مليونية 29/7 ((بحبك يا مصر))

ولم في هذا الموضوع بالتحديد يا اخى

فهل مليونية 29/7 هي ما أحدثت بمصر كل تلك الأحداث

أم أنها هي التى قسمت الثورة

افدنا افادك الله

لا والله يا صاحبى .. مش ده المقصود
بالعكس
ده تقريبا اخر يوم ف الثورة
واخر تجمع محترم للشعب الجميل
كمان افتكرت اللى قلناه فى الموضوع ده
وشكوكى فى المجلس العسكرى
وآدى الرؤية وضحت .. وما اعتقدش حد ف مصر كلها
- عنده الحد الادنى من الوعى -
وبرضه لسه مصدق ان المجلس حمى الثورة وحقق مطالبها
=========
الغليااااااااااان .. هو الشعور العام - ع الفيس وتويتر والميديا -
ولما سالت شخصية مهمة - بالنسبة لى - قالى :
جعجعة وشوية محرضين
قلت له : حاسب ..الجعجعة وشوية المحرضين دول عملوا ثورة يناير
واهمالكم دور الفيس .. ساهم فى نجاحها
وما تنساش ان يناير قدامه شهرين ..............!!!؟؟

شوف يا صديقى ..
حالة الحيرة والقلق والتوهان اللى فيها المصريين دى
ثمرة نجاح المجلس العسكرى ..
نجح انه يفتت الشعب ويشككنا فى بعض ..
وماحدش يقولى ان دى حالة طبيعية بوجود انتخابات برلمان .. وان ده صراع مصالح
لااااااااء والف لاء ..
الخطة شغالة من بدرى .. على نار هادية .. وباعصاب باردة
فصال على كل خطوة .. وشد وجذب
-----------
من اغرب ما رأيت ... واحد زى محمد حسنين هيكل
فى قامة وقيمة وفهم الراجل ده وتحليلاته اللى دايما قريبة من الصواب
لما اشوفه النهارده .. بيقول : مفيش حد فمصر عنده الحقيقة الكاملة
واننا فى حالة صعب تقييمها بشكل دقيق . ..
وان هو نفسه مش قادر يحكم على الوضع ..
ده مؤشر خطير - بالنسبة لى - على حالة التوهان
لاننا ما نقدرش نحكم على الامور من غير معطيات واضحة وحقايق اكيدة
لان لحد النهارده .. الناس مش عارفة مين الصح ومين الغلط
والاخطر .. انهم مش عارفين مين الكويس ومين الوحش ؟؟
---------------
على راي جلال عامر :
كل الشعوب لا تعرف ماذا سيحدث فى مستقبلها ..
الا الشعب المصرى .. لا يعرف ماذا يجرى فى حاضره ..

وعجبى