء الله ارجع اشارك تاني
ربنا يخليكم لي

ياااااااااااااااااااااااااارب يديكى الصحه ويقويكى

ويبارك ليكى فيهم ويطلعوا احسن نااااااااس يارب