يالهوووووووووووووووووووى
ال شوية اسئلة ال
هههههههههه دول شروة اسئلة
عموما عيونى ليكى يا سمسمة هجاوبك بإذن الله
استرها علينا يارب
مقاس حذائك (اكرمكم الله)؟؟ 41
بتحب تسمع لمنير؟ وليه؟اه بحب أسمعلوا ، ودل لأن منير أولاً مختلف ثانيا قوة الصوت
وكمان منير بيغنى نوع مختلف خالص فى الغناء
يعنى الكل بيغنى حبيبى بحبك أو سبتنى ليه ولا خانتنى وكلام محفوظ
لكن هوا بيكتشف أنواع جديدة من الكلمات و المزيكا
بتفضل لون العيون لاى شخص سواء بنت او ولد يكون ايه؟
والله يا سمسمة اى لون بيبقا حلو بس اللى بيعجبنى أكتر حجمها
يعنى بحب جدا العيون الواسعة
رنة تليفونك ايه؟ (كان عند بيبو السؤال ده قبل كدا)
اهو دا بقا بالأخص سؤال لذيذ جدا عارفه ليه
لأن تليفونى ملوش رنة
والله رنه مش عارف بتاعت ايه هيا فى التليفون نفسو
دا كويس أنو بيتكلم اصلا
تفتكر مين احسن ابو تريكة ولا شيكابلا؟
طبعا أبو تريكة لأن اللاعب اخلاق وتاريخ قبل المهارة
مع العلم أن شيكابالا لسه صغير جدا بس فى المستقبل المفروض يبقا لاعب عالمى
حبيت فى قصة حب قبل كدا ( مع الاعتذار للاستاذ احمد حلمى اها حبيت ومازلت مستمر
لو قابلت حد غالى عليك قوى بس بيعمل حاجات غلط نقول بيدخن مثلا وهو دماغة مصدية يعنى وانت عاوز تقوله بلاش هتستخدم ايه فى حججك عشان تقنعه؟؟بصى مش هقولوا اى حاجة خالص بالعكس هعزم عليه بسيجارة
هههههههههههههههههه
لا والله بجد لو غالى عندى وبيعمل حاجة غلط هحاول أقنعوا بأى شكل
وانا واثق مادام أنا مقتنع يبقا عندى حجج تقدر تقنعوا
إنما لو مش أقتنع يبقا مش فى ايدى حاجة غير أنى ادعيلوا بالهداية
وعلشان هوا غالى هفضل معاه مهما كان وللأخر
لكن لو حد عادى خلاص هوا حر
حلم حلمته زمان والحمد لله اتحقق دلوقتى؟
يااااااه فى احلام كتيرة اوى الحمد لله منها اللى اتحقق ومنها اللى مش اتحقق
حلمت أنى الاقى نفسى ولقيتها الحمد لله إلى حد ما
حلمت يبقا عندى مشروع كدا والحمد لله هيكمل اهو الفترة الجاية
اكتر كلمة بتحب والدتك تقولهالك (نصيحة . اسمع دلع . شتيمة . اى حاجة يعنى)بتحب دايما تقولى مجنون
مدرس فى المدرسة عمل معاك موقف باااااااايخ
مدرس ايه وايه هو الموقف؟يا نهاااااااااااااار مش معدى دا فى كتير اوى
دا حياتنا فى الثانوية كانت كلها حوارات بالشكل دا
ولو قعدت احكى مش هخلص حتى لو موقف واحد
بس عموما قعدت سنة كاملة اتفصل يوم الخميس والسبت والاحد
بسبب مدرس واحد
كان بيدى انجليزى
وما اكتر المواقف البايخة من المدرسين يعنى هقولك حاجة
واحنا فى الثانوية كان فى مدرس العربى بتاعنا عقلوا على ادو جدا اقسم بالله
بيصمم نجيب الكتب وكشاكيل والكلام دا وطبعا محدش بيجيب حاجة
فكان كل يوم الحصة الاولى نتخانق ويقدم فينا شكوى ويكتبنا غياب وهكذا يعنى
احلى موقف بقا المدرس دا كان بيحبنى حب اللهى لا يوريكى
وكان فى فى العربى كتاب القصة
كان ييجى جنبى وهوا ماشى بيقرأ فى القصة بصوت عالى
الاقيه وقف جنبى ويروح خابط على كتفى ويقولى
وقفنا فى صفحة كام اخر مرة فى القصة يا اسلام
اقولوا مش فاكر يا استاذ والله دا احنا اخر مرة واخدين قصة من اسبوع
يقولى مليش دعوة افتكر
ويفضل مصمم انى اقولوا وانا بصرخ
طيب اسالنى اى حاجة فى اللى خدناه هجاوبك مش تقولى فى صفحت كام انا مالى ما نقف فى اى مكان
وهوا دماغو على ادو جدا وعندت معاه اقولوا والا مش هيحصل طيب
وطبعا مكنتش بقولوا ويكتبنى غياب وانا موجود وانزل للمدير يفصلنى علشان بزعق فى الاستاذ
اروح طالع على الادارة التعليمية اثبت انى موجود ومكتوب فى الغياب
وطبعا تحصل لهوة فى المدرسة بسبب الادارة
وهكذااااااااااااا تستمر رحلتى مع الثانوية لمدة 3 سنين
تفضل زوجتك تكون بتعمل ولا لأ
الثلاثاء أبريل 21, 2009 6:51 pm
