بيبو مطلوب حالا تحت الميكرسكوب

انا جيييييييت

بص بقى انت قولت وصيه فى غاااية الاهميه وهى
الصلاه
فى بقى شباب كويسين وكل شىء بس للاسف الصلاه مش فى دماغهم اصلا
هتكلم بشكل شخصى شوايه وهتكلم عن شباب انا معاشراهم (اخواتى)
فى الصلاه مكبرين دماغهم باكبر ما يمكن ربنا يهديهم يعنى
ولا يمكن طبعا واحده اصغر منهم بست وسبع سنين هتنصحهم وتعمل عليهم ازهريه
على حد تعبيرهم يعنى ازااى يعنى انصحهم ما تجييش طبعا
المهم اللى اقصده من الرغى دا كله اييه من وجهة نظرك اللى بيخلي
للاسف اغلب شبابنا دلوقتى ااخره صلاة الجمعه ؟؟؟

للأسف يا ازهرية دلوقتي معظم الشباب فعلا
بيعمل كده ولو بصينا هو بيعمل كده ليه
هتلاقي هو نفسه مش عارف بس غالبا بيكون
كسل وعدم اصرار على عدم تضييع الصلاة
والاستهوان بها ومن العوامل الكبيرة والمؤثرة
برضه واعتقد انها العامل الاساسي
هي التسويف وهي ان الشخص بيقول انا هصلي
في البيت كمان شوية وتعدي الشوية يقول هصلي بكرة
يعدي اليوم يقول هصلي الاسبوع الجاي وهكذا
حتى يبتعد عن الصلاة وتصبح ثقيلة عليه كما الجبل
وللاسف والصلاة لابد من مداومتها والحرص على ادائها
في وقتها والتعود على ذلك لان تضييع فرض منها
يؤدي في الغالب الى اضاعة باقي الاوقات واضاعة
يوم يؤدي الى اضاعة باقي الايام وهكذا حتى يصبح الشاب
وتضبح صلاته هي الجمعة فقط ومرة في مرة يترك ايضا
الجمعة ولو رجع للوراء وراى ما يفعل ما صدق نفسه
انه وصل لتلك الحالة ولكن من فرط في وقت فرط في باقي
الاوقات ومن فرط في يوم فرط في باقي الايام ..

(انا جاوبتك وبتكلم على نفسي برضه والاسباب دي
بتحصل معايا انا شخصيا لاني للاسف مقصر في الصلاة
ربنا يهديني ويهدي الجميع يارب)

المشكله ان ساعات بيكونو ما شاء الله ملتزمين وما يسيبوش فرض
وساعات بقى التسويف على رايك يشتغل وواحده واحده
كل الفروض تضيع

ربنا يهديك ويهدى محمد واحمد ياااااااارب

سؤالى بقى
فى سؤال تحب تساله لازهريه ولا لا
ولو فى اكيد اييه هوا ؟؟

احييك علي كلامك وصراحتك بيبو
عارف عايزة ازود حاجة كمان
انا كنت لوقت قريب بسمع اغاني كتير جدا
عارف من يوم ما سبتها والله حسيت اني قربت من ربنا اكتر
فعلا الاغاني دي لهو الحديث
يعني مثلا لو حد رفع علي الفيس بوك اغنية والشيطان اغواني وقالي اسمعيها الاقي نفسي سبحان الله اتخنقت وصدعت ومش ليه نفس للصلاة
فلازم فعلا نبعد عن الاغاني خااااالص
اعتقد دة في صالح انتظامنا في الصلاة باذن الله

وبما اننا بنتكلم على الصلاه فيالنا كلنا نستعيذ بالله
من الشيطان ونقوم نصلى العشاء ونرجع تاااااانى

يااااارب يهدينا جميعااا

اقتباس :: فى سؤال تحب تساله لازهريه ولا لا
ولو فى اكيد اييه هوا ؟؟

اكييييد في سؤاااال طبعا
واكيد كماااان انتي ليكي موضوع خاص
على الكرسي وهتشرفيه ان شاء الله
بس سؤالي كده هنا دلوقتي عالماشي كده

انتي بتستجيبي بسرعة في اعترافك بخطأك ولا لأ ؟؟؟

اقتباس :: فلازم فعلا نبعد عن الاغاني خااااالص
اعتقد دة في صالح انتظامنا في الصلاة باذن الله

اكيد يا اية كلامك مظبوووط جداااا
يارب تب علينا يارب وابعد الشيطان عنا ..

اقتباس :: وبما اننا بنتكلم على الصلاه فيالنا كلنا نستعيذ بالله
من الشيطان ونقوم نصلى العشاء ونرجع تاااااانى

اعوذ بالله من الشيطان الرجيم
جزاك الله خيرا ازهرية
يلااا نقوووم

انا جييت

اقتباس :: انتي بتستجيبي بسرعة في اعترافك بخطأك ولا لأ ؟؟؟

ربنا يشهد على اللى هاقولو
بجد مش من النوع اللى بكابر ابدا الحمد لله وبعترف
وعلى فكره بحترم جدا جدا اللى يقولى ايه خدى
بالك انتى عملتى حاجه خطاْ

اشكرك بيبو

وهفكرلك فى سؤال جاامد ولى عوده

اسمحلى احييك على ذكائك يا بيبو
واختيارك سؤال فى وقتو جداا

ازيك يا بوب انا اسالتى مش صعبه بس عايز اعرفك اكتر ماشى
1- بتصلى
2- اكتر نادى بتحبه
3-اكتر لاعب بتحبه
4-اكتر مكان نفسك تروحوا فى مصر
5-اكتر مكان نفسك تروحوا فى العالم

انتهت الاسئلة مع امنياتنا بالنجاح والتوفيق

والله يا اية اكتر حاجة ممكن تدمر حياتنا
هي المكابرة وعدم الاعتراف بالخطأ
والعكس طبعا الاعتراف بالخطأ واننا كمان
نحترم ونسمع لما حد يقول انت غلطت في كذا
وابدأ اصلح من نفسي في النقطة دي
اعتقد ده افضل شئ ....

اقتباس :: وهفكرلك فى سؤال جاامد ولى عوده

مستنــــــــــــــي

اقتباس :: اسمحلى احييك على ذكائك يا بيبو
واختيارك سؤال فى وقتو جداا

لو انتي فهمتي قصدي وبتحييني على ذكائي
لازم انا كمان احييكي على سرعة استجابتك وفهمك ..

اقتباس :: ازيك يا بوب انا اسالتى مش صعبه بس عايز اعرفك اكتر ماشى

اهلااااا حبيبي محمود انت تشرفني يا جميل في اي وقت
وانا يسعدني انك عايز تعرفني اكتر

اقتباس :: - بتصلى

الحمد لله بس زي ما ذكرت في اسئلة قبل دي
اني مش منتظم وللاسف بكسل في اوقات كتير ...

اقتباس :: - اكتر نادى بتحبه

عموما انا مش بتابع كورة كتير
بس ممكن اميل للزمالك محليا وبرشلونة دوليا ..

اقتباس :: -اكتر لاعب بتحبه

زين الدين زيدان قديما - ميســـــي

اقتباس :: -اكتر مكان نفسك تروحوا فى مصر

ممكن اقول اســــــــوان

اقتباس :: -اكتر مكان نفسك تروحوا فى العالم

بحب جدا الاماكن الرايقة اللي بتكون فيها الطبيعة
جذابة وخلابة وفيها مغامرة زي شلالات وكده
يعني ممكن نقول البراززيل ...

اهلا بيبوو

ماهو شعورك ( مش موضوع شعوك الان لالا انا عاوزة الاحساس بتاعتك يعنى شعور كبرضة)
عندما يطرح عليك سؤال تعجز عن الرد عليه؟
يقال المنزل ... مملكة المرأة ... هل أنت سيد البيت ؟فى المستقبل يعنى
]الأم ... حضن ألفناه صغاراً .. ونحتاجه كبارا ..
ماذا تعني هذه الكلمة بالنسبة لك ...؟؟
سؤال ترفيهى
توقيع لفت إنتباهك بالمنتدي؟

اهلين حبووووبة من جديد

كنت هكتب شعوري الآن
هههههههههههههههه

اقتباس :: عندما يطرح عليك سؤال تعجز عن الرد عليه؟

شعور مختلط بين العجز والفضول لمعرفة الجواب ..

اقتباس :: يقال المنزل ... مملكة المرأة ... هل أنت سيد البيت ؟فى المستقبل يعنى

مش بحب كلمة سيد لانها للاسف رسخت عند
الناس كلها مش البنات بس ان سي السيد
اللي يامر وينهي وهما عبيد تحت رجليه
طبعا ما ينفع يكون حد كده لازم يكون في حب واحترام
متبادل واكيد الرجال قوامون على النساء ..

اقتباس :: الأم ... حضن ألفناه صغاراً .. ونحتاجه كبارا ..
ماذا تعني هذه الكلمة بالنسبة لك ...؟؟

تعني كل شئ وللاسف الكثير منا يبتعد عن
هذا الحضن الجميل الذي طالما نشعر فيه
بالامان ولكن هي سنة الحياة من حضن الام الى
الزوجة الى الاولاد وهكذا ..

اقتباس :: توقيع لفت إنتباهك بالمنتدي؟

في توقيعات كتير بصراحة
بس ممكن الاكتر وعجبني اوووي
توقيع كان عامله بيرث صديقنا هنا في المنتدى
لاختنا رووووز من فترة ..

تسلمي حبوبة على الاسئلة الجميلة

انا مش داخله اسال انا داخله ادعيلك يا خوياا ههههههههه

ربنا معاك اخي
بيبو مطلوب حالا تحت الميكرسكوب - صفحة 9 873394

لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما

هي جملتك لكل واحد فيهم ..

جمال عبد الناصر

ياسر عرفات

حسنى مبارك

معمر القذافى

انور السادات

صدام حسين

مش قلتلك هرجعلك بسؤال جاامده
يلا ربنا يعينك

اقتباس :: انا مش داخله اسال انا داخله ادعيلك يا خوياا ههههههههه

ربنا معاك اخي

يارب يكرمك اختي دايما كده
من زمان وانا متقطع وبتدخلي تدعيلي ..

أزهــــــــرية منووووراني
شكلك مستحلفالي المرة دي
يارب استـــــــــــر

اقتباس :: لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما

هي جملتك لكل واحد فيهم ..

اازورهم انا بس وهتشوفي هعمل فيهم ايه

جمال عبد الناصر

اكيد لو كنت قابلته كنت هقوله
لو حكمت بالشرع الاسلامي واتبعت سنة النبي
جمعت الدنيا والآخرة ...

ياسر عرفات

اقوله الاية الكريمة
(( ولن ترضى عنك اليهود ولا النصارى حتى تتبع ملتهم ))

حسنى مبارك

الدنيا دار فناء والاخرة دار بقاء
فاعمل لآخرتك حتى تلقى الله بعمل يشفع لك يوم القيامة
واتق الله في رعيتك فانت المسؤول عنهم ..

معمر القذافى

(( المؤمن كيس فطن ))
فافهم ما تقول وتكلم بما تعرف ...

انور السادات

الاية القرآنية

(( فخرج على قومه في زينته قال الذين يريدون الحياة
الدنيا ياليت لنا مثل ما أوتي قارون انه لذو حظ عظيم ،
وقال الذين أوتوا العلم ويلكم ثواب الله خير لمن آمن
وعمل صالحا ولا يلقاها إلا الصابرون،

فخسفنا به وبداره الأرض فما كان له من فئة ينصرونه من دون الله وما كان من
المنتصرين))

صدام حسين

وظف قدراتك وقوتك وعقلك وحكمتك وهيبتك
في خدمة الاسلام والمسلمين وهب لنصرة المستضعفين
من اخواننا المسلمين ..

بجد سؤال صعب
وانا تقريبا اتسئلت زيه قبل كده من اية
بس كان كلمة توجهها لحاكم ظالم وما عرفت اجاوب
فعلا الموضوع مش سهل
((ومن يؤتى الحكمة فقد اوتي خيرا كثيرا ))

تسلميلي ازهرية

الشخصيات الجامده لازمها اسئله جامده بردو

بس حقيقى احييك على اجابتك

الله يكرمك ازهرية من زوووقك
صحيح هو مش كلامي بس اكيد الاقتباس
من القرآن الكريم والسنة النبوية
ما فيش اعظم منهم في علم الكلام والاقناع ..

حكمه اتقالتلك سواء من اب او معلم او صديق ايان كان

ولسه ماثره فيك الغاية دلوقتى وفاكرها بالنص

ياترى ايه هيا ومن مييييين ؟؟

هههههههههههههههههههههههههههههه
هو الميكرسكوب ده غير الكرسي
هسالك سؤال ماخطرشي ع بال حد
مبسوط ؟؟؟؟؟؟؟؟؟؟؟؟؟؟؟؟؟؟؟؟؟
بيبو مطلوب حالا تحت الميكرسكوب - صفحة 9 156107

ودول بره الميكرسكوب
ازيك يا بيبو ؟؟؟؟؟؟؟؟؟
ايه اخبارك ؟؟؟؟؟؟؟؟؟؟؟
انا هخلص امتحانات وهاجي اقعد مكانك
ماشي؟؟؟

اقتباس :: حكمه اتقالتلك سواء من اب او معلم او صديق ايان كان

ولسه ماثره فيك الغاية دلوقتى وفاكرها بالنص

ياترى ايه هيا ومن مييييين ؟؟

في فعلا حاجات كتير وناس كتير نصحوني بحاجات
بس الاكتر واللي ماثرة فيا وحافظها وبعمل بيها فعلا
كانت من والدي وقالي ما تاخدش شخص واحد يكون
قدوة ليك غير الرسول عليه الصلاة والسلام
غير كده كلنا بشر ومش معصومين من الخطا
فلو هتاخد خد من ده الكويس ومن التاني الاحسن
وما تقفش عند حد معين ...

وفي كمان حاجة كنت مرة واقف في المحل عندنا
وبعدين واحد عادي زبون ما اعرفوش اتكلم معايا وحكالي
موقف كده غريب شوية المهم اني استخلصت منه
ان السعادة عمرنا ما هنقدر نشتريها بالفلوس ...
دي برضه اثرت فيا اووووي ..

سؤالك رائع ازهرية

ياسمينـــــا هنا بجد نووورتيني كتير
والميكروسكوب هو الكرسي ما فيش فرق
اللي حصل ان الموضوع رجع من جديد
بناءا على طلب الاعضاء
هههههههههههههههههههه
شكلك جايبة اسئلة من الآخر
ربنا يستـــــــر

اقتباس :: هسالك سؤال ماخطرشي ع بال حد
مبسوط ؟؟؟؟؟؟؟؟؟؟؟؟؟؟؟؟؟؟؟؟؟

سؤال جديد من نوعه
والله يا ياسمينا لو قلتلك مبسوط ابقى بكدب ولو قلت
مش مبسووط برضه هبقى بكدب علشان كده هقول
الحمــــــــد لله على كل حـــــــال

وبرة الميكروسكوب انا الحمد لله بخير
واخباري كويس الايام بتعدي شبه بعضها غالبا
والامتحانات خلاص قربت ربنا يستر
وباذن الله تخلصي وتيجي تقعدي يا سلاااام
ما حد هيقولك لأ بس تستحملي اللي هيحصلك ..
هههههههههههههه
نوووورتيني بجد ياسمينـــا

يا سلااااااااااام على اّباءنا بنتعلم منهم الكثييير والكثير
حكمه طبعا ولا اروع من كده اللى قالهالك والدك
ربنا يباركلك فييه
يمكن بابايا انا تقريبا عمره ما قالى نصيحه كده مباشره
بس بتعلم الكثيير من تصرفاته وافعاله مش عارفه بيكون
هوا قاصد ولا لا بس فى النهايه ادينى بتعلم وبستفيد منه
ربنا يخليهم لنا يااااااارب

اسيبك ترتاح شوايه وهرجعلك تانى
وادينى بدربك على الامتحانات وببلاش اهوه
بس اعتقد انا ارحم