رحال علي كرسي الإعتراف

براحتك يا عهود
كلو من ايوت
:ddsax:

يعجبنى عنادى كتب:

انا هسال بقى
مين الشخص الى تتمنى انو يبقى معاك دلوقتى؟؟
ايه اكتر كلمه قولتها وندمت عليها؟؟؟؟
ايه اكتر كلمه بتقولها فى يومك؟؟؟
تفضل تعيش فى مصر ولا تسافر برة؟
والباقية تأتى

الشخص اللى اتمنى انو يبقا معايا دلوقتى (( ملهمتى ))
اكتر كلمة قولتها وندمت عليها ((معتقدش بصراحة بس عموما كلمات احترام لناس اكتشفت أنها لا تستحق ))
أكتر كلمة بقولها فى يومى هى (( last game ))
أفضل اعيش فى مصر ولا برا مصر (( والله انا شايف ان مصر افضل بس لو هتحققلى احلامى
بس انا عارف انى مش هقدر احقق احلامى هنا يبقا برا افضل))

dr_ayota كتب:

رحال كتب:

براحتك يا عهود
كلو من ايوت
:ddsax:

هو انت وصاحبك عليا

يا نهااااااااااااااااااااار مش معدى
دا احنا هنشوف ايام ما يعلم بيها غير ربنا يا بيبو
هههههههههههههههه
لا يا ايوت بنهرج طبعا

بسملة كتب:

الاتنين جزء واحد من رحال
أعتقد أن قلبى بيعطى الأمر لعقلى
وعقلى يفكر فيها بكل جوانبه
ويوافق عليه



عجبنى ردك جدا

بجد تسلم ايدك الى كتبت الرد الرائع ده

تسلميلى بسملة ويارب دايما كدا تعجبك كلماتى
وتحمسينى كدا على طول

شكرااااااااااااا بسملة زوق وربنا

عالم سمسم كتب:

انا جيت

صحيح متأخر بس متابعة يعنى

خدلك سؤالين على ما قوسوم كده

يالا بسم الله

" دمعة " و " ابتسامه " و " نظرة شفقه " لمن تهديها؟

و
"لو اهلك فصلوا عنك النت , هتعمل اييييييه؟؟؟"

يالا جاوب على ما الف واجيلك تانى

سمسمة منووووووورة والله
ووحشتنى ردودك
انا عارفك دلوقتى بتقولى ياواد انجز ورد انتا هتهرج
هههههههههههههههه
دمعة " بدون كذب للوطن العربى كلو و " ابتسامه " لكل اللى ساكن قلبى و " نظرة شفقه لأشخاص بيحاولو يشوهونى
لو اهلك فصلوا عنك النت , هتعمل اييييييه؟؟؟"
بسيطة هروح اقعد فى اى سيبر هههههههههه
لا بجد مش هينفع لأنى بدرس تعليم عن بعد دلوقتى يعنى
النت ضرورة مينفعش اتخلى عنها
وهما كمان بيستفيدوا بيه فى حاجات كتيرة اقلها
بيكملوا أخواتى اللى مسافرين عليه

NO WAY كتب:

هع هع هع
انا جييييييت
انا كنت ماسك بيبو
ودلوقتى همسك رحاااال


سؤال بسيط اوى
لو زعلت من حد سواء حصل سوء تفاهم او غيروا
تروح تقولوا انا زعلان منك علشان كذا وكذا
تسامحوا وخلاص
تزعل منوا وتكلموا بقرف
ولا تزعل وتفك منوا
اخر


لو اخر قلى يبقى اية

هلالالالا عموووووور نورت يا باشا
ما تخليك مع بيبو شوية
كلكو عليا ولا ايه
هههههههههههههه
نيجى للجد
والله يا عمور على حسب الشخص وعلاقتى بيه
يعنى مثلا لو قريب بروح واقولوا انا زعلان من كذا وكذا
لأن جايز هوا يكون عندو مبرر للى حصل
لكن لما بتبقا ناس مش ليا علاقة بيهم اوى
بزعل ومش بكلموا
يعنى مثلا لو زعلت من بيبو
مينفعش ازعل ومكلموش لا طبعا
لازم اروح واقولوا ونحل المشكلة
واللى غلطان بيعرف انو غلطان
وخلاص خلص الحوار
لكن لو شخصية بعيدة وعرف غلطوا وعند ومش رضى يعترف بيه
يبقا هوا حر
بس

sharingan كتب:

منور الكرسي يا رحال و ربنا يعينك على الأسئلة

شارنجاااااااااااان فينك يا مان
كل دى غيبة
وحشتنا يا باشا
مسيرك هتيجى مكانى
هههههههههه متقلقش

a white rose كتب:

عندي سؤال لك يا رحال ولبيبو في نفس الوقت

لو كنت مديرا لهذا المنتدى ما هي الأشياء والقرارات التي كنت ستتخذها

منووووووورة والله يا روز
سؤالك صعب اوى على فكرة
وطبعا الأفكار مش بتيجى فى لحظة
بس عموما من خلال تجاربى القليلة فى المنتديات
كنت ههتم جامد اوى بالبرامج ويبقا ليها قسم لوحدو
يعنى مش شرح البرامج وكدا
الاهتمام بالبرامج من أكتر الحاجات اللى بتنشط المنتدى
وكنت هعمل قسم رياضى يهتم بالدوريات العربية والأوروبية
لأن طبعا كلنا عارفين أهمية الرياضة دلوقتى
ينزل فيها مواعيد المباريات وتحميل للأهداف وهكذا
طبعا طبعا أنا عارف ان الكلام ببلاش وسهل
لكن التنفيذ صعب جدا بس بصراحة شايف إن الحاجات دى بتنشط المنتدى جدا
وعلشان أنجح فيهم لازم يكون معايا اشخاص بثق فيهم جدا ومتابعين للمنتدى24 ساعة وكل واحد يكون ليه مكانوا
فى الأهتمام بأخر الاهداف والمباريات والبرامج وهكذا
للقسمين فقط لازم يكون ليهم ناس متفرغة لا يقل عددهم عن 7 أو 8
علشان يقدروا يرفعوا البرامج والاهداف بأسم المنتدى
مش ندخل منتتديات تانية نجيب روابط البرامج وخلاص
تقريبا دا اللى فى دماغى حالياً
شكراااااااااا روز على سؤالك الجامد اوى دا

عموووووور
تسلملى يا غالى على النصيحة وبجد هحاول اعمل بيها

شارنجان واثق اوى انك مش هتقعد ليه ياخويا
هيا ديتها موضوع جديد ويتكتب فيه
شارنجان على الكرسى
ساعتها هتلاقى الاسئلة مطر على دماغك
وطبعا انتا عارف ايه هيكون اول سؤال

سؤال خفيف لذيذ يا
رحــــــــــــــــــــال

سسب أسمك المستعار ( رحـــال )؟؟

شخص جرحك جرح كبير اوووووى ولو عرفت انو بين الحياه والموت وامنيته الوحيده انك تسامحو هتسامحو ولا لاء ؟؟؟
حد ظلمك قبل كداااا؟
بتحب تبئه ظالم ولا مظلوم ؟
ايه الموقف الا انته عملتو وندمان اشد الندم عليه ؟؟؟
لو عرفت ان فى حد زعلان منك هتعمل ايه ؟؟؟
ما رايك فى
الصدق
الاخلاص
الحب
الحياة
الوفاء
الصداقة

beebooo2008 كتب:

سؤال خفيف لذيذ يا
رحــــــــــــــــــــال

سسب أسمك المستعار ( رحـــال )؟؟

منوووووووووووووووور يا بيبو
هقولك ليه سميت نفسى رحال
طبعا سميت مش سممت ههههههههه
بص هوا بالنسبة ليا بالأخص أول ما سمعت
حاجات كتيرة عن الترحال ودا كان من محمد منير
بصيت للأسم شدنى جدا وأكتشفت إن جواه معانى كتيرة
بس

يعجبنى عنادى كتب:

شخص جرحك جرح كبير اوووووى ولو عرفت انو بين الحياه والموت وامنيته الوحيده انك تسامحو هتسامحو ولا لاء ؟؟؟
حد ظلمك قبل كداااا؟
بتحب تبئه ظالم ولا مظلوم ؟
ايه الموقف الا انته عملتو وندمان اشد الندم عليه ؟؟؟
لو عرفت ان فى حد زعلان منك هتعمل ايه ؟؟؟
ما رايك فى
الصدق
الاخلاص
الحب
الحياة
الوفاء
الصداقة

عهوووووود عجبتنى اوى الاسئلة دى والله
لأنى حاسسها بجد ومش حاسسها يعنى بتخيلها لأ انا بقصد أنها حصلت
ندخل على الجد
لو حد جرحنى اوى وامنيتو انى اسامحو
أعتقد أنى هسامحو وهنسى اللى عملوا
يمكن يكون مش ببساطة بس اكيد اكيد هسامحوا ولكن طبعا
لازم أتاكد انو ندمان على اللى عملوا فيا
ولازم اتاكد انو فعلا رجع عن كل جرح ليا
ساعتها بس هسامحو من قلبى اقسم بالله
السؤال التانى
حد ظلمك قبل كدا ؟
اه أتظلمت طبعا مفيش حد بيخلى من أنو يتظلم
يعنى تقريبا فى خلال شهر أتظلمت مرتين
واحدة منهم عرفت
أثبت أنى مظلوم
لكن فى التانية كل الناس عارفه أنى مظلوم الحمد لله من غير إثبات
إلا اللى ظالمنى
ولحد دلوقتى مش عارف هوا مصمم يظلمنى ليه
مع أنى حاسس أنو بدأ يرجع عن ظلموا
ربنا يبعد عنا وعنك الظلم يارب يا عهود
ايه الموقف اللى عملتوا وندمان أشد الندم أنى عملتوا
ياااااااااااااه صعب أوى يا عهود لأن كلنا بشر وبنغلط
طبعا مش هقدر أحكى بتفاصيل لأنى مش قادر افتكروا
بس الحمد لله رجعت عنو وراضيت اللى عملتوا فيه
وسامحنى
ويمكن كان هوا أكتر إنسان علمنى يعنى ايه تسامح
لو عرفت أن حد زعلان منى هعمل ايه
هروح واكلموا وافهم منو زعلان ليه
يمكن يكون فى سوء تفاهم أو حاجة
ودى نصيحة من اخويا عمور احلى ادمن
الصدق : معانى كثيرة فى خمس حروف ، صفة الأنبياء والصحابة
الأخلاص : اسمى معانى الحب بكل أنواعه
الحب : الحب دا كل الحياة من اخ او اب او زوجة او او او او
الحياة : رحلة قصيرة للوصول للبداية وهى الأخرة
الوفاء : صفة بنفقدها رغم أهميتها الا من رحم ربى
الصداقة : كنز الدنيا

شكراااااااااااااا عهود على اسئلتك الجامدة جدا